1 Gawˇliˬtu 8:9 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Aerkhawf, nawmaf mrkhmq mae laer mr-eu baqda’nae, ghaq baq-eu tsawrhaq-euq gharduq sanqtif tifduq maqya pyeuf-ir ni yanr-awq.

Akha

⁹ Ehˇ kʼawꞈ, naw maꞈ mˇ mawꞈ-eu jeˬ mˇ nya-eu aˬ kawˬ-aˬ jaˆ-eu baˬ da neh, jah-eu gʼaˬ byehˆ byehˆ-eu tsawˇ haˬ deuˬ iˬ baˇ maˬ ya bi mˇ ni yahˇ-eu tsaˬ meh.

1 Gawˇliˬtu 8:9 ပူးပေါင်းရင်းမြစ်များ

Maꞈtehˬ 18:10

“Nawmaf, zaq yawnyir heudeuq-euq lafkhoer tiqghaq-anr-iq yaeqbawq saerlu-aer maqya ghaeni yanr-awq. Ngar, nawmaf-anr aernaeq nyar, aqyawf maf-euq mqtav ghaqkhaer, mq-euq khoertav jawr-awr, aqmyanluf ngaqDa-euq myavpyawq-anr mawrluf-eu mae.

Lormav 15:1

Aqdui jan-eu ghaq khav-eu tsawrhaq deuq, yawqha nuikhanr shirni mr-eu maqngeur-eu, ghaq baq-eu deuq-euq khavbaev cawpi naeq-eu tsaq mae.

1 Gawˇliˬtu 10:24

Aqsur ghaq maqkaq tiqghaq-iq, yawqha-euq gharduq muiqni taef-aer taqpov, aqcawq-euq gharduq muiqni pov-awq.

1 Gawˇliˬtu 10:28

Aerkhawf, tiqghaqnav, nawmaf-anr, “Heu-aq, tanqpanq aqma mawrkawr-anr lawrnaeq-euq mae” laer aernaeqlaf nar-aq, nawmaf-anr aernaeq laf-euq khoerghaq-euq baqda’nae hawr-eu zaqsiq nuisiq-euq baqda’nae taqdzaq. Aqjeq mirnae aernar-aq, “Mirtsaq hawr-euq mirtsaq-euq khoertav kharjawr kharjav-eu yawqjeq navluf Sanqpaq Miqyaer-euq mae.”

1 Gawˇliˬtu 10:29

Ngar, zaqsiq nuisiq laer aer-eu heu-aq, nawq-euq zaqsiq nuisiq-anr aer-eu maqngeur, aqcawq-euq zaqsiq nuisiq-anr aermawf-eu ma. Ngar aqjeq mrnya, maq mrnya-eu heu, aqjeq mirnae aqcawq-euq zaqsiq nuisiq nae yabi dar-eu la?

1 Gawˇliˬtu 10:32

Nawmaf, Yurdav tsawrhaq hawr-eu Heqlaqsar tsawrhaq-anr maqaer, Miqyaer-euq Kalizaq armur-anr maqaer, coeqler deuqler paq-aer taqmr.

1 Gawˇliˬtu 8:10

Nawr khoerlof-aer ghae-eu jeq-anr siqnya-eu tsawrganr anr-eu tsawrhaq gar nae, tanqpanq aqma mawrkawr jav-eu nymr-euq lafkhoer nuir-awr dzaqluf-eu gar, zaqsiq nuisiq ghaq baq-eu tiq ghaq mawr-euq nar-aq, aqyawf nuima khaqlar-awr, tanqpanq aqma mawrkawr-anr lawrnaeq-euq dzaqdzaq dawrdawr-anr dzaq-eu maqngeur-a lor?

1 Gawˇliˬtu 8:12

Nawmaf, aqyuif aqnyir deuq-anr khoerlof-aer mrbanq-awr, aqyawf maf-euq ghaq baq-eu zaqsiq nuisiq-anr lavnar naeq-eu-aq, Kali-anr mrbanq-eu jeq pyeuf-eu mae.

1 Gawˇliˬtu 9:22

Ghaq baq-eu tsawrhaq, Kalizaq bi pyeuflarni, ngar, aqyawf maf-euq gharduq ghaq baq-eu tsawrhaq lof-aer pyeuf-eu ma. Aqjox-aer ghae-awr nae khawf, tsawrhaq tiqpavnav deuq kakhof-eu jeq bi za’ni, ngar, yawqghaq navluf-euq gharduq, yawqjeq navluf pyeuf-eu ma.

2 Gawˇliˬtu 11:21

Nga’maf khoerlof-aer janrni ghaqbaqbaq mir-a laer shafdawr-eu lafkhoer ya’aer-eu ngar-a! Aerkhawf, tsawrhaq tiqghaqnav aqjeq-euq garkawv-anr nae nuima khaqduqni ghae nar-aq, ngar khawf, nuima khaqduqni ghae ma. (Ngar heulof-aer ngaeq-eu-aq, aqdzawq argan lof-aer ngaeq-eu ma.)

2 Gawˇliˬtu 11:29

Tsawrhaq tiqghaqnav ghaqbaqbaq nar-aq, ngar khawf ghaq maqbaq-a lor? Tsawrhaq tiqghaq nav-anr sanqtif bitif nar-aq, ngar nuima maqpaer-ar laq?

2 Gawˇliˬtu 6:3

Nga’maf guiqlanq-euq gar mr ngae, aqcawq dawqdoer maqbi ngaeqlar nya’ni, sanqtiftif paq-aer ghae-eu jeq tiqjeq-iq maqmr-aq.

Gaˬlaˬtiˆ 5:13

Aqyuif aqnyir deuq-or! Nawmaf buq-ir-euq tsawrhaq bipyeuf-eu laer Miqyaer, nawmaf-anr kur-euq mae. Aerkhawf, buq-ir-euq khoer-anr shiqshaq-euq nuilov gharduq taqzmq. Gaq-eu lafkhoer, tiqghaq tirghaq-euq kuirlaf zaqkhav geufnaeq-awq.

Gawˇlawˇsehˇ 2:8

Tsawrganr siqzaq-euq dawqmaeq hawr-eu gardanr maqtsoeq-eu jaqmyawf maershuir dawqdeuq ngaeqngaeq-aer, nawmaf-anr shuirlar-eu tsawrhaq-anr yanr-awr, tiqghaq nae-iq taqbi shuirtawv. Dawq khoerdeuq-aq, Kali-anr maqtaf-aer, tsawrhaqzaq-euq zanroer-anr taf-eu dawq hawr-eu, mirtsaq-euq zanrsanrkhof-anr taf-eu dawqdeuq mae.

1 Beˬtuˆluˆ 2:16

Nawmaf buq-ir-euq tsawrhaq mae. Aerkhawf, buq-ir-euq gar daeqlaef-awr maqmuiq maqjaq-eu jeq mrmr-aer maqdaefni, Miqyaer-euq kuirlaf zaqkhav lof-aer daef-awq.

2 Beˬtuˆluˆ 2:19

Aqyawfmaf, aqcawq-anr yabuq-ir taef-a laer sarjax dzaq ngae, yawqha ghaq-aq, yawcawv jeq-euq zaqkhav geufluf-eu mae. Aqjeq mirnae aernar-aq, tsawrhaqzaq-aq, aqjeq nae bi ghaqler-euq nar-aq, khoerjeq-euq zaqkhav geufluf-eu mae.

Panmaeq 2:14

Aerkhawf, ngar, nawq-anr aer paq-aer ghae-eu heumyav jeq jav-eu ma. Nawr jawr-eu gar, Baqlamq-euq dawqmaeq dawqtsov-anr cantae-eu tsawrhaq bijawr-euq mae. Dawqmaeq dawqtsov khoer-aq, Irsaqleqlav-euq zaqdeuq sanqtif bitif-eu laer, tanqpanq aqma mawrkawr-anr lawrnaeq-euq lawrdzar dzaqni hawr-eu, banq-awr khaqmiq sheuni, Baqlamq nae Baqlaer-anr maeqnaeq-euq mae.