1 Tiˆmoˇseˬ 4:8 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Aqjeq mirnae aernar-aq, mawrdo paw ghaq anrlarni mrdzaw-eu jeq-aq, gardanr uicuivnav tsoeq-eu mae. Aerkhawf, Miqyaer-anr yawzeu baw-eu jeq-aq, yawqjeq navluf-euq lafkhoer gardanr tsoeq-eu mae. Khoer-aq, heuzir hawr-eu aqkar karzir-euq gharduq sarjax dzaqtaq-euq mae.

Akha

⁸ Shiˬ shaˬ jiˇ gʼawˇ mawˇ gʼaˬ ahˇ laˇ ni jahˇ dzaw-eu jeˬ-aˬ, gaˇ dahˇ ui cuiˆ tsoeˬ-eu tehꞈ meh. Ehˇ kʼawꞈ, saꞈ laˇ paw gʼaˬ ahˇ laˇ ni mˇ dzaw shaˇ dzaw-eu jeˬ-aˬ, yawˬ paw na luꞈ gaˇ dahˇ tsoeˬ-eu meh. Aˬ jeˬ miˇ neh ehˇ naˇ, kʼoeˇ-aˬ, heu ziˇ gʼaˇ duˬ maˬ ehˇ, aˬ kaˇ kaˇ ziˇ gʼaˇ duˬ maˬ ehˇ, gaˇ dahˇ tsoeˬ-eu yaw duˬ baw meh.

1 Tiˆmoˇseˬ 4:8 ပူးပေါင်းရင်းမြစ်များ

Jaceuq 145:19

Aqyawf, aqyawf-anr guv-eu tsawrhaq deuq geufmawf-eu jeq tiqlof bifnaeq-awr, Aqyawfmaf kur ngae, narhaq-awr kakhof naeq-eu mae.

Jaceuq 37:11

Aerkhawf, nuinanq nuiyu anr-eu deuq-aq, jeqbir of-awr mirkhanq za taef-a. Khoernar-aq, aqyawfmaf nuisar of-eu jeq byan-eu mirnae laqkhaq yacaer taef-a.

Jaceuq 37:29

Tsaq-awr dawr-eu tsawrhaq-anr, jeqbir lof-aer mirkhanq of-awr; Heu-euq lafkhoer mqmaq maqbyav yarzir yajawr taef-a.

Jaceuq 37:9

Aqjeq mirnae aernar-aq, tsawrdoer-aq, yabi deuvtsaev dzae-eu khawf, Ya’we Miqyaer-anr dawq-eu deuq-aq, jeqbir of-awr mirkhanq za taef-a.

Jaceuq 84:11

Aqjeq mirnae aernar-aq, Miqyaer pyeuf-eu Ya’we Miqyaer-aq, Nanrma hawr-eu daeqdaqduq pyeuf-eu mae. Ya’we Miqyaer, guiqlanq yawdzanr hawr-eu, Yawshaef khanqsaer bif-awr; Aqyawf dawrcoeni can-eu deuq-anr, Yawmuiq jeq maqbif-aer maqghae-a.

Dawqdaq 19:23

Ya’we Miqyaer-anr guv-eu jeq-aq, Daef-eu jeq-anr sheuqghae lef-awr, Yawdoer jeq maqya mawr-aer, Nuima tmqjawvni yadaef taef-a.

Dawqdaq 22:4

Nuinanq nuiyu anr-awr, Ya’we Miqyaer-anr guv-eu-aq, Daef-eu jeq hawr-eu khanqsaer za-awr, smrmuiq muiqlar-eu mae.

Maꞈtehˬ 12:32

Tsawrhaq-euq Zaqyo-anr ngaeqbanq-euq aqgeu ghaq-euq iqbax-anr maqkaq, iqbax pyaeqnaeq nya-a siq. Aerkhawf, Yawshawr Saflar-anr ngaeqbanq-euq aqgeu ghaq-euq iqbax-anr maqkaq, heuzir-anr khawf, aqkar karzir-anr khawf, iqbax maq pyaeqnaeq-ar.

Maꞈtehˬ 19:29

Ngaq-euq tsawrmyanr-euq gharduq, yawqha-euq nymr, maqngeur nar-aq, maernmr, dmrma, aqma aqda, zaqmiq zaqyo, daeyar, heudeuq byaerdzae yaf-euq tsawrhaq yawqghaq navluf, khoermyav maqtser 100 bymr za-eu uqtaf, mqmaq maqbyav yarzir daef-eu jeq za taef-a.

Maꞈtehˬ 6:33

Nawmaf, Miqyaer uvlanr-eu jeq hawr-eu aqyawf-euq tsaq-awr dawr-eu jeq-anr jeqhu pov-awq. Khoerdeuq dawqtawvluf, aqyawf, nawmaf-anr biflanq naeqlaf taef-a.

Maˬkuˆ 10:30

heuzir-euq lafkhoer, nymr, maernmr, dmrma, aqma, zaqmiq zaqyo hawr-eu daeyar, heudeuq aryar bymr za taef-a. Khoeruqtaf, khaeq-awr khav-eu jeq-anr yadaq taef-a. Aqkar karzir-anr khawf, mqmaq maqbyav yarzir daef-eu jeq za taef-a.

Luˇkaꞈ 5:38

Aerkhawf, aqgaf dzaruir yawshuif-aq, shaqkhov irpuq yawshuif-anr shaevanr nar-aq, nyiq jeq luf-anr jeqhmqnya taef-a.

Lormav 8:28

Miqyaer, aqyawf-anr khargaq-eu tsawrhaq-euq gharduq, yawqjeq navluf-euq lafkhoer nae, yawmuiq jeq bi dovlar-eu mae laer aqdui siqnya ma. Miqyaer nae noeqtaq-euq lof-aer pyeuflarni, aqyawf, tsawrhaq khoerdeuq-anr kur-euq mae.

1 Gawˇliˬtu 3:22

Pawrluv khawf, Aqpawrluv khawf, Geqpar khawf, mirtsaq khawf, yawdaef jeq khawf, yawshir jeq khawf, nymq-mr pyeufluf-eu deuq khawf, aqkar pyeuflar-eu deuq khawf, dawqtawvluf nawmaf-euq mae.

1 Gawˇliˬtu 8:8

Aerkhawf, dzaqdzaq dawrdawr-euq baqda’nae, aqdui, Miqyaer-euq maeqshi myavpyawq narmaer za-eu maqngeur-a. Aqdui dzaq nar-aq muiqdzaeq lar-eu maqngeur-aer, maqdzaq nar-aq doerdzaeq-ir-eu laer khawf maqngeur-a.

1 Tiˆmoˇseˬ 4:7

Miqyaer-anr yawzeu maqbaw-eu dawqmawq dawqoer deuq-anr taq narhaq. Miqyaer-anr yawzeu baw-eu siqnya larni nawr yawmuiq-aer mrdzaw-awq.

1 Tiˆmoˇseˬ 6:3

Tsawrhaq tiqghaqnav, aqdui-euq Sanqpaq Yeqsur Kali-euq dawq hawr-eu Miqyaer-anr yawzeu baw-eu dawqmaeq dawqtsov-anr maq tsaqler-eu, beugar-eu jeq maeq nar-aq,

1 Tiˆmoˇseˬ 6:5

Khoeruqtaf, sharnoeq sharsawx nya-eu nuima cawv-ir-awr, yawtsaq yawdawr jeq maqpar anr-eu tsawrhaq deuq-euq yawkaq, tsawrpyaer pyaer-eu jeq bi dovlar-eu mae. Aqyawfmaf, Miqyaer-anr yawzeu baw-eu jeq-aq, jirjeuq jeuqlar taef-a laer noeqtaq-euq mae. Nawr khoerlof-aer ghae-eu tsawrhaq-anr garjaw jaw-awq.

1 Tiˆmoˇseˬ 6:6

Miqyaer-anr yawzeu baw-awr, yawqha kharjav-eu jeq-anr nuikhanr shir-eu-aq, zawr myaq-eu jirjeuq pyeuf-eu mae.

2 Tiˆmoˇseˬ 3:5

Aqyawfmaf, Miqyaer-anr yawzeu baw-eu janrgeuf-eu khawf, heu-euq baoq-anr maq hageuf-a. Khoerlof-aer ghae-eu tsawrhaq-anr garjaw jaw-awq.

Tiˇtuˆ 3:8

Dawq heudawq-aq, jancoer ghoecoer paq-aer ghae-eu mae. Miqyaer-anr jan-eu tsawrhaq deuq, aqmyanluf yawmuiq jeq ya’mr mae laer maqya ngaerni, ngar, nawq-anr yawmuiq-aer bimaeq bi tsovmawf mir-a. Gar khoerdeuq-aq, muiq-eu gar pyeuf-eu uqtaf, tsawrhaq yawqghaq navluf-euq gharduq gardanr tsoeq-eu mae.

HeˬByehˇ 13:9

Nawmaf, beugar-eu dawqmaeq dawqtsov kharngeur-eu jeq-anr taq cantae-ir. Aqjeq mirnae aernar-aq, dzaqdzaq dawrdawr-euq baqda’nae maqngeur-eu, guiqlanq yawdzanr-euq lafkhoer nuima bi zifdzaeq lar-eu-aq, muiqdzaeq-eu mae. Dzaqdzaq dawrdawr-aq, dzaqdzaq dawrdawr nae bi uvlanr taq-eu tsawrhaq khoerghaq-anr tiqjeq-iq gardanr maqtsoeq-a.

1 Yoˇhaˬ 2:25

Heu-aq, mqmaq maqbyav yarzir daef-eu jeq bif ma laer Kali, aqdui-anr sarjax dzaqtaq-euq mae.

Panmaeq 3:12

Ngar, ghaqler-eu tsawrhaq-anr ngaq-euq Miqyaer-euq uqduq tanqnymr nymrma-euq khawrzeur bigeuf-awr, aqyawf-anr aqmyanluf khoergar bijawr ma. Ngaq-euq Miqyaer-euq tsawrmyanr, hawr-eu ngaq-euq Miqyaer jawr-eu mq-anr nae oeka-euq Yeqlursaqlaeq yawshuif pyeuf-eu, ngaq-euq Miqyaer-euq meuq-euq tsawrmyanr hawr-eu ngaq-euq tsawrmyanr yawshuif, ngar, aqyawf-euq khoertav bofdavnaeq ma.

Panmaeq 3:21

Ngar ghaqler-euq mirnae, ngaqDa-euq nuirmanq-anr ngaqDa naeq-aer tiqkawv lof-aer nuirluf-eu lof-aer, ngar khawf ghaqler-eu tsawrhaq-anr ngaq naeq-aer ngaq-euq nuirmanq-anr binuir ma.