1 Tiˆmoˇseˬ 1:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Ngar-aq, aqdui-anr Kakhof-eu ghaq pyeuf-eu Miqyaer hawr-eu aqdui-euq noeqtmqduq pyeuf-eu Sanqpaq Yeqsur Kali dawq bifnaeq laf-euq lof-aer, Yeqsur Kali-euq ghaqkhaer geufluf-eu Pawrluv ma.

Akha

¹ Aˬ dui-ahˇ Ka kʼoꞈ-eu gʼaˬ pyeuꞈ-eu Miˬyehˇ hawˇ-eu, aˬ dui-euˬ noeˬ tmˬ duˬ pyeuꞈ-eu Yeˬsuˇ Ka li neh dawˬ biꞈ-euˬ baˬ da neh Yeˬsuˇ Ka li-euˬ gʼaˬ kʼehˇ geuꞈ luꞈ-eu ngaˇ Pawˇluˆ,

1 Tiˆmoˇseˬ 1:1 ပူးပေါင်းရင်းမြစ်များ

Jaceuq 106:21

Aqyawfmaf, Irjirtuv-anr huiq-awr manr-eu jeq mr-euq Miqyaer-anr, Aqyawf maf-euq kakhof-eu ghaq-anr ngaer-euq mae.

Luˇkaꞈ 1:47

Ngaq-euq saflar, ngaq-anr Kakhof-eu ghaq Miqyaer baqda’nae laqkhaqcaer nya.

Luˇkaꞈ 2:11

Iqnan, Daqbir-euq meuq-euq lafkhoer, nawmaf-anr Kakhof-eu ghaq Sanqpaq Kali daefle-euq mae.

Gʼaˬkʼehˇ 9:15

Khoerngae, Sanqpaq Yeqsur, aqyawf-anr heulof-aer aernaeq-euq mae: “Ir-awq. Aqjeq mirnae aernar-aq, aqyawf-aq, aqcawq tsawrjeuq tsawrca, sanqpaq deuq hawr-eu Irsaqleqlav tsawrhaq-euq maeqshi, ngaq-euq tsawrmyanr bipi-awr bi tsafgaq-eu laer ngaq nae tserdov taq-euq ngaq-euq keuka ma.

Lormav 1:1

Ngar-aq, Yeqsur Kali-euq kuirlaf zaqkhav Pawrluv ma. Miqyaer, ngaq-anr ghaqkhaer geuf laer kur-awr, Miqyaer-euq guiqlanq dawq-euq gharduq bi tserpav taq-euq tiq ghaq ma.

1 Gawˇliˬtu 1:1

Miqyaer nuima tsaq-awr, Yeqsur Kali-euq ghaqkhaer bigeuf-eu laer kurtaq-euq, Pawrluv hawr-eu maernmr Surdeq nga’nyaf,

1 Gawˇliˬtu 9:17

Ngar nuima keuv-awr guiqlanqdawq maeq nar-aq, mrpoeq lafsawq za taef-a. Ngar maq maeqmawf-eu law-awr khawf, ya’maeq-eu gar heu-anr yawmuiq-aer ya hawpir-eu mae.

2 Gawˇliˬtu 1:1

Ngar-aq, Miqyaer nuima tsaq-eu mirnae, Yeqsur Kali-euq ghaqkhaer geufluf-eu Pawrluv ma. Gawrliqtu-anr jawr-eu Miqyaer-euq Kalizaq armur hawr-eu, Aqgaqyar mirkhanq doeni jawr-eu tsawrshawr dawqtawv luf-anr, aqdui-euq maernmr Tivmorseq, nga’nyaf sanqbof bofanr lef-eu ma.

Gaˬlaˬtiˆ 1:1

Ngar-aq, ghaqkhaer Pawrluv ma. Ngar ghaqkhaer geufluf-eu-aq, tsawrhaq nae bi geufnaeq laf-euq maqngeur-aer, tsawrhaqzaq nae aryaq bifnaeq laf-euq khawf maqngeur-a. Yeqsur Kali hawr-eu aqyawf-anr shir-euq gar-anr nae bi ghofdaef lar-euq Aqda Miqyaer nae bi geufnaeq laf-euq mae.

Gaˬlaˬtiˆ 1:11

Aqyuif aqnyir deuq-or! Ngar maeqluf-eu guiqlanqdawq heu-aq, tsawrhaq-anr nae dovlar-euq maqngeur-a laer ngar, nawmaf-anr bi siqnya’mawf mir-a.

Gawˇlawˇsehˇ 1:27

Zaftaq-euq heujeq, yawshaef khanqsaer arnavni sanr-eu garkawv, Miqyaer, aqcawq tsawrjeuq tsawrca-euq ghanrcae jawr-eu aqyawf maf-anr bi siqnya mawf-eu mae. Zaftaq-euq jeq heu-aq, Kali, nawmaf-euq lafkhoer jawr-eu mirnae, nawmaf, yawshaef khanqsaer za’ni noeqtmqduq pyeuf-eu mae.

2 Teˇsaˬloˇni 2:16

Aqdui-euq Sanqpaq Yeqsur Kali hawr-eu aqdui-euq Aqda Miqyaer, aqdui-anr gaq-awr, aqyawf-euq guiqlanq yawdzanr baqda’nae, li-eu maqbaw-eu nuima sar-eu jeq hawr-eu muiq-eu noeqtmq-eu jeq aqdui-anr bifnaeq laf-awr,

1 Tiˆmoˇseˬ 1:12

Ngar, ngaq-anr ghaq bifnaeqlaf luf-eu aqdui-euq Sanqpaq Yeqsur Kali-anr jaceuq ma. Aqjeq mirnae aernar-aq, ngar-aq, sarjax zif-eu nga laer aqyawf sawx-awr, ngaq-anr khaer-awr guiqlanq-euq gar bi mrnaeq laf-euq mae.

1 Tiˆmoˇseˬ 2:3

Khoerlof-aer shar-eu-aq, aqdui-euq Kakhof-eu ghaq pyeuf-eu Miqyaer khawf nuima tsaq-awr yawmuiq jeq pyeuf-eu mae.

1 Tiˆmoˇseˬ 2:7

Khoer-euq gharduq, ngar-aq, dawqmaeq maeq-eu ghaq hawr-eu ghaqkhaer pyeuflarni khawf, jan-eu jeq hawr-eu yawtsaq yawdawr jeq-euq garkawv aqcawq tsawrjeuq tsawrca-anr maeqnaeq tsovnaeq-ir-eu maeqzaq pyeuflarni khawf, Miqyaer, ngaq-anr tserdov naeqlaf-euq mae. Ngar heulof-aer aer-eu-aq, jaqmyawf myawf-eu maqngeur, Kali-euq lafkhoer yawtsaq yawdawr dawq ngaeq-eu ma.

1 Tiˆmoˇseˬ 4:10

Khoer baqda’nae, arnyaf laejae-eu lafkhoer gar mr-awr dawqdoer daqluf-eu ma. Aqjeq mirnae aernar-aq, aqdui, daefluf-eu Miqyaer-anr noeqtmq luf-eu ma. Aqyawf-aq, tsawrhaq dawqtawv luf-anr Kakhof-eu ghaq pyeuf-awr, aqyawf-anr jan-eu deuq-euq gharduq, ngeurdzaeq Kakhof-eu ghaq pyeuf-eu mae.

Tiˇtuˆ 1:3

Aryamq tsaq ngae, dawqmaeq maeq-eu gar ghoe-awr, Miqyaer, aqyawf-euq dawq bisiqni, aqdui-anr Kakhof-eu ghaq pyeuf-eu Miqyaer, ngaq-anr khaerdar naeqlaf-euq mae.

Tiˇtuˆ 2:10

Myawq maqkhoeq-aer, yawqjeq navluf-euq lafkhoer sarjax zif-awq laer khawf maeqnaeq-awq. Khoerlof-aer janr nar-aq, yawqjeq navluf-euq lafkhoer aqdui-euq Kakhof-eu ghaq pyeuf-eu Miqyaer-euq dawqmaeq dawqtsov-anr ciqpoeq ciqgor taef-a.

Tiˇtuˆ 2:13

Aqdui-euq huiqdui manr duidui-eu Miqyaer pyeuf-eu, Kakhof-eu ghaq Yeqsur Kali-euq yawshaef khanqsaer dovle-eu gar, aqdui laqkhaq caertavni noeqtmq luf-eu ma.

Tiˇtuˆ 3:4

Aerkhawf, aqdui-euq Kakhof-eu ghaq pyeuf-eu Miqyaer, tsawrhaqzaq-anr ghawqshaq gaq-eu jeq hawr-eu aqyawf gaq-eu jeq bimawr naeqlaf ngae,

Tiˇtuˆ 3:6

Aqdui-euq Kakhof-eu ghaq pyeuf-eu Yeqsur Kali-anr ghoe-awr, Miqyaer, aqdui-euq khoertav Yawshawr Saflar tiqbyanni shaevdav naeqle-euq mae.

1 Beˬtuˆluˆ 1:21

Miqyaer, aqyawf-anr shir-euq gar nae bi ghofdaef lar-awr, yawshaef khanqsaer bifnaeq-euq mirnae, nawmaf-euq jan-eu jeq hawr-eu noeqtmq-eu jeq, Miqyaer-euq lafkhoer anr-eu mae. Nawmaf-aq, Kali-euq baqda’nae Miqyaer-anr janluf-eu mae.

1 Beˬtuˆluˆ 1:3

Aqdui-euq Sanqpaq Yeqsur Kali-euq Aqda Miqyaer-anr jaceuq kar-eur. Aqyawf ghawqshaq gaq-eu jeq myaq duidui-eu lafkhoer, Yeqsur Kali shir-euq gar nae ghofdaef lar-euq gar ghoe-awr, aqdui-anr daef-eu noeqtmq-eu jeq bi za’ni, aqdui-anr bi daefparlar naeqlaf-euq mae.

2 Beˬtuˆluˆ 1:1

Ngar-aq, Yeqsur Kali-euq kuirlaf zaqkhav hawr-eu ghaqkhaer Sirmoq Beqtuvluv ma. Aqdui-euq Miqyaer hawr-eu Kakhof-eu ghaq, Yeqsur Kali-euq tsaq-awr dawr-eu jeq-euq baqda’nae, nga’maf lof-aer zawr poeq-eu jan-eu jeq za-euq nawmaf-anr sanqbof bofanr lef-eu ma.

1 Yoˇhaˬ 4:14

Mirtsaqzaq-anr Kakhof-eu ghaq bigeuf-eu laer Aqda Miqyaer, aqyawf-euq Zaqyo-anr bi’oe-euq gar aqdui ya’mawr-awr sarkir kamq-eu ma.

Yuˇdaˆ 1:25

Yawshaef khanqsaer hawr-eu huiq duidui-eu khanqsaer, Uvlanr-eu baoq hawr-eu aryaq, Nymq-mr nae mqmaq maqbyav yarzir, Aqdui-euq Kakhof-eu ghaq pyeuf-eu, Aqyawf tiq ghaq taef-aer tsawrganr byan-eu Miqyaer-euq pyeuf luf-ur. Aqmeq.