1 Gawˇliˬtu 8:7 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Aerkhawf, tsawrhaq dawqtawvluf khoerlof-aer siqnya-eu tsawrganr anr-eu maqngeur-a. Tsawrhaq tiqpavnav deuq iqnan keuvni, tanqpanq aqma mawrkawr-anr ghoesheuv taq-euq mirnae, dzaqdzaq dawrdawr heu, tanqpanq aqma mawrkawr-anr lawrnaeq-euq ma laer sawx-awr dzaq-eu mae. Aqyawf maf-euq zaqsiq nuisiq ghaq baq-eu mirnae, yawqha-anr maqshawrni bipyeuf-ir nya-eu mae.

Akha

⁷ Ehˇ kʼawꞈ, yawˬ gʼaˬ na luꞈ kʼoeˇ loꞈ-ehˇ siˬ nya-eu zaˬ siˬ tsawˇ gahˇ ahˇ-eu maˬ ngeuˇ-a. Tsawˇ haˬ tiˬ paˆ na deuˬ-aˬ, tahˬ pahˬ aˬ ma mawˇ kawˇ-ahˇ jah sheuˆ taˬ-euˬ miˇ neh, kʼoeˇ loꞈ-ehˇ gʼeh-eu lawˇ dzaˇ-ahˇ dzaˬ ngeh, tahˬ pahˬ aˬ ma mawˇ kawˇ-euˬ dzaˇ meh lehˇ noeˬ luꞈ-eu meh. Aˬ yawꞈ maꞈ-euˬ siˬ nya-eu nui ma gʼaˬ baˬ-eu miˇ neh, dzaˇ kʼoeˇ tsawˇ haˬ-ahˇ laˆ jawꞈ-eu meh lehˇ noeˬ-eu meh.

1 Gawˇliˬtu 8:7 ပူးပေါင်းရင်းမြစ်များ

Gʼaˬkʼehˇ 15:20

Aerkhawf, tanqpanq aqma mawrkawr-anr lawrnaeq-euq maqshawr-eu jeq dzaq-eu, banq-awr khaqmiq sheu-eu, shiq hawr-eu pafsaef-euq jeqzaq dzaq-eu, heudeuq-anr byaer-awq laer aqyawf maf-anr sanqbof bofnaeq-eu tsaq taef-a.

Lormav 14:14

Sanqpaq Yeqsur-euq baqda’nae aqgeu jeq maqkaq, aqyawxyawf maqshawr-eu tiqjeq-iq maqjav-a laer ngar siqnya-awr, janduq lar-euq ma. Aerkhawf, aqgeu jeq maqkaq maqshawr-a laer tsawrhaq tiqghaqnav noeq nar-aq, aqyawf-euq gharduq maqshawr-eu jeq pyeuf-eu mae.

Lormav 15:14

Ngaq-euq aqyuif aqnyir deuq-or! Nawmaf yawmuiq jeq tiqbyanni anr-awr, siqnya-eu tsawrganr dawqtawvluf byan-eu uqtaf, tiqghaq tirghaq khawf ghaq bifnya-eu tsawrhaq mae laer ngar, nawmaf-anr yawduq baw-eu ma.

1 Gawˇliˬtu 10:25

Zaqsiq nuisiq-euq gharduq maq narhaq tserni, shaqjir daqanq-eu laev-anr khardaq-eu jeq dzaq-awq.

1 Gawˇliˬtu 8:1

Tanqpanq aqma mawrkawr-anr lawrnaeq-euq dzaqdzaq dawrdawr-euq garkawv-aq heulof-aer mae. Aqdui yawqghaq navluf siqnya-eu tsawrganr anr-eu ma laer siqnya ma. Aerkhawf, siqnya-eu tsawrganr-aq, tsawrhaq-anr nuima bi huiqlar-awr, gaq-eu jeq-aq, tsawrhaq-anr bihuiq bi manrlar-eu mae.

1 Gawˇliˬtu 8:4

Tanqpanq aqma mawrkawr-anr lawrnaeq-euq dzaqdzaq dawrdawr dzaq-awr dawr-eu garkawv-aq heulof-aer mae. Mirtsaq-euq khoertav jav-eu tanqpanq aqma mawrkawr-aq, tiqjeq-iq gardanr maqtsoeq-eu mrmyawq mae laer aqdui siqnya-eu ma. Miqyaer tiq ghaq taef-aer jawr-awr, miqyaer nuighaq maqjawr-a laer khawf aqdui siqnya ma.

1 Teˇsaˬloˇni 5:14

Aqyuif aqnyir deuq-or! Nga’maf, nawmaf-anr ghaq heulof-aer parbif-eu ma. Yawdoer tsawrhaq-anr maeqbawq bif-awq. Nuima ghaq baq-eu tsawrhaq-anr ghaq bif-awq. Ghaqbyaev byaev-eu tsawrhaq-anr cawba-awq. Tsawrhaq dawqtawv luf-euq khoertav nuima ghawqmanrni taq-awq.