1 Tiˆmoˇseˬ 2:8 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Khoermirnae, zaqyo aqli deuq aqgar jawr ngae maqkaq, nuima maqpaer-aer, tsawrpyaer maqpyaerni, shawr-eu aqlaf bafdir-awr guiqlanq shar-eu gar ngar geufmawf mir-a.

Akha

⁸ Ka li zaˬ aˇ muˇ uˬ duˬ kʼaˇ tahˬ ngeh, kʼaˬ dzeˇ zaˬ deuˬ-ahˇ guiˬ lahˬ bi shaˇ mawꞈ-eu ma. Yawˬ ha-euˬ gʼawˇ mawˇ Miˬyehˇ-ahˇ a nehˬ taˬ-euˬ tsawˇ haˬ deuˬ pyeuꞈ-eu, nui ma maˬ pehˇ-eu uˬ taꞈ, tsawˇ pyehˇ maˬ pyehˇ ni aˬ laꞈ baꞈ diˇ-awˇ guiˬ lahˬ shaˇ nya-eu tsawˇ haˬ deuˬ guiˬ lahˬ bi shaˇ mawꞈ-eu ma.

1 Tiˆmoˇseˬ 2:8 ပူးပေါင်းရင်းမြစ်များ

Jaceuq 134:2

Yawshawr jawrduq-euq lafkhoer aqlaf bafdir-awr, Ya’we Miqyaer-anr jaceuq-awq!

Jaceuq 141:2

Ngaq-euq guiqlanq shardawq, nawq-euq maeqshi dofdamq-euq jeq lof-aer bipyeuf-awr; Ngaq-euq aqlaf bafdir-eu-aq, uqcif uqtaw paw lawr-eu jeq lof-aer bi pyeufnaeq laf-awq.

Jaceuq 24:4

Aqlaf shawr-awr nuima shawrjaevni ghae-eu tsawrhaq, Nuima saflar, tanqpanq aqma mawrkawr-anr maq ciqnaeq-aer, Maershuir shuir-eu laer maqkamq-eu tsawrhaq mae.

Jaceuq 26:6

Ya’we Miqyaer-or! Ngar, nawq-euq lawrduq jawqjawq-aer cannya’ni, Ngar shawrjaevni ghae-eu ma laer aqlaf dzuifshawrler ma.

Jaceuq 28:2

Ngar, nawq-euq shawr-eu yawshawr jawrduq paw, Ngaq-euq aqlaf bafdir-awr, Ngar, nawq-anr gurgaq ngae, Ngar, nawq-anr tanqshar-eu tersar-anr narhaq naeqlaf-awq.

Jaceuq 35:13

Aerkhawf, aqyawfmaf narluf gawrluf ngae, ngar guqdar paerzeur dm-awr, Nuima nanqyuni taq-eu lafkhoer dzardzaq sheuq-euq ma; Khoernar-aq, ngar guiqlanq shar-eu, ngaq-euq nuima-anr ghofkhoflar paq-aer shar-euq ma.

Jaceuq 63:4

Khoermirnae, ngar khardaef-eu tiqzir, nawq-anr jaceuq ma; Nawq-euq tsawrmyanr-euq uqmov, ngaq-euq aqlaf cawqdir ma.

Jaceuq 66:18

Ngar, ngaq-euq nuima-euq lafkhoer yawlaeq yawca jeq bijav nar-aq, Sanqpaq Miqyaer, ngaq-anr maq narhaq naeqlaf-a.

Dawqdaq 15:8

Ya’we Miqyaer, tsawrcawv nae lawr-euq jeq-anr nuidav dav-eu mae. Aerkhawf, dawrcoeni ghae-eu tsawrhaq-euq guiqlanq shardawq-anr, aqyawf nuima tsaq-eu mae.

Dawqdaq 21:27

Tsawrcawv nae lawr-euq jeq-aq, Nuidav davlar paq-aer ghae-eu jeq pyeuf-awr, Nuima doer-eu lafkhoer dirdaq-aer yurlaf-euq jeq ngeurdzaeq, Arnavni byaelar paq-aer ghae-eu nga.

Maꞈtehˬ 21:21

Khoerngae, Yeqsur, aqyawf maf-anr heulof-aer aerkhof naeq-euq mae: “Ngar, nawmaf-anr aqdirma-aer aernaeq nyar, nawmaf jan-awr, nuima povpov lavlav-aer maqghae nar-aq, ngaq nae siqguq arbawr heubawr-anr janrnaeq-euq lof-aer, nawmaf khawf janrnya-eu uqtaf, ‘Nawq-euq jawrduq-anr nae dov-ir-awr, iqmalavshav-anr gapuf-ir-awq’ laer gawqjawq heujawq-anr aernaeq ngae, khoerlof-aer pyeuflar taef-a.

Maꞈtehˬ 5:44

Aerkhawf, ngar, nawmaf-anr aernaeq nyar, nawmaf-anr muir-eu tsawrhaq-anr gaq-awr, nawmaf-anr yaqkhaer yaq-eu tsawrhaq-anr dawq ngaeqghae naeq-awq. Nawmaf-anr byae-eu tsawrhaq-anr yawmuiq jeq janrnaeq-awr, nawmaf-anr khaeqlar khavlar-awr, yaeqbawq-aer zmqlar-eu tsawrhaq-euq gharduq guiqlanq shar-awq.

Maꞈtehˬ 6:12

Aqcawq, nga’maf-anr mrbanq lavbanq laf-euq iqbax-anr nga’maf pyaeqnaeq-euq lof-aer, Nga’maf-euq iqbax-anr khawf, nawr pyaeqnaeq laf-awq.

Luˇkaꞈ 23:34

Khoerngae, Yeqsur aer-eu, “Aqda-or! Aqyawf maf-euq iqbax-anr pyaeqnaeq-awq. Aqjeq mirnae aernar-aq, aqyawfmaf aqjeq mrluf-eu le laer aqyawfmaf maq siqnya-a.” Khoerngae, aqyawfmaf shaevtsaq tsaq-awr, Yeqsur-euq maeqtsoeq birgeuf-euq mae.

Luˇkaꞈ 24:50

Khoernar-aq, Yeqsur, aqyawf maf-anr Beqtaqnir pudzer sheuqkeuvghae ngae, aqlaf bafdir-awr aqyawf maf-anr dawq ngaeqghae naeq-euq mae.

Yoˇhaˬ 4:21

Khoerngae, Yeqsur, aqyawf-anr heulof-aer aernaeq-euq mae, “Zaqmiq aqbur-or! Ngaq-anr jan-awq. Gawqjawq heujawq-euq khoertav maqaer, Yeqlursaqlaeq-anr maqaer, nawmaf, Aqda-anr uqduq maqya tanqler-eu aryamq keuvle luf-eu mae.

Gʼaˬkʼehˇ 10:2

Aqyawf hawr-eu aqyawf-euq miqsawrzaq yawqghaq navluf Miqyaer-anr guv-awr uqduq tanq-eu tsawrhaq pyeuf-eu mae. Yawqjawr navluf mirkhanqzaq-anr gamfnaeq-awr, aqmyanluf Miqyaer-anr guiqlanq sharluf-eu mae.

Gʼaˬkʼehˇ 10:31

heulof-aer aer-eu mae: ‘Gorneqlir-or! Nawq-euq guiqlanq shardawq-anr Miqyaer gaq-awr, nawq nae gamfnaeq-euq deuq-anr khawf Miqyaer-euq maeqshi aqyawf noeqmawr luf-eu mae.

Gʼaˬkʼehˇ 10:4

Khoerngae, Gorneqlir, aqyawf-anr hawtsov taq-awr guv duidui-eu lafkhoer aer-eu, “Sanqpaq-or! Aqjeq aer-eu le?” Khoerngae, mqtav ghaqkhaer khoerghaq, aqyawf-anr heulof-aer aernaeq-euq mae: “Nawq-euq guiqlanq shardawq hawr-eu nawq nae gamfnaeq-euq jeq Miqyaer-euq maeqshi larkeuv-awr, aqyawf noeqmawr luf-eu mae.

Gʼaˬkʼehˇ 21:5

Khoergar jawr-eu arsaq saqlar ngae nan, nga’maf ghawq-awr maeqhu paw irghae-euq ma. Aqyawfmaf hawr-eu aqyawf maf-euq zaqmiqzaq deuq hawr-eu zaqdeuq dawqtawvluf khawf, meuq-euq meuqdzer keuvni nga’maf-anr sheuqha le-euq mae. Nga’maf iqmalavshav-euq lawrdzer-anr pawqtsuif pawqdmq dmq-awr guiqlanq shar-euq ma.

Gʼaˬkʼehˇ 7:60

Khoernar-aq, aqyawf pawqtsuif pawqdmq dmq-awr tersar yawkhav-aer aer-eu, “Sanqpaq Miqyaer-or! Iqbax heu aqyawf maf-euq khoertav taqbi jav.” Aqyawf khoerlof-aer aerghaq-awr yufkhav-euq mae.

1 Gawˇliˬtu 1:2

Gawrliqtu-anr jawr-eu Miqyaer-euq Kalizaq armur-anr sanqbof bofanr lef-eu ma. Yeqsur Kali-euq lafkhoer bi lavshawr-awr, tsawrshawr bigeuf-eu laer kurdov taq-euq aqdui-euq Sanqpaq, Yeqsur Kali-euq tsawrmyanr-anr kharkur-eu aqgeugar jawr-eu tsawrhaq-anr maqkaq, sanqbof heu bofnaeq-eu ma. Kali-aq, aqdui-euq Sanqpaq pyeuf-awr, aqyawf maf-euq Sanqpaq khawf ngeur-eu mae.

1 Gawˇliˬtu 7:7

Tsawrhaq yawqghaq navluf ngar lof-aer bi pyeufmawf mir-a. Aerkhawf, Miqyaer nae tiqghaq-anr tiqjeq-aer biftaq-euq lafsawq maq durler-a. Tiq ghaq heujeq za-awr, tiq ghaq khoerjeq za-euq mae.

2 Gawˇliˬtu 2:14

Aerkhawf, Miqyaer-anr jaceuq ma. Aqyawf, aqmyanluf Kali-anr ghoe-awr ghaqler-eu lafkhoer, aqdui-anr sheuqghae naeqlaf luf-eu mae. Kali-anr siqnya-eu tsawrganr-euq baqda’nae dovlar-eu yawsaw jeq, Miqyaer, aqdui-anr ghoe-awr yawqgar navluf bi sawkeuv-ir luf-eu mae.

Piˇliˇpiˆ 1:12

Aqyuif aqnyir deuq-or! Ngaq-anr khar pyeuflar-euq jeq khoer-aq, guiqlanqdawq bikhawq-ir-eu gharduq law hawrngaq laer nawmaf-anr bi siqnya’mawf mir-a.

1 Teˇsaˬloˇni 1:8

Aqjeq mirnae aernar-aq, nawmaf-euq baqda’nae, Sanqpaq Yeqsur-euq garkawv Maqgeqdawrniv hawr-eu Aqgaqyar mirkhanq-anr gaqdoe-ir-euq uqtaf, nawmaf, Miqyaer-anr jan-eu garkawv yawqgar navluf gaqdoe-ir luf-eu mirnae, nga’maf tiqjeq-iq aerkhar maqza nya.

1 Tiˆmoˇseˬ 5:14

Khoermirnae, miqcoeq miqma zaqguq deuq-aq, smrmir ir-awr, zaqciq zaqcu mr-eu lafkhoer, nymrdanq yawmuiq-aer danqdzaq-eu gar ngar geufmawf mir-a. Khoerlof-aer janr nar-aq, aqdui-anr muir-eu tsawrhaq, aqdui-anr yaeqbawq saerlu-aer aerlarkhar maqza-ar.

Tiˇtuˆ 3:8

Dawq heudawq-aq, jancoer ghoecoer paq-aer ghae-eu mae. Miqyaer-anr jan-eu tsawrhaq deuq, aqmyanluf yawmuiq jeq ya’mr mae laer maqya ngaerni, ngar, nawq-anr yawmuiq-aer bimaeq bi tsovmawf mir-a. Gar khoerdeuq-aq, muiq-eu gar pyeuf-eu uqtaf, tsawrhaq yawqghaq navluf-euq gharduq gardanr tsoeq-eu mae.

HeˬByehˇ 10:22

Aqdui-euq mawrdo-anr ircuf irshawr nae tsiqshawr naeqlaf-awr, zaqsiq nuisiq yawdoer-anr nae aqdui-euq nuima-anr shiq juifshaeq naeqlaf-euq mirnae, dawrcoeni ghae-eu nuima anr-awr, janduq-eu jeq byan-eu lafkhoer, Miqyaer-euq maeqshi urler kar-eur.

Yaˬkoˆ 4:8

Miqyaer-euq dawqpae taeqni jivler-awq. Jivler nar-aq, Miqyaer khawf nawmaf-euq dawqpae jivle taef-a. Iqbaxzaq-or! Nawmaf-euq aqlaf dzuifshawr-awq. Nuinoeq nyiq noeq anr-eu tsawrhaq-or! Nawmaf-euq nuima lavmuiq lavshawr-awq.

1 Beˬtuˆluˆ 3:7

Khoerlof-aer durni, khaqdzerzaq deuq khawf, yawqha-euq miqzaq-anr ghovshaw-awr daeftaf jawrtaf-awq. Aqyawf, nawq-euq navmaqtser yawnanq nanqdzaeq-eu khawf, nawq naeq-aer tiqkawv lof-aer daefzir-euq guiqlanq yawdzanr jeqbir za-eu mirnae, aqyawf-anr taqhuiq taqmanr-awq. Khoerlof-aer janr nar-aq, nawmaf guiqlanq shar-eu gar lavtsoeq-eu jeq maqjav-ar.