2 Gawˇliˬtu 10:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Ngar-aq, nawmaf naeq-aer jawr ngae nuinanq nuiyu anr-awr, nawmaf naeq-aer maqjawr ngae-aq, nuima khaqduqni ghae-eu Pawrluv ma. Nymq-mr ngar, Kali-euq nuinanq nuiyu hawr-eu nuima nanqyuni ghae-eu lafkhoer, nawmaf-anr shar-eu ma.

Akha

¹ Naw maꞈ nehˬ-ehˇ jawˇ naˇ nui ma nahˬ jawˆ ni gʼeh-awˇ, naw maꞈ-ahˇ gaˇ mahˇ kaˬ gaˇ jawˇ naˇ nui ma huiˬ-eu gʼaˬ lehˇ naw maꞈ kuˇ-eu ngaˇ Pawˇluˆ naw maꞈ-ahˇ heu loꞈ-ehˇ shaˇ-eu ma. Ka li-euˬ nui nahˬ nui yu hawˇ-eu gʼawˬ shaˬ gaˬ-eu jeˬ laꞈ kʼoeˇ shaˇ-eu jeˬ pyeuꞈ-eu ma.

2 Gawˇliˬtu 10:1 ပူးပေါင်းရင်းမြစ်များ

Jaceuq 45:4

Yawtsaq yawdawr, nuinanq nuiyu hawr-eu tsaq-awr dawr-eu gharduq, Nawq-euq jaqlaq khanqsaer-euq lafkhoer ghaqler-euq ghaq lof-aer dziq-awr dov-ir-awq; Nawq-euq armar laf, nawq-anr yawzeu bawlar paq-aer ghae-eu jeq maeqnaeqlaf taef-a.

Maꞈtehˬ 11:29

Ngar-aq, nuima nanqyuni ghae-awr nuinanq nuiyu anr-eu ma. Nawmaf, ngaq-euq khavbaf baf-awr, ngaq-anr dzawgeuf-awq. Khoerlof-aer dzawgeuf nar-aq, nawmaf-euq nuima saflar ghaqnaq za taef-a.

Maꞈtehˬ 21:5

“Ziroq-euq zaqmiq-anr heulof-aer aernaeq-awq, ‘Hawsher-eq, nawq-euq Sanqpaq nuima nanqyuni, manq tanqlav-anr dziq-awr oeluf ngar-a, Manq tanqlavzaq-anr dziq-awr, nawr jawr-eu gar oeluf-eu mae.’ ” (Isy 62:11; Zkl 9:9)

Gʼaˬkʼehˇ 8:32

Aqyawf guiluf-eu Yaerbof khoertsanr-aq heulof-aer mae: “Aqyawf-aq, saef-eu laer bi tsanrghae-euq yawr-anr dur-eu mae. Cafhm taeq-eu tsawrhaq-euq maeqshi yawrzaq maqmanrni jawr-eu lof-aer, Aqyawf khawf khaqmae maq mrnga lar-aer ciqcurni jawrluf-eu mae.

Lormav 10:20

Aerkhawf, Irsaqyar nuima khaqduqni aer-eu, “Ngaq-anr maq sharpov-eu tsawrhaq-anr, Ngar, aqyawf maf-anr bi povmawr-awr, Ngaq-anr maqshar-eu tsawrhaq-anr, Ngar, aqyawf maf-anr byacaevni bimawr ma.” (Isy 65:1)

Lormav 12:1

Khoermirnae, aqyuif aqnyir deuq-or! Miqyaer-euq ghawqshaq gaq-eu jeq-euq baqda’nae, ngar, nawmaf-anr shar-eu ma. Miqyaer nuima tsaq-eu, shawrjaevni ghae-eu, daefluf-eu lawrnaeq-eu jeq lof-aer, nawmaf-euq mawrdo a’naeq-awq. Nawmaf heulof-aer mr-eu-aq, aqdir uqduq tanq-eu jeq pyeuf-eu mae.

Lormav 15:15

Aerkhawf, ngar, nawmaf-anr garkawv tiqdeuqnav aernoeq naeq-eu laer, nuima khaqduqni nawmaf-anr sanqbof bofanr laf-euq ma. Miqyaer, ngaq-anr guiqlanq yawdzanr bifnaeq laf-euq baqda’nae,

1 Gawˇliˬtu 2:3

Ngar, nawmaf naeq-aer jawr ngae, ghaq tiqpawf-iq maqanr-aer, guv duidui-eu lafkhoer yawdzuq gan’gan-aer jawr-euq ma.

1 Gawˇliˬtu 4:10

Nga’maf, Kali-euq gharduq aqdzawq argan pyeuf-eu khawf, nawmaf-aq, Kali-euq lafkhoer tsawrganr anr-eu tsawrhaq ngar-a! Nga’maf ghaq baq-eu khawf, nawmaf ghaq khav-eu ngar-a! Nga’maf-aq, hawteq hawdoer-eu gar yadaq-eu khawf, nawmaf-aq, myavpyawq narmaer jav-eu ngar-a!

1 Gawˇliˬtu 4:21

Nawmaf aqjox-aer geufmawf-eu nya? Ngar, nawmaf jawr-eu gar darcuir yur-awr bi larmawf-eu nya lor? Maqngeur nar-aq, gaq-eu lafkhoer nuima nanqyuni bi larmawf-eu nya laq?

2 Gawˇliˬtu 10:10

Aqjeq mirnae aernar-aq, aqyawfmaf aer-eu, “Aqyawf nae bof-euq sanqbof-aq, kan duidui-awr, baoq khav duidui-eu khawf, aqyawf-euq mawrdo heugar jawr nar-aq, tiqpawf-iq ghaq maqanr-aer, aqyawf-euq dawq-aq shiqma maqnaf-a.”

2 Gawˇliˬtu 10:2

Nga’maf shiqshaq-euq maeqnan daefluf-eu mae laer noeqluf-eu tsawrhaq-anr, yawduq baw-awr nuima khaqduqni janrnaeq ma laer ngar noeqtsaev taq-euq ma. Aerkhawf, ngar, nawmaf jawr-eu gar oekeuv ngae, nuima khaqduqni maqya janrni, ngar, nawmaf-anr tanqshar-eu ma.

2 Gawˇliˬtu 10:7

Nawmaf myav-anr mawrlar-eu lafnyir paw taef-aer haw-eu le laq? Tsawrhaq tiqghaqnav yawqhar yawqha, Kali-euq tsawrhaq ma laer yawduqbaw nar-aq, aqyawf, Kali-euq tsawrhaq pyeuf-eu lof-aer, nga’maf khawf Kali-euq tsawrhaq ngar-a laer aqyawf par sharnoeq paq-aer ghae-eu mae.

2 Gawˇliˬtu 11:21

Nga’maf khoerlof-aer janrni ghaqbaqbaq mir-a laer shafdawr-eu lafkhoer ya’aer-eu ngar-a! Aerkhawf, tsawrhaq tiqghaqnav aqjeq-euq garkawv-anr nae nuima khaqduqni ghae nar-aq, ngar khawf, nuima khaqduqni ghae ma. (Ngar heulof-aer ngaeq-eu-aq, aqdzawq argan lof-aer ngaeq-eu ma.)

2 Gawˇliˬtu 11:30

Ngar khanqsaer yajaev nar-aq, ngar ghaq baq-eu gawrkawv-anr taf-eu deuq taef-aer khanqsaer jaev ma.

2 Gawˇliˬtu 12:5

Ngar, tsawrhaq khoerghaq-euq garkawv khanqsaer jaev ma. Aerkhawf, ngaq-euq garkawv-aq, ghaq baq-eu garkawv maqngeur nar-aq, khanqsaer maqjaev.

2 Gawˇliˬtu 3:12

Aqdui heulof-aer noeqtmqkhar za-eu mirnae, aqdui nuima khaqduqni ngaeqpeuq tmrpeuq-eu ma.

2 Gawˇliˬtu 5:20

Khoermirnae, nga’maf-aq, Kali-euq danzar geufluf-eu ma. Miqyaer, nga’maf-anr ghoe-awr nawmaf-anr sharluf-eu gar dur-eu mae. Miqyaer-anr tsaqler dzoerler-awq laer nga’maf, Kali-euq danzar geuf-awr, nawmaf-anr tanqshar-eu ma.

2 Gawˇliˬtu 6:1

Nawmaf, Miqyaer-euq guiqlanq yawdzanr hageuf-euq khoer yawqngaef-aer taqbi pyeuf laer Miqyaer-euq gar mrcawq pyeuf-awr mrluf-eu nga’maf, nawmaf-anr tanqshar-eu ma.

2 Gawˇliˬtu 7:4

Ngar nuima khaqduqni nawmaf-anr ngaeqnaeq-eu ma. Ngar, nawmaf-euq baqda’nae khanqsaer jaevnya-awr, nuima sar-eu jeq byan mir-a. Nga’maf shaq-awr zanq-eu dawqtawv luf-euq lafkhoer khawf, ngar laqkhaqcaer duidui mir-a.

Gaˬlaˬtiˆ 4:13

Yawbae ngae pov, ngaq-euq mawrdo narlar-euq mirnae, nawmaf-anr guiqlanqdawq ya maeqnaeq-euq mae laer nawmaf siqnya-eu mae.

Gaˬlaˬtiˆ 5:2

Ngar Pawrluv, nawmaf-anr heulof-aer aernaeqmawf mir-a. Nawmaf bawkhov maeqdzaq yaeq-eu zanr tawq nar-aq, Kali, nawmaf-euq gharduq gardanr maqtsoeq-a.

Eˇpeˇsu 3:1

Ngar-aq, aqcawq tsawrjeuq tsawrca pyeuf-eu nawmaf-euq gharduq, Yeqsur Kali-euq baqda’nae, kuv-anr bi nyaefur taq-euq Pawrluv ma.

Eˇpeˇsu 4:1

Sanqpaq Yeqsur-euq gharduq kuv-anr urluf-eu ngar, nawmaf-anr heulof-aer shar-eu ma. Miqyaer, nawmaf-anr kur-euq lof-aer, kur-euq gar geuxni daef-awq.

Piˇliˇpiˆ 4:5

Nawmaf nuima nanqyuni ghae-eu gar tsawrhaq dawqtawvluf siqnya’ni daef-awq. Sanqpaq Miqyaer dawqpae jawrluf-eu mae.

Gawˇlawˇsehˇ 1:23

Nawmaf nae yagaq-euq guiqlanq dawq-anr taf-eu noeqtmq-eu jeq-anr nae maq jivdov-ir ni, jan-eu lafkhoer dawqpaeq zif-awr, zifdanni nyaeftaeqtaq nya-euq ngeur nar-aq, khoer-aq, mq-euq uqmov baetaq-euq yawqjeq navluf-anr dawqmaeq maeqnaeq-euq mirnae mae. Ngar, Pawrluv khawf khoer-euq gharduq kuirlaf zaqkhav geuflar-euq ma.

2 Teˇsaˬloˇni 3:17

Ngar, Pawrluv, “Nawmaf-anr dawqcawq puq-eu ma” laer ngaq-euq aqlaf nae sanqbof bofanr lef-euq ma. Ngaq nae kharbof-euq sanqbof yawqpur navluf ngaq nae bof-euq nga laer siqlarni heulof-aer saq taq-euq ma.

Piˇleˇmoˬ 1:19

Ngar-aq, Pawrluv ma. Dzirdzov khoer, ngar tsoeqnaeq ma laer ngaq-euq aqlaf nae, ngar sanqbof bofanr lef-euq ma. Nawq-euq mawrdo ngaq-anr dzirdzov dav-eu khoer ngar tiqjeq-iq maqcaw.

Piˇleˇmoˬ 1:9

Aerkhawf, ngar khoerlof-aer maqjanr. Ngar-aq, tsawrmawq mawqle-awr, Yeqsur Kali-euq gharduq kuv-anr khawf urluf-eu Pawrluv ma. Gaq-eu lafkhoer taef-aer ngar, nawq-anr heulof-aer sharmawf-eu ma.

1 Beˬtuˆluˆ 2:11

Ngar zawr gaq-eu aqyuif aqnyir deuq-or! Nawmaf-aq, aqcawq mirkhanq-anr jawrnaq mr-awr jawrzar sharpov luf-eu daqyan mae. Ngar, nawmaf-anr heulof-aer shar-eu ma, nawmaf-euq nuima saflar-anr guirdeuv deuvluf-eu shiqshaq-euq nuikhanr deuq-anr byaerdzae-awq.

Panmaeq 1:9

Ngar, Yorhaq, nawmaf-euq maernmr pyeuf-awr, Yeqsur Kali-euq daqcoer orcoer-eu jeq, Miqyaer uvlanr-eu jeq hawr-eu shaq-awr zanq-eu jeq-euq lafkhoer nawmaf-euq cawq khawf pyeuf-eu ma. Ngar, Miqyaer-euq dawq hawr-eu Yeqsur Kali-euq garkawv sarkir kamq-euq mirnae, Baqmor laer kur-eu irjawlanr-anr ya jawrluf-eu ma.