1 Tiˆmoˇseˬ 4:12 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Nawr zaqguq pyeuf-eu mirnae, aqcawq nae yaeqbawq-aer taqbi hawdoer. Ngaeq-awr tmr-eu paw, mr-awr shar-eu paw, gaq-eu paw, saflar paw, jan-eu paw hawr-eu shawrjaevni daef-eu paw, jan-eu tsawrhaq, nawq-anr hawgeuf dzawgeufduq pyeuf paq-aer daef-awq.

Akha

¹² Nawˇ zaˬ guˬ pyeuꞈ-eu miˇ neh, aˬ cawˬ neh yehˬ bawˬ sehˇ lu-ehˇ maˬ ya bi ehˇ ni yahˇ-awˬ. Kʼoeˇ uˬ taꞈ, ngehˬ-eu tmˇ-eu, dehꞈ-eu jawˇ-eu, gʼoeˇ-eu gaˬ-eu, jah-eu, muiˬ-eu shawˇ-eu, heu deuˬ laꞈ kʼoeˇ, jah-eu tsawˇ haˬ deuˬ nawˬ-ahˇ bi dzaw geuꞈ paˬ-ehˇ dehꞈ-awˬ.

1 Tiˆmoˇseˬ 4:12 ပူးပေါင်းရင်းမြစ်များ

Tiˇtuˆ 2:7

Aqyawfmaf dzawgeuf nya’ni, yawqjeq navluf-euq lafkhoer, nawr yawmuiq jeq taef-aer mr-awr, dawqmaeq dawqtsovtsov ngae, nuima keuv-awr yawzeu baw-eu lafkhoer, dawrcoeni maeqnaeq tsovnaeq-awq.

2 Tiˆmoˇseˬ 2:22

Nawr zaqguq-euq nuikhanr jav-eu jeq-anr garjaw jaw-awq. Shawrjaevni ghae-eu nuima anr-eu lafkhoer Sanqpaq Yeqsur-anr tanqshar-eu tsawrhaq deuq naeq-aer tsaq-awr dawr-eu jeq, jan-eu jeq, gaq-eu jeq hawr-eu tsaqler dzoerler-eu jeq heudeuq-anr laejae-awq.

2 Tiˆmoˇseˬ 2:15

Nawr, Miqyaer-euq maeqshi, tsermr haw-eu jeq-anr daqdzeur nya-eu tsawrhaq, shafdawr khar maqza-eu gar mrzaq hawr-eu yawtsaq yawdawr-euq dawq-anr dawrcoeni maeqnaeq nya-eu tsawrhaq pyeuflarni laejae duidui-awq.

1 Beˬtuˆluˆ 5:3

Nawmaf-anr bi bosav-euq yawrmaf-euq khoertav, sanqpaq taqgeuf. Aerkhawf, aqyawfmaf hawgeuf dzawgeufduq pyeuf-awq.

1 Gawˇliˬtu 11:1

Ngar, Kali-anr mrcaw-eu lof-aer, nawmaf khawf ngaq-anr mrcaw-awq.

1 Teˇsaˬloˇni 1:6

Nawmaf shaq-awr zanq-eu jeq-anr yadaq duidui-euq khawf Yawshawr Saflar nae bif-euq laqkhaq caer-eu jeq tiqbyanni anr-eu lafkhoer nawmaf guiqlanq dawq-anr hageuf-euq khoer-aq, nawmaf, nga’maf-anr hawr-eu Sanqpaq Yeqsur-anr hawgeuf dzawgeuf-eu jeq pyeuf-eu mae.

Tiˇtuˆ 2:15

Garkawv heudeuq, nawr yawmuiq-aer maeqnaeq-awq. Aryaq dawqtawvluf anr-eu lafkhoer ngaeq-awr, ghaq bif-eu uqtaf, yawlaeq toeqmaeq naeq-awq. Tsawrhaq tiqghaq nae-iq, nawq-anr taqbi hawdoer.

Maꞈtehˬ 18:10

“Nawmaf, zaq yawnyir heudeuq-euq lafkhoer tiqghaq-anr-iq yaeqbawq saerlu-aer maqya ghaeni yanr-awq. Ngar, nawmaf-anr aernaeq nyar, aqyawf maf-euq mqtav ghaqkhaer, mq-euq khoertav jawr-awr, aqmyanluf ngaqDa-euq myavpyawq-anr mawrluf-eu mae.

2 Tiˆmoˇseˬ 2:7

Ngar aerluf-eu dawq heudeuq-anr nawr yawmuiq paq-aer sharnoeq de-eq. Aqjeq mirnae aernar-aq, nawr yawqjeq navluf-anr ghovshawnya larni, Sanqpaq Yeqsur, nawq-anr zaqsiq tsawrganr bifnaeqlaf taef-a.

Yaˬkoˆ 3:13

Nawmaf-euq lafkhoer, tsawrganr anr-awr ghovshaw nya-eu tsawrhaq aqsur ghaq le? Tsawrhaq khoerghaq-aq, nuinanq nanqyu byan-eu zaqsiq tsawrganr anr-awr, yawmuiq jeq mrdov laf-eu gar bimawr-awq.

Yaˬkoˆ 3:17

Aerkhawf, mq-anr nae dovle-euq zaqsiq tsawrganr yawbae jeq-aq, yawshawr mae. Khoeruqtaf, tsaqler dzoerler-eu jeq hawr-eu nuinanq nuiyu anr-awr, narhaqgeuf nya-eu jeq hawr-eu ghawqshaq gaq-eu nuima tiqbyanni anr-eu uqtaf, yawmuiq jeq mr-awr, myavpyawq huiqnyir maqtser-aer, yawmuiq janrgeuf-eu jeq maqanr-a.

Piˇliˇpiˆ 4:8

Aqyuif aqnyir deuq-or! Arsaq saq-eu dawq-aq, heudeuq-anr sharnoeq-awq laer aermawf-eu ma. Aqdir tsaq-eu jeq, noeqpoeq paq-aer ghae-eu jeq, tsaq-awr dawr-eu jeq, shawrjaevni ghae-eu jeq, hawmuiq-eu jeq, yawmuiq mae laer aer-eu jeq, muiq-awr jaq-eu jeq hawr-eu jaceuq paq-aer ghae-eu jeq, nawmaf garkawv heudeuq dzardziv dziv-awr sharnoeq sharsawx-awq.

1 Teˇsaˬloˇni 2:10

Nga’maf, nawmaf naeq-aer jawr ngae, kharmr kharshaq-euq jeq-aq, yawmuiq yawshawr, tsaq-awr dawr-eu hawr-eu iqbax taqkhar maqza-a laer Kali-anr jan-eu nawmaf hawr-eu Miqyaer khawf sarkir pyeuf-eu mae.

1 Tiˆmoˇseˬ 1:14

Aqdui-euq Sanqpaq Miqyaer-euq guiqlanq yawdzanr myaqgar maq aerjircoer nya. Yeqsur Kali-euq lafkhoer anr-eu jan-eu jeq hawr-eu gaq-eu jeq ngaq-anr bifnaeq laf-euq mae.