1 Tiˆmoˇseˬ 4:16 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ Yawqha-euq dawqmaeq dawqtsov-anr yawmuiq-aer yanryanr-aer daef-awr, khoerdeuq-anr mrdavlef ngae, nawq-euq mawrdo hawr-eu nawq-euq dawq yagaq-euq tsawrhaq deuq khawf yabuq-ir taef-a.

Akha

¹⁶ Yawˬ ha-euˬ gʼawˇ mawˇ gaˇ kawˆ maˬ ehˇ, yawˬ ha mehˬ-eu tsoˆ-eu jeˬ gaˇ kawˆ maˬ ehˇ, yaw muiˬ-ehˇ yahˇ-awˬ. Gaˇ heu deuˬ-ahˇ maˬ byehˇ ni mˇ daˆ leꞈ-awˬ. Aˬ jeˬ miˇ neh ehˇ naˇ, nawˇ kʼoeˇ loꞈ-ehˇ mˇ-eu kʼoeˇ-aˬ, nawˬ-euˬ gʼawˇ mawˇ-ahˇ maˬ ehˇ, nawˬ neh mehˬ nehˬ tsoˆ nehˬ-euˬ tsawˇ haˬ deuˬ-ahˇ maˬ ehˇ, ka kʼoꞈ-eu jeˬ pyeuꞈ-eu meh.

1 Tiˆmoˇseˬ 4:16 ပူးပေါင်းရင်းမြစ်များ

Tiˇtuˆ 1:9

Sarjax zif-eu dawq maeqmaeq-aer, aqcawq-anr ghaq bifnya-eu uqtaf, tsawrpyaer pyaer-eu tsawrhaq-anr maeqghaq nya’ni, aqyawf nae yadzaw-euq tsaq-awr tsanr-eu dawqmaeq dawqtsov-anr zifdanni nyaeftaeq taq-euq tsawrhaq khawf yapyeuf-eu mae.

Tiˇtuˆ 2:7

Aqyawfmaf dzawgeuf nya’ni, yawqjeq navluf-euq lafkhoer, nawr yawmuiq jeq taef-aer mr-awr, dawqmaeq dawqtsovtsov ngae, nuima keuv-awr yawzeu baw-eu lafkhoer, dawrcoeni maeqnaeq tsovnaeq-awq.

2 Tiˆmoˇseˬ 4:2

Yaerdawq yawmuiq-aer maeq-awq! Aryamq za ngae khawf, maqza ngae khawf maeq-eu laer laeqhmq taq-awq. Mrlaeq-euq deuq-anr toeqmaeq-awr, yawkhav khav-aer maeqpar tsovpar naeq-awq. Yawqjeq navluf-euq lafkhoer nuinoeq ghawqmanrni noeq-awr maeq-eu uqtaf, ghaq khawf bif-awq.

Eˇpeˇsu 4:14

Khoerngae tiqjawr, aqdui, zaq maqpar pyeuf-eu uqtaf, tsawrhaq-euq tsawrganr hawr-eu jaqmyawf maershuir-euq bawqtov zmq-eu lafkhoer, kharngeur-eu dawqmaeq dawqtsov-euq jaqlaer bawlar ngae, khar bawpyawr ghae-eu paw maqpyawr-ir-ar.

HeˬByehˇ 13:9

Nawmaf, beugar-eu dawqmaeq dawqtsov kharngeur-eu jeq-anr taq cantae-ir. Aqjeq mirnae aernar-aq, dzaqdzaq dawrdawr-euq baqda’nae maqngeur-eu, guiqlanq yawdzanr-euq lafkhoer nuima bi zifdzaeq lar-eu-aq, muiqdzaeq-eu mae. Dzaqdzaq dawrdawr-aq, dzaqdzaq dawrdawr nae bi uvlanr taq-eu tsawrhaq khoerghaq-anr tiqjeq-iq gardanr maqtsoeq-a.

HeˬByehˇ 12:15

Nawmaf, Miqyaer-euq guiqlanq yawdzanr-anr nae kaq-ir-awr, khaqjawfni ghae-eu nuima baw-eu duqcir dovlar-awr, gardzaq garkawv lavdov-eu uqtaf, ghawqmya ghaq-anr maqshawrni bi pyeuflar-eu gar yanr-awq.

2 Tiˆmoˇseˬ 3:14

Aerkhawf, nawr-aq, nawq nae yadzaw-awr, yawmuiq-aer janluf-eu deuq-anr zifdanni janzif taq-awq. Aqjeq mirnae aernar-aq, nawr aqsur ghaq-anr dzaw-euq le laer nawr siqnya-eu mae.

Luˇkaꞈ 21:34

“Nawmaf yawmuiq-aer yanr-awq. Dzaqyaef dawryaef-awr jiryaef tiqjawr-iq maqbeurni, daefzir gharduq khanqlanr-eu baqda’nae, nuima kafduiqni ghae-awr, maqnoeq maqdur-aer jawr ngae, arnan khoernan nawmaf-euq khoertav keuvle taef-a.

1 Tiˆmoˇseˬ 4:6

Nawr, aqyuif aqnyir deuq-anr garkawv heudeuq maeqnaeq nar-aq, nawr-aq, Yeqsur Kali-euq muiq-eu kuirlaf zaqkhav pyeuf taef-a. Jan-eu jeq-anr taf-eu dawq hawr-eu muiq-eu dawqmaeq dawqtsov-anr yawmuiq-aer cantae-eu lafkhoer huiqlar taef-a.

1 Tiˆmoˇseˬ 1:3

Ngar, Maqgeqdawrniv mirkhanq-anr le-eu laer ghae ngae, tsawrhaq tiqpavnav deuq-anr dawq bibif-eu gharduq, nawq-anr heulof-aer tanqshar-euq ma, “Erpersu-anr jawryaf-awr, ‘Dawqmaeq dawqtsov nuijeq taqpar maeq.

Lormav 16:17

Aqyuif aqnyir deuq-or! Nawmaf nae yadzaw-euq dawqmaeq dawqtsov naeq-aer dawrnaq-aer mr-eu lafkhoer, aqcawq-anr bighawq bighaer-ir-awr, sanqtif bitif-eu tsawrhaq deuq-anr garjaw jaw-awq laer ngar, nawmaf-anr tanqshar-eu ma.

2 Tiˆmoˇseˬ 2:10

Khoermirnae, tserdov taq-euq tsawrhaq deuq khawf, Yeqsur Kali-euq lafkhoer anr-eu kakhof-eu jeq za’ni, ngar yawqjeq navluf-anr orluf-eu ma. Kakhof-eu jeq khoer naeq-aer tiqkawv lof-aer li-eu maqbawni zif-eu yawshaef khanqsaer khawf za taef-a.

1 Gawˇliˬtu 9:27

Ngar, aqcawq-anr dawqmaeq maeq-eu khawf, yawqha ghaq-aq, maq zmqnya-eu tsawrhaq maqya pyeuf-ir ni, ngar, ngaq-euq mawrdo-anr nyaeftaeq nya’ni, yawqha-euq mawrdo-anr yawqkhav-aer dzawpar luf-eu ma.

Gʼaˬkʼehˇ 6:4

Aerkhawf, nga’maf-aq, guiqlanq shar-awr, Yaerdawq-anr taf-eu guiqlanq-euq gar-anr taef-aer noeqtsov taq-awr mr ma.”

Maˬkuˆ 13:9

“Nawmaf yawqhar yawqha yawmuiq-aer yanr-awq. Aqjeq mirnae aernar-aq, aqcawq, nawmaf-anr khavma armur-anr a’naeq taef-a. Nawmaf, zanrdawq khawqnymr-euq lafkhoer yabi diq taef-a. Nawmaf, ngaq-euq baqda’nae, mirkhanq-anr uvlanr-eu deuq hawr-eu sanqpaq deuq-euq maeqshi yawf-awr, aqyawf maf-anr sarkir yakamq taef-a.

Yaˬkoˆ 5:20

iqbaxzaq laeq-ir-euq gar nae sheuqkhof laf-eu khoer-aq, iqbaxzaq-euq saflar shir-eu jeq-anr nae bibuq-ir-awr, iqbax ghawqmya jeq-anr daeqkaq-eu mae laer sheuqkhof-eu khoerghaq siqnya paq-aer ghae-eu mae.

Tiˇtuˆ 2:15

Garkawv heudeuq, nawr yawmuiq-aer maeqnaeq-awq. Aryaq dawqtawvluf anr-eu lafkhoer ngaeq-awr, ghaq bif-eu uqtaf, yawlaeq toeqmaeq naeq-awq. Tsawrhaq tiqghaq nae-iq, nawq-anr taqbi hawdoer.

Gawˇlawˇsehˇ 4:17

Aqgirpuv-anr heudawq aernaeq-awq, “Sanqpaq Miqyaer-anr nae za-euq guiqlanq-euq gar, nawr mrluiv jirnya ngae keuvni yawmuiq-aer mr-awq.”

1 Gawˇliˬtu 9:22

Ghaq baq-eu tsawrhaq, Kalizaq bi pyeuflarni, ngar, aqyawf maf-euq gharduq ghaq baq-eu tsawrhaq lof-aer pyeuf-eu ma. Aqjox-aer ghae-awr nae khawf, tsawrhaq tiqpavnav deuq kakhof-eu jeq bi za’ni, ngar, yawqghaq navluf-euq gharduq, yawqjeq navluf pyeuf-eu ma.

Lormav 11:14

Ngar heulof-aer mr-eu mirnae, ngaq-anr shiqshaq taf-eu tsawrhaq myavnav navlar-awr, aqyawfmaf tiqpavnav deuq-anr bibuq-ir nya’ni ngar noeqtmq luf-eu ma.

Lormav 2:7

Nuima zifdanni or-eu lafkhoer yawmuiq jeq mr-awr, yawshaef khanqsaer hawr-eu taqhuiq taqmanr-eu jeq-anr pov-eu uqtaf, maqbyov-ir maqcawv-ir nya-eu jeq-anr pov-eu tsawrhaq-aq, mqmaq maqbyav yarzir daef-eu jeq za taef-a.

Gʼaˬkʼehˇ 26:22

Aerkhawf, Miqyaer, ngaq-anr cawba naeqlaf luf-eu mirnae, iqnan keuvni, ngar heugar yawf-awr, huiqzaq nyirzaq deuq-euq maeqshi, garkawv heudeuq sarkir kamqluf-eu ma. Ngar aerluf-eu heudeuq-aq, Miqyaer gharduq ngaeqdan-eu tsawrhaq deuq hawr-eu Morseq nae aqkar pyeuflar taef-a laer, aertaq-euq lof-aer taef-aer ngar aer-eu ma.

Piˇleˇmoˬ 1:19

Ngar-aq, Pawrluv ma. Dzirdzov khoer, ngar tsoeqnaeq ma laer ngaq-euq aqlaf nae, ngar sanqbof bofanr lef-euq ma. Nawq-euq mawrdo ngaq-anr dzirdzov dav-eu khoer ngar tiqjeq-iq maqcaw.

1 Teˇsaˬloˇni 2:16

Nga’maf, aqcawq tsawrjeuq tsawrca kakhof-eu jeq za’ni, dawqmaeq maeq-eu gar lavtsoeq-eu mae. Aqyawfmaf khoerlof-aer janr-eu-aq, aqyawf maf-euq iqbax byanlarni janr-eu mae. Khoermirnae, Miqyaer nuima paer-eu jeq aqyawf maf-euq khoertav tiqbyanni keuvle teurle-euq mae.

1 Gawˇliˬtu 1:21

Miqyaer, aqyawf-euq zaqsiq tsawrganr-euq lafkhoer noeqtsaev taq-euq lof-aer nar-aq, mirtsaqzaq, yawqha-euq zaqsiq tsawrganr-anr ghoe-awr nae Miqyaer-anr siqnya larni maqngeur-a. Zaqsiq tsawrganq maqanr-eu gar dur-eu, guiqlanqdawq maeq-eu gar jan-eu tsawrhaq deuq-anr kakhof-eu Miqyaer nuikhanr shir-eu mae.

1 Tiˆmoˇseˬ 4:15

Garkawv heudeuq-anr dzardziv dziv-awr nawq-euq mawrdo dawqtawvluf lawrnaeq-awr nawr huiqlar manrlar-eu gar yawqghaq navluf mawrnya’ni laejae duidui-awq.