2 Gawˇliˬtu 1:20 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁰ Miqyaer nae sarjax dzaqtaq-euq dawqtawvluf Kali-euq lafkhoer ngeur-eu jeq taef mae. Khoermirnae, aqdui, Miqyaer-anr ciqhuiq ciqmanr ngae, Kali-euq lafkhoer Aqmeq laer aer-eu ma.

Akha

²⁰ Aˬ jeˬ miˇ neh ehˇ naˇ, Miˬyehˇ neh saˇ jaˇ kʼaˇ dzaˬ taˬ-euˬ jeˬ dawˬ tawˆ luꞈ, aˬ yawꞈ-euˬ laꞈ kʼoeˇ “Ngeuˇ meh” lehˇ ya mawˇ-eu meh. Kʼoeˇ miˇ neh, Miˬyehˇ-euˬ yaw shehꞈ kʼahˬ sehˇ-ahˇ taˬ huiˬ-eu laꞈ kʼoeˇ “Aˬ miˬ” lehˇ aˬ dui ehˇ ngeh, Yeˬsuˇ Ka li laꞈ kʼoeˇ aˬ dui ehˇ-eu ma.

2 Gawˇliˬtu 1:20 ပူးပေါင်းရင်းမြစ်များ

Jaceuq 102:16

Aqjeq mirnae aernar-aq, Ya’we Miqyaer, Ziroq par tsovmuiq-awr; Aqyawf-euq yawshaef khanqsaer bimawr-eu laer dovle taef-a.

Jaceuq 72:17

Aqyawf-euq tsawrmyanr li-eu maqbawni zif-awr; Nanrma kharbya-eu khoerkeuvni, aqyawf-euq tsawrmyanr javtsaflef taef-a. Tsawrhaqzaq, aqyawf-euq lafkhoer guiqlanq za-awr; Mirkhanq-euq tsawrjeuq dawqtawvluf, aqyawf-anr guiqlanq huiq-eu ghaq laer kur taef-a.

Maꞈtehˬ 6:13

Iqbax murjur jur-eu maeqnan nga’maf-anr taqbi ir laf. Yawdoer jeq-anr nae nga’maf-anr bidzeur-ir laf. Uvlanr-eu jeq, baoq hawr-eu yawshaef khanqsaer dawqtawvluf, mqmaq maqbyav yarzir nawq-euq mae. Aqmeq.

Luˇkaꞈ 2:14

“Gor duidui-eu gar jawr-eu Miqyaer-euq yawshaef khanqsaer huiq luf-ur! Mirtsaq-euq khoertav, aqyawf nuikhanr shir-eu tsawrhaq deuq nuisar of luf-ur!”

Yoˇhaˬ 1:17

Zanrdawq-aq, Morseq-anr ghoe-awr bifnaeq lef-euq mae. Aerkhawf, guiqlanq yawdzanr hawr-eu yawtsaq yawdawr jeq-aq, Yeqsur Kali-anr nae dovle-euq mae.

Yoˇhaˬ 14:6

Yeqsur, aqyawf-anr heulof-aer aernaeq-euq mae, “Ngar-aq, garma ma, yawtsaq yawdawr jeq hawr-eu daef-eu jeq khawf ngeur ma. Ngaq-anr maqghoe nar-aq, tsawrhaq tiqghaq-iq Aqda jawr-eu gar maq lekeuv nya-a.

Yoˇhaˬ 3:5

Khoerngae, Yeqsur heulof-aer aerkhof naeq-euq mae, “Ngar, nawq-anr aqdir aqmar aernaeq nyar, tsawrhaq tiq ghaq ircuf hawr-eu muiq-eu Saflar-anr nae daefle-euq maqngeur nar-aq, Miqyaer uvlanr-eu lafkhoer maqya urler-a.

Lormav 11:36

Aqjeq mirnae aernar-aq, kharjawr kharjav-eu yawqjeq navluf, aqyawf-anr nae dovle-awr aqyawf-euq baqda’nae javluf jawrluf-awr, aqyawf-euq gharduq taef mae. Mqmaq maqbyav yarzir aqyawf-anr yawshaef khanqsaer damqnaeq kar-eur. Aqmeq.

Lormav 6:23

Aqjeq mirnae aernar-aq, iqbax mr-eu mirnae za-eu arpoeq-aq yashir-eu mae. Aerkhawf, Miqyaer nae bifnaeq laf-euq lafsawq-aq, aqdui-euq Sanqpaq Yeqsur Kali-euq lafkhoer, mqmaq maqbyav yarzir yadaef-eu mae.

1 Gawˇliˬtu 14:16

Nawq-euq saflar nae taef-aer Miqyaer-anr jaceuqluf nar-aq, khoergar jawrluf-eu dawqbav maq siqnya-eu tsawrhaq, nawr jaceuq luf-eu dawq-anr maq ghovshawnya nar-aq, nawr jaceuq luf-eu gar, “Aqmeq” laer aqjox-aer aernya nmr-mq?

2 Gawˇliˬtu 4:15

Khoerdeuq dawqtawvluf, nawmaf-euq gharduq mae. Guiqlanq yawdzanr khoer, tsawrhaq ghawqmya ghaq-euq baqda’nae maeqkhawq ghae-eu naeq-aer, Miqyaer-euq guiqlanq-anr jaceuq-eu myaqlar-eu mirnae, Miqyaer-euq yawshaef khanqsaer huiq luf-ur.

2 Gawˇliˬtu 4:6

Yawzanr-anr nae yawshaef byadov larni dawq bif-euq Miqyaer-aq, aqdui-euq nuima-anr yawshaef bi byalar naeqlaf-euq mae. Heu-aq, Yeqsur Kali-euq myavpyawq-anr nae byadov lef-eu, Miqyaer-euq yawshaef khanqsaer-anr siqnya-eu tsawrganr biza-eu gharduq mae.

Gaˬlaˬtiˆ 3:22

Aerkhawf, Yeqsur Kali-anr jan-eu mirnae, kharjan-eu tsawrhaq dawqma sarjax aertaq-euq lof-aer za’ni, Yaerbof-aq, yawqghaq navluf-anr iqbax-euq kuv-euq lafkhoer kalanr taq-euq mae.

Eˇpeˇsu 1:6

Aqdui, aqyawf-euq guiqlanq yawdzanr-euq yawshaef khanqsaer-anr bi jaceuq-eu laer Miqyaer, aqyawf zawr gaq-eu ghaq-anr ghoe-awr, aqdui-anr hageuf naeqlaf-euq mae.

Eˇpeˇsu 2:7

Yeqsur Kali-euq lafkhoer, aqyawf, aqdui-anr ghawqshaq gaqnaeq laf-awr, aqyawf-euq guiqlanq yawdzanr arnavni sanr-eu nga laer, aqkar keuvle-eu zir-anr bisiq bimawr-eu laer, Miqyaer khoerlof-aer janrnaeq laf-euq mae.

Gawˇlawˇsehˇ 1:27

Zaftaq-euq heujeq, yawshaef khanqsaer arnavni sanr-eu garkawv, Miqyaer, aqcawq tsawrjeuq tsawrca-euq ghanrcae jawr-eu aqyawf maf-anr bi siqnya mawf-eu mae. Zaftaq-euq jeq heu-aq, Kali, nawmaf-euq lafkhoer jawr-eu mirnae, nawmaf, yawshaef khanqsaer za’ni noeqtmqduq pyeuf-eu mae.

2 Teˇsaˬloˇni 1:10

Khoerngae nan, Sanqpaq Yeqsur zafka le-awr, aqyawf-euq tsawrshawr deuq, aqyawf-anr ciqhuiq ciqmanr-awr, aqyawf-anr jan-eu tsawrhaq dawqtawvluf, aqyawf-anr jaceuq taef-a. Aqjeq mirnae aernar-aq, nga’maf nae nawmaf-euq ghanrcae sarkir kamq-euq gar nawmaf jan-eu mae.

HeˬByehˇ 11:13

Tsawrhaq khoerdeuq yawqghaq navluf jan-eu lafkhoer shir-euq mae. Aqyawfmaf, Miqyaer nae sarjax dzaqtaq-euq jeq-anr maqza-aq. Aerkhawf, garmanr kaq-eu gar nae khoerdeuq-anr ya’mawr-awr, aqyawfmaf mirtsaq-euq khoertav jawr ngae, yawqkhanq yawqmir yawq-euq tsawrhaq hawr-eu daqyan lof-aer taef ma laer, aqyawfmaf yawduq baw-awr hageuf-euq mae.

HeˬByehˇ 13:8

Yeqsur Kali-aq, mirnan, iqnan hawr-eu mqmaq maqbyav yarzir tiqkawv mae.

HeˬByehˇ 7:6

Maqlaqkirsaqdaev-aq, aqyawf maf-euq tsuif-anr maqtaf-eu khawf, Aqbyaqhaq nae bifnaeq-euq tserbymr tiqbymr hageuf-awr, sarjax zataq-euq Aqbyaqhaq-anr dawq ngaeqghae naeq-euq mae.

1 Beˬtuˆluˆ 1:12

Miqyaer gharduq ngaeqdan-eu khoerdeuq, aqyawfmaf gar mr-eu-aq, yawqha-euq gharduq mr-eu maqngeur-aer, aqdui-euq gharduq mr-eu mae laer Miqyaer, aqyawf maf-anr panmaeq naeq-euq mae. Mq-anr nae bi’oe-euq Yawshawr Saflar, aqyawf maf-anr panmaeq naeq-euq mirnae, nymq-mr aqyawfmaf guiqlanqdawq khoerdeuq, nawmaf-anr maeqnaeq luf-eu mae. Mqtav ghaqkhaer deuq khawf, khoerdeuq-anr mawrmawf duidui-eu mae.

1 Yoˇhaˬ 5:11

Sarkir kamq-eu khoer-aq heulof-aer mae: Miqyaer, aqdui-anr mqmaq maqbyav yarzir daef-eu jeq bif-euq mae. Daef-eu jeq khoer-aq, aqyawf-euq Zaqyo-euq lafkhoer anr-eu mae.

Panmaeq 3:14

“Lawqdiqciv Kalizaq armur-euq mqtav ghaqkhaer-anr heulof-aer bofnaeq-awq: ‘Sarjax zif-awr yawtsaq yawdawr-euq lafkhoer sarkir kamq-eu ghaq, Miqyaer nae khar baetaq-euq khoertav uqdzan ghaq pyeuf-awr, Aqmeq laer kur-eu ghaq heulof-aer aer-eu mae:

Panmaeq 7:12

aer-eu, “Aqmeq. Jaceuq-eu jeq hawr-eu yawshaef khanqsaer, Zaqsiq tsawrganr hawr-eu guiqlanq-anr jaceuq-eu jeq, Taqhuiq taqmanr-eu jeq, baoq hawr-eu ghaq dawqtawvluf, Mqmaq maqbyav yarzir, aqdui-euq Miqyaer-anr of luf-ur. Aqmeq.”