1 Tiˆmoˇseˬ 2:5 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Aqjeq mirnae aernar-aq, Miqyaer tiq ghaq jawr-eu taef mae. Miqyaer hawr-eu tsawrhaq-euq yawkaq-anr khawf, tsawrkaq tiq ghaq jawr-eu taef mae. Tsawrkaq khoerghaq-aq, tsawrhaq pyeuf-eu Yeqsur Kali mae.

Akha

⁵ Aˬ jeˬ miˇ neh ehˇ naˇ, Miˬyehˇ tiˬ gʼaˬ tehꞈ-ehˇ jawˇ-awˇ, Miˬyehˇ hawˇ-eu tsawˇ haˬ tsaˬ leˇ tsahˇ leˇ ni mˇ-eu tsawˇ kaˬ tiˬ gʼaˬ jawˇ-eu tehꞈ meh. Tsawˇ kaˬ kʼoeˇ gʼaˬ-aˬ, Yeˬsuˇ Ka li meh.

1 Tiˆmoˇseˬ 2:5 ပူးပေါင်းရင်းမြစ်များ

Maꞈtehˬ 1:1

Sanqbof heu-aq, Aqbyaqhaq hawr-eu Daqbir-euq Zaqyo, Yeqsur Kali-euq tsuif mae.

Maꞈtehˬ 1:23

“Hawde-eq, miqdaf dafshawr tiq ghaq, zaq tsaevler-awr, Zaqyo tiq ghaq ciq taef-a. Aqcawq, aqyawf-anr Ermaqnoeqlar laer kur taef-a” (Isy 7:14) “Ermaqnoeqlar” laer aer-eu-aq, “Miqyaer, aqdui naeq-aer jawr mae” laer aermawf-eu mae.

Luˇkaꞈ 14:22

Khoerngae, kuirlaf zaqkhav khoerghaq aer-eu, ‘Sanqpaq-or! Nawq nae khaer-euq lof-aer mrjir-euq ma. Aerkhawf, jawrduq ngaef nga siq.’

Yoˇhaˬ 1:14

Dawq khoer-aq, shiqshaq pi-awr aqdui naeq-aer jawrle-euq mae. Aqyawf-euq yawshaef khanqsaer-anr aqdui ya’mawr-euq ma. Yawshaef khanqsaer khoer-aq, Aqda-euq Zaqyo tiq ghaq taef-euq yawshaef khanqsaer mae. Zaqyo heughaq-aq, guiqlanq yawdzanr hawr-eu yawtsaq yawdawr jeq byan-eu mae.

Yoˇhaˬ 17:3

Nawr, tiq ghaq taef-aer aqdir aqmar Miqyaer pyeuf-awr, Yeqsur Kali-aq, nawq nae khaerghae lef-euq mae laer siqnya-eu khoer-aq, mqmaq maqbyav yarzir daef-eu jeq pyeuf-eu mae.

Gʼaˬkʼehˇ 4:12

Aqyawf-euq lafkhoer maqngeur nar-aq, nuighaq tiqghaq-iq kakhof-eu jeq maqanr-a. Aqjeq mirnae aernar-aq, mq-euq uqmov, aqdui-anr bibuq-ir nya-eu tsawrmyanr yawqmyanryawq maqbif taq-aq.”

Lormav 1:3

Khoer-aq, aqyawf-euq Zaqyo pyeuf-eu aqdui-euq Sanqpaq Yeqsur Kali-euq garkawv mae. Shiqshaq paw aerlef nar-aq, aqyawf-aq, Daqbir-euq aryoeq-anr nae daefle-euq mae.

Lormav 10:12

Yurdav tsawrhaq hawr-eu Heqlaqsar tsawrhaq maq beugar-a. Aqjeq mirnae aernar-aq, Miqyaer-aq, tsawrhaq dawqtawv luf-euq Sanqpaq pyeuf-awr, aqyawf-anr kur-eu tsawrhaq yawqghaq navluf-anr guiqlanq tiqbyanni bifnaeq-eu mae.

1 Gawˇliˬtu 8:4

Tanqpanq aqma mawrkawr-anr lawrnaeq-euq dzaqdzaq dawrdawr dzaq-awr dawr-eu garkawv-aq heulof-aer mae. Mirtsaq-euq khoertav jav-eu tanqpanq aqma mawrkawr-aq, tiqjeq-iq gardanr maqtsoeq-eu mrmyawq mae laer aqdui siqnya-eu ma. Miqyaer tiq ghaq taef-aer jawr-awr, miqyaer nuighaq maqjawr-a laer khawf aqdui siqnya ma.

1 Gawˇliˬtu 8:6

Aerkhawf, aqdui-euq gharduq-aq, Miqyaer tiq ghaq taef-aer jawr-awr, aqyawf-aq, aqdui-euq Aqda mae. Yawqjeq navluf aqyawf-anr nae dovle-awr, aqdui khawf aqyawf-euq gharduq daefluf-eu ma. Aqdui-euq Sanqpaq khawf tiq ghaq jawr-eu taef ma. Aqyawf-aq, Sanqpaq Yeqsur Kali mae. Aqyawf-euq baqda’nae yawqjeq navluf javluf-awr, aqdui khawf, aqyawf-euq baqda’nae daefluf-eu ma.

Gaˬlaˬtiˆ 3:20

Tsawrkaq-aq, tiqpaw-euq danzar taef maqngeur-a. Aerkhawf, Miqyaer-aq tiq ghaq taef mae.

Eˇpeˇsu 4:6

Miqyaer khawf tiq ghaq taef-aer jawr-awr, tsawrhaqzaq dawqtawv luf-euq Aqda pyeuf-eu uqtaf, dawqtawv luf-euq khoertav jawr-awr, dawqtawv luf-euq lafkhoer gar mr-awr, nawmaf yawqghaq navluf-euq lafkhoer khawf jawrluf-eu mae.

1 Tiˆmoˇseˬ 6:13

Yawqjeq navluf-anr daef-eu jeq bif-eu Miqyaer-euq maeqshi hawr-eu Boqtiv Pirlav-euq maeqshi muiq-eu sarkir kamq-euq Yeqsur Kali-euq maeqshi, ngar, nawq-anr dawq heulof-aer bif-eu ma.

HeˬByehˇ 12:24

Khoeruqtaf, dawqma sarjax yawshuif-euq tsawrkaq Yeqsur khawf khoergar jawr-awr, juifshaeq taq-euq shiq khawf khoergar jav-eu mae. Aqbeqlav-euq shiq nae ngaeq-euq dawq navmaqtser, juifshaeq taq-euq shiq khoer nae ngaeq-euq dawq-aq, muiqdzaeq-eu mae.

HeˬByehˇ 7:25

Khoermirnae, aqyawf-anr ghoe-awr Miqyaer jawr-eu gar kharlar-eu tsawrhaq-anr aqyawf tiqbyan tiqlof kakhofnaeq nya-eu mae. Aqjeq mirnae aernar-aq, aqyawf aqmyanluf daefluf-awr, aqyawf maf-euq gharduq guiqlanq sharcaw duidui luf-eu mae.

HeˬByehˇ 8:6

Aerkhawf, nymq-mr aqyawf-aq, poeqdzaeq muiqdzaeq-eu guiqlanq-euq gar zataq-euq mae. Khoerlof-aer durni, aqyawf-aq, muiqdzaeq-eu sarjax-euq khoertav jav-eu muiqdzaeq-eu dawqma sarjax-euq tsawrkaq pyeuf-eu mae.

HeˬByehˇ 9:15

Heu-euq baqda’nae, tsawrhaqzaq dawqma sarjax yawbae hmq-euq lafov jawr ngae, mrbanq mrlaeq-euq deuq-anr kakhof-eu laer Yeqsur shirdan-euq mae. Miqyaer nae kurtaq-euq tsawrhaq deuq-anr sarjax dzaqtaq-euq lof-aer, mqmaq maqbyav yarzir-euq jeqbir bi za’ni, Yeqsur-aq, dawqma sarjax yawshuif-euq tsawrkaq pyeuf-eu mae.

1 Yoˇhaˬ 2:1

Ngar gaq-eu zaqdeuq-or! Nawmaf iqbax maqya mrni, garkawv heudeuq ngar, nawmaf-anr bofnaeq-eu ma. Aerkhawf, tiqghaqnav iqbax mr-euq law nar-aq, aqdui-euq danzar tanqshar-eu tsaq-awr dawr-eu tiq ghaq Aqda Miqyaer jawr-eu gar jawrluf-eu ma. Aqyawf-aq, Yeqsur Kali mae.

Panmaeq 1:13

Shuir nae janr-euq tsirkhmq dofdavduq khoer shif hmq-euq ghanrcae, aqkuir-anr keuvni paerkhanq paermanr dmghoeq-awr, khanq-anr shuir jofpaf paftaq-euq Tsawrhaq-euq Zaqyo lof-aer dur-eu tiq ghaq jawr-eu mae.