1 Tiˆmoˇseˬ 3:3 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Khoeruqtaf, jirbaq maq dawryaef-eu, iqdaeq iqcae maqmr-eu, kharngeur-eu jeq-anr maerjuir maqjuir-eu, nuima nanqyuni ghae-awr, aqcawq-anr tsawrpyaer maqpyaer-eu uqtaf, pyur-anr maerjuir maqjuir-eu tsawrhaq yapyeuf-eu mae.

Akha

³ Aˬ gaꞈ dzaˇ uiˇ dawˇ yehꞈ-eu tsawˇ haˬ hawˇ-eu, aˬ cawˬ-ahˇ dawꞈ-eu ceh-eu tsawˇ haˬ maˬ ya bi pyeuꞈ-ehˇ, nui nahˬ nui yu ahˇ-awˇ aˬ cawˬ-ahˇ maˬ coeˬ maˬ ciˆ-eu uˬ taꞈ, pyuˇ-ahˇ mehˇ juiˇ maˬ juiˇ-eu tsawˇ haˬ ya bi pyeuꞈ meh.

1 Tiˆmoˇseˬ 3:3 ပူးပေါင်းရင်းမြစ်များ

Dawqdaq 1:19

Javlarni maerjuir juir-awr mr-eu tsawrhaq yawqghaq navluf-euq garma-aq heulof-aer mae; Mrmyawq khoer, yawsanr ghaq-euq daefzir yurgeuf lar-eu mae.

Dawqdaq 15:27

Maerjuir juir-awr maqtsaq maqdawr-eu lafkhoer zalarni mr-eu tsawrhaq-aq, Yawqha-euq nymrjir lavshaq-eu mae. Aerkhawf, lafnmf nmf-eu gar byae-eu tsawrhaq-aq, yadaef-eu mae.

Maꞈtehˬ 21:13

Khoerngae, Yeqsur, aqyawf maf-anr aernaeq-eu, “ ‘Ngaq-euq nymr-anr guiqlanq shar-eu nymr laer yakur taef-a’ (Isy 56:7) laer boftaq-euq khawf, nawmaf, nymr heunymr-anr smrkhoeq tanrjoe-euq jawrduq bi pyeuflar taq-euq nga.”

Gʼaˬkʼehˇ 20:33

Ngar-aq, tiqghaq-iq-euq pyur, shuir maqngeur nar-aq, dmghaq dmlmr-anr maerjuir maqjuir-aq.

Lormav 16:18

Aqjeq mirnae aernar-aq, khoerlof-aer ghae-eu tsawrhaq deuq-aq, aqdui-euq Sanqpaq Yeqsur Kali-euq gar maqmr-aer, yawqha-euq uqmav-euq gharduq taef-aer mr-eu mae. Aqyawf maf-aq, narhaq muiq-eu dawq hawr-eu jaceuq-eu dawq nae, maqdzaw-euq tsawrhaq-anr shuirtawv-eu mae.

Eˇpeˇsu 5:18

Jirbaq taq dawryaef. Dawryaef nar-aq, yawuq uq-ir nya-eu mae. Aerkhawf, nawmaf-euq lafkhoer muiq-eu Saflar bi byanlar-awq.

1 Teˇsaˬloˇni 5:14

Aqyuif aqnyir deuq-or! Nga’maf, nawmaf-anr ghaq heulof-aer parbif-eu ma. Yawdoer tsawrhaq-anr maeqbawq bif-awq. Nuima ghaq baq-eu tsawrhaq-anr ghaq bif-awq. Ghaqbyaev byaev-eu tsawrhaq-anr cawba-awq. Tsawrhaq dawqtawv luf-euq khoertav nuima ghawqmanrni taq-awq.

1 Tiˆmoˇseˬ 3:8

Khoerlof-aer durni, cawba-eu deuq khawf, aqcawq yawzeu baw-eu tsawrhaq yapyeuf-eu mae. Maeqlar lardzaeq tsof-awr, aqgaf dzaruir ardzaeq-aer dawrdzeur-eu uqtaf, pyurshuir myawqganq-anr maerjuir juir-eu tsawrhaq maqya pyeuf-a.

2 Tiˆmoˇseˬ 3:2

Khoerngae yamq-anr tsawrhaqzaq heulof-aer pyeuflar taef-a. Yawqha-euq gharduq taef-aer sharnoeq-eu, pyurshuir-anr maerjuir juir-eu, janrghae-eu, nuima huiq-eu, yaeqbawq saerlu-aer ngaeq-eu, aqma aqda-euq dawq maq narhaq-eu, guiqlanq-anr maq noeqmawr-eu, maqshawr-eu,

Tiˇtuˆ 1:11

Aqyawf maf-anr maqbi ja’ni lavtsoeq-awq. Aqjeq mirnae aernar-aq, aqyawf maf-aq, pyurshuir za’ni, maqmaeq paq-aer ghae-eu jeq maeqmaeq-aer nymrkhanq khanqlan ni-anr lavcawv luf-eu mae.

Tiˇtuˆ 1:7

Kalizaq armur-anr hawlanr-eu tsawrhaq-aq, Miqyaer-euq myawq-anr hawpir-eu tsawrhaq pyeuf-eu mirnae, aerkhar maqza-eu, yawqha-euq nuinoeq nuilov maqgeuf-eu, nuima maqsuq-eu, jirbaq maqyaef-aer, aqcawq-anr maqdiq maqkhov-eu uqtaf, pyur-anr maerjuir maqjuir-eu tsawrhaq yapyeuf-eu mae.

Tiˇtuˆ 2:3

Khoerlof-aer durni, aqpiq tsawrmawq deuq-anr khawf, mr-awr shar-eu, ngaeq-awr tmr-eu lafkhoer, aqcawq yawzeu bawni daef-awr, aqcawq-anr taq jabu taq jadoer, jirbaq-euq zaqkhav taqgeuf. Yawmuiq jeq maeqnaeq tsovnaeq nya-eu tsawrhaq pyeuflarni maeqnaeq-awq.

Tiˇtuˆ 3:2

Aqcawq-anr dawqdoer taqngaeq, taq caedzaq. Nuima nanqyuni taq-eu lafkhoer tsawrhaq yawqghaq navluf-anr nuinanq nuiyu anr-eu nga laer bimawr-awq.

HeˬByehˇ 13:5

Nawmaf, yawdaef daef-eu lafkhoer, pyurshuir-anr maerjuir taqjuir. Yawqha kharjav-eu jeq-anr nuikhanr shir-awq. Aqjeq mirnae aernar-aq, Miqyaer aer-eu, “Ngar, nawq-anr tiqjawr-iq maqghawq maqghaer-ir. Tiqjawr-iq maq byaerdzae.” (Dm 31:6,8)

Yaˬkoˆ 4:1

Nawmaf-euq lafkhoer guirdeuv deuv-eu hawr-eu caedzaq-eu jeq aqgeugar nae dovlar-euq la? Nawmaf lurgha caergha-eu gar geufmawf-eu baqda’nae, nawmaf-euq arsaer deuq deuvcae cae-eu jeq dovlar luf-eu maqngeur-a lor?

1 Beˬtuˆluˆ 5:2

Nawmaf-euq lafkhoer jawr-eu Miqyaer-euq yawrmaf-anr hawpir-eu tsawrhaq lof-aer bosav-awq. Bi katir-euq mirnae bosav-eu maqngeur-aer, nuima keuv-eu lafkhoer bosav-awq. Maqsui maqdawr-eu lafkhoer za’nya’ni maqngeur-eu, shaqdaef shaqnar anr-eu lafkhoer bosav-awq.

2 Beˬtuˆluˆ 2:3

Aqyawfmaf pyurshuir myawqganq-anr maerjuir juir-eu mirnae, jaqmyawf maershuir-euq dawq nae nawmaf-anr myawfdzaq lar-eu mae. Aerkhawf, dzeurlaf ngae nae, aqyawf maf-anr yarkhaq dartsaev taq-euq khoer, maq nyinaq-aer, lavcawv-eu jeq maq yufbyovni, aqyawf maf-euq khoertav keuvle luf-eu mae.

Yuˇdaˆ 1:11

Aqyawfmaf ghawqshar shaq-aer ya ghaesaef taef-a! Aqjeq mirnae aernar-aq, aqyawf maf-aq, Gaqirnav-euq garma-anr canluf-awr, Baqlamq nae pyurshuir-anr maerjuir juir-awr mrpoeq za’ni noeqtmq-awr mrbanq-euq garma-anr canluf-eu uqtaf, Korlav puiq-awr muir-euq lof-aer puiq-awr muir-eu mirnae yacawv-ir taef-a.

Panmaeq 1:9

Ngar, Yorhaq, nawmaf-euq maernmr pyeuf-awr, Yeqsur Kali-euq daqcoer orcoer-eu jeq, Miqyaer uvlanr-eu jeq hawr-eu shaq-awr zanq-eu jeq-euq lafkhoer nawmaf-euq cawq khawf pyeuf-eu ma. Ngar, Miqyaer-euq dawq hawr-eu Yeqsur Kali-euq garkawv sarkir kamq-euq mirnae, Baqmor laer kur-eu irjawlanr-anr ya jawrluf-eu ma.