1 Tiˆmoˇseˬ 1:5 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Dawq bif-eu heu-aq, gaq-eu jeq bi dovlar-eu gharduq ma. Gaq-eu jeq heu, shawrjaevni ghae-eu nuima, muiq-eu zaqsiq nuisiq hawr-eu shawrjaevni jan-eu nuima-euq lafkhoer nae ya dovlar-eu mae.

Akha

⁵ Aˬ yawꞈ maꞈ-ahˇ kʼoeˇ loꞈ-ehˇ maˬ mehˬ ni bi naˬ-eu gʼaˇ duˬ aˬ dui dawˬ biꞈ-eu heu-aˬ, shawˇ jehˆ ni gʼeh-eu nui ma laꞈ kʼoeˇ neh doˆ laˇ-euˬ gʼoeˇ-eu gaˬ-eu jeˬ maˬ ehˇ, shawˇ jehˆ ni gʼeh-eu siˬ nya-eu nui ma maˬ ehˇ, maˇ jawˆ ni gʼeh-eu jah-eu jeˬ maˬ ehˇ, aˬ yawꞈ maꞈ laꞈ kʼoeˇ bi dehꞈ laˇ-eu gʼaˇ duˬ pyeuꞈ-eu ma.

1 Tiˆmoˇseˬ 1:5 ပူးပေါင်းရင်းမြစ်များ

Jaceuq 24:4

Aqlaf shawr-awr nuima shawrjaevni ghae-eu tsawrhaq, Nuima saflar, tanqpanq aqma mawrkawr-anr maq ciqnaeq-aer, Maershuir shuir-eu laer maqkamq-eu tsawrhaq mae.

Jaceuq 51:10

Miqyaer-or! Ngaq-euq lafkhoer shawr-eu nuima tiq siq bae’anr naeqlaf-awr; Ngaq-euq lafkhoer zifdanni ghae-eu saflar lavshuif naeqlaf-awq.

Maꞈtehˬ 12:35

Tsawrhaq yawmuiq deuq-aq, aqyawf-euq lafkhoer myawqganq yawmuiq shardawv taq-euq gar nae, yawmuiq jeq yurdov laf-awr, tsawrhaq yawdoer deuq-aq, aqyawf-euq lafkhoer myawqganq yawdoer shardawv taq-euq gar nae, yawdoer jeq yurdov laf-eu mae.

Maꞈtehˬ 5:8

“Nuima shawrjaevni ghae-eu tsawrhaq deuq-aq, guiqlanq huiq-eu mae. Aqjeq mirnae aernar-aq, aqyawfmaf, Miqyaer-anr ya’mawr taef-a.

Gʼaˬkʼehˇ 15:9

Miqyaer-aq, aqdui hawr-eu aqyawfmaf laer maq tserpav-a. Jan-eu jeq-anr ghoe-awr nae, Miqyaer, aqyawf maf-euq nuima-anr bimuiq bi shawrlar-euq mae.

Gʼaˬkʼehˇ 23:1

Khoerngae, Pawrluv khavma armur-anr hawtsov taq-awr aer-eu, “Aqyuif aqnyir deuq-or! Iqnan keuvni, ngar, Miqyaer-euq maeqshi kharmr-euq jeq, zaqsiq nuisiq shawrjaevni anr-awr daefluf-eu ma.”

Gʼaˬkʼehˇ 24:16

Khoermirnae, ngar, Miqyaer hawr-eu tsawrhaq-euq maeqshi khawf, yawlaeq tiqjeq-iq maqanr-eu zaqsiq nuisiq za’ni laejae duidui luf-eu ma.

Lormav 10:4

Kali-aq, aqyawf-anr kharjan-eu tsawrhaq yawqghaq navluf, tsaq-awr dawr-eu tsawrhaq pyeuflarni, zanrdawq mrbyan-eu ghaq mae.

Lormav 12:9

Nawmaf, gaq-eu jeq jaqmyawf maqbi anrni, aqdir gaq-eu jeq bipyeuf-awq. Yawdoer jeq-anr byae-awr, yawmuiq jeq-anr zifdanni nyaeftaeq taq-awq.

Lormav 14:15

Nawq-euq dzaqdzaq dawrdawr-euq baqda’nae nawq-euq maernmr-anr bi noeqshaq nar-aq, nawr-aq, gaq-eu lafkhoer daefluf-eu maqngeur-a. Nawq-euq dzaqdzaq dawrdawr-euq baqda’nae, Kali nae shirdan-euq nawq-euq maernmr-anr taq lavcawv.

Lormav 9:1

Ngar, Kali-euq lafkhoer jaqmyawf maqmyawfni yawtsaq yawdawr ngaeq-eu ma. Ngaq-euq zaqsiq nuisiq, Yawshawr Saflar-euq lafkhoer, ngaq-euq garkawv sarkir kamqluf-eu mae.

1 Gawˇliˬtu 13:1

Ngar, tsawrhaq-euq dawqdeuq hawr-eu mqtav ghaqkhaer-euq dawq bavnya-eu khawf, gaq-eu jeq maqanr nar-aq, ngaq nae ngaeq-euq dawq-aq, boeloe diq-eu tersar hawr-eu caexlaer civ-eu tersar-anr dur-eu taef mae.

2 Gawˇliˬtu 1:12

Nga’maf heulof-aer khanqsaer jaev-eu ma. Nga’maf, mirtsaqzaq-euq maeqshi khawf, khoernav maqtser nawmaf-euq maeqshi khawf, Miqyaer-anr yawzeu baw-awr nuima shawrjaevni taq-awr, Miqyaer-euq lafkhoer dawrcoeni daef-euq ma laer, nga’maf-euq zaqsiq nuisiq sarkir kamqluf-eu mae. Nga’maf shiqshaq-euq zaqsiq tsawrganr-anr ghoe-awr nae maqngeur-eu, Miqyaer-euq guiqlanq yawdzanr-anr ghoe-awr khoerlof-aer mr-euq ma.

Gaˬlaˬtiˆ 5:22

Aerkhawf, muiq-eu Saflar-euq arsiq-aq: gaq-eu, laqkhaq caer-eu, nuisar of-eu, nuinoeq ghawqmanrni noeq-eu, ghawqshaq gaq-eu, yawmuiq jeq mr-eu, sarjax zif-eu,

Gaˬlaˬtiˆ 5:6

Aqjeq mirnae aernar-aq, Yeqsur Kali-euq lafkhoer jawr-eu tsawrhaq deuq, bawkhov maeqdzaq yaeq-eu hawr-eu maqyaeq-eu-aq, tiqjeq-iq gardanr maqtsoeq-a. Aerkhawf, gaq-eu lafkhoer mrdov shardov laf-eu jan-eu jeq taef-aer gardanr tsoeq-eu mae.

1 Tiˆmoˇseˬ 1:18

Ngaqli Tivmorseq-or! Dzeurlaf ngae, Miqyaer gharduq ngaeqdan-eu deuq nae, nawq-euq garkawv aertaq-euq lof-aer, ngar, nawq-anr dawq heulof-aer bif-eu ma. Dawq khoerdeuq-euq baqda’nae, guirdeuv yawmuiq-aer deuv-awq.

1 Tiˆmoˇseˬ 1:19

Guirdeuvdeuv ngae, jan-eu jeq-anr hawr-eu muiq-eu zaqsiq nuisiq-anr nyaeftaeq taq-awq. Tsawrhaq tiqpavnav deuq-aq, heudeuq byaerdzae yaf-euq mirnae, lawq cawv-ir-euq lof-aer, aqyawf maf-euq jan-eu jeq cawv-ir-euq mae.

1 Tiˆmoˇseˬ 3:9

Shawrjaevni ghae-eu zaqsiq nuisiq anr-awr, jan-eu jeq-anr tafler-eu zaftaq-euq deuq-anr zifdanni tuvtaeq taq-euq tsawrhaq yapyeuf-eu mae.

2 Tiˆmoˇseˬ 1:3

Ngar guiqlanq kharshar ngae, uqcif nan’ghanr maqaer, aqmyanluf nawq-anr noeqkeuv-awr, Miqyaer-anr jaceuq-eu ma. Aqpoeq aqbawr deuq shawrjaevni ghae-eu zaqsiq nuisiq anranr-aer, Miqyaer-euq gar mr-euq lof-aer ngar khawf mrluf-eu ma.

2 Tiˆmoˇseˬ 1:5

Nawr shawrjaevni jan-eu gar ngar noeqdov lar-euq mir-a. Nawr jan-eu heu-aq, yawbae nawqpiq Lawriv hawr-eu nawqma Urnir-euq lafkhoer anr-awr, nymq-mr nawq-euq lafkhoer khawf anr-eu gar ngar yawduq baw-eu ma.

2 Tiˆmoˇseˬ 2:22

Nawr zaqguq-euq nuikhanr jav-eu jeq-anr garjaw jaw-awq. Shawrjaevni ghae-eu nuima anr-eu lafkhoer Sanqpaq Yeqsur-anr tanqshar-eu tsawrhaq deuq naeq-aer tsaq-awr dawr-eu jeq, jan-eu jeq, gaq-eu jeq hawr-eu tsaqler dzoerler-eu jeq heudeuq-anr laejae-awq.

Tiˇtuˆ 1:15

Yawshawr tsawrhaq deuq-euq gharduq-aq, yawqjeq navluf yawshawr mae. Aerkhawf, maqjan-aer jawflafni ghae-eu tsawrhaq deuq-euq gharduq-aq, yawshawr tiqjeq-iq maqjav-a. Aqyawf maf-euq nuinoeq nuidur hawr-eu zaqsiq nuisiq khawf yawjawf mae.

HeˬByehˇ 10:22

Aqdui-euq mawrdo-anr ircuf irshawr nae tsiqshawr naeqlaf-awr, zaqsiq nuisiq yawdoer-anr nae aqdui-euq nuima-anr shiq juifshaeq naeqlaf-euq mirnae, dawrcoeni ghae-eu nuima anr-awr, janduq-eu jeq byan-eu lafkhoer, Miqyaer-euq maeqshi urler kar-eur.

HeˬByehˇ 13:18

Nga’maf-euq gharduq guiqlanq sharcaw naeqlaf-awq. Aqjeq mirnae aernar-aq, nga’maf-euq zaqsiq nuisiq shawrjaevni jav ma laer nga’maf yawduqbaw ma. Nga’maf yawqjeq navluf-euq lafkhoer yawmuiq-aer daefmawf mir-a.

HeˬByehˇ 9:14

Kali-euq shiq, ngeurdzaeq arnavni par lavshawr nya-eu jeq nga. Aqyawf, li-eu maqbawni daef-eu muiq-eu Saflar-anr ghoe-awr, marbyawf maqbaw-eu aqyawf-euq mawrdo, Miqyaer-anr lawrnaeq-euq mae. Nawmaf, daefluf-eu Miqyaer-anr uqduqtanq nya’ni, aqyawf-euq shiq-aq, gar yawshir-anr nae nawmaf-euq zaqsiq nuisiq-anr tsiqshawr naeqlaf-eu mae.

Yaˬkoˆ 4:8

Miqyaer-euq dawqpae taeqni jivler-awq. Jivler nar-aq, Miqyaer khawf nawmaf-euq dawqpae jivle taef-a. Iqbaxzaq-or! Nawmaf-euq aqlaf dzuifshawr-awq. Nuinoeq nyiq noeq anr-eu tsawrhaq-or! Nawmaf-euq nuima lavmuiq lavshawr-awq.

1 Beˬtuˆluˆ 1:22

Nawmaf, muiq-eu Saflar baqda’nae yawtsaq yawdawr jeq-anr narhaq geuf-awr, nawmaf-euq nuima saflar muiqlar shawrlar-euq mirnae, aqyuif aqnyir yawkaq aqdir gaq-awr, nuima shawrjaevni zifdanni tiqghaq tirghaq gaq-awq.

1 Beˬtuˆluˆ 3:16

Nawmaf-euq zaqsiq nuisiq shawrjaevni bijav-awq. Khoerlof-aer bijav nar-aq, nawmaf, Kali-anr ghoe-awr yawmuiq jeq mrluf-eu gar, nawmaf maqmuiq-eu yawdoer jeq mrluf-a laer, jabu jadoer-awr dawqdoer ngaeq-eu tsawrhaq deuq ya shafdawr-ir taef-a.

1 Beˬtuˆluˆ 3:21

Khoerlof-aer durni, nymq-mr aqdui, bartirsaq mr-awr yabuq-ir-euq ma. Bartirsaq mrnaeq-euq laer aer-eu-aq, mawrdo-anr laef-eu jawflafni ghae-eu jeq-anr tsiqshawr-euq gar aer-eu maqngeur-a. Yeqsur Kali ghofdaef lar-euq gar ghoe-awr, Miqyaer-euq maeqshi zaqsiq nuisiq shawrlar-euq gar aer-eu mae.

1 Beˬtuˆluˆ 4:8

Dawqtawv luf-euq khoertav huiqdzaeq-eu jeq-aq, aqdir gaq-eu jeq nae tiqghaq tirghaq gaq-awq. Aqjeq mirnae aernar-aq, “Gaq-eu jeq-aq, zawr myaq-eu iqbax-anr daeqkaq-eu mae.” (Dd 10:12)

2 Beˬtuˆluˆ 1:7

Miqyaer-anr yawzeu baw-eu jeq-anr maernmr-anr ghawqshaq gaq-eu jeq bi lanqlar-awr, maernmr-anr ghawqshaq gaq-eu jeq-anr gaq-eu jeq bi lanqlar-awq.

1 Yoˇhaˬ 3:10

Khoermirnae, Miqyaer-euq zaq hawr-eu naef sanqpaq-euq zaq beugar-eu byacaevni siqlar-eu mae. Tsaq-awr dawr-eu jeq maqmr-eu tsawrhaq hawr-eu yawqha-euq maernmr-anr maqgaq-eu aqsur ghaq maqkaq, Miqyaer-euq zaq maqngeur-a.

1 Yoˇhaˬ 3:23

Miqyaer nae biftaq-euq dawq-aq heulof-aer mae. Aqdui, aqyawf-euq Zaqyo, Yeqsur Kali-euq tsawrmyanr-anr yajan-awr, aqyawf nae dawq biftaq yaf-euq lof-aer tiqghaq tirghaq yagaq-eu mae.

1 Yoˇhaˬ 3:3

Yeqsur-anr heulof-aer noeqtmq-eu yawqghaq navluf, Yeqsur shawr-eu lof-aer, yawqhar yawqha lavshawr-eu mae.