1 Tiˆmoˇseˬ 4:6 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Nawr, aqyuif aqnyir deuq-anr garkawv heudeuq maeqnaeq nar-aq, nawr-aq, Yeqsur Kali-euq muiq-eu kuirlaf zaqkhav pyeuf taef-a. Jan-eu jeq-anr taf-eu dawq hawr-eu muiq-eu dawqmaeq dawqtsov-anr yawmuiq-aer cantae-eu lafkhoer huiqlar taef-a.

Akha

⁶ Gaˇ kawˆ heu deuˬ aˬ yuiꞈ aˬ nyiˇ Ka li zaˬ deuˬ-ahˇ nawˇ mehˬ nehˬ naˇ, nawˇ-aˬ, nawˬ neh caw teh gʼeh-euˬ jah-eu jeˬ-ahˇ taꞈ-eu yaw tsaˬ yaw dawˇ jeˬ laꞈ kʼoeˇ hawˇ-eu muiˬ dui dui-eu mehˬ-eu tsoˆ-eu dawˬ deuˬ laꞈ kʼoeˇ huiˬ laˇ-euˬ, Yeˬsuˇ Ka li-euˬ muiˬ-eu zaˬ kʼaˆ tiˬ gʼaˬ pyeuꞈ tehꞈ-a.

1 Tiˆmoˇseˬ 4:6 ပူးပေါင်းရင်းမြစ်များ

Jaceuq 19:7

Ya’we Miqyaer-euq zanrdawq-aq, byan duidui-awr, nuima saflar-anr lavmuiq lavpar-eu mae. Ya’we Miqyaer-euq dawqdzawr-aq, yawduq baw-awr maqdzaw-euq zaq-anr tsawrganr bi anrlar-eu mae.

Dawqdaq 4:2

Aqjeq mirnae aernar-aq, Ngar, nawq-anr muiq-eu dawqmaeq dawqtsov bifnaeq nyar. Nawmaf, ngaq-euq zanrdawq-anr taq byaerdzae.

Maꞈtehˬ 13:52

Yeqsur, aqyawf maf-anr aernaeq-eu, “Miqyaer-euq mirkhanq-euq garkawv dzawtaq-euq zanr maeq-eu yawqghaq navluf, nymrsanr tiq ghaq, aqyawf-euq myawq taqduq-anr nae, myawq yawshuif hawr-eu yawoer yurdov lef-eu gar dur-eu mae.”

Luˇkaꞈ 1:3

Ngar khawf garkawv heudeuq dawqtawv luf-anr ardanq bae-eu gar nae yawmuiq paq-aer povtser duq-awr, maeqhu maeqnan tsaqni nawq-anr bofanr lef-eu tsaq taef-a laer, noeq-awr bofghae lef-euq ma.

Gʼaˬkʼehˇ 1:15

(Khoerngae yamq-anr, tsawrhaq 120 ghaq aerghaqni uiqler taq-awr jawr-eu gar), Beqtuvluv, zaqlanr deuq-euq ghanrcae nae turlar-awr heulof-aer aer-eu mae:

Gʼaˬkʼehˇ 20:31

Khoermirnae, nawmaf yawbeur beur-aer jawr-awq. Ngar smr khof byanni uqcif nan’ghanr maqaer, maq naqlerni myavbir dovdov-aer, nawmaf yawqghaq navluf-anr aernoeq naeq-euq gar noeqmawr-awq.

Gʼaˬkʼehˇ 20:35

Nawmaf khawf khoerlof-aer gar yawkhav-aer mrmr-aer, ghaq baq-eu deuq-anr cawba’ni, ngar yawqjeq navluf-euq lafkhoer nawmaf-anr mrmaeq naeq-euq ma. Sanqpaq Yeqsur nae aertaq-euq dawq heudawq-anr khawf noeqkeuv-awq, ‘Bif-eu-aq, za-eu navmaqtser guiqlanq huiqdzaeq-eu mae.’ ”

Lormav 15:15

Aerkhawf, ngar, nawmaf-anr garkawv tiqdeuqnav aernoeq naeq-eu laer, nuima khaqduqni nawmaf-anr sanqbof bofanr laf-euq ma. Miqyaer, ngaq-anr guiqlanq yawdzanr bifnaeq laf-euq baqda’nae,

1 Gawˇliˬtu 4:17

Khoer baqda’nae, Sanqpaq Miqyaer-euq lafkhoer sarjax zif-awr, ngar zawr gaq-eu zaqyo Tivmorseq-anr nawmaf jawr-eu gar bilar-euq ma. Ngar, yawqgar navluf jawr-eu Kalizaq armur dawqtawv luf-anr maeqnaeq tsovnaeq-eu lof-aer, ngar, Kali-anr ghoe-awr mr-eu mrjeq sharkawv aqyawf, nawmaf-anr ja’noeq naeqlaf taef-a.

2 Gawˇliˬtu 11:23

Aqyawfmaf, Kali-euq ghaqzaq ghaqkhaer-a laq? Ngar, aqdzawq argan lof-aer ngaeq ma de-eq. Ngar, aqyawf maf-euq navmaqtser Kali-euq ghaqzaq ghaqkhaer ma. Ngar, aqyawf maf-euq navmaqtser gar mr-eu laejae-awr, maq guijir coerni diqlar khovlaf-eu gar yadaq-euq uqtaf, aqyawf maf-euq myavmaqtser kuv-anr urmyaq dzaeq-awr, shirtaw taeqni khawf ghawqmya pov daqhaw-euq ma.

2 Gawˇliˬtu 3:6

Nga’maf, dawqma sarjax yawshuif-euq guiqlanq-euq gar bi mrnya larni Miqyaer, nga’maf-anr janrnaeq laf-euq mae. Dawqma sarjax heu-aq, sanqbof armawr-anr taf-eu maqngeur-a, muiq-eu Saflar-anr taf-eu mae. Aqjeq mirnae aernar-aq, sanqbof armawr-aq, lavsaef-eu khawf, muiq-eu Saflar-aq, daef-eu jeq bif-eu mae.

2 Gawˇliˬtu 6:4

Aerkhawf, nga’maf yawqjeq navluf-euq lafkhoer yawqhar yawqha, Miqyaer-euq guiqlanq-euq gar mrzaq ma laer noeqpoeq-awr, heudeuq-anr yadaq-euq ma: yawkhav-aer ya’or-eu, shaqzanq myaq-eu, mawf-awr nym-eu, noeqshaq-eu,

Eˇpeˇsu 6:21

Ngar aqjox-aer pyeufluf-awr, aqjox-aer mrluf sharluf-eu garkawv nawmaf yasiqni, sarjax zif-awr Sanqpaq Miqyaer-euq kuirlaf zaqkhav pyeuf-eu, ngar zawr gaq-eu maernmr Durjir, nawmaf-anr yawqjeq navluf ja’maeq naeqlaf taef-a.

Piˇliˇpiˆ 2:20

Aqjeq mirnae aernar-aq, ngaq naeq-aer nuima tiqsiq taef-aer taq-awr, nawmaf-euq gharduq nuima shawrjaevni sharnoeq naeq-eu tiqghaq-iq maqjawr-a.

Piˇliˇpiˆ 2:22

Aerkhawf, nawmaf, Tivmorseq aqjox-aer ghae-eu tsawrhaq la laer siqnya-eu mae. Zaqyo tiq ghaq, aqda naeq-aer gar mr-eu lof-aer, guiqlanqdawq maeq-eu gar, aqyawf, ngaq naeq-aer mrluf-eu mae.

Piˇliˇpiˆ 3:16

Aqjox-aer law-awr khawf, aqdui nuima tiqgar taf-awr, aqdui aqgeu tiv-anr zataq-euq ngeur nar-aq, khoertiv-anr geuxni daef kar-eur.

Gawˇlawˇsehˇ 2:19

Aqyawf maf-aq, uqduq-anr maq tsoftsaf-a. Uqduq-anr khar tsoftsaf taq-euq mawrdo-aq, yoeqtsuif yoeqlaf hawr-eu shaqguq shaqcav nae aqyawf saer aqyawf gheutsaf taq-awr bidzaq bi dawrluf-eu mirnae, Miqyaer nuima tsaq-eu lof-aer huiqlar manrlar nya-eu mae.

Gawˇlawˇsehˇ 3:16

Kali-euq dawq nawmaf-euq lafkhoer tiqbyan tiqlof bi sanrlar-awq. Zaqsiq tsawrganr tiqbyanni anr-eu lafkhoer, jaceuq-eu dawq, jaceuq-eu cardawq hawr-eu saflar paw-euq cardawq-anr ghoeghoe-aer, tiqghaq tirghaq maeqnaeq tsovnaeq-awr ghaq bif-awq. Nawmaf-euq nuima-euq lafkhoer anr-eu guiqlanq yawdzanr nae Sanqpaq Miqyaer-anr carcar-aer jaceuq-awq.

Gawˇlawˇsehˇ 4:7

Ngar zawr gaq-eu maernmr Durjir-aq, ngaq-euq garkawv dawqtawvluf nawmaf-anr ja’naeqlaf taef-a. Aqyawf-aq, sarjax zif-eu kuirlaf zaqkhav hawr-eu ngaq naeq-aer tiqkawv lof-aer Miqyaer-euq gar mrzaq pyeuf-eu mae.

1 Teˇsaˬloˇni 3:2

Nawmaf jan-eu jeq zifdanni ghaelarni, ghaq bibif-eu gharduq, nga’maf nae nawmaf jawr-eu gar aqdui-euq maernmr Tivmorseq bilar-euq ma. Aqyawf-aq, Miqyaer-euq kuirlaf zaqkhav pyeuf-awr, Kali-euq guiqlanqdawq maeq-eu, nga’maf-euq gar mrcawq pyeuf-eu mae.

1 Tiˆmoˇseˬ 1:10

banq-awr joe-eu tsawrhaq, aqli yawkaq aqli yuftaf joetaf-eu tsawrhaq, tsawrhaq khoeqanq-eu tsawrhaq, jaqmyawf myawf-eu tsawrhaq, maqngeur-eu jeq kamq-eu tsawrhaq hawr-eu tsaq-awr tsanr-eu jan-eu jeq-euq dawqmaeq dawqtsov-anr lavtsoeq lar-eu jeq-euq gharduq zanrdawq bijav-euq mae laer aqdui siqnya-eu ma.

1 Tiˆmoˇseˬ 4:16

Yawqha-euq dawqmaeq dawqtsov-anr yawmuiq-aer yanryanr-aer daef-awr, khoerdeuq-anr mrdavlef ngae, nawq-euq mawrdo hawr-eu nawq-euq dawq yagaq-euq tsawrhaq deuq khawf yabuq-ir taef-a.

1 Tiˆmoˇseˬ 6:3

Tsawrhaq tiqghaqnav, aqdui-euq Sanqpaq Yeqsur Kali-euq dawq hawr-eu Miqyaer-anr yawzeu baw-eu dawqmaeq dawqtsov-anr maq tsaqler-eu, beugar-eu jeq maeq nar-aq,

2 Tiˆmoˇseˬ 1:6

Khoermirnae, ngaq nae nawq-euq khoertav aqlaf bafdav-euq gar ghoe-awr, Miqyaer, nawq-anr bif-euq lafsawq khoer maqbi miv-ir ni lavnyaev-awq laer ngar, nawq-anr aernoeq-eu ma.

2 Tiˆmoˇseˬ 3:10

Aerkhawf, nawr-aq, ngaq-euq dawqmaeq dawqtsov, mr-awr shar-eu, noeqtmq-eu, jan-eu, nuinoeq ghawqmanrni noeq-eu, gaq-eu, or-eu nuima anr-eu, heudeuq-anr yawmuiq-aer cantae-euq mae.

2 Tiˆmoˇseˬ 4:3

Aqjeq mirnae aernar-aq, tsaq-awr tsanr-eu dawqmaeq dawqtsov-anr maq narhaq nanr-eu aryamq keuvle taef-a. Aqyawfmaf narhaq mawf-eu jeq taef-aer narhaq-awr, yawqha-euq nuima-anr tsaqni maeq-awr tsov-eu saqlaq ghawqmya ghaq povuiq taef-a.

Tiˇtuˆ 2:1

Aerkhawf, nawr-aq, tsaq-awr tsanr-eu dawqmaeq dawqtsov-anr tsaqler-eu lof-aer taef-aer maeq-awq.

1 Beˬtuˆluˆ 2:2

Zaqnanq, aqcoer dawrmawf-eu lof-aer, nawmaf khawf, shawrjaevni ghae-eu aqcoer pyeuf-eu Yaerdawq-anr dawrmawf-awq. Dawr nar-aq, nawmaf huiqlar manrlar taef-a.

2 Yoˇhaˬ 1:9

Kali-euq dawqmaeq dawqtsov-euq lafkhoer maqdaefni, daefbanq daeflaeq-eu aqsur ghaq maqkaq, aqyawf-euq lafkhoer Miqyaer maqjawr-a. Kali-euq dawqmaeq dawqtsov-euq lafkhoer daef-eu aqsur ghaq maqkaq, Aqda Miqyaer hawr-eu Zaqyo-anr taf-eu mae.

Yuˇdaˆ 1:5

Garkawv heudeuq dawqtawvluf nawmaf arhu nae siqnya taq-euq khawf, ngar, nawmaf-anr tiq pov par ja’noeqnaeq mawf nya siq. Sanqpaq Miqyaer, Irjirtuv-anr nae aqyawf-euq tsawrhaq-anr bibuq-ir-awr, arnan-aq, maqjan-eu tsawrhaq deuq-anr lavcawv naeq-euq mae.