1 Tiˆmoˇseˬ 1:18 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁸ Ngaqli Tivmorseq-or! Dzeurlaf ngae, Miqyaer gharduq ngaeqdan-eu deuq nae, nawq-euq garkawv aertaq-euq lof-aer, ngar, nawq-anr dawq heulof-aer bif-eu ma. Dawq khoerdeuq-euq baqda’nae, guirdeuv yawmuiq-aer deuv-awq.

Akha

¹⁸ Ngaˬ li Tiˇmoˇseˬ-oˇ, aˇ hu ba Miˬyehˇ gʼaˇ duˬ ngehˬ dah-eu deuˬ neh nawˬ-euˬ gaˇ kawˆ ehˇ taˬ-euˬ jeˬ-ahˇ tsaˬ-eu dawˬ heu dawˬ nawˬ-ahˇ ngaˇ biꞈ-eu ma. Yaw muiˬ jeˬ gʼaˇ duˬ nawˇ guiˇ deuˆ nya ni, dawˬ kʼoeˇ deuˬ-ahˇ guiˇ deuˆ-eu keu ka loꞈ-ehˇ zmˬ-awˬ.

1 Tiˆmoˇseˬ 1:18 ပူးပေါင်းရင်းမြစ်များ

1 Tiˆmoˇseˬ 4:14

Aqyuif aqtsu deuq, nawq-euq khoertav aqlaf bafdav-awr, nawq-euq garkawv Miqyaer gharduq ngaeqdan ngae, nawr lafsawq za-euq mae. Nawr lafsawq khoer maq byaerdzaeni zmq-awq.

1 Tiˆmoˇseˬ 6:20

Tivmorseq-or! Nawq-anr a’naeq taq-euq jeq-anr yawmuiq-aer jeqhmq-awr hawpir-awq. Miqyaer-anr yawzeu maqbaw-aer gardanr maqtsoeq-eu dawq ngaeq-awr tmr-eu jeq hawr-eu, “Zaqsiq tsawrganr” laer kurlaeq taq-euq tsawrpyaer pyaer-eu jeq-anr garjaw jaw-awq.

Piˇliˇpiˆ 2:22

Aerkhawf, nawmaf, Tivmorseq aqjox-aer ghae-eu tsawrhaq la laer siqnya-eu mae. Zaqyo tiq ghaq, aqda naeq-aer gar mr-eu lof-aer, guiqlanqdawq maeq-eu gar, aqyawf, ngaq naeq-aer mrluf-eu mae.

2 Tiˆmoˇseˬ 4:7

Ngar guirdeuv yawmuiq-aer deuv-awr, ngar caev paq-aer ghae-eu garma caevli-euq ma. Ngar jan-eu jeq-anr zifdanni nyaeftaeq laf-euq ma.

1 Tiˆmoˇseˬ 1:2

Jan-eu paw aqdir ngaqli pyeuf-eu Tivmorseq-anr sanqbof bofanr lef-euq ma. Aqdui-euq Aqda Miqyaer hawr-eu aqdui-euq Sanqpaq Yeqsur Kali-anr nae oe-euq guiqlanq yawdzanr, ghawqshaq gaq-eu jeq hawr-eu nuisar of-eu jeq, nawq-euq khoertav jav luf-ur.

2 Tiˆmoˇseˬ 1:2

Ngar zawr gaq-eu ngaqli Tivmorseq-anr sanqbof bofanr lef-eu ma. Aqda Miqyaer hawr-eu aqdui-euq Sanqpaq Yeqsur Kali-euq guiqlanq yawdzanr, ghawqshaq gaq-eu jeq hawr-eu nuisar of-eu jeq, nawq-euq khoertav jav luf-ur.

1 Tiˆmoˇseˬ 4:4

Miqyaer nae khar baetaq-euq yawqjeq navluf yawmuiq mae. Miqyaer-anr jaceuq-awr dzaq nar-aq, maq dzaqkhmq-eu tiqjeq-iq maqjav-a.

Piˇleˇmoˬ 1:10

Ngar kuv-anr urluf ngae, saflar paw ngaq-euq zaqyo pyeuflar-euq Awqneqsiqmur-euq gharduq nawq-anr heulof-aer sharmawf mir-a.

Tiˇtuˆ 1:4

Jan-eu jeq tiqgar dur-eu lafkhoer, aqdir ngaqli pyeuf-eu Tirtuv-anr sanqbof bofanr lef-eu ma. Aqda Miqyaer hawr-eu aqdui-euq Kakhof-eu ghaq Yeqsur Kali-euq guiqlanq yawdzanr hawr-eu nuisar of-eu jeq, nawq-euq khoertav jav luf-ur!

Gʼaˬkʼehˇ 16:1

Khoerngae, Pawrluv, Deqbeq hawr-eu Lurdaqlar-anr oekeuv-euq mae. Khoergar Tivmorseq laer kur-eu zaqlanr tiq ghaq jawr-eu mae. Aqyawf-aq, janlar-euq Yurdavma tiq ghaq-euq zaqyo mae. Aerkhawf, aqyawf-euq aqda-aq, Heqlaqsar tsawrhaq mae.

1 Gawˇliˬtu 4:17

Khoer baqda’nae, Sanqpaq Miqyaer-euq lafkhoer sarjax zif-awr, ngar zawr gaq-eu zaqyo Tivmorseq-anr nawmaf jawr-eu gar bilar-euq ma. Ngar, yawqgar navluf jawr-eu Kalizaq armur dawqtawv luf-anr maeqnaeq tsovnaeq-eu lof-aer, ngar, Kali-anr ghoe-awr mr-eu mrjeq sharkawv aqyawf, nawmaf-anr ja’noeq naeqlaf taef-a.

1 Gawˇliˬtu 9:7

Yawqha-euq pyurshuir myawqganq zmqzmq-aer guirdeuv deuv-ir-eu aqsur ghaq jawr-eu la? Aqgaf yarkmr mrtaq-euq gar nae, yarkmr-euq lafkhoer-euq arsiq maq pyavdzaq-eu aqsur ghaq jawr-eu la? Maqngeur nar-aq, aqcoer nyaefdawr nya-eu jeqzaq cutaq-euq gar nae, aqcoer maq nyaefdawr-eu aqsur ghaq jawr-eu la?

1 Tiˆmoˇseˬ 1:5

Dawq bif-eu heu-aq, gaq-eu jeq bi dovlar-eu gharduq ma. Gaq-eu jeq heu, shawrjaevni ghae-eu nuima, muiq-eu zaqsiq nuisiq hawr-eu shawrjaevni jan-eu nuima-euq lafkhoer nae ya dovlar-eu mae.