1 Gawˇliˬtu 9:18 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁸ Tox-aer ngeur nar-aq, ngar mrpoeq lafsawq aqjeq za-eu la? Ngar, guiqlanq dawq-euq aryaq maqya zmqbanqni, Kali-euq guiqlanqdawq maeq ngae, arpoeq maqyur-aer maeq-eu ma.

Akha

¹⁸ Toˆ-ehˇ ngeuˇ naˇ, ngaˇ aˬ geu jeˬ aˇ poeˬ za ta. Aˇ poeˬ maˬ yuˇ ni Laˬ kʼaˬ cehˇ-eu Guiˬ lahˬ dawˬ mehˬ-awˇ, kʼoeˇ loꞈ-ehˇ mˇ-euˬ baˬ da neh ngaˇ za geuˇ-eu jeˬ-ahˇ ngaˇ maˬ geuꞈ-euˬ kʼoeˇ-aˬ, ngaˬ neh za-euˬ guiˬ lahˬ ma.

1 Gawˇliˬtu 9:18 ပူးပေါင်းရင်းမြစ်များ

Yoˇhaˬ 4:36

Saeq-eu ghaq hawr-eu yaeq-eu ghaq tiqkawv lof-aer laqkhaq yacaerni, yaeq-eu ghaq arpoeq za-awr, mqmaq maqbyav yarzir bidaef-eu arsiq dae’uiq-eu mae.

Gʼaˬkʼehˇ 18:3

Aqnyaf dzerzaq-aq, saqpar saeqghawv janranq-eu tsawrhaq mae. Pawrluv khawf aqnyaf dzerzaq lof-aer gar aqyawf tiqjeq mr-eu mirnae, Pawrluv, aqyawfnyaf naeq-aer jawr-awr gar mr-euq mae.

Lormav 14:15

Nawq-euq dzaqdzaq dawrdawr-euq baqda’nae nawq-euq maernmr-anr bi noeqshaq nar-aq, nawr-aq, gaq-eu lafkhoer daefluf-eu maqngeur-a. Nawq-euq dzaqdzaq dawrdawr-euq baqda’nae, Kali nae shirdan-euq nawq-euq maernmr-anr taq lavcawv.

1 Gawˇliˬtu 10:33

Ngar kharmr-eu yawqjeq navluf-euq lafkhoer, tsawrhaq dawqtawvluf nuikhanr shirni mr-eu lof-aer, aqyawfmaf kakhof-eu jeq za’ni, ngar, yawqha-anr muiqlar-eu jeq maqpov-aer, tsawrhaq ghawqmya ni-anr muiqni povluf-eu ma.

1 Gawˇliˬtu 3:8

Ka-eu ghaq hawr-eu ircuf shaeq-eu ghaq-aq tiqkawv mae. Yawqghaq navluf yawqha nae mrtaq-euq lof-aer yawqha-euq mrpoeq lafsawq za taef-a.

1 Gawˇliˬtu 7:31

Mirtsaq-anr tafler-eu jeq zmq-eu deuq, maq zmqbanqni daef-awq. Aqjeq mirnae aernar-aq, mirtsaq heu-anr taf-eu deuq byov-ir luf-eu mae.

1 Gawˇliˬtu 8:9

Aerkhawf, nawmaf mrkhmq mae laer mr-eu baqda’nae, ghaq baq-eu tsawrhaq-euq gharduq sanqtif tifduq maqya pyeuf-ir ni yanr-awq.

1 Gawˇliˬtu 9:12

Aqcawq, nawmaf nae bif-euq gar za-eu geux nar-aq, nga’maf ngeurdzaeq, aqcawq navmaqtser za-eu geux-eu maqngeur-a laq? Nga’maf za-eu geux-eu khawf khoerlof-aer maqjanr-aq. Aqjeq mirnae aernar-aq, Kali-euq guiqlanq dawq-anr maqya lavtsoeqni, nga’maf yawqjeq navluf-anr daq-eu ma.

1 Gawˇliˬtu 9:15

Ngar khoerlof-aer za-eu geux-eu khawf, tiqjeq-iq maqjanr-aq. Nawmaf, ngaq-anr khoerlof-aer bi janrnaeq mawf-eu mirnae, ngar nuima huiqkhar za-eu heu yawqngaef pyeuf-ir-eu ngaetu-aq, ngar shir-eu muiqdzaeq taef-a.

1 Gawˇliˬtu 9:17

Ngar nuima keuv-awr guiqlanqdawq maeq nar-aq, mrpoeq lafsawq za taef-a. Ngar maq maeqmawf-eu law-awr khawf, ya’maeq-eu gar heu-anr yawmuiq-aer ya hawpir-eu mae.

2 Gawˇliˬtu 4:5

Nga’maf-aq, yawqha-euq garkawv dawqmaeq maeqluf-eu maqngeur. Yeqsur Kali-aq, Sanqpaq Miqyaer mae laer maeq-eu uqtaf, nga’maf-aq, Yeqsur-euq gharduq nawmaf-euq zaqkhav pyeufluf-eu ma.

1 Teˇsaˬloˇni 2:6

Nga’maf, Kali-euq ghaqkhaer pyeuf-eu mirnae, nawmaf-anr khaernya-eu khawf maqkhaer-aq. Nga’maf, tsawrhaq bifnaeq laf-eu khanqsaer-anr maqpov-aq. Nawmaf bifnaeq laf-eu gar maqaer, aqcawq bifnaeq laf-eu gar maqaer maqpov-aq.