1 Tiˆmoˇseˬ 6:4 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ aqyawf-aq, nuima huiq-awr, tiqjeq-iq maq siqnya-eu khawf, dawqdeuq-euq garkawv tsawrpyaer pyaer-awr, jadzaq mawf-eu nuima anr-eu taef mae. Khoermirnae, myavnav nav-eu, caedzaq-eu, jabu jadoer-eu, aqcawq-euq garkawv yawdoer jeq sharnoeq-eu, heudeuq bi dovlar-eu mae.

Akha

⁴ nui ma huiˬ dui taˬ-awˇ, tiˬ jeˬ-iˬ maˬ siˬ nya-eu tsawˇ haˬ pyeuꞈ-eu meh. Dawˬ gaˇ kawˆ tsawˇ pyehˇ pyehˇ-awˇ ja dzaˬ mawꞈ-eu nui ma ahˇ-eu meh. Kʼoeˇ miˇ neh, myaˆ naˆ-eu, ceh dzaˬ-eu, ja bu ja doeˇ-eu, aˬ cawˬ-ahˇ yaw doeˇ jahˇ mawꞈ-eu, heu loꞈ-ehˇ gʼeh-eu jeˬ bi doˆ laˇ-eu meh.

1 Tiˆmoˇseˬ 6:4 ပူးပေါင်းရင်းမြစ်များ

Dawqdaq 13:7

Tsawrhaq tiqghaq nav-aq, Smrmuiq janrgeuf-eu khawf tiqjeq-iq maqjav-a. Tiqghaq nav-aq, irshaq janrgeuf-eu khawf, Smrmuiqmuiq duidui-eu mae.

Dawqdaq 25:14

Yawqha lafsawq maqbif nya-eu gar keuvni, Khanqsaer jaev-eu tsawrhaq-aq, Uqyaer maqanr-eu mqdmr hawr-eu jaqlaer-anr dur-eu mae.

Dawqdaq 26:12

Nawr, yawqhar yawqha yawganr ma laer haw-eu tsawrhaq-anr mawrhaw-euq ma laq? Aqdzawq argan khawf, heughaq-anr navmaqtser noeqtmqkhar za-eu mae.

Gʼaˬkʼehˇ 15:2

Khoermirnae, Pawrluv hawr-eu Baqnaqbar, aqyawfmaf naeq-aer caecae-aer pyaer duidui-euq mae. Khoernar-aq, garkawv khoer bi narhaq ler-eu laer, Pawrluv, Baqnaqbar hawr-eu aqyawf maf-euq lafkhoer keuq-eu heumyav ghaq-anr tserdov-awr, Yeqlursaqlaeq-anr jawr-eu ghaqkhaer deuq hawr-eu aqyuif aqtsu deuq jawr-eu gar bile-euq mae.

Gʼaˬkʼehˇ 18:15

Aerkhawf, dawqdeuq, tsawrmyanr deuq hawr-eu nawmaf-euq zanrdawq-anr taf-eu garkawv pyeuf-eu mirnae, nawmaf yawqha yawqha hawtser-awq. Heulof-aer ghae-eu garkawv deuq-anr ngar yarkhaq dar-eu ghaq maq geufmawf nya.”

Gʼaˬkʼehˇ 8:9

Aerkhawf, meuq khoermeuq-anr Sirmoq laer kur-eu tiq ghaq jawr-eu mae. Dzeurlaf ngae, aqyawf mawloq loq-awr, Saqmaqliv tsawrhaq deuq-anr yawkhav-aer bi zanqler-euq mae. Aqyawf, yawqhar yawqha, yawhuiq yawmanr tiq ghaq ma laer aer-eu mae.

Lormav 12:16

Tiqghaq tirghaq tsaqler dzoerler-eu nuima anr-awq. Huiqmawf manrmawf-eu nuima maqanr-aer, teq-awr nyir-eu tsawrhaq deuq naeq-aer khawf cawq cawq-awq. Yawqhar yawqha tsawrganr anr-eu ma laer taqnoeq. (Dd 3:7)

Lormav 13:13

Aqdui nan’ghanr paw daef paq-aer ghae-eu lof-aer daefghae-awq. Byaeqlaeq shaevdae-aer bui-eu jeq hawr-eu dzaqnyawq dawryaef-eu jeq-euq lafkhoer maqdaef-aer, jawflafni ghae-eu jeq hawr-eu shiqshaq-euq nuikhanr-euq lafkhoer maqdaef-eu uqtaf, cae-awr myavnav nav-eu lafkhoer taqdaef.

Lormav 14:1

Nawmaf jan-eu paw ghaq baq-eu tsawrhaq deuq-anr hageuf-awq. Aerkhawf, nuinoeq beugar-eu garkawv-anr tsawrpyaer taqpyaer.

Lormav 2:8

Aerkhawf, yawqha-euq gharduq taef-aer sharnoeq-eu tsawrhaq hawr-eu yawtsaq yawdawr dawq-anr maq narhaq geuf-aer, maqtsaq maqdawr-eu jeq-anr narhaq geuf-eu tsawrhaq-euq khoertav, Miqyaer nuima dav-awr nuima paer-eu jeq keuvle taef-a.

1 Gawˇliˬtu 11:16

Tsawrhaq tiqghaqnav heu-euq garkawv tsawrpyaer pyaermawf nar-aq, nga’maf khawf, Miqyaer-euq Kalizaq armur deuq khawf, heu-anr nae beugar-eu zanrsanrkhof yawqjeqyawq maqjav laer siqnya-awq.

1 Gawˇliˬtu 11:18

Yawbae jeq-aq, Kalizaq armur uiqler ngae, armaf birpav luf-eu mae laer ngar yagaq-euq ma. Ngaq nae yagaq-euq lof-aer tiqpav tsaq-eu dur laer ngar jan ma.

1 Gawˇliˬtu 3:18

Tsawrhaq tiqghaq-iq, yawqhar yawqha jaqmyawf taqmyawf. Nawmaf-euq lafkhoer tiqghaqnav mirtsaq-euq tsawrganr anr-eu ma laer noeq nar-aq, tsawrganr anrlarni aqdzawq argan geuf-awq.

1 Gawˇliˬtu 3:3

Nawmaf-aq, shiqshaq paw-euq tsawrhaq lof-aer daefluf nga siq. Nawmaf tiqghaq tirghaq myavnav nav-awr, iqdaeq iqcae dovluf-eu uqtaf, nawmaf-euq yawkaq armaf birpav luf-eu nga. Khoerlof-aer janr-eu-aq, nawmaf, shiqshaq paw-euq tsawrhaq lof-aer pyeuf-awr, tsawrhaqzaq lof-aer taef-aer daefluf-eu maqngeur le laq?

2 Gawˇliˬtu 11:20

Tsawrhaq tiqghaqnav, nawmaf-anr zaqkhav bigeuf-awr, nawmaf-anr kawfsaef dzaqlar-eu uqtaf, nawmaf-anr myawfdzaq shuirdzaq lar-awr, yawqhar yawqha ciqgor-eu uqtaf, nawmaf-anr naqtaev taevlar-eu khawf, nawmaf daq-awr or-eu nga aerlawq.

Gaˬlaˬtiˆ 5:15

Aerkhawf, nawmaf tiqghaq tirghaq kawfkawf-aer kawfsaef dzaqluf nar-aq, tiqghaq tirghaq lavcawv byovjir lar-eu gar yanr-awq!

Gaˬlaˬtiˆ 5:26

Aqdui nuima maqhuiq-aer, tiqghaq tirghaq nuima maq lavpaer-eu uqtaf, tiqghaq tirghaq myav maq navni daef kar-eur.

Gaˬlaˬtiˆ 6:3

Tsawrhaq tiqghaqnav tiqjeq-iq gardanr maqtsoeq-eu gar nae, yawqhar yawqha gardanrtsoeq ma laer noeq nar-aq, yawqhar yawqha jaqmyawf myawf-eu mae.

Piˇliˇpiˆ 1:15

Tsawrhaq tiqghaq nav-aq, myavnav nav-awr caeghaq mawf-eu mirnae, Kali-euq garkawv dawqmaeq maeqluf-eu mae. Aerkhawf, tiqghaq nav-aq, aqdir nuima keuv-awr maeqluf-eu mae.

Piˇliˇpiˆ 2:14

Nawmaf kharmr kharshar-eu jeq-euq lafkhoer, tiqghaq tirghaq dawqghof maqdov-aer tsawrpyaer maqpyaerni mr-awq.

Piˇliˇpiˆ 2:3

Yawqha, aqcawq taf-aer dzaeqlerni sharnoeq-awr khanqsaer jaev-eu gharduq tiqjeq-iq taqmr. Nuima nanqyuni taq-awr, yawqhar yawqha taqhuiq-eu navmaqtser, aqcawq-anr taqhuiq-awq.

Gawˇlawˇsehˇ 2:18

Gardanr maqtsoeq-eu gar shiqshaq nuilov-euq lafkhoer nuima huiq-awr, yawqha nae maq mawrhaw-euq jeq-anr banqgha-eu uqtaf, nuinanq nuiyu jaqmyawf anr-awr, mqtav ghaqkhaer-anr uqduq tanq-eu heudeuq-anr nuikhanr shir-eu tsawrhaq tiqghaq nae-iq, nawmaf-euq mrpoeq lafsawq maqbi shuirdovni yanr-awq.

2 Teˇsaˬloˇni 2:4

Aqyawf-aq, tsawrhaqzaq uqduq tanq-eu yawqjeq navluf-anr hawr-eu miqyaer laer kharkur-eu deuq-anr lavtsoeq-awr, khoerdeuq dawqtawv luf-euq khoertav yawqhar yawqha taqhuiq taef-a. Khoeruqtaf, aqyawf, Miqyaer-euq uqduq tanqnymr nymrma-euq lafkhoer Miqyaer lof-aer nuir-awr, “Ngar-aq, Miqyaer ma” laer aer taef-a.

1 Tiˆmoˇseˬ 1:4

Khoeruqtaf, dawqmawq dawqoer ja-eu hawr-eu arsaq saq-eu maqbaw-eu tsuif gui-eu gar taq narhaq’ laer aqyawf maf-anr dawq bibif-eu laer khawf ngeur ma.” Garkawv khoerdeuq-aq, jan-eu lafkhoer Miqyaer-euq gar mr-eu gar maq cawba-eu uqtaf, tsawrpyaer pyaer-eu jeq taef-aer bi dovlar-eu mae.

1 Tiˆmoˇseˬ 1:7

Zanrdawq maeq-eu tsawrhaq geufmawf-eu gar nae, yawqha aqjeq aerluf-eu garkawv maq siqnya-aer, yawha maq ghovshaw nya-eu jeq-anr khaqduqni ngaeq-eu mae.

1 Tiˆmoˇseˬ 3:6

Janlar-euq yawshuif tiq ghaq maqya bigeuf-a. Bigeuf nar-aq, nuima huiqlar-awr, naef sanqpaq yarkhaq dar-eu jeq-anr yadaq-eu lof-aer yadaq-eu baw-mr.

2 Tiˆmoˇseˬ 2:14

Garkawv heudeuq nawr, tsawrhaq yawqghaq navluf-anr ja’noeq naeq-awq. Dawqdeuq-euq garkawv tsawrpyaer taqpyaer laer, Miqyaer-euq maeqshi nawr, aqyawf maf-anr yawkhav khav-aer maeqnaeq-awq. Khoerlof-aer pyaer-eu-aq, yawmuiq tiqjeq-iq maq dovlar-eu uqtaf, yagaq-euq tsawrhaq deuq-anr bicawv-ir-eu taef mae.

2 Tiˆmoˇseˬ 2:23

Aerkhawf, zaqsiq tsawrganr maqanr-aer, tiqjeq-iq gardanr maqtsoeq-eu tsawrpyaer pyaer-eu jeq-anr garjaw jaw-awq. Aqjeq mirnae aernar-aq, khoerdeuq-aq, caedzaq-eu jeq bi dovlar-eu taef mae laer nawr siqnya-eu mae.

2 Tiˆmoˇseˬ 3:4

yawqha-euq cawq-anr anqdzaq-eu, kharnoeq khar lovlar-eu jeq mr-eu, nuima huiq-eu, Miqyaer-anr maqgaq-aer lurgha caergha-eu jeq-anr gaq-eu tsawrhaq pyeuflar taef-a.

Tiˇtuˆ 3:9

Dawrga deuq tsawrpyaer pyaer-eu, tsuif gui-eu, caedzaq-eu, zanrdawq-euq garkawv pyaer-eu, heudeuq-anr garjaw jaw-awq. Aqjeq mirnae aernar-aq, garkawv khoerdeuq-aq, tiqjeq-iq gardanr maqtsoeq-eu uqtaf, yawqngaef yawqkuq mae.

Yaˬkoˆ 1:19

Khoermirnae, ngar zawr gaq-eu aqyuif aqnyir deuq-or! Nawmaf yawqghaq navluf, aqcawq dawq ngaeq-eu gar yawkawr-aer narhaq-awq, dawq ngaeq-eu taqtaeq, nuima paer-eu taqkawr.

2 Beˬtuˆluˆ 2:12

Aerkhawf, tsawrhaq heudeuq-aq, nyaef-awr bi lavcawv-eu gharduq daefle-euq, maq sharnoeq nya-eu bawrtsanq-euq jeqzaq yawghae-anr dur-awr, yawqha maq ghovshaw nya-eu jeq-anr dawqdoer ngaeq-eu mae. Aqyawf maf-aq, yawqha-euq yawdoer yawcawv-euq baqda’nae yacawv-ir jir taef-a.

2 Beˬtuˆluˆ 2:18

Aqyawfmaf gardanr maqtsoeq-aer jasae-eu dawq ngaeq-awr, yawbanq-euq lafkhoer daef-euq gar nae caevdzeur-euq deuq-anr, jawflafni ghae-eu jeq hawr-eu shiqshaq-euq nuikhanr deuq nae murtawv luf-eu mae.

Yuˇdaˆ 1:10

Aerkhawf, tsawrhaq heudeuq-aq, aqyawfmaf maq siqnya-eu garkawv dawqdoer ngaeq-eu mae. Aqyawf maf-aq, tiqjeq-iq maq sharnoeq nya-eu bawrtsanq-euq jeqzaq siqnya-eu lovni taef-aer, yawqha siqnya-eu jeq-euq lafkhoer, yawqhar yawqha lavcawv luf-eu mae.

Yuˇdaˆ 1:16

Tsawrhaq heudeuq-aq, dawqghof dovcoer-awr, aqgeu jeq-anr khawf aerkhar za-eu uqtaf, yawqha kharnoeq kharlov-eu lof-aer daef-eu tsawrhaq mae. Aqyawfmaf dawqma ngaeq-awr jasae-eu lafkhoer khanqsaer jaev-awr, yawqha-anr muiqni aqcawq-anr jaceuq-eu tsawrhaq mae.

Panmaeq 3:17

Nawr aer-eu, ‘Ngar-aq, smrmuiq smrbaw ma. Pyurshuir myawqganq javganq-awr, tiqjeq-iq maqnym.’ Aerkhawf, nawr-aq, shaqdui zanq duidui-awr ghawqshaq gaqlar paq-aer ghae-eu, irshaq irkov pyeuf-awr, myavbaef baef-eu uqtaf, nermyawvni ghae-eu gar nawr maq siqnya-a.