1 Gawˇliˬtu 9:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Ngar, ghaqkhaer maqngeur-a lor? Ngar buq-ir-euq tsawrhaq maqngeur-a laq? Ngar, aqdui-euq Sanqpaq Yeqsur Kali-anr ya’mawr-euq maqngeur-a lor? Nawmaf-aq, Sanqpaq Miqyaer-euq lafkhoer ngaq nae mrtaq-euq gar maqngeur le laq?

Akha

¹ Ngaˇ yawˬ ha mˇ mawꞈ-eu jeˬ maˬ mˇ nya ni bi ka lahˇ taˬ-euˬ tsawˇ haˬ nga loˇ. Gʼaˬ kʼehˇ geuꞈ luꞈ-eu tsawˇ haˬ maˬ ngeuˇ nga loˇ. Aˬ dui-euˬ Sahˬpaˬ Yeˬsuˇ-ahˇ ya mawˇ-euˬ tsawˇ haˬ maˬ ngeuˇ nga loˇ. Naw maꞈ-aˬ, Sahˬpaˬ Miˬyehˇ-euˬ gaˇ-ahˇ ngaˬ neh mˇ-awˇ mˇ doˆ shaˇ doˆ taˬ-euˬ aˇ siˬ aˇ lu deuˬ maˬ ngeuˇ te loˇ.

1 Gawˇliˬtu 9:1 ပူးပေါင်းရင်းမြစ်များ

Gʼaˬkʼehˇ 13:2

Aqyawfmaf, Sanqpaq Miqyaer-anr uqduq tanqtanq-aer dzardzaq sheuqluf ngae, Yawshawr Saflar, aqyawf maf-anr aernaeq-eu, “Ngaq nae aqyawf nyaf-anr kurtaq-awr bi mr-eu laer ghaer-eu gar deuq-anr mrni, ngaq-euq gharduq Baqnaqbar hawr-eu Sawrluv-anr tserpavdov taq-awq.”

Gʼaˬkʼehˇ 14:14

Aerkhawf, ghaqkhaer Baqnaqbar hawr-eu Pawrluv garkawv khoer-anr yagaq ngae, paerkhanq gheupyaq-awr, tsawrhaq armaf mafma-euq ghanrcae caevur ghae-awr gurgur-aer,

Gʼaˬkʼehˇ 14:4

Aerkhawf, meuq khoermeuq-anr jawr-eu tsawrhaq armaf deuq nyiq mur pav-ir-euq mae. Tiqpav-aq, Yurdav tsawrhaq jawr-eu paw pyawq-awr, tiqpav-aq, ghaqkhaer deuq jawr-eu paw pyawq-euq mae.

Gʼaˬkʼehˇ 23:11

Nishawq nan ngae mir, Sanqpaq Yeqsur, Pawrluv-euq dawqpae yawfle-awr aer-eu, “Pawrluv-or! Nuima khaqduqni jawr-awq. Nawr, ngaq-euq garkawv Yeqlursaqlaeq-euq lafkhoer sarkir kamq-euq lof-aer, Lormav meuq-anr khawf sarkir yakamq taef-a.”

Gʼaˬkʼehˇ 9:15

Khoerngae, Sanqpaq Yeqsur, aqyawf-anr heulof-aer aernaeq-euq mae: “Ir-awq. Aqjeq mirnae aernar-aq, aqyawf-aq, aqcawq tsawrjeuq tsawrca, sanqpaq deuq hawr-eu Irsaqleqlav tsawrhaq-euq maeqshi, ngaq-euq tsawrmyanr bipi-awr bi tsafgaq-eu laer ngaq nae tserdov taq-euq ngaq-euq keuka ma.

Gʼaˬkʼehˇ 9:17

Khoermirnae, Aqnaqnir ir-awr, nymr khoernymr-anr urler-euq mae. Aqyawf, Sawrluv-euq khoertav aqlaf bafdav-awr aer-eu, “Maernmr Sawrluv-or! Nawr garpaer-anr oeluf ngae dovle-euq Sanqpaq Yeqsur khoerghaq, nawr myavnuiv mawrnya lar-awr, Yawshawr Saflar byanlarni, ngaq-anr khaerghae lef-euq mae.”

Gʼaˬkʼehˇ 9:3

Sawrluv irdov ghae-awr, Daqmaqsaer-euq dawqpae oekeuv ngae, mq-anr nae yawshaef japyuqni aqyawf-euq tiqjawq byale-euq mae.

Gʼaˬkʼehˇ 9:5

Khoerngae, aqyawf aer-eu, “Sanqpaq-or! Nawr aqsur ghaq le?” Sanqpaq Yeqsur aer-eu, “Ngar-aq, nawr khaeqluf-eu Yeqsur ma. Nawr jeqzaq-anr tae-eu darcae-anr baev-eu-aq yawshaq mae.”

Lormav 1:1

Ngar-aq, Yeqsur Kali-euq kuirlaf zaqkhav Pawrluv ma. Miqyaer, ngaq-anr ghaqkhaer geuf laer kur-awr, Miqyaer-euq guiqlanq dawq-euq gharduq bi tserpav taq-euq tiq ghaq ma.

Lormav 1:5

Nga’maf, aqyawf-euq baqda’nae, guiqlanq yawdzanr za-awr ghaqkhaer yageuf-euq ma. Khoer-aq, aqyawf-euq tsawrmyanr gharduq hawr-eu mirkhanq-euq tsawrjeuq dawqtawv luf-euq ghanrcae nae, jan-awr narhaq geuf-eu tsawrhaq bi dovlar-eu gharduq mae.

Lormav 11:13

Khoermirnae, aqcawq tsawrjeuq tsawrca pyeuf-eu nawmaf-anr ngar heulof-aer aernaeq-eu ma. Ngar-aq, aqcawq tsawrjeuq tsawrca-euq ghaqkhaer pyeuf-eu mirnae, ngar, ngaq-euq guiqlanq-euq gar heu-anr taqhuiq-eu ma.

1 Gawˇliˬtu 1:1

Miqyaer nuima tsaq-awr, Yeqsur Kali-euq ghaqkhaer bigeuf-eu laer kurtaq-euq, Pawrluv hawr-eu maernmr Surdeq nga’nyaf,

1 Gawˇliˬtu 10:29

Ngar, zaqsiq nuisiq laer aer-eu heu-aq, nawq-euq zaqsiq nuisiq-anr aer-eu maqngeur, aqcawq-euq zaqsiq nuisiq-anr aermawf-eu ma. Ngar aqjeq mrnya, maq mrnya-eu heu, aqjeq mirnae aqcawq-euq zaqsiq nuisiq nae yabi dar-eu la?

1 Gawˇliˬtu 10:30

Ngar, Miqyaer-euq guiqlanq-anr jaceuq-awr dzaq nar-aq, ngar, Miqyaer-euq guiqlanq-anr jaceuq-awr dzaq-eu khawf, aqjeq mirnae aqcawq, ngaq-anr dawqdoer ngaeq-eu nga?

1 Gawˇliˬtu 11:16

Tsawrhaq tiqghaqnav heu-euq garkawv tsawrpyaer pyaermawf nar-aq, nga’maf khawf, Miqyaer-euq Kalizaq armur deuq khawf, heu-anr nae beugar-eu zanrsanrkhof yawqjeqyawq maqjav laer siqnya-awq.

1 Gawˇliˬtu 3:6

Ngar-aq, ka-eu ghaq pyeuf-awr, Aqpawrluv-aq, ircuf shaeq-eu ghaq pyeuf-eu mae. Aerkhawf, bihuiq bi maerlar-eu ghaq-aq Miqyaer mae.

1 Gawˇliˬtu 9:19

Ngar, tsawrhaq tiqghaq-iq-euq zaqkhav maqngeur-eu khawf, tsawrhaq ghawqmya ghaq, Kalizaq bi pyeuflarni, tsawrhaq dawqtawv luf-euq kuirlaf zaqkhav geufluf-eu ma.

2 Gawˇliˬtu 10:7

Nawmaf myav-anr mawrlar-eu lafnyir paw taef-aer haw-eu le laq? Tsawrhaq tiqghaqnav yawqhar yawqha, Kali-euq tsawrhaq ma laer yawduqbaw nar-aq, aqyawf, Kali-euq tsawrhaq pyeuf-eu lof-aer, nga’maf khawf Kali-euq tsawrhaq ngar-a laer aqyawf par sharnoeq paq-aer ghae-eu mae.

2 Gawˇliˬtu 11:5

Ngar-aq, huiqdui gor duidui-eu ghaqkhaer khoerdeuq taf-aer tiqpawf-iq maqteq laer noeq-eu ma.

2 Gawˇliˬtu 6:1

Nawmaf, Miqyaer-euq guiqlanq yawdzanr hageuf-euq khoer yawqngaef-aer taqbi pyeuf laer Miqyaer-euq gar mrcawq pyeuf-awr mrluf-eu nga’maf, nawmaf-anr tanqshar-eu ma.

Gaˬlaˬtiˆ 1:1

Ngar-aq, ghaqkhaer Pawrluv ma. Ngar ghaqkhaer geufluf-eu-aq, tsawrhaq nae bi geufnaeq laf-euq maqngeur-aer, tsawrhaqzaq nae aryaq bifnaeq laf-euq khawf maqngeur-a. Yeqsur Kali hawr-eu aqyawf-anr shir-euq gar-anr nae bi ghofdaef lar-euq Aqda Miqyaer nae bi geufnaeq laf-euq mae.

Gaˬlaˬtiˆ 5:1

Aqdui buq-ir-euq tsawrhaq pyeufni, Kali, aqdui-anr bibuq-ir naeqlaf-euq mae. Khoermirnae, zifdanni jawr-awr zaqkhav-euq khavbaf taqpar baf.

1 Teˇsaˬloˇni 2:6

Nga’maf, Kali-euq ghaqkhaer pyeuf-eu mirnae, nawmaf-anr khaernya-eu khawf maqkhaer-aq. Nga’maf, tsawrhaq bifnaeq laf-eu khanqsaer-anr maqpov-aq. Nawmaf bifnaeq laf-eu gar maqaer, aqcawq bifnaeq laf-eu gar maqaer maqpov-aq.

1 Tiˆmoˇseˬ 2:7

Khoer-euq gharduq, ngar-aq, dawqmaeq maeq-eu ghaq hawr-eu ghaqkhaer pyeuflarni khawf, jan-eu jeq hawr-eu yawtsaq yawdawr jeq-euq garkawv aqcawq tsawrjeuq tsawrca-anr maeqnaeq tsovnaeq-ir-eu maeqzaq pyeuflarni khawf, Miqyaer, ngaq-anr tserdov naeqlaf-euq mae. Ngar heulof-aer aer-eu-aq, jaqmyawf myawf-eu maqngeur, Kali-euq lafkhoer yawtsaq yawdawr dawq ngaeq-eu ma.

2 Tiˆmoˇseˬ 1:11

Ngar, aqcawq tsawrjeuq tsawrca-euq gharduq ghaqkhaer geuf-awr dawqmaeq maeq-eu ghaq geuf-eu uqtaf, maeqnaeq tsovnaeq-eu ghaq geuf-awq laer Miqyaer, ngaq-anr kadar naeqlaf-euq mae.