2 Gawˇliˬtu 1:12 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Nga’maf heulof-aer khanqsaer jaev-eu ma. Nga’maf, mirtsaqzaq-euq maeqshi khawf, khoernav maqtser nawmaf-euq maeqshi khawf, Miqyaer-anr yawzeu baw-awr nuima shawrjaevni taq-awr, Miqyaer-euq lafkhoer dawrcoeni daef-euq ma laer, nga’maf-euq zaqsiq nuisiq sarkir kamqluf-eu mae. Nga’maf shiqshaq-euq zaqsiq tsawrganr-anr ghoe-awr nae maqngeur-eu, Miqyaer-euq guiqlanq yawdzanr-anr ghoe-awr khoerlof-aer mr-euq ma.

Akha

¹² Miˇ tsaˬ heu kʼoeˇ taˆ nga maꞈ yaw dehꞈ dehꞈ luꞈ-eu heu hawˇ-eu, kʼaˆ kʼaˆ ni naw maꞈ nehˬ-ehˇ cawˬ ya cawˬ taꞈ luꞈ-eu heu-aˬ, Miˬyehˇ neh biꞈ leꞈ-euˬ myaˆ pyawˬ bya cehˆ ni taˬ nya-eu jeˬ hawˇ-eu, nui ma dawˇ coe ni gʼeh-eu jeˬ laꞈ kʼoeˇ ya dehꞈ luꞈ-eu baˬ da neh maˬ ehˇ, tsawˇ haˬ zaˬ-euˬ zaˬ siˬ tsawˇ gahˇ-ahˇ maˬ gʼoe-ehˇ Miˬyehˇ-euˬ guiˬ lahˬ yaw dzahˇ-euˬ baoˬ-ahˇ gʼoe-awˇ ya dehꞈ luꞈ-eu baˬ da neh maˬ ehˇ, nga maꞈ kʼahˬ sehˇ jehˆ kʼaˇ za-eu ma.

2 Gawˇliˬtu 1:12 ပူးပေါင်းရင်းမြစ်များ

Gʼaˬkʼehˇ 23:1

Khoerngae, Pawrluv khavma armur-anr hawtsov taq-awr aer-eu, “Aqyuif aqnyir deuq-or! Iqnan keuvni, ngar, Miqyaer-euq maeqshi kharmr-euq jeq, zaqsiq nuisiq shawrjaevni anr-awr daefluf-eu ma.”

Gʼaˬkʼehˇ 24:16

Khoermirnae, ngar, Miqyaer hawr-eu tsawrhaq-euq maeqshi khawf, yawlaeq tiqjeq-iq maqanr-eu zaqsiq nuisiq za’ni laejae duidui luf-eu ma.

Lormav 9:1

Ngar, Kali-euq lafkhoer jaqmyawf maqmyawfni yawtsaq yawdawr ngaeq-eu ma. Ngaq-euq zaqsiq nuisiq, Yawshawr Saflar-euq lafkhoer, ngaq-euq garkawv sarkir kamqluf-eu mae.

1 Gawˇliˬtu 1:17

Kali, ngaq-anr Bartirsaq mrnaeq-ir laer khaer-euq maqngeur-a. Guiqlanqdawq maeq-ir laer khaernaeq laf-euq mae. Ngar guiqlanqdawq maeq ngae, Kali lafyaq-anr shirdan-euq khoer yawqngaef maqya pyeuf-ir ni, ngar, mirtsaq-anr taf-eu zaqsiq tsawrganr deuq-anr maqghoeni maeq-eu ma.

1 Gawˇliˬtu 12:8

Muiq-eu Saflar-aq, tiq ghaq-anr zaqsiq tsawrganr-euq dawq bif-awr, muiq-eu Saflar heughaq, tiq ghaq-anr-aq, siqnya-eu tsawrganr-euq dawq bif-eu mae.

1 Gawˇliˬtu 15:10

Aerkhawf, Miqyaer-euq guiqlanq yawdzanr baqda’nae ngar heulof-aer pyeufluf-eu ma. Aqyawf nae ngaq-anr bifnaeq laf-euq guiqlanq yawdzanr-aq yawqngaef maqngeur-a. Ngar, ghaqkhaer nuideuq dawqtawv luf-euq navmaqtser gar mr-euq ma. Aqdir aernar-aq, ngaq nae mr-euq maqngeur, ngaq-euq lafkhoer anr-eu Miqyaer-euq guiqlanq yawdzanr nae mr-euq mae.

1 Gawˇliˬtu 2:13

Khoermirnae, nga’maf guiqlanq heudeuq-euq garkawv ngaeq ngae, tsawrhaq-euq zaqsiq tsawrganr maeq-eu lof-aer ngaeq-eu maqngeur, Yawshawr Saflar maeqnaeq laf-eu lof-aer ngaeq-eu ma. Saflar paw-euq garkawv ngaeq ngae, saflar paw taf-eu deuq-anr ciqcaev-awr ngaeq-eu ma.

1 Gawˇliˬtu 4:4

Ngar, yawqha-euq yawlaeq tiqjeq-iq maq noeqdovnya nya. Aerkhawf, ngar khoerlof-aer maq noeqdov nya-eu mirnae, ngar mrshawr-euq tsawrhaq pyeuflar-euq maqngeur. Aqjeq mirnae aernar-aq, ngaq-anr yarkhaq dar-eu ghaq-aq, Sanqpaq Miqyaer mae.

1 Gawˇliˬtu 5:8

Khoermirnae, aqdui Baqsaqkaq yawbuibui ngae, daeqtseq yawoer maqdawvni, yawdoer jeq hawr-eu yawcawv jeq-anr taf-eu daeqtseq khawf maqdawv-aer, daeqtseq maqdawv-aer shawrjaevni ghae-eu nuima hawr-eu, yawtsaq yawdawr nae janr-euq kaqmur nae yawbuibui kar-eur.

2 Gawˇliˬtu 1:17

Ngar khoerlof-aer noeq-eu-aq, nuima povpov lavlav-aer ghae-euq nga lor? Maqngeur nar-aq, ngar noeq-eu jeq, tsawrhaqzaq-euq nuinoeq pi-awr, ngeur-eu jeq khawf, maqngeur-eu jeq khawf, keuqkeuq soso-aer aer-euq nga laq?

2 Gawˇliˬtu 11:3

Arlawr, aqyawf-euq jaqmyawf nae Erbav-anr maershuir shuirtawv-euq lof-aer, Kali-euq lafkhoer shawrjaevni ghae-eu nawmaf-euq nuima khoersiq byov-ir gar ngar guv mir-a.

2 Gawˇliˬtu 2:17

Tsawrhaq ghawqmya ghaq, pyur za’ni Miqyaer-euq dawq maeqluf-eu mae. Aerkhawf, nga’maf-aq, khoerlof-aer ghae-eu tsawrhaq maqngeur. Miqyaer-anr nae za-euq lof-aer Miqyaer-euq maeqshi, Kali-euq lafkhoer dawrcoeni maeq-eu ma.

2 Gawˇliˬtu 4:2

Aerkhawf, nga’maf shafdawrlar paq-aer ghae-eu zaftaq-euq jeq byaerdzae jir-awr, jaqmyawf-euq lafkhoer maqdaef-aer, maershuir maqanrni, Miqyaer-euq dawq khawqluf-eu ma. Khoermirnae, Miqyaer-euq maeqshi, tsawrhaq dawqtawv luf-euq zaqsiq nuisiq-anr tsaqni, yawtsaq yawdawr-aq, nga’maf-anr byacaevni ciqpoeq luf-eu mae.

2 Gawˇliˬtu 8:8

Ngar heulof-aer aer-eu-aq, nawmaf-anr dawq bif-eu maqngeur. Aerkhawf, aqcawq laejae-eu garkawv ja’naeq-awr, nawmaf shawrjaevni gaq-eu jeq-anr tsermr-eu jeq pyeuf-eu ma.

Gaˬlaˬtiˆ 6:4

Aqcawq nae mr-euq gar-anr maqngeur-eu, yawqha nae mr-euq gar-anr taef-aer haw-awr laqkhaqcaer nya’ni, yawqghaq navluf yawqha mr-awr shar-eu gar tsermr haw-eu tsaq mae.

Eˇpeˇsu 6:14

Khoermirnae, jofpaf paf-eu lof-aer yawtsaq yawdawr paf-awr, khanq-anr daeqkaq-eu jeq lof-aer tsaq-awr dawr-eu jeq dm-awr zifdanni yawf-awq.

Piˇliˇpiˆ 1:10

nawmaf yawmuiq jeq-anr tserpav nya’ni, nawmaf, Kali-euq arnan-anr keuvni, shawrjaevni ghae-awr sanqtif tifkhar maqza-eu tsawrhaq pyeuf-eu uqtaf,

1 Teˇsaˬloˇni 2:10

Nga’maf, nawmaf naeq-aer jawr ngae, kharmr kharshaq-euq jeq-aq, yawmuiq yawshawr, tsaq-awr dawr-eu hawr-eu iqbax taqkhar maqza-a laer Kali-anr jan-eu nawmaf hawr-eu Miqyaer khawf sarkir pyeuf-eu mae.

1 Tiˆmoˇseˬ 1:5

Dawq bif-eu heu-aq, gaq-eu jeq bi dovlar-eu gharduq ma. Gaq-eu jeq heu, shawrjaevni ghae-eu nuima, muiq-eu zaqsiq nuisiq hawr-eu shawrjaevni jan-eu nuima-euq lafkhoer nae ya dovlar-eu mae.

Tiˇtuˆ 2:7

Aqyawfmaf dzawgeuf nya’ni, yawqjeq navluf-euq lafkhoer, nawr yawmuiq jeq taef-aer mr-awr, dawqmaeq dawqtsovtsov ngae, nuima keuv-awr yawzeu baw-eu lafkhoer, dawrcoeni maeqnaeq tsovnaeq-awq.

HeˬByehˇ 13:18

Nga’maf-euq gharduq guiqlanq sharcaw naeqlaf-awq. Aqjeq mirnae aernar-aq, nga’maf-euq zaqsiq nuisiq shawrjaevni jav ma laer nga’maf yawduqbaw ma. Nga’maf yawqjeq navluf-euq lafkhoer yawmuiq-aer daefmawf mir-a.

Yaˬkoˆ 4:6

Aerkhawf, Miqyaer-aq, guiqlanq yawdzanr ghawqmya’ni bifnaeq laf-eu mae. “Miqyaer, nuima huiq-eu tsawrhaq-anr lavtsoeq-awr, nuima nanqyuni anr-eu tsawrhaq-anr guiqlanq yawdzanr bif-eu mae,” (Dd 3:34) laer Yaerbof-euq lafkhoer aertaq-euq mae.

1 Beˬtuˆluˆ 3:16

Nawmaf-euq zaqsiq nuisiq shawrjaevni bijav-awq. Khoerlof-aer bijav nar-aq, nawmaf, Kali-anr ghoe-awr yawmuiq jeq mrluf-eu gar, nawmaf maqmuiq-eu yawdoer jeq mrluf-a laer, jabu jadoer-awr dawqdoer ngaeq-eu tsawrhaq deuq ya shafdawr-ir taef-a.

1 Beˬtuˆluˆ 3:21

Khoerlof-aer durni, nymq-mr aqdui, bartirsaq mr-awr yabuq-ir-euq ma. Bartirsaq mrnaeq-euq laer aer-eu-aq, mawrdo-anr laef-eu jawflafni ghae-eu jeq-anr tsiqshawr-euq gar aer-eu maqngeur-a. Yeqsur Kali ghofdaef lar-euq gar ghoe-awr, Miqyaer-euq maeqshi zaqsiq nuisiq shawrlar-euq gar aer-eu mae.