2 Gawˇliˬtu 1:9 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Yashir mae laer nga’maf-euq khoertav dartsaev taq-euq jeq jav-eu khoer-aq, nga’maf yawqhar yawqha maqghoe-aer, shir-euq gar nae bi ghofdaef lar-eu Miqyaer-anr taef-aer bighoe-eu gharduq mae.

Akha

⁹ Nga maꞈ-ahˇ bi shiˇ-eu gʼaˇ duˬ yaˇ kʼaˬ daˇ tsehˆ gʼaˬ-euˬ nga lehˇ nga maꞈ noeˬ-euˬ ma. Ehˇ kʼawꞈ, kʼoeˇ loꞈ-ehˇ pyeuꞈ laˇ-euˬ kʼoeˇ-aˬ, nga maꞈ yawˬ haˇ yawˬ ha maˬ gʼoe-ehˇ, shiˇ-euˬ tsawˇ haˬ-ahˇ bi gʼoꞈ dehꞈ laˇ nya-eu Miˬyehˇ-ahˇ tehꞈ-ehˇ gʼoe nya laˇ-eu gʼaˇ duˬ pyeuꞈ-eu meh.

2 Gawˇliˬtu 1:9 ပူးပေါင်းရင်းမြစ်များ

Jaceuq 22:29

Mirtsaq-euq smrmuiq smrbaw dawqtawvluf, yadzaq-awr uqduq yatanq taef-a; Mirtsaq-euq shaqjaev ghofpyeuf-ir-eu yawqghaq navluf, Yawqha yawqha maq daefnya-aer pyeuflar-euq deuq, Aqyawf-euq maeqshi ya awbyav taef-a.

Dawqdaq 14:32

Tsawrcawv-aq, yawqha-euq yawdoer-euq baqda’nae, Yabi taedzae-eu mae. Aerkhawf, tsaq-awr dawr-eu tsawrhaq-aq, Shir ngae khawf caevzafkhar za-eu mae.

Dawqdaq 28:26

Yawqha-euq nuima-anr ghoe-eu tsawrhaq-aq, aqdzawq argan mae. Aerkhawf, yawganr ganr-aer daef-eu tsawrhaq-aq, yabuq-ir taef-a.

Luˇkaꞈ 18:9

Yawqhar yawqha tsaq-awr dawr-eu tsawrhaq ma laer yawduq baw-awr, aqcawq-anr taqnyir-eu tsawrhaq deuq-anr Yeqsur yawjeq majeq dawq-anr nae heulof-aer aernaeq-euq mae:

Lormav 8:36

Yaerbof-euq lafkhoer boftaq-euq lof-aer, “Nawq-euq gharduq, nga’maf nan’ga-i saef-eu gar ya daqluf-eu ma. Nga’maf-aq, yabi saef-eu laer ghae-eu yawr lof-aer bi sawxtaq-euq ma.” (Jc 44:22)

2 Gawˇliˬtu 1:10

Aqyawf-aq, khoernavni khav-eu shir-eu jeq-euq lafkhoer nga’maf-anr bibuq-ir naeqlaf-awr, nymq-mr khawf bibuq-ir naeqlaf luf-eu uqtaf, aqkar khawf parbi buq-ir naeqlaf taef-a laer nga’maf, aqyawf-anr noeqtmq luf-eu ma.

2 Gawˇliˬtu 1:8

Aqyuif aqnyir deuq-or! Arhu nga’maf, Aqsir mircoer-anr jawr ngae yadaq-euq shaqzanq deuq, nawmaf-anr bi siqmawf mir-a. Nga’maf-euq khoertav keuvle-euq khavbaev ardzaeq kandzeur-eu mirnae, nga’maf maqpar yadaef-eu jeq mir-a laer noeq-euq ma.

2 Gawˇliˬtu 3:5

Nga’maf, yawqha-euq ghaq-anr ghoe-awr, yawqha taef-aer tiqjeqnav mrnya ma laer aer-eu maqngeur. Aerkhawf, nga’maf, Miqyaer-euq ghaq-anr ghoe-awr mrnya-eu gar aer-eu ma.

2 Gawˇliˬtu 4:7

Huiq-awr muiq-eu baoq heu-aq, nga’maf-anr nae maqngeur-eu, Miqyaer-anr nae dovle-euq ngar-a laer bisiqni, nga’maf poeq-eu myawqganq heu, mirtsaq oeqlanq-euq lafkhoer anrluf-eu ma.

HeˬByehˇ 11:19

Miqyaer, tsawrhaq-anr shir-euq gar nae bi ghofdaeflar nya mae laer aqyawf noeqjir-euq mae. Yawjeq majeq dawq zmq-awr ya’aer nar-aq, aqyawf-euq zaqyo shir-euq khawf par zakhof-euq gar dur-eu mae.