1 Tiˆmoˇseˬ 2:3 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Khoerlof-aer shar-eu-aq, aqdui-euq Kakhof-eu ghaq pyeuf-eu Miqyaer khawf nuima tsaq-awr yawmuiq jeq pyeuf-eu mae.

Akha

³ Kʼoeˇ loꞈ-ehˇ shaˇ-eu-aˬ, muiˬ-eu jeˬ pyeuꞈ-awˇ, aˬ dui-euˬ Ka kʼoꞈ-eu gʼaˬ pyeuꞈ-eu Miˬyehˇ kʼawꞈ nui kʼahˇ shiˇ-eu meh.

1 Tiˆmoˇseˬ 2:3 ပူးပေါင်းရင်းမြစ်များ

Luˇkaꞈ 1:47

Ngaq-euq saflar, ngaq-anr Kakhof-eu ghaq Miqyaer baqda’nae laqkhaqcaer nya.

Lormav 14:18

Kali-euq gharduq mr-eu tsawrhaq-anr Miqyaer nuikhanr shir-awr, tsawrhaqzaq khawf nuima tsaq taef-a.

Piˇliˇpiˆ 1:11

Yeqsur Kali-euq baqda’nae tsaq-awr dawr-eu arsiq tiqbyanni siqle-awr, Miqyaer-euq yawshaef khanqsaer hawr-eu, Miqyaer-anr jaceuq-eu jeq dovlarni guiqlanq sharluf-eu ma.

Piˇliˇpiˆ 4:18

Nymq-mr ngar yawqjeq navluf javlof-eu uqtaf, ardzaeq jav-eu nya siq. Nawmaf nae Irbaqpawqdir-anr khaer-awr bi shaha le-euq lafsawq khoerdeuq-euq baqda’nae, ngar tiqbyanni javluf-eu ma. Lafsawq khoerdeuq-aq, Miqyaer nuikhanr shir-awr hageuf-eu, saw duidui-eu lawrnaeq-eu jeq pyeuf-eu mae.

Gawˇlawˇsehˇ 1:10

Khoernar-aq, nawmaf, Sanqpaq Miqyaer-anr geuxni daefnya lar-awr, yawqjeq navluf-euq lafkhoer aqyawf, nawmaf-anr nuikhanr shir-eu uqtaf, nawmaf yawmuiq yawqjeq navluf mr-awr shar-eu lafkhoer arsiq siqle-awr, Miqyaer-anr siqnya-eu tsawrganr myaqlar taef-a.

1 Teˇsaˬloˇni 4:1

Aqyuif aqnyir deuq-or! Ngar heulof-aer arsaq saqmawf mir-a. Nga’maf, Sanqpaq Yeqsur-anr ghoeghoe-aer, nawmaf-anr heulof-aer sharshar-aer ghaq bifmawf nya siq. Nawmaf, Miqyaer nuikhanr shirni yawdaef aqjox-aer yadaef-eu garkawv, nga’maf, nawmaf-anr maeqnaeq-euq ma. Nawmaf khoer-euq maeqnan cantae luf-eu lof-aer, maeqhu paw khawf khoernav maqtser laejae laejae-aer cantae ghae-awq.

1 Tiˆmoˇseˬ 1:1

Ngar-aq, aqdui-anr Kakhof-eu ghaq pyeuf-eu Miqyaer hawr-eu aqdui-euq noeqtmqduq pyeuf-eu Sanqpaq Yeqsur Kali dawq bifnaeq laf-euq lof-aer, Yeqsur Kali-euq ghaqkhaer geufluf-eu Pawrluv ma.

1 Tiˆmoˇseˬ 4:10

Khoer baqda’nae, arnyaf laejae-eu lafkhoer gar mr-awr dawqdoer daqluf-eu ma. Aqjeq mirnae aernar-aq, aqdui, daefluf-eu Miqyaer-anr noeqtmq luf-eu ma. Aqyawf-aq, tsawrhaq dawqtawv luf-anr Kakhof-eu ghaq pyeuf-awr, aqyawf-anr jan-eu deuq-euq gharduq, ngeurdzaeq Kakhof-eu ghaq pyeuf-eu mae.

1 Tiˆmoˇseˬ 5:4

Miqcoeq miqma tiq ghaq, zaq hawr-eu oeqpaq oeqma jawr nar-aq, yawbae jeq-aq, zaq khoerdeuq-anr yawqha-euq nymrkhanq-euq lafkhoer yawzeu baw-eu jeq bi dzawgeuf-awr, aqma aqda, aqpiq aqbawr deuq-anr yawmuiq jeq mrkhof naeq-eu tsaq mae. Aqjeq mirnae aernar-aq, khoerlof-aer mr-eu-aq, Miqyaer nuima tsaq-eu jeq pyeuf-eu mae.

2 Tiˆmoˇseˬ 1:9

Aqyawf, aqdui-anr kakhof naeqlaf-awr kur-eu yawshawr jeq nae aqdui-anr kur-euq khoer-aq, aqdui mr-awr shar-eu mirnae maqngeur-a. Aerkhawf, aqyawf nae noeqtmq taq-euq jeq hawr-eu guiqlanq yawdzanr baqda’nae mae. Guiqlanq yawdzanr khoer-aq, ardanq maqbae-euq minav-aer, Yeqsur Kali-euq lafkhoer aqdui-anr bifnaeq laf-euq mae.

HeˬByehˇ 13:16

Aerkhawf, yawmuiq jeq mr-awr aqcawq-anr birnaeq pav naeq-eu jeq-anr taqngaer. Aqjeq mirnae aernar-aq, khoerlof-aer lawrnaeq-eu jeq-anr-aq, Miqyaer nuima tsaq-eu mae.

1 Beˬtuˆluˆ 2:20

Nawmaf-euq yawlaeq baqda’nae nawmaf-anr bidiq-euq khoer-aq, aqjeq jaceuq kharza-eu? Nawmaf yawmuiq-aer ornya-euq ma lor? Aerkhawf, nawmaf yawmuiq jeq mr-euq khawf, shaqzanq-anr daq-awr, nawmaf yawmuiq-aer orcoer-euq nar-aq, Miqyaer nuikhanr shir-eu jeq pyeuf-eu mae.

1 Beˬtuˆluˆ 2:5

Nawmaf khawf, daefluf-eu khaqlo mae. Miqyaer nae saflar paw-euq nymr tsov-eu gar bizmq-awq. Nawmaf shawr-eu pirma geuf-awr, Yeqsur Kali-anr ghoe-awr nae, Miqyaer nuikhanr shir-eu saflar paw-euq lawrnaeq-eu jeq lawrnaeq-awq.