1 Tiˆmoˇseˬ 3:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Kalizaq armur-anr hawlanr-eu gar mrmawf-eu tsawrhaq-aq, gar yawmuiq tiqjeq-anr mrmawf-eu tsawrhaq mae laer aertaq-euq dawq khoerdawq-aq, jancoer paq-aer ghae-eu dawq mae.

Akha

¹ Ka li zaˬ aˇ muˇ-ahˇ sheuˬ gʼeh-eu gaˇ mˇ mawꞈ-eu tsawˇ haˬ-aˬ, muiˬ dui dui-eu gaˇ-ahˇ poˆ-eu meh lehˇ ehˇ-eu dawˬ kʼoeˇ dawˬ tsaˬ dui dui meh.

1 Tiˆmoˇseˬ 3:1 ပူးပေါင်းရင်းမြစ်များ

Dawqdaq 11:30

Tsaq-awr dawr-eu tsawrhaq-euq arsiq-aq, Daef-eu jeq bif-eu arbawr pyeuf-awr, Aqcawq-euq nuima saflar-anr za’nya-eu tsawrhaq-aq yawganr mae.

Luˇkaꞈ 15:10

Khoerlof-aer durni, ngar, nawmaf-anr aernaeq nyar, iqbaxzaq tiq ghaq noeqpov noeqpar nar-aq, Miqyaer-euq mqtav ghaqkhaer deuq-euq maeqshi khawf, aqyawf-euq gharduq laqkhaqcaer taef-a.”

Gʼaˬkʼehˇ 1:20

“Aqjeq mirnae aernar-aq, Jaceuq-eu sanqbof-euq lafkhoer heulof-aer boftaq-euq mae, ‘Aqyawf-euq jawrduq-anr tsawrhaq tiqghaq-iq maqjawrni, mirtsoeq tsoeq-ir luf-ur. (Jc 69:25) Aqyawf-euq ardeuv artiv-anr, aqcawq nae bi yurluf-ur.’ (Jc 109:8)

Gʼaˬkʼehˇ 20:28

Yawshawr Saflar, nawmaf-anr armaf-euq lafkhoer nae tserdov-awr aqyuif aqtsu bigeuf-euq mirnae, nawmaf yawqhar yawqha yanryanr-aer daef-awr, armaf maflan-euq gharduq khawf yanr-awq. Aqyawf-euq shiq nae zeurkhof taq-euq Sanqpaq Miqyaer-euq Kalizaq armur-anr bosav-awq.

Lormav 11:13

Khoermirnae, aqcawq tsawrjeuq tsawrca pyeuf-eu nawmaf-anr ngar heulof-aer aernaeq-eu ma. Ngar-aq, aqcawq tsawrjeuq tsawrca-euq ghaqkhaer pyeuf-eu mirnae, ngar, ngaq-euq guiqlanq-euq gar heu-anr taqhuiq-eu ma.

Eˇpeˇsu 4:12

Heu-aq, tsawrshawr deuq-anr maeqbym-awr, guiqlanq-euq gar mr-eu mirnae, Kali-euq mawrdo bihuiq bi manrlar-eu gharduq bifnaeq laf-euq mae.

Piˇliˇpiˆ 1:1

Yeqsur Kali-euq kuirlaf zaqkhav pyeuf-eu Pawrluv hawr-eu Tivmorseq nga’nyaf, Pirlirpiv-anr jawr-eu Yeqsur Kali-euq tsawrshawr dawqtawv luf-anr khawf, Kalizaq armur-anr hawpir-eu deuq hawr-eu cawba-eu deuq-anr khawf, sanqbof bofanr lef-eu ma.

1 Teˇsaˬloˇni 5:14

Aqyuif aqnyir deuq-or! Nga’maf, nawmaf-anr ghaq heulof-aer parbif-eu ma. Yawdoer tsawrhaq-anr maeqbawq bif-awq. Nuima ghaq baq-eu tsawrhaq-anr ghaq bif-awq. Ghaqbyaev byaev-eu tsawrhaq-anr cawba-awq. Tsawrhaq dawqtawv luf-euq khoertav nuima ghawqmanrni taq-awq.

1 Tiˆmoˇseˬ 1:15

“Iqbaxzaq-anr kakhof-eu laer Yeqsur Kali mirtsaq-euq khoertav oe-euq mae” laer aertaq-euq dawq heudawq-aq, jancoer paq-aer ghae-awr, tiqbyan tiqlof hageufcoer paq-aer ghae-eu mae. Ngar-aq, iqbaxzaq-euq lafkhoer aqcawq navmaqtser iqbax huiqdzaeq-eu ghaq ma.

1 Tiˆmoˇseˬ 4:9

Dawq heudawq-aq, jancoer paq-aer ghae-awr, tiqbyan tiqlof hageufcoer paq-aer ghae-eu mae.

2 Tiˆmoˇseˬ 2:11

Dawq heudawq-aq, jancoer paq-aer ghae-eu mae: Aqdui Kali naeq-aer shir nar-aq, Kali naeq-aer yadaef taef-a.

Tiˇtuˆ 1:7

Kalizaq armur-anr hawlanr-eu tsawrhaq-aq, Miqyaer-euq myawq-anr hawpir-eu tsawrhaq pyeuf-eu mirnae, aerkhar maqza-eu, yawqha-euq nuinoeq nuilov maqgeuf-eu, nuima maqsuq-eu, jirbaq maqyaef-aer, aqcawq-anr maqdiq maqkhov-eu uqtaf, pyur-anr maerjuir maqjuir-eu tsawrhaq yapyeuf-eu mae.

Tiˇtuˆ 3:8

Dawq heudawq-aq, jancoer ghoecoer paq-aer ghae-eu mae. Miqyaer-anr jan-eu tsawrhaq deuq, aqmyanluf yawmuiq jeq ya’mr mae laer maqya ngaerni, ngar, nawq-anr yawmuiq-aer bimaeq bi tsovmawf mir-a. Gar khoerdeuq-aq, muiq-eu gar pyeuf-eu uqtaf, tsawrhaq yawqghaq navluf-euq gharduq gardanr tsoeq-eu mae.

HeˬByehˇ 12:15

Nawmaf, Miqyaer-euq guiqlanq yawdzanr-anr nae kaq-ir-awr, khaqjawfni ghae-eu nuima baw-eu duqcir dovlar-awr, gardzaq garkawv lavdov-eu uqtaf, ghawqmya ghaq-anr maqshawrni bi pyeuflar-eu gar yanr-awq.

1 Beˬtuˆluˆ 2:25

Yawbae, nawmaf-aq, garbanq banq-euq yawr-anr dur-eu mae. Aerkhawf, nymq-mr nawmaf-aq, nawmaf-euq nuima saflar-anr hawpir-eu ghaq hawr-eu yawr bo-eu ghaq jawr-eu gar ghofkhof lar-euq mae.

1 Beˬtuˆluˆ 4:15

Nawmaf-euq lafkhoer tiqghaqnav, tsawrhaq saef-euq mirnae, smrkhoeq khoeq-euq mirnae, maqmuiq-eu yawdoer jeq mr-euq mirnae, yawqha-anr maqtaf-eu aqcawq-euq gar-anr lavbanq-eu mirnae, shaqzanq yadaq-eu jeq taqbi pyeuf.

1 Beˬtuˆluˆ 5:2

Nawmaf-euq lafkhoer jawr-eu Miqyaer-euq yawrmaf-anr hawpir-eu tsawrhaq lof-aer bosav-awq. Bi katir-euq mirnae bosav-eu maqngeur-aer, nuima keuv-eu lafkhoer bosav-awq. Maqsui maqdawr-eu lafkhoer za’nya’ni maqngeur-eu, shaqdaef shaqnar anr-eu lafkhoer bosav-awq.