1 Tiˆmoˇseˬ 4:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Muiq-eu Saflar byacaevni heulof-aer aertaq-euq mae. Arsaq saq-eu arnan aryamq-euq lafkhoer, tsawrhaq tiqpavnav deuq jan-eu jeq-anr byaerdzae taef-a. Aqyawf maf-aq, jaqmyawf myawf-eu saflar deuq-euq dawq-anr hawr-eu naef-euq dawqmaeq dawqtsov-anr narhaqgeuf taef-a.

Akha

¹ Aˇ nah aˇ nah-ehˇ, tsawˇ haˬ tiˬ paˆ na deuˬ jah-eu jeˬ-ahˇ byehˇ dzeh tehꞈ-a lehˇ Yaw sahˇ Miˬyehˇ ehˇ-eu meh. Jaˬ myawꞈ myawꞈ-eu yaw sahˇ deuˬ-euˬ dawˬ-ahˇ aˬ yawꞈ maꞈ naˇ haˬ-awˇ, nehꞈ mehˬ-eu tsoˆ-eu mehˬ nah caw teh gʼeh tehꞈ-a.

1 Tiˆmoˇseˬ 4:1 ပူးပေါင်းရင်းမြစ်များ

Maꞈtehˬ 18:7

Aqcawq-anr sanqtif bitifni mr-eu mirtsaqzaq-aq, ghawqshar shaq-aer ya ghaesaef taef-a. Aqcawq-anr sanqtif bitif-eu jeq javlar-eu yawduq baw-eu mae. Aerkhawf, aqcawq-anr sanqtif bitifni mr-eu tsawrhaq-aq, ghawqshar shaq-aer ya ghaesaef taef-a.

Luˇkaꞈ 17:1

Khoernar-aq, Yeqsur, zaqlanr deuq-anr heulof-aer par aernaeq-euq mae: “Maeqhu paw sanqtif tiflar-eu jeq ya’mawr taef-a. Aerkhawf, aqcawq-anr sanqtif bitifni mr-eu ghaq-aq, ghawqshar shaq-aer ya ghaesaef taef-a.

Yoˇhaˬ 16:13

Aerkhawf, yawtsaq yawdawr-euq Saflar oekeuv ngae, nawmaf yawtsaq yawdawr dawqtawv luf-anr siqnya larni aqyawf sheuqmaeq naeqlaf taef-a. Aqjeq mirnae aernar-aq, aqyawf-aq, aqyawf-euq aryaq zmq-awr maqngaeq-a. Aerkhawf, aqyawf nae kharya gaq-euq jeq aqyawf ngaeq-awr, aqkar pyeuflar-eu garkawv deuq khawf, aqyawf, nawmaf-anr aernaeqlaf taef-a.

Gʼaˬkʼehˇ 13:2

Aqyawfmaf, Sanqpaq Miqyaer-anr uqduq tanqtanq-aer dzardzaq sheuqluf ngae, Yawshawr Saflar, aqyawf maf-anr aernaeq-eu, “Ngaq nae aqyawf nyaf-anr kurtaq-awr bi mr-eu laer ghaer-eu gar deuq-anr mrni, ngaq-euq gharduq Baqnaqbar hawr-eu Sawrluv-anr tserpavdov taq-awq.”

Gʼaˬkʼehˇ 17:18

Khoerngae, Erpirgurlu armaf hawr-eu Saqtovif armaf-euq tsawrganr siqzaq deuq khawf, Pawrluv naeq-aer jasawx-euq mae. Khoerngae, tiqpavnav deuq aer-eu, “Heugar maqloev maqlawv-aer tortor-aer can-eu heughaq aqjeq aermawf-eu nga?” Pawrluv, Yeqsur-euq garkawv hawr-eu ghofdaef lar-euq garkawv maeq-eu mirnae, tiqpavnav deuq aer-eu, “Aqyawf-aq, yawqkhanq yawqmir yawq-euq miqyaer deuq-euq garkawv maeq-eu lof-aer dur nga.”

Gʼaˬkʼehˇ 20:23

Aerkhawf, ngar khar irkeuv-euq meuq-euq lafkhoer, shmrcav hawr-eu shaqzanq, ngaq-anr dawqluf-eu mae laer Yawshawr Saflar, ngaq-anr byacaevni aernaeq laf-euq mae.

Gʼaˬkʼehˇ 21:11

Aqyawf, nga’maf jawr-eu gar oe-awr, Pawrluv-euq jofpaf yur-euq mae. Khoernar-aq, aqyawf-euq aqkuir aqlaf-anr pafcuf-awr aer-eu, “Yawshawr Saflar heulof-aer aer-eu mae, ‘Yeqlursaqlaeq-anr jawr-eu Yurdav tsawrhaq deuq, jofpaf heucav-euq yawsanr ghaq-anr heulof-aer paf-awr, aqcawq tsawrjeuq tsawrca-euq aqlaf-anr bianr-ir taef-a.’ ”

Gʼaˬkʼehˇ 28:25

Aqyawfmaf tiqghaq tirghaq maqtsaq maq dzoerler-aer, Pawrluv, aqyawf maf-anr dawq heudawq aernaeq ghaq ngae ghawq-ir-euq mae: “Yawshawr Saflar nae Miqyaer gharduq ngaeqdan-eu Irsaqyar-anr ghoe-awr, aqdui-euq aqpoeq deuq-anr aernaeq-euq dawq heudawq-aq, tsaq duidui-eu mae.

1 Gawˇliˬtu 10:20

Ngar aermawf-eu-aq, aqcawq tsawrjeuq tsawrca deuq lawrnaeq-euq khoer-aq, Miqyaer-anr lawrnaeq-euq maqngeur-a, naef-anr lawrnaeq-euq mae. Ngar, nawmaf-anr naef naeq-aer cawq maqbi cawqtafmawf nya.

1 Gawˇliˬtu 11:19

Nawmaf-euq lafkhoer geufnya-eu tsawrhaq aqsur ghaq nga laer siqduq mawrduq larni, maqtsaq maq dzoerler-eu jeq yajav lar-eu mae.

1 Gawˇliˬtu 12:11

Aerkhawf, heudeuq dawqtawvluf bi pyeuflarni mr-eu ghaq-aq, muiq-eu Saflar mae. Aqyawf nuima tsaq-eu lof-aer, aqyawf ghaq aqyawf-anr daeqbirnaeq taq-euq mae.

1 Gawˇliˬtu 2:10

Miqyaer-aq, aqyawf-euq Saflar-anr ghoe-awr, heudeuq aqdui-anr panmaeq naeqlaf-euq mae. Aqjeq mirnae aernar-aq, muiq-eu Saflar-aq, yawqjeq navluf-anr povtser haw-awr, Miqyaer-anr taf-eu naf duidui-eu jeq-anr khawf povtser dov-eu mae.

2 Gawˇliˬtu 11:3

Arlawr, aqyawf-euq jaqmyawf nae Erbav-anr maershuir shuirtawv-euq lof-aer, Kali-euq lafkhoer shawrjaevni ghae-eu nawmaf-euq nuima khoersiq byov-ir gar ngar guv mir-a.

Gawˇlawˇsehˇ 2:18

Gardanr maqtsoeq-eu gar shiqshaq nuilov-euq lafkhoer nuima huiq-awr, yawqha nae maq mawrhaw-euq jeq-anr banqgha-eu uqtaf, nuinanq nuiyu jaqmyawf anr-awr, mqtav ghaqkhaer-anr uqduq tanq-eu heudeuq-anr nuikhanr shir-eu tsawrhaq tiqghaq nae-iq, nawmaf-euq mrpoeq lafsawq maqbi shuirdovni yanr-awq.

2 Tiˆmoˇseˬ 3:13

Aerkhawf, yawdoer jeq mr-eu tsawrhaq hawr-eu jaqmyawf maershuir shuir-eu tsawrhaq deuq-aq, ngaeq-aer nar-aq ngaeq-aer doerdzaeqlar taef-a. Aqyawfmaf, aqcawq-anr maershuir shuir-eu lof-aer, aqcawq khawf aqyawf maf-anr maershuirshuir taef-a.

2 Tiˆmoˇseˬ 4:4

Khoeruqtaf, aqyawfmaf yawtsaq yawdawr-euq dawq-anr maq narhaq-aer yawqpawyawq ghawrpyawr-awr, dawqmawq dawqoer taef-aer narhaq taef-a.

Yaˬkoˆ 3:15

Khoerlof-aer ghae-eu zaqsiq tsawrganr-aq, mq-anr nae dovle-euq maqngeur-a. Mirtsaq-anr taf-eu, shiqshaq-anr taf-eu hawr-eu naef-anr taf-eu zaqsiq tsawrganr mae.

1 Beˬtuˆluˆ 1:20

Mirtsaq maqbae-euq minav-aer, Miqyaer, aqyawf-anr tserdov taq-euq mae. Aerkhawf, arsaq saq-eu aryamq heu-euq lafkhoer, nawmaf-euq gharduq byacaevni bi dovle-euq mae.

2 Beˬtuˆluˆ 2:1

Aerkhawf, tsawrhaq-euq ghanrcae, Miqyaer gharduq ngaeqdan-eu jaqmyawf deuq jawr-awr, nawmaf-euq ghanrcae khawf, maeqzaq jaqmyawf deuq dovlar taef-a. Aqyawfmaf lavcawv-eu janbanq janlaeq-eu jeq yuranrkhoeq laf-awr, aqyawf maf-anr zeurkhof-euq Sanqpaq-anr khawf “Maqsiq” laer pyaer taef-a. Khoermirnae, aqyawf maf-euq khoertav cawv-ir-eu jeq yawkawr-aer keuvleni yawqhar yawqha janr-eu mae.

2 Beˬtuˆluˆ 3:3

Yawbae jeq-aq heulof-aer siqnya-awq. Arsaq saq-eu arnan aryamq-anr, yawqha-euq nuikhanr maeqnan cantae-awr, yaeqbawq-aer aqjaf jaf-eu tsawrhaq dovlar taef-a.

1 Yoˇhaˬ 2:18

Ngar gaq-eu zaqdeuq-or! Nymq-mr-aq, arsaq saq-eu aryamq mae. Kali-anr muir-eu ghaq dovle taef-a laer nawmaf nae yagaq-euq lof-aer, nymq-mr nae Kali-anr muir-eu ghawqmya ghaq dovlar-euq mae. Khoermirnae, nymq-mr-aq, arsaq saq-eu aryamq nga laer aqdui siqnya ma.

1 Yoˇhaˬ 4:6

Aqdui-aq, Miqyaer-anr taf-eu tsawrhaq ma. Miqyaer-anr siqnya-eu tsawrhaq-aq, nga’maf-euq dawq narhaq-eu mae. Miqyaer-anr maqtaf-eu tsawrhaq-aq, nga’maf-euq dawq maq narhaq-a. Khoermirnae, yawtsaq yawdawr jeq-anr taf-eu Muiq-eu Saflar hawr-eu yawbanq yawlaeq jeq-anr taf-eu saflar-anr aqdui siqnya-eu ma.

Yuˇdaˆ 1:18

Aqyawfmaf, nawmaf-anr aernaeq-eu, “Arsaq saq-eu aryamq-euq lafkhoer, Miqyaer-anr yawzeu maqbaw-eu, yawqha-euq nuidur nuilov-anr dawqpaeq taq-awr daef-eu, aqjaf jaf-eu tsawrhaq dovlar taef-a.”

Yuˇdaˆ 1:4

Aqjeq mirnae aernar-aq, tsawrhaq tiqghaqnav, aqdui maf-euq lafkhoer urkhoeq lar-euq mae. Aqyawf maf-aq, jawflafni ghae-eu jeq mrnya’ni, Miqyaer-euq guiqlanq yawdzanr lavpyawv-awr, aqdui-euq Sanqpaq Yeqsur Kali tiq ghaq taef-aer Sanqpaq Miqyaer pyeuf-eu mae laer maq hageuf-eu, Miqyaer-anr yawzeu maqbaw-eu tsawrhaq mae. Aqyawf maf-aq, yarkhaq dar-eu gar yadaqni arhuba nae bi dartsaev taq-euq mae.

Panmaeq 13:14

Aqyawf, jeqzaq yawghae yawbae mawr-euq maeqshi, bisiq bimawr-eu jeq janr-eu baoq zataq-euq mirnae, mirtsaq-euq khoertav jawr-eu tsawrhaq deuq-anr myawfza shuirza-awr, micaer nae bi deuvnar-euq khawf daefluf-eu jeqzaq yawghae khoermawr-euq mawrkawr taev-awq laer mirtsaq-euq zaqdeuq-anr khaer-eu mae.

Panmaeq 16:14

Naef khoerdeuq-aq, bisiq bimawr-eu jeq mrmawr-eu naefdeuq-euq saflar mae. Baoq huiq duidui-eu Miqyaer-euq arnan nanma ngae nan, guirdeuv deuv-eu gharduq, mirtsaq-euq khoertav doeni jawr-eu sanqpaq deuq bi uiqlar-eu laer naef khoerdeuq dov-ir taq-euq mae.

Panmaeq 18:2

Aqyawf tersar yawkhav-aer gurgur-aer heulof-aer aer-eu mae: “Coqdzae shaw. Huiq duidui-eu Baqburloq coqdzae shaw-euq mae. Aqyawf-aq, naefdeuq-euq jawrduq hawr-eu naef yawjawf dawqtawv luf-euq kuv pyeuflar-euq mae. Maqshawr-aer aqcawq byae-eu arjir yawqjeq navluf ur-eu khalor pyeuflar-euq mae.

Panmaeq 18:23

Tsirkhmq dofbya taq-euq yawshaef, nawq-euq lafkhoer tiqjawr-iq maqpar bya-aer, Miqshuif hawr-eu yoshuif-euq tersar nawq-euq lafkhoer tiqjawr-iq maqpar yagaq mae. Jeqgaf jeqka mr-eu nawq-euq tsawrhaq deuq-aq, mirtsaq-euq khoertav-euq yawhuiq yawmanr deuq mae. Mirkhanq-euq tsawrjeuq dawqtawv luf-anr nawq-euq nyirpaq shavma nae, myawftawv shuirtawv jir-euq mae.

Panmaeq 19:20

Khoerngae, jeqzaq yawghae khoermawr-anr nyaefmi-awr, Miqyaer gharduq ngaeqdan-eu jaqmyawf khoerghaq-anr khawf, jeqzaq yawghae khoermawr naeq-aer tiqkawv lof-aer nyaefmi-euq mae. Miqyaer gharduq ngaeqdan-eu jaqmyawf khoerghaq-aq, jeqzaq yawghae khoermawr-euq jmq diqtaq-awr, khoermawr-euq mawrkawr-anr uqduq tanq-eu tsawrhaq-anr myawfza shuirza nya’ni, jeqzaq yawghae khoermawr-euq maeqshi bisiq bimawr-eu jeq mrluf-eu khoerghaq mae. Aqyawf nyaf-anr yawdaef-aer, miqdzar dzarshuir dofluf-eu miqdzaq-euq lan-euq lafkhoer bafanr ghae-euq mae.

Panmaeq 2:11

“Naqbawr tsof-awr gaqnya-eu tsawrhaq deuq, muiq-eu Saflar nae Kalizaq armur-anr aernaeq-euq dawq-anr yawmuiq-aer narhaq-awq. Nyiq pov tiqpov shir-eu jeq, ghaqler-eu tsawrhaq-anr maq lavnar nya-ar.” ’

Panmaeq 2:17

“Naqbawr tsof-awr gaqnya-eu tsawrhaq, muiq-eu Saflar nae Kalizaq armur-anr aernaeq-euq dawq-anr yawmuiq-aer narhaq-awq. Ngar, ghaqler-eu tsawrhaq-anr, zaftaq-euq maqnav bidzaq-awr, khaqlo lopyur tiq siq bif ma. Khaqlo khoersiq-euq khoertav tsawrmyanr yawshuif boftaq-euq mae. Khaqlo khoersiq za-euq aqyawfghaq maqngeur nar-aq, tsawrmyanr khoermyanr-anr nuighaq tiqghaq-iq maq siqnya-a.” ’

Panmaeq 2:29

“Naqbawr tsof-awr gaqnya-eu tsawrhaq deuq, muiq-eu Saflar nae Kalizaq armur-anr aernaeq-euq dawqdeuq-anr yawmuiq-aer narhaq-awq.” ’

Panmaeq 2:7

“Naqbawr tsof-awr gaqnya-eu tsawrhaq deuq, muiq-eu Saflar nae Kalizaq armur-anr aernaeq-euq dawq-anr yawmuiq-aer narhaq-awq. Ngar, ghaqler-eu tsawrhaq deuq-anr, Miqyaer-euq Baqlaqdirsuv-euq lafkhoer daef-eu jeq bif-eu arbawr-euq arsiq bidzaq ma.” ’

Panmaeq 20:10

Aqyawf maf-anr myawftawv shuirtawv-euq naef sanqpaq-anr khawf, jeqzaq yawghae khoermawr hawr-eu Miqyaer gharduq ngaeqdan-eu jaqmyawf khoerghaq-anr bafpuf taq-euq, miqdzar dzarshuir dofluf-eu miqdzaq-euq lan-euq lafkhoer bafanr ghae-euq mae. Aqyawf maf-aq, li-eu maqbawni, uqcif nan’ghanr maqaer yabi khaeqsaef taef-a.

Panmaeq 20:8

Aqyawf dov-ir-awr, mirma oeqcoer oeqbawq-anr jawr-eu mirkhanq-euq tsawrjeuq tsawrca, Gorgav hawr-eu Maqgorgav tsawrhaq deuq-anr myawfza shuirza-awr, guirdeuv deuv-eu gharduq bi uiqlar taef-a. Aqyawf maf-aq, iqmalavshav-euq kharshuif lof-aer myaq-eu mae.

Panmaeq 3:13

“Naqbawr tsof-awr gaqnya-eu tsawrhaq deuq, muiq-eu Saflar nae Kalizaq armur-anr aernaeq-euq dawqdeuq-anr yawmuiq-aer narhaq-awq.” ’

Panmaeq 3:22

“Naqbawr tsof-awr gaqnya-eu tsawrhaq deuq, muiq-eu Saflar nae Kalizaq armur-anr aernaeq-euq dawqdeuq-anr yawmuiq-aer narhaq-awq.” ’ ”

Panmaeq 3:6

“Naqbawr tsof-awr gaqnya-eu tsawrhaq deuq, muiq-eu Saflar nae Kalizaq armur-anr aernaeq-euq dawqdeuq-anr yawmuiq-aer narhaq-awq.” ’

Panmaeq 9:20

Khaeq-awr khav-eu khoerdeuq nae maq lavsaef jir-aer dzerlar-euq tsawrhaq deuq-aq, aqyawf maf-euq aqlaf nae mrtaq-euq deuq-anr maq noeqpov maq noeqpar-a. Aqyawf maf-aq, naef sanqpaq-anr uqduq tanq-awr, pyur, shuir, guiqshuir, darkawq hawr-eu khaqlo nae janrtaq-euq, maq mawrnya-eu, maq gaqnya-eu, maq cannya-eu tanqpanq aqma mawrkawr khoerdeuq-anr uqduq tanq-eu mae.