1 Tiˆmoˇseˬ 2:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Yawbae jeq-aq, ngar, nawq-anr ghaq heulof-aer bifmawf mir-a. Tsawrhaq yawqghaq navluf-euq gharduq Miqyaer-anr tanqshar-awr, guiqlanq shar-eu lafkhoer sharcaw duidui-awr, Miqyaer-anr jaceuq-awq.

Akha

¹ Ngaˇ heu loꞈ-ehˇ jeˬ hu gʼaˬ biꞈ mawꞈ-eu ma. Tsawˇ haˬ dawˬ tawˆ luꞈ gʼaˇ duˬ, Miˬyehˇ-ahˇ loˬ-eu jeˬ shaˇ nehˬ-eu, guiˬ lahˬ shaˇ-eu, shaˇ ju-eu, aˬ yawꞈ-euˬ guiˬ lahˬ-ahˇ ja ceuˬ-eu, heu deuˬ-ahˇ mˇ-awˬ.

1 Tiˆmoˇseˬ 2:1 ပူးပေါင်းရင်းမြစ်များ

Jaceuq 72:19

Yawshaef khanqsaer huiq-eu aqyawf-euq tsawrmyanr-anr, Mqmaq maqbyav yarzir jaceuq-awq! Aqyawf-euq yawshaef khanqsaer mirtsaq tanqkhawr dawqtawv luf-euq khoertav byan luf-ur. Aqmeq. Aqmeq.

Gʼaˬkʼehˇ 17:30

Dzeurlaf ngae, tsawrhaq nae maq siqnya-aer mr-euq deuq-anr Miqyaer hawdzeur-euq mae. Aerkhawf, nymq-mr yawqgar navluf jawr-eu tsawrhaq dawqtawvluf noeqpov noeqpar-awq laer dawq bif-euq mae.

Lormav 1:8

Yawbae jeq-aq, nawmaf, Miqyaer-anr jan-eu garkawv mirkhanq doeni gaqdoe-ir-euq mirnae, ngar, nawmaf dawqtawv luf-euq gharduq Yeqsur Kali-anr ghoe-awr ngaq-euq Miqyaer-anr jaceuq ma.

Lormav 6:17

Dzeurlaf ngae, nawmaf iqbax-euq zaqkhav geuf-euq mae. Aerkhawf, nymq-mr-aq, nawmaf-anr maeqnaeq-euq dawqmaeq dawqtsov-anr nuima nae narhaq geuf-euq mirnae, Miqyaer-euq guiqlanq-anr jaceuq ma.

1 Gawˇliˬtu 15:3

Ngaq nae za-awr nawmaf-anr maeqnaeq-euq yawbae jeq-aq, Yaerbof-euq lafkhoer aertaq-euq lof-aer, Kali, aqdui-euq iqbax-euq gharduq shirdan-awr,

2 Gawˇliˬtu 8:6

Tirtuv nae guiqlanq yawdzanr-euq gar heu mrdanq bae-euq lof-aer, nawmaf-euq ghanrcae khawf mrluiv-awq laer nga’maf, aqyawf-anr shar-euq ma.

Eˇpeˇsu 3:13

Khoermirnae, ngar, nawmaf-euq gharduq shaq-awr zanq-eu jeq ya daqluf-eu baqda’nae, nuighaq taqbaq laer ngar, nawmaf-anr shar-eu ma. Heu-aq, nawmaf-euq gharduq yawshaef khanqsaer pyeuf-eu mae.

Eˇpeˇsu 5:20

Aqdui-euq Sanqpaq Yeqsur Kali-euq tsawrmyanr-anr ghoe-awr, aqmyanluf yawqjeq navluf-euq lafkhoer, Aqda Miqyaer-anr jaceuq-awq.

Eˇpeˇsu 6:18

Nawmaf, ghaqpyawq dawqtawvluf zmq-awr aqmyanluf guiqlanq shar-awq. Muiq-eu Saflar-euq lafkhoer tanqshar-awq. Yawbeur beur-aer oror-aer guiqlanq shar-awq. Tsawrshawr dawqtawv luf-euq gharduq guiqlanq sharcaw naeq-awq.

Piˇliˇpiˆ 1:3

Ngar, nawmaf-anr khar noeqdovlar ngae, ngaq-euq Miqyaer-anr jaceuq-eu ma.

Piˇliˇpiˆ 4:6

Tiqjeq-anr-iq khanq taqlanr. Aerkhawf, yawqjeq navluf-euq lafkhoer guiqlanq sharshar-aer, tanqshar-awr jaceuq-eu lafkhoer, nawmaf sharmawf-eu jeq Miqyaer-anr dzawrnaeq-awq.

1 Teˇsaˬloˇni 3:12

Nga’maf, nawmaf-anr gaq-eu lof-aer, nawmaf tiqghaq tirghaq gaq-awr, tsawrhaq dawqtawv luf-anr khawf gaqnya larni, Sanqpaq Yeqsur, nawmaf-euq lafkhoer gaq-eu jeq bi myaqlar bi byanlar luf-ur.

2 Teˇsaˬloˇni 1:3

Aqyuif aqnyir deuq-or! Nga’maf, aqmyanluf nawmaf-euq gharduq Miqyaer-euq guiqlanq-anr jaceuq paq-aer ghae-eu mae. Aqjeq mirnae aernar-aq, nawmaf jan-eu jeq huiqlar myaqlar duidui luf-awr, nawmaf yawqghaq navluf tiqghaq tirghaq gaq-eu jeq myaqlar duidui luf-eu mirnae, nga’maf khoerlof-aer jaceuq-eu-aq tsaq mae.

1 Tiˆmoˇseˬ 2:4

Tsawrhaq yawqghaq navluf kakhof-eu jeq za-awr, yawtsaq yawdawr jeq-anr siqnya lar-eu gar Miqyaer geufmawf-eu mae.

1 Tiˆmoˇseˬ 5:5

Aqdir miqcoeq miqma pyeuf-awr, yawqha tiq ghaq taef-aer jawr-eu ngeur nar-aq, Miqyaer-anr noeqtmq-eu lafkhoer, uqcif nan’ghanr guiqlanq shar-awr, maq tsaevlerni tanqshar luf-eu mae.

2 Tiˆmoˇseˬ 2:24

Sanqpaq Yeqsur-euq zaqkhav-aq, aqcawq naeq-aer maqya cae-a. Aqyawf-aq, yawqghaq navluf-euq khoertav nuima nanqyuni taq-awr, aqcawq-anr maeqnaeq tsovnaeq nya-eu uqtaf, ornya-eu tsawrhaq yapyeuf-eu mae.

Tiˇtuˆ 2:11

Aqjeq mirnae aernar-aq, tsawrhaqzaq dawqtawv luf-anr kakhof-eu laer Miqyaer-euq guiqlanq yawdzanr panmaeq naeqlaf-euq mae.

Tiˇtuˆ 3:2

Aqcawq-anr dawqdoer taqngaeq, taq caedzaq. Nuima nanqyuni taq-eu lafkhoer tsawrhaq yawqghaq navluf-anr nuinanq nuiyu anr-eu nga laer bimawr-awq.

HeˬByehˇ 6:11

Nawmaf nae noeqtmqduq taq-euq lof-aer aqdir byanlarni, nawmaf yawqghaq navluf arsaqsaq ngae keuvni yawmuiq-aer laejae-awr mrghae-eu gar nga’maf geufmawf mir-a.

Yaˬkoˆ 5:16

Khoermirnae, nawmaf nargawr taqlerni tiqghaq tirghaq, yawqha-euq iqbax jadov-awr, tiqghaq tirghaq-euq gharduq guiqlanq shar-awq. Tsaq-awr dawr-eu tsawrhaq-euq guiqlanq shardawq-aq, huiq-eu baoq anr-awr ghawqmya jeq bi pyeuflar nya-eu mae.