1 Tiˆmoˇseˬ 5:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Aqbawr tsawrmawq deuq-anr daeqdaeq-aer taqmaeq. Yawqha-euq aqda laer sawx-awr ghaq bif-awr, aqli zaqguq deuq-anr-aq, yawqha-euq maernmr laer sawx-awr ghaq bif-awq.

Akha

¹ Tsawˇ mawˬ tsawˇ kʼaˆ-ahˇ dehˬ dehˬ-ehˇ taˬ mehˬ. Yawˬ ha-euˬ aˬ da loꞈ-ehˇsawˇ-awˇ nahˬ yu ni mehˬ nehˬ tsoˆ nehˬ-awˬ. Zaˬ guˬ deuˬ-ahˇ yawˬ ha-euˬ mehˇ nmˇ loꞈ-ehˇ sawˇ-awˬ.

1 Tiˆmoˇseˬ 5:1 ပူးပေါင်းရင်းမြစ်များ

Maꞈtehˬ 23:8

Aerkhawf, aqcawq nae nawmaf-anr ‘Saqlaq’ laer taqbi kur. Aqjeq mirnae aernar-aq, nawmaf-euq saqlaq tiq ghaq taef-aer jawr-awr, nawmaf dawqtawvluf aqyuif aqnyir taef mae.

Gʼaˬkʼehˇ 14:23

Aqyawfnyaf, Kalizaq armur yawqmur navluf-anr, aqyuif aqtsu tserdov naeq-awr, dzardzaq sheuq-awr guiqlanq shar-eu lafkhoer, aqyawfmaf janluf-eu Sanqpaq Miqyaer-euq aqlaf-euq lafkhoer a’naeq yaf-euq mae.

Gʼaˬkʼehˇ 15:4

Aqyawfmaf, Yeqlursaqlaeq-anr lekeuv ngae, Kalizaq armur, ghaqkhaer deuq hawr-eu aqyuif aqtsu deuq, aqyawf maf-anr hageuf-euq mae. Khoerngae, Miqyaer, aqyawf nyaf-anr ghoe-awr kharmr kharshar-euq garkawv dawqtawvluf, aqyawf maf-anr dzawrnaeq-euq mae.

Gʼaˬkʼehˇ 15:6

Khoermirnae, ghaqkhaer deuq hawr-eu aqyuif aqtsu deuq uiqler-awr, garkawv khoer maeqbawq mr-euq mae.

Gʼaˬkʼehˇ 20:17

Pawrluv, Meqleqdur-anr jawrluf ngae, Erpersu Kalizaq armur-euq aqyuif aqtsu deuq-anr kuruiq laf-euq mae.

Lormav 13:7

Tsawrhaq yawqghaq navluf-anr bif paq-aer ghae-eu lof-aer bifnaeq-awq. Jeq tafnaeq paq-aer ghae-eu deuq-anr tafnaeq-awr, pyur dovnaeq paq-aer ghae-eu deuq-anr dovnaeq-awq. Guv paq-aer ghae-eu tsawrhaq-anr guv-awr, taqhuiqnaeq paq-aer ghae-eu tsawrhaq-anr taqhuiq naeq-awq.

Gaˬlaˬtiˆ 6:1

Aqyuif aqnyir deuq-or! Tsawrhaq tiqghaqnav mrbanq mrlaeq luf-eu nar-aq, nawmaf saflar paw ghaq khav-eu deuq, nuima nanqyuni anr-awr aqyawf-anr sheuqpyawrkhof laf-eu tsaq mae. Yawqha khawf, murjur jur-eu maeqnan maqya cantae ghaeni yanr-awq.

1 Tiˆmoˇseˬ 5:17

Kalizaq armur-anr yawmuiq-aer uvlanr-eu aqyuif aqtsu deuq-aq, nyiq bymr byanni taqhuiq naeq-eu gar za-eu geux-eu mae. Aqyawf maf-euq lafkhoer, dawqmaeq maeq-eu hawr-eu dawqmaeq dawqtsov tsov-eu gar mr-eu deuq-anr, ngeurdzaeq taqhuiqnaeq paq-aer ghae-eu mae.

1 Tiˆmoˇseˬ 5:2

Aqpiq tsawrmawq deuq-anr yawqha-euq aqma laer sawx-awr, aqbur zaqguq deuq-anr yawqdzer dzaq-anr navluf nuima shawrjaevni ghae-eu lafkhoer, yawqha-euq dmrma laer sawx-awr ghaq bif-awq.

Tiˇtuˆ 2:2

Aqbawr tsawrmawq deuq-anr yawqha-euq nuima-anr ghaqlerni, aqcawq yawzeu bawni, nuima taqnya’ni maeqnaeq tsovnaeq-awq. Jan-eu jeq, gaq-eu jeq hawr-eu daqcoer orcoer-eu jeq, tiqbyan tiqlof anrlarni khawf maeqnaeq-awq.

Tiˇtuˆ 2:6

Khoerlof-aer durni, aqda dakhar deuq-anr khawf, yawqjeq navluf-euq lafkhoer nuima yawmuiq-aer taqnya’ni ghaq bif-awq.

Yaˬkoˆ 3:17

Aerkhawf, mq-anr nae dovle-euq zaqsiq tsawrganr yawbae jeq-aq, yawshawr mae. Khoeruqtaf, tsaqler dzoerler-eu jeq hawr-eu nuinanq nuiyu anr-awr, narhaqgeuf nya-eu jeq hawr-eu ghawqshaq gaq-eu nuima tiqbyanni anr-eu uqtaf, yawmuiq jeq mr-awr, myavpyawq huiqnyir maqtser-aer, yawmuiq janrgeuf-eu jeq maqanr-a.

Yaˬkoˆ 5:14

Nawmaf-euq lafkhoer tiqghaqnav narluf gawrluf nar-aq, aqyawf, Kalizaq armur-euq aqyuif aqtsu deuq-anr kur-eu tsaq mae. Aqyawfmaf, Sanqpaq Yeqsur-euq tsawrmyanr-anr ghoeghoe-aer, nar-eu khoerghaq-anr tsir laefnaeq-awr, aqyawf-euq gharduq guiqlanq sharnaeq-eu tsaq mae.

1 Beˬtuˆluˆ 5:1

Ngar-aq, aqyuif aqtsu pyeuf-awr, Kali nae yadaq-euq shaqzanq-anr sarkir kamq-eu ghaq hawr-eu, aqkar panmaeq naeqlaf-eu yawshaef khanqsaer-anr aqyawf naeq-aer tiqkawv lof-aer za-eu ghaq khawf ngeur ma. Ngar, nawmaf-euq ghanrcae jawr-eu aqyuif aqtsu deuq-anr heulof-aer ghaq bif-eu ma.

2 Yoˇhaˬ 1:1

Ngar-aq, aqyuif aqtsu ma. Miqyaer nae tserdov taq-euq zaqmiq tiq ghaq-anr hawr-eu aqyawf-euq zaqdeuq-anr sanqbof bofanr lef-euq ma. Yawtsaq yawdawr-euq lafkhoer, ngar, nawmaf-anr gaq-eu ma. Ngar taef-aer gaq-eu maqngeur-eu, yawtsaq yawdawr jeq-anr siqnya-eu tsawrhaq dawqtawvluf khawf gaq-eu mae.

3 Yoˇhaˬ 1:1

Ngar-aq, aqyuif aqtsu ma. Aqdui zawr gaq-awr yawtsaq yawdawr-euq lafkhoer ngar zawr gaq-eu Gaqyur-anr sanqbof bofanr lef-eu ma.

Panmaeq 4:4

Nuirmanq khoer-euq tiqjawq, nuirmanq 24 manq jav-awr, nuirmanq khoerdeuq-anr maeqtsoeq yawpyur dm-awr, shuir uqkhov khovluf-eu aqyuif aqtsu 24 ghaq nuirluf-eu mae.