1 Tiˆmoˇseˬ 5:8 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Tsawrhaq tiq ghaq, yawqha-euq tsawrhaq-anr ngaeq maqghae-eu uqtaf, yawqha-euq nymrkhanq-euq zaq-anr keuvni ngaeq maqghae nar-aq, jan-eu jeq-anr byaer-awr, Yeqsur-anr maqjan-eu tsawrhaq navmaqtser doer-eu mae.

Akha

⁸ Tsawˇ haˬ tiˬ gʼaˬ na, yawˬ ha-euˬ aˬ yuiꞈ aˬ nyiˇ-ahˇ ngehˬ maˬ gʼeh-eu uˬ taꞈ, kʼoeˇ naˆ maˬ tseˇ, yawˬ ha-euˬ nymˇ jiˇ-ahˇ keuˆ ni ngehˬ maˬ gʼeh naˇ, jah-eu jeˬ-ahˇ byehˇ dzeh-euˬ gaˇ duˇ-awˇ, Ka li-ahˇ maˬ jah-eu tsawˇ haˬ deuˬ naˆ maˬ tseˇ doeˇ dui dui-eu meh.

1 Tiˆmoˇseˬ 5:8 ပူးပေါင်းရင်းမြစ်များ

Maꞈtehˬ 18:17

Aqyawf khoerdeuq-euq dawq khawf maq narhaq nar-aq, baqmaf baqmur-anr aernaeq-ir-awq. Baqmaf baqmur-euq dawq khawf maq narhaq nar-aq, aqyawf-anr aqcawq tsawrjeuq tsawrca hawr-eu jeq taf-eu tsawrhaq lof-aer sawx-awq.

Maꞈtehˬ 7:11

Nawmaf, tsawrdoer pyeuf-eu khawf, yawqha-euq zaq-anr yawmuiq jeq bif-eu siqnya-eu mae. Khoernav maqtser, mq-euq khoertav jawr-eu nawmaf-euq Aqda-aq, aqyawf-anr kharshar-eu tsawrhaq-anr yawmuiq jeq arnavni par bifnaeq nmr-mq?

Yoˇhaˬ 15:22

Ngar maqoe-aer, aqyawf maf-anr maq maeqnaeq-euq lawnmr-aq, aqyawfmaf iqbax maqanr-ar. Aerkhawf, nymq-mr aqyawfmaf iqbax maqanr laer daeqlaefkhar maqza-a.

1 Gawˇliˬtu 6:6

Nawmaf-aq, maernmr yawkaq yarkhaq ja-eu uqtaf, maqjan-eu tsawrhaq-euq maeqshi yarkhaq ja-ir-eu nga siq!

2 Gawˇliˬtu 12:14

Nymq-mr ngar smq pov tiqpov, nawmaf jawr-eu gar oe ma laer laeqhmq taq-euq ma. Heupov khawf, nawmaf-anr khavbaev maqbi dar. Aqjeq mirnae aernar-aq, ngar, nawmaf-euq pyurshuir myawqganq-anr geufmawf-eu maqngeur, ngar-aq, nawmaf-anr taef-aer geufmawf mir-a. Zaqdeuq-aq, aqma aqda-euq gharduq pyurshuir ya povuiq taq-eu maqngeur-a. Aerkhawf, aqma aqda deuq, zaqdeuq-euq gharduq pyurshuir ya povuiq taq-eu mae.

2 Gawˇliˬtu 6:15

Kali hawr-eu Beqleqlar aqjox-aer gmler nya-eu? Kali-anr jan-eu tsawrhaq hawr-eu maqjan-eu tsawrhaq cawqtaf nya-eu aqjeq jav-eu la?

Gaˬlaˬtiˆ 6:10

Khoeruqtaf, aqdui khar yaeflar ngae, tsawrhaq dawqtawv luf-anr yawmuiq jeq mrnaeq kar-eur. Aqcawq-anr navmaqtser, jan-eu nymrkhanq-euq lafkhoer mrnaeq-eu tsaq mae.

2 Tiˆmoˇseˬ 2:12

Aqdui daqcoer orcoer nar-aq, aqyawf naeq-aer tiqkawv lof-aer dzoeqdzaq ya’mr taef-a. Aqdui, aqyawf-anr maq hageuf nar-aq, aqyawf khawf aqdui-anr maq hageuf-ar.

2 Tiˆmoˇseˬ 3:5

Aqyawfmaf, Miqyaer-anr yawzeu baw-eu janrgeuf-eu khawf, heu-euq baoq-anr maq hageuf-a. Khoerlof-aer ghae-eu tsawrhaq-anr garjaw jaw-awq.

Tiˇtuˆ 1:16

Aqyawfmaf, Miqyaer-anr siqnya ma laer aer-eu khawf, aqyawfmaf mrgar shargar haw nar-aq, Miqyaer-anr siqnya gar tiqpawf-iq maqdur-a. Aqyawf maf-aq, byae duiduilar paq-aer ghae-awr, aerdawq maq narhaq-eu tsawrhaq mirnae, yawmuiq jeq mr-eu tiqpawf-iq maqgeux-a.

2 Beˬtuˆluˆ 2:1

Aerkhawf, tsawrhaq-euq ghanrcae, Miqyaer gharduq ngaeqdan-eu jaqmyawf deuq jawr-awr, nawmaf-euq ghanrcae khawf, maeqzaq jaqmyawf deuq dovlar taef-a. Aqyawfmaf lavcawv-eu janbanq janlaeq-eu jeq yuranrkhoeq laf-awr, aqyawf maf-anr zeurkhof-euq Sanqpaq-anr khawf “Maqsiq” laer pyaer taef-a. Khoermirnae, aqyawf maf-euq khoertav cawv-ir-eu jeq yawkawr-aer keuvleni yawqhar yawqha janr-eu mae.

Yuˇdaˆ 1:4

Aqjeq mirnae aernar-aq, tsawrhaq tiqghaqnav, aqdui maf-euq lafkhoer urkhoeq lar-euq mae. Aqyawf maf-aq, jawflafni ghae-eu jeq mrnya’ni, Miqyaer-euq guiqlanq yawdzanr lavpyawv-awr, aqdui-euq Sanqpaq Yeqsur Kali tiq ghaq taef-aer Sanqpaq Miqyaer pyeuf-eu mae laer maq hageuf-eu, Miqyaer-anr yawzeu maqbaw-eu tsawrhaq mae. Aqyawf maf-aq, yarkhaq dar-eu gar yadaqni arhuba nae bi dartsaev taq-euq mae.

Panmaeq 2:13

“Ngar, nawq nae mr-eu jeq siqnya-awr, nawq-euq jawrduq-aq, naef Saqdaq-euq nuirmanq mae laer khawf siqnya ma. Nawr, ngaq-euq tsawrmyanr-anr zifdanni nyaeftaeq-awr, Aqdirpav daefluf ngae khawf, nawr, ngaq-anr jan-eu jeq-anr maq byaerdzae-aq. Ngaq-anr sarjax zif-awr shirpeuq-eu Aqdirpav-aq, nawmaf-euq ghanrcae, naef Saqdaq-euq jawrduq-anr bisaef-euq mae.

Panmaeq 3:8

“Ngar, nawq nae mr-euq jeq-anr siqnya ma. Hawsher-eq. Ngar, tsawrhaq tiqghaq-iq maq piqtaeq nya-eu larghov tiqghov, nawq-euq maeqshi pantaq-euq ma. Nawr ghaq uicuiv taef-aer anr-eu khawf, ngaq-euq dawq-anr narhaq geuf-awr ngaq-euq tsawrmyanr-anr maq byaerdzae-aq.