1 Tiˆmoˇseˬ 4:3 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Miqzaq taqsheuq, smrmir taqir laer aqyawfmaf aer-awr, khoerjeq heujeq maq dzaqkhmq-a laer aer-eu mae. Yawtsaq yawdawr-anr jan-awr siqnya-eu tsawrhaq-aq, Miqyaer-anr jaceuq-awr dzaq nar-aq, dzaqdzaq dawrdawr khoerdeuq-aq, Miqyaer nae baetaq-euq mae.

Akha

³ Sheuˬ dahˬ dzaˬ taꞈ-eu maˬ tsaˬ-a lehˇ mehˬ-eu uˬ taꞈ, dzaˬ dzaˬ dawˇ dawˇ tiˬ paˆ na deuˬ-ahˇ maˬ dzaˬ kʼmˬ-a lehˇ aˬ yawꞈ maꞈ mehˬ-eu meh. Ehˇ kʼawꞈ, dzaˬ dzaˬ dawˇ dawˇ kʼoeˇ deuˬ-aˬ, yaw tsaˬ yaw dawˇ jeˬ-ahˇ siˬ nya laˇ-euˬ tsawˇ haˬ deuˬ Miˬyehˇ-euˬ guiˬ lahˬ-ahˇ ja ceuˬ gʼaˬ-awˇ bi dzaˬ-eu gʼaˇ duˬ Miˬyehˇ neh beh taˬ-euˬ meh.

1 Tiˆmoˇseˬ 4:3 ပူးပေါင်းရင်းမြစ်များ

Maꞈtehˬ 14:19

Khoernar-aq, Yeqsur, tsawrhaq armaf mafma-anr daqzawq yarmof-euq khoertav nuir-awq laer dawq bif-euq mae. Khoerngae, kaqmur khoer ngaq siq hawr-eu ngaqshaq khoer nyiq mawr yur-awr, mq paw haw-awr, Miqyaer-euq guiqlanq-anr jaceuq-euq mae. Khoernar-aq, kaqmur khoer ngawqpyaeq-awr, zaqlanr deuq-anr bif-awr nae, zaqlanr deuq, tsawrhaq armaf mafma deuq-anr bifnaeq-euq mae.

Maꞈtehˬ 15:11

Khaqmae-anr nae anr-ir-eu jeq-aq, tsawrhaq-anr maqshawrni bi pyeuflar-eu maqngeur-a. Khaqmae-anr nae dovlar-eu jeq taef-aer tsawrhaq-anr maqshawrni bi pyeuflar nya-eu mae.”

Maꞈtehˬ 15:36

Khoernar-aq, kaqmur khoer shif siq hawr-eu ngaqshaq khoermyav mawr yur-awr, Miqyaer-euq guiqlanq-anr jaceuq-awr, ngawqpyaeq-euq mae. Khoernar-aq, zaqlanr deuq-anr bifnaeq-awr zaqlanr deuq nae, tsawrhaq armaf mafma-anr birnaeq-euq mae.

Luˇkaꞈ 24:30

Khoerngae, heulof-aer pyeuflar-euq mae. Yeqsur, aqyawfnyaf naeq-aer jawq-awr dzaq-eu laer ghae ngae, Yeqsur kaqmur yur-awr jaceuq-euq mae. Khoernar-aq, ngawqpyaeq-awr aqyawf nyaf-anr bifnaeq-euq mae.

Yoˇhaˬ 6:23

Sanqpaq Yeqsur, Miqyaer-euq guiqlanq-anr jaceuq-awr, aqyawfmaf kaqmur yadzaq-euq jawrduq khoertsanr-euq dawqpae, Deqbeqlir meuq-anr nae lawq tiqdeuq larkeuv taq-euq mae.

Gʼaˬkʼehˇ 27:35

Pawrluv khoerlof-aer aerghaq-euq nar-aq, kaqmur yur-awr, dawqtawv luf-euq maeqshi Miqyaer-anr jaceuq-awr, ngawqpyaeq-awr aqyawf dzaq-euq mae.

Lormav 14:17

Aqjeq mirnae aernar-aq, Miqyaer uvlanr-eu jeq-aq, dzaq-awr dawr-eu garkawv maqngeur-a. Yawshawr Saflar-euq lafkhoer, tsaq-awr dawr-eu, nuisar of-eu hawr-eu laqkhaq caer-eu jeq pyeuf-eu mae.

Lormav 14:3

Dzaq-eu ghaq, maqdzaq-eu ghaq-anr taq hawdoer. Maqdzaq-eu ghaq khawf dzaq-eu ghaq-anr yarkhaq taqdar. Aqjeq mirnae aernar-aq, Miqyaer, aqyawf-anr hageuf ghaq-euq mae.

Lormav 14:6

Arnan tiqnan nav-anr lan-eu tsawrhaq-aq, Sanqpaq Miqyaer-anr noeqkeuv-awr lan-eu mae. Maqlan-euq tsawrhaq khawf, Sanqpaq Miqyaer-anr noeqkeuv-eu lafkhoer maqlan-eu mae. Dzaq-eu tsawrhaq khawf, Sanqpaq Miqyaer-anr noeqkeuv-awr dzaq-eu mae. Aqjeq mirnae aernar-aq, aqyawf, Miqyaer-anr jaceuq-awr dzaq-eu mae. Maqdzaq-eu tsawrhaq khawf, Sanqpaq Miqyaer-anr noeqkeuv-eu lafkhoer maqdzaqni, Miqyaer-anr jaceuq-eu mae.

1 Gawˇliˬtu 6:13

Dzaqdzaq dawrdawr-aq, uqmav-euq gharduq pyeuf-awr, uqmav-aq, dzaqdzaq dawrdawr-euq gharduq mae. Aerkhawf, Miqyaer heu nyiq jeq luf-anr lavcawv taef-a. Mawrdo-aq, banq-awr khaqmiq sheu-eu gharduq maqngeur-a, Sanqpaq Yeqsur-euq gharduq mae. Sanqpaq Yeqsur khawf mawrdo-euq gharduq mae.

1 Gawˇliˬtu 7:28

Nawr, miqzaq sheuq-eu law-awr khawf iqbax mr-eu maqngeur-a. Miqdaf dafshawr danqdzaq-ir-eu khawf iqbax mr-eu maqngeur-a. Aerkhawf, khoerlof-aer mr-eu tsawrhaq-aq, shiqshaq paw yashaq yazanq taef-a. Ngar, nawmaf-anr khoerdeuq maqbi daqmawf nya.

1 Gawˇliˬtu 8:8

Aerkhawf, dzaqdzaq dawrdawr-euq baqda’nae, aqdui, Miqyaer-euq maeqshi myavpyawq narmaer za-eu maqngeur-a. Aqdui dzaq nar-aq muiqdzaeq lar-eu maqngeur-aer, maqdzaq nar-aq doerdzaeq-ir-eu laer khawf maqngeur-a.

Gawˇlawˇsehˇ 2:16

Khoermirnae, dzaqdzaq dawrdawr, yawbui bui-eu, lalov latsaev lan-eu hawr-eu landaw jawrnan lan-eu garkawv heudeuq-euq baqda’nae, nawmaf-anr tiqghaq nae-iq yarkhaq taqbi dar.

Gawˇlawˇsehˇ 3:17

Nawmaf dawqngaeq dawqtmr mr-eu hawr-eu, mr-awr shar-eu yawqjeq navluf, Sanqpaq Yeqsur-euq tsawrmyanr-euq uqmov mr-awq. Aqyawf-anr ghoe-awr Aqda Miqyaer-euq guiqlanq-anr jaceuq-awq.

1 Tiˆmoˇseˬ 2:4

Tsawrhaq yawqghaq navluf kakhof-eu jeq za-awr, yawtsaq yawdawr jeq-anr siqnya lar-eu gar Miqyaer geufmawf-eu mae.

1 Tiˆmoˇseˬ 4:4

Miqyaer nae khar baetaq-euq yawqjeq navluf yawmuiq mae. Miqyaer-anr jaceuq-awr dzaq nar-aq, maq dzaqkhmq-eu tiqjeq-iq maqjav-a.

1 Tiˆmoˇseˬ 5:14

Khoermirnae, miqcoeq miqma zaqguq deuq-aq, smrmir ir-awr, zaqciq zaqcu mr-eu lafkhoer, nymrdanq yawmuiq-aer danqdzaq-eu gar ngar geufmawf mir-a. Khoerlof-aer janr nar-aq, aqdui-anr muir-eu tsawrhaq, aqdui-anr yaeqbawq saerlu-aer aerlarkhar maqza-ar.

HeˬByehˇ 13:4

Tsawrhaq yawqghaq navluf oermr bar-eu jeq-anr taqhuiq-awq. Yufzar khawf yawshawr shawr-aer bijav-awq. Aqjeq mirnae aernar-aq, aqcawq-anr khaqmiq sheu-eu hawr-eu banq-awr joe-eu tsawrhaq deuq-anr Miqyaer yarkhaq darnaeq taef-a.

HeˬByehˇ 13:9

Nawmaf, beugar-eu dawqmaeq dawqtsov kharngeur-eu jeq-anr taq cantae-ir. Aqjeq mirnae aernar-aq, dzaqdzaq dawrdawr-euq baqda’nae maqngeur-eu, guiqlanq yawdzanr-euq lafkhoer nuima bi zifdzaeq lar-eu-aq, muiqdzaeq-eu mae. Dzaqdzaq dawrdawr-aq, dzaqdzaq dawrdawr nae bi uvlanr taq-eu tsawrhaq khoerghaq-anr tiqjeq-iq gardanr maqtsoeq-a.