2 Gawˇliˬtu 1:23 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²³ Ngar, Miqyaer-anr kur-awr, ngaq-euq nuima-euq gharduq sarkir bikamq ma. Ngar, Gawrliqtu-anr maqoe-euq khoer-aq, nawmaf-anr maqbi deuqlarni taqnaeq mawf-eu mirnae ma.

Akha

²³ Miˬyehˇ-ahˇ tsawˇ kaˬ bi geuꞈ ma. Ngaˬ-euˬ nui ma-ahˇ aˬ yawꞈ siˬ nya meh. Ngaˇ Gawˇliˬtu meuˬ-ahˇ maˬ oe lehˇ ehˇ-eu-aˬ, naw maꞈ-ahˇ maˬ bi naˇ leˇ ni shaˇ noeˬ-awˇ ehˇ-eu ma.

2 Gawˇliˬtu 1:23 ပူးပေါင်းရင်းမြစ်များ

Gʼaˬkʼehˇ 18:1

Khoernar-aq, Pawrluv, Aqteq-anr nae dov-ir-awr, Gawrliqtu-anr ir-euq mae.

Gʼaˬkʼehˇ 18:8

Zanrdawq khawqnymr-euq aqyuif geuf-eu Gaqlirpuv laer kur-eu ghaq hawr-eu aqyawf-euq miqsawrzaq yawqghaq navluf, Sanqpaq Yeqsur-anr janlar-euq mae. Gawrliqtu-anr jawr-eu ghawqmya ghaq khawf yagaq-awr janlar-awr, bartirsaq hageuf-euq mae.

Lormav 1:9

Ngar, nawmaf-euq gharduq maq naqlerni aqmyanluf guiqlanq shar-eu gar Miqyaer, ngaq-euq gharduq sarkir kamqnya mae. Ngar-aq, ngaq-euq nuima saflar nae aqyawf-euq gharduq mr-awr, aqyawf-euq Zaqyo-euq garkawv guiqlanqdawq maeqluf-eu ma.

Lormav 9:1

Ngar, Kali-euq lafkhoer jaqmyawf maqmyawfni yawtsaq yawdawr ngaeq-eu ma. Ngaq-euq zaqsiq nuisiq, Yawshawr Saflar-euq lafkhoer, ngaq-euq garkawv sarkir kamqluf-eu mae.

1 Gawˇliˬtu 4:21

Nawmaf aqjox-aer geufmawf-eu nya? Ngar, nawmaf jawr-eu gar darcuir yur-awr bi larmawf-eu nya lor? Maqngeur nar-aq, gaq-eu lafkhoer nuima nanqyuni bi larmawf-eu nya laq?

1 Gawˇliˬtu 5:5

khoerlof-aer mrluf-eu tsawrhaq shiqshaq paw cawv-ir ni, naef Saqdaq-euq aqlaf-euq lafkhoer a’naeq-awq. Khoerlof-aer janr-euq nar-aq, Sanqpaq Yeqsur-euq arnan-anr, Miqyaer, aqyawf-euq saflar-anr bibuq-ir taef-a.

2 Gawˇliˬtu 1:1

Ngar-aq, Miqyaer nuima tsaq-eu mirnae, Yeqsur Kali-euq ghaqkhaer geufluf-eu Pawrluv ma. Gawrliqtu-anr jawr-eu Miqyaer-euq Kalizaq armur hawr-eu, Aqgaqyar mirkhanq doeni jawr-eu tsawrshawr dawqtawv luf-anr, aqdui-euq maernmr Tivmorseq, nga’nyaf sanqbof bofanr lef-eu ma.

2 Gawˇliˬtu 1:18

Miqyaer sarjax zif-eu lof-aer, ngaq nae nawmaf-anr aernaeq-euq dawqdeuq-aq, ngeur-eu jeq khawf maqngeur-eu jeq khawf, keuqkeuq soso-aer aer-eu maqngeur.

2 Gawˇliˬtu 10:2

Nga’maf shiqshaq-euq maeqnan daefluf-eu mae laer noeqluf-eu tsawrhaq-anr, yawduq baw-awr nuima khaqduqni janrnaeq ma laer ngar noeqtsaev taq-euq ma. Aerkhawf, ngar, nawmaf jawr-eu gar oekeuv ngae, nuima khaqduqni maqya janrni, ngar, nawmaf-anr tanqshar-eu ma.

2 Gawˇliˬtu 11:10

Ngaq-euq lafkhoer Kali-euq yawtsaq yawdawr jeq anr-eu mirnae, Aqgaqyar mirkhanq-anr jawr-eu tsawrhaq tiqghaq-iq ngar khanqsaer jaev-eu gar maq lavtsoeq nya-ar.

2 Gawˇliˬtu 11:11

Aqjeq mirnae la? Ngar, nawmaf-anr maqgaq-eu mirnae-a lor? Ngar, nawmaf-anr gaq-eu Miqyaer siqnya mae.

2 Gawˇliˬtu 11:31

Ngar jaqmyawf myawf-eu maqngeur-a laer, mqmaq maqbyav yarzir guiqlanq huiq-eu Sanqpaq Yeqsur Kali-euq Aqda Miqyaer siqnya mae.

2 Gawˇliˬtu 12:20

Ngar, nawmaf jawr-eu gar oekeuv ngae, ngar noeqtmq-eu lof-aer nawmaf maqpyeuf-aer, nawmaf noeqtmq-eu lof-aer ngar khawf maqpyeuf-eu law maqsiq laer guv mir-a. Iqdaeq iqcae dov-eu, myavnav nav-eu, nuima ardzaeq-aer paer-eu, yawqha-euq gharduq taef-aer tov-eu, jabu jadoer-eu, dawqdoer khoeqsav-eu, nuima huiq-eu hawr-eu suqsaq larni janr-eu, heudeuq jav-eu paq laer ngar khanqlanr mir-a.

2 Gawˇliˬtu 13:10

Khoermirnae, ngar, nawmaf jawr-eu gar oekeuv ngae, Sanqpaq Miqyaer nae ngaq-anr aryaq bifnaeq laf-euq lof-aer nawmaf-anr yawkhav-aer maqya janrnaeqni, ngar, nawmaf jawr-eu gar maqjawr ngae, garkawv heudeuq sanqbof bofanr lef-eu ma. Aryaq yawkhav-aer zmq-eu-aq, lavcawv-eu gharduq maqngeur-a, bihuiq bi manrlar-eu gharduq mae.

2 Gawˇliˬtu 13:2

Ngar, nawmaf jawr-eu gar nyiq pov tiqpov oe ngae aertaq yaf-euq lof-aer, nymq-mr ngar, nawmaf naeq-aer maqjawr-eu khawf, ngar oekeuv nar-aq, dzeurlaf ngae iqbax mr-euq tsawrhaq hawr-eu nuideuq dawqtawv luf-anr khawf maq taqnaeq laer bofanr lef-euq ma.

2 Gawˇliˬtu 6:6

Nuima shawr-eu, siqnya-eu tsawrganr zmq-eu, nuinoeq ghawqmanrni noeq-eu, ghawqshaq gaq-eu, Yawshawr Saflar-anr ghoe-eu, nuima shawrjaevni gaq-eu,

Gaˬlaˬtiˆ 1:20

Ngar, nawmaf-anr bofnaeq luf-eu heu-aq, jaqmyawf myawf-eu maqngeur laer Miqyaer-euq maeqshi ngar aer-eu ma.

Piˇliˇpiˆ 1:8

Yeqsur Kali-euq ghoer-awr gaq-eu jeq nae, ngar, nawmaf yawqghaq navluf-anr mawrmawf duidui luf-eu ma. Heu-euq gharduq, Miqyaer, ngaq-euq sarkir pyeuf-eu mae.

1 Teˇsaˬloˇni 2:5

Aqjeq mirnae aernar-aq, nawmaf siqnya-eu lof-aer, maqngeur-eu gar keuvni ciqpoeq ciqpoeq-aer nga’maf maq maeqhaw-aq. Aqcawq-euq myawq-anr maerjuir juir-eu lafkhoer maeq-euq maqngeur-a laer khawf Miqyaer siqnya mae.

1 Tiˆmoˇseˬ 1:20

Tsawrhaq khoerdeuq-euq lafkhoer, Huqmiqnaer hawr-eu Aqleqsaqdur khawf keuq-eu mae. Miqyaer-anr yaeqbawq saerlu-aer maqya aer-a laer aqyawfnyaf dzawgeufni, ngar, aqyawf nyaf-anr naef Saqdaq-euq aqlaf-euq lafkhoer a’naeq-euq ma.