2 Gawˇliˬtu 1:4 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Miqyaer, aqdui-anr nuima bi sarlar-euq lof-aer, khaeq-awr khav-eu kharngeur-eu jeq-anr yadaq-eu tsawrhaq-anr nuima bi sarlar nya’ni, aqdui nae yadaq-euq khaeq-awr khav-eu yawqjeq navluf-euq lafkhoer, aqyawf, aqdui-anr nuima bi sarlar naeqlaf-euq mae.

Akha

⁴ Aˬ yawꞈ neh biꞈ leꞈ-euˬ ngehˬ gʼeh dah teˬ-eu jeˬ-ahˇ aˬ dui gʼoe-awˇ, shaˬ-eu zahˬ-eu yawˬ jeˬ na luꞈ-ahˇ ya tahˬ puˬ-eu tsawˇ haˬ deuˬ-ahˇ aˬ dui ngehˬ gʼeh dah teˬ nehˬ nya ni, aˬ dui ya tahˬ puˬ-eu shaˬ zahˬ dawˬ tawˆ luꞈ laꞈ kʼoeˇ Miˬyehˇ aˬ dui-ahˇ ngehˬ gʼeh dah teˬ nehˬ laꞈ-euˬ meh.

2 Gawˇliˬtu 1:4 ပူးပေါင်းရင်းမြစ်များ

Jaceuq 32:5

Ngar, ngaq-euq yawlaeq yawca maqzafni, Ngaq-euq iqbax nawq-anr ja’naeq-euq ma. Ngar heulof-aer aer-euq ma, “Ngar, ngaq-euq yawbanq yawlaeq, Ya’we Miqyaer-anr aerdovnaeq ma.” Khoerngae, nawr, ngaq-euq yawbanq yawlaeq-anr sivbyov naeqlaf-euq mae. Sela.

Jaceuq 32:7

Nawr-aq, ngar caevzafduq pyeuf-eu mae. Nawr, ngaq-anr gardzaq garkawv maqbi keuvle-aer hawpir naeqlaf-awr; Nawr, ngaq-euq tiqjawq buq-ir-euq cardawq nae tsanrlanr naeqlaf-eu mae. Sela.

Jaceuq 66:16

Miqyaer-anr guv-eu nawmaf dawqtawvluf lar-awr narhaq lar-awq. Ngar, nawmaf-anr aqyawf nae ngaq-euq nuima saflar-euq gharduq, Mrnaeq laf-euq jeq dzawrnaeq nyar.

Jaceuq 86:17

Ya’we Miqyaer-or! Nawr, ngaq-anr cawba-awr, Nuima lavsar naeqlaf-euq mirnae, Ngaq-anr byae-eu deuq ya’mawr-awr daqga-ir paq-aer; Ngaq-anr bisiq bimawr-eu yawmuiq jeq bimawr naeqlaf-awq.

Yoˇhaˬ 14:16

Ngar, Aqda-anr shar-awr, aqmyanluf nawmaf naeq-aer bijawr-eu gharduq, aqyawf, nawmaf-anr Cawba-eu ghaq, tiq ghaq bifnaeqlaf taef-a.

Yoˇhaˬ 14:18

“Ngar, nawmaf-anr murcoeq aqnmr lof-aer maq byaerdzaeyaf. Ngar, nawmaf jawr-eu gar par ghofle ma.

Yoˇhaˬ 14:26

Ngaq-euq tsawrmyanr-euq uqmov nae, Aqda, Cawba-eu ghaq pyeuf-eu Yawshawr Saflar-anr bi’oe ngae, aqyawf, nawmaf-anr yawqjeq navluf maeqnaeq laf-awr, ngaq nae nawmaf-anr aernaeq taqyaf-euq dawq khoer dawqtawvluf, aqyawf, nawmaf-anr bi noeqdovlar taef-a.

2 Gawˇliˬtu 7:13

Nawmaf nuima sarlar-euq mirnae, nga’maf-euq nuima khawf sarlar-euq mir-a. Nawmaf dawqtawvluf Tirtuv-euq saflar-anr lavshuif-awr, laqkhaq bi caerlar-euq mirnae, nga’maf laqkhaq yawkhav-aer par caerdzaeq lar-euq mir-a.

2 Gawˇliˬtu 7:4

Ngar nuima khaqduqni nawmaf-anr ngaeqnaeq-eu ma. Ngar, nawmaf-euq baqda’nae khanqsaer jaevnya-awr, nuima sar-eu jeq byan mir-a. Nga’maf shaq-awr zanq-eu dawqtawv luf-euq lafkhoer khawf, ngar laqkhaqcaer duidui mir-a.

Piˇliˇpiˆ 1:14

Khoeruqtaf, ngar shmrcav daqluf-eu baqda’nae, Sanqpaq Yeqsur-euq lafkhoer jawr-eu aqyuif aqnyir myaqni tiqpav yawduq bawlar-awr, nuima khaqdzaeq lar-euq uqtaf, guv-eu jeq maqanrni, Yaerdawq ngaeqpeuq lar-euq mae.

1 Teˇsaˬloˇni 4:18

Khoermirnae, nuima sarlarni tiqghaq tirghaq dawq heudeuq jasawx-awq.

1 Teˇsaˬloˇni 5:11

Khoermirnae, nymq-mr nawmaf tiqghaq tirghaq nuima sarlarni mr-awr, huiqlar manrlarni cawba luf-eu lof-aer, maeqhu paw khawf mrghae-awq.

HeˬByehˇ 12:12

Khoermirnae, gagheu taq-euq nawmaf-euq aqlaf hawr-eu ghaq maqanr-eu aqkuir pawqtsuif ghaq bi anrlar-awq.