2 Gawˇliˬtu 10:12 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Nga’maf-aq, yawqhar yawqha ciqpoeq-eu tsawrhaq-anr maq ciqcaev peuq-aer, aqyawf maf-euq armur-anr maq keuqlerpeuq nya. Aqjeq mirnae aernar-aq, aqyawf maf-aq, tsawrganr maqanr-eu lof-aer, yawqha-euq yawkaq daeqdza haw-awr, tiqghaq tirghaq ciqcaev luf-eu mae.

Akha

¹² Yawˬ haˇ yawˬ ha maˬ gaˇ ma lehˇ noeˬ-eu tsawˇ haˬ kʼoeˇ deuˬ naˆ ni nga maꞈ kʼawꞈ maˬ gaˇ ma lehˇ maˬ ehˇ peuˬ-eu uˬ taꞈ, aˬ yawꞈ maꞈ-ahˇ maˬ ciˬ cehˆ leˇ peuˬ nya. Aˬ yawꞈ maꞈ aˇ naˆ ni dzawˬ-eu nga. Yawˬ haˇ yawˬ ha daˇ dza dza-awˇ, yawˬ haˇ yawˬ ha sawˇ poeˬ-eu meh.

2 Gawˇliˬtu 10:12 ပူးပေါင်းရင်းမြစ်များ

Dawqdaq 25:27

Byaquir ardzaeq dzaqdzeur-eu maqmuiq-eu lof-aer durni, Yawqha khanqsaer za’ni, sharpov-eu khawf maqmuiq-a.

Dawqdaq 26:12

Nawr, yawqhar yawqha yawganr ma laer haw-eu tsawrhaq-anr mawrhaw-euq ma laq? Aqdzawq argan khawf, heughaq-anr navmaqtser noeqtmqkhar za-eu mae.

Dawqdaq 27:2

Yawqha-euq khaqmae nae yawqhar yawqha taq jaceuq, Aqcawq nae bi jaceuq-awq, Yawqha-euq maeqluq nae maqngeur-eu, Maqsiq maqsux-eu deuq nae bi jaceuq-awq.

Luˇkaꞈ 18:11

Paqliqsaer khoerghaq gawqyawf yawf-awr, guiqlanq heulof-aer shar-eu mae, ‘Miqyaer-or! Ngar-aq, aqcawq-anr maqdur-eu mirnae, nawq-euq guiqlanq-anr jaceuq ma. Aqcawq-aq, khaeqdzaq khavdzaq-eu tsawrhaq, maqdawr-aer maqtsaq-eu tsawrhaq hawr-eu banq-awr joe-eu tsawrhaq mae. Khoeruqtaf, ngar-aq, jeq taf-eu teughaq-anr khawf maqdur.

Lormav 15:18

Aqcawq tsawrjeuq tsawrca narhaqgeuf larni, Kali, ngaq-anr ghoe-awr ngaq-euq dawq hawr-eu ngaq nae mr-awr shar-euq jeq bi pyeufler-euq garkawv maqngeur nar-aq, ngar tiqjeq-iq maq aerpeuq nya.

2 Gawˇliˬtu 10:11

Nga’maf, nawmaf naeq-aer maqjawr ngae, nga’maf sanqbof bofanr lef-euq lof-aer, nga’maf, nawmaf naeq-aer jawr ngae khawf, aqdir heulof-aer janr taef-a laer, tsawrhaq khoerdeuq siqnya paq-aer ghae-eu mae.

2 Gawˇliˬtu 10:18

Aqjeq mirnae aernar-aq, yawqhar yawqha ciqpoeq-eu tsawrhaq-anr maqngeur-eu, Sanqpaq Miqyaer ciqpoeq-eu tsawrhaq-anr taef-aer hageuf paq-aer ghae-eu mae.

2 Gawˇliˬtu 3:1

Nga’maf, ardanq bae-awr, yawqhar yawqha ciqpoeq-eu laer parghae-eu nga lor? Tsawrhaq tiqpavnav deuq janr-eu lof-aer, aqcawq nae nga’maf-euq garkawv nawmaf-anr bofnaeq-euq, ciqpoeq-eu sanqbof yageuf-eu la laq? Maqngeur nar-aq, nawmaf nae nga’maf-anr ciqpoeq-euq sanqbof yageuf-eu la lor?

2 Gawˇliˬtu 5:12

Aqjeq mirnae aernar-aq, nawmaf-euq maeqshi nga’maf yawqhar yawqha ciqpoeq-eu maqngeur. Aerkhawf, nuima-euq lafkhoer aqjox-aer pyeufluf-eu gar maq sharnoeq-aer, lafnyir paw taf-eu jeq-anr taef-aer khanqsaer jaev-eu tsawrhaq-anr ngaeqkhof nya’ni, nga’maf-euq baqda’nae nawmaf khanqsaer bijaev-eu gharduq bofanr lef-euq ma.