1 Gawˇliˬtu 8:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Tanqpanq aqma mawrkawr-anr lawrnaeq-euq dzaqdzaq dawrdawr-euq garkawv-aq heulof-aer mae. Aqdui yawqghaq navluf siqnya-eu tsawrganr anr-eu ma laer siqnya ma. Aerkhawf, siqnya-eu tsawrganr-aq, tsawrhaq-anr nuima bi huiqlar-awr, gaq-eu jeq-aq, tsawrhaq-anr bihuiq bi manrlar-eu mae.

Akha

¹ Naw maꞈ neh ngaˬ-ahˇ boꞈ naˇ haˬ laꞈ-euˬ tahˬ pahˬ aˬ ma mawˇ kawˇ-ahˇ lawˇ-euˬ dzaˇ gaˇ kawˆ-ahˇ taꞈ leˇ-awˇ, ngaˇ heu loꞈ-ehˇ ehˇ-eu ma. “Aˬ dui yawˬ gʼaˬ na luꞈ zaˬ siˬ tsawˇ gahˇ ahˇ ma” leˇ siˬ nya ma. Ehˇ kʼawꞈ, zaˬ siˬ tsawˇ gahˇ-aˬ tsawˇ haˬ zaˬ-ahˇ nui ma bi huiˬ laˇ-awˇ, gʼoeˇ-eu gaˬ-eu jeˬ-aˬ, tsawˇ haˬ zaˬ-ahˇ bi huiˬ bi mahˇ laˇ-eu meh.

1 Gawˇliˬtu 8:1 ပူးပေါင်းရင်းမြစ်များ

Gʼaˬkʼehˇ 15:10

Tox-aer mar-iq, nymq-mr nawmaf aqjeq mirnae Miqyaer-anr tsermr haw-eu le? Aqjeq mirnae aqdui-euq aqpoeq deuq hawr-eu aqduimaf khawf maq daqcoer-eu khavbaev, zaqlanr deuq-euq kawqlanr-anr ciqpi naeq-eu le?

Gʼaˬkʼehˇ 15:29

Nawmaf maq mrkhmq-eu jeq-aq heudeuq mae, tanqpanq aqma mawrkawr-anr lawrnaeq-euq dzaqdzaq dawrdawr dzaq-eu, shiq dzaq-eu, pafsaef-euq jeqzaq dzaq-eu hawr-eu banq-awr khaqmiq sheu-eu, heudeuq-anr nawmaf maqmr nar-aq muiq duidui-eu mae. Nawmaf nuisar of luf-ur.”

Gʼaˬkʼehˇ 21:25

Kali-anr janlar-euq aqcawq tsawrjeuq tsawrca deuq-euq gharduq-aq, aqdui bawqdzaq tsaev-euq lof-aer, sanqbof heulof-aer bofanr ghae-euq ma. Tanqpanq aqma mawrkawr-anr lawrnaeq-euq jeq, shiq hawr-eu pafsaef-euq jeqzaq taqdzaq. Banq-awr khaqmiq sheu-eu taqbi jav. Nawmaf heudeuq lan-eu tsaq mae.”

Lormav 11:25

Aqyuif aqnyir deuq-or! Nawmaf yawqhar yawqha zaqsiq tsawrganr anr ma laer maqya noeqni, ngar, nawmaf-anr zaftaq-euq garkawv heu-anr maq siqnya-aer maqbi ghaemawf nya. Aqcawq tsawrjeuq tsawrca maq urbyan lar-euq khoerkeuvni, Irsaqleqlav tsawrhaq tiqpavnav deuq myavbaefbaef taef-a.

Lormav 12:16

Tiqghaq tirghaq tsaqler dzoerler-eu nuima anr-awq. Huiqmawf manrmawf-eu nuima maqanr-aer, teq-awr nyir-eu tsawrhaq deuq naeq-aer khawf cawq cawq-awq. Yawqhar yawqha tsawrganr anr-eu ma laer taqnoeq. (Dd 3:7)

Lormav 14:10

Aerkhawf, nawr aqjeq mirnae nawq-euq maernmr-anr yarkhaq dar-eu le? Nawr aqjeq mirnae nawq-euq maernmr-anr hawdoer-eu le? Aqdui yawqghaq navluf Kali yarkhaq dar-eu nuirmanq-euq maeqshi ya yawfler-eu mae.

Lormav 14:14

Sanqpaq Yeqsur-euq baqda’nae aqgeu jeq maqkaq, aqyawxyawf maqshawr-eu tiqjeq-iq maqjav-a laer ngar siqnya-awr, janduq lar-euq ma. Aerkhawf, aqgeu jeq maqkaq maqshawr-a laer tsawrhaq tiqghaqnav noeq nar-aq, aqyawf-euq gharduq maqshawr-eu jeq pyeuf-eu mae.

Lormav 14:19

Khoermirnae, aqdui tsaqler dzoerlerni hawr-eu tiqghaq tirghaq bihuiq bi manrlarni mr kar-eur.

Lormav 14:22

Nawr nuijan anr-eu le laq? Nuijan khoer Miqyaer hawr-eu yawqha-euq yawkaq bijav-awq. Yawqha nae tsaq nga laer noeq-awr mr-awr shar-euq jeq-euq baqda’nae, yawqhar yawqha iqbax taq-eu jeq maqjav nar-aq, guiqlanqhuiq taef-a.

Lormav 14:3

Dzaq-eu ghaq, maqdzaq-eu ghaq-anr taq hawdoer. Maqdzaq-eu ghaq khawf dzaq-eu ghaq-anr yarkhaq taqdar. Aqjeq mirnae aernar-aq, Miqyaer, aqyawf-anr hageuf ghaq-euq mae.

Lormav 15:14

Ngaq-euq aqyuif aqnyir deuq-or! Nawmaf yawmuiq jeq tiqbyanni anr-awr, siqnya-eu tsawrganr dawqtawvluf byan-eu uqtaf, tiqghaq tirghaq khawf ghaq bifnya-eu tsawrhaq mae laer ngar, nawmaf-anr yawduq baw-eu ma.

1 Gawˇliˬtu 1:5

Nawmaf, aqyawf-euq lafkhoer yawqjeq navluf javlar-awr sanrlar-euq mae. Dawq kharngaeq-eu bymlar-awr, siqnya-eu tsawrganr yawqjeq navluf khawf sanrlar-euq mae.

1 Gawˇliˬtu 10:15

Ngar, nawmaf-anr tsawrganr anr-eu tsawrhaq mae laer sawx-awr heulof-aer aer-eu ma. Ngar aer-eu tsaq-eu nga laq, maqtsaq-eu nga laq laer, nawmaf yawqha yawqha dartsaev-awq.

1 Gawˇliˬtu 10:28

Aerkhawf, tiqghaqnav, nawmaf-anr, “Heu-aq, tanqpanq aqma mawrkawr-anr lawrnaeq-euq mae” laer aernaeqlaf nar-aq, nawmaf-anr aernaeq laf-euq khoerghaq-euq baqda’nae hawr-eu zaqsiq nuisiq-euq baqda’nae taqdzaq. Aqjeq mirnae aernar-aq, “Mirtsaq hawr-euq mirtsaq-euq khoertav kharjawr kharjav-eu yawqjeq navluf Sanqpaq Miqyaer-euq mae.”

1 Gawˇliˬtu 14:20

Aqyuif aqnyir deuq-or! Ghovshaw nya-eu paw-aq, nawmaf, zaq lof-aer taqpyeuf. Aerkhawf, yawdoer jeq mr-eu paw-aq, zaq lof-aer pyeuf-awr, ghovshaw nya-eu paw-aq, tsawrkhav pyeuf-awq.

1 Gawˇliˬtu 15:34

Nawmaf, tsaq-awr dawr-eu paw uqnoeq beurlar-awr, iqbax taqmr. Aqjeq mirnae aernar-aq, tsawrhaq tiqpavnav deuq Miqyaer-anr siqnya-eu tsawrganr maqanr nga. Ngar, nawmaf bi shafdawr-eu laer heulof-aer aer-eu ma.

1 Gawˇliˬtu 4:10

Nga’maf, Kali-euq gharduq aqdzawq argan pyeuf-eu khawf, nawmaf-aq, Kali-euq lafkhoer tsawrganr anr-eu tsawrhaq ngar-a! Nga’maf ghaq baq-eu khawf, nawmaf ghaq khav-eu ngar-a! Nga’maf-aq, hawteq hawdoer-eu gar yadaq-eu khawf, nawmaf-aq, myavpyawq narmaer jav-eu ngar-a!

1 Gawˇliˬtu 4:18

Tsawrhaq tiqpavnav deuq, ngar, nawmaf jawr-eu gar maqlar-ar laer noeq-awr nuima huiqluf-eu mae.

1 Gawˇliˬtu 4:6

Aqyuif aqnyir deuq-or! Nawmaf tiqghaq-iq nuima huiq-awr, tiq ghaq-anr muiq-awr tiq ghaq-anr doer-eu jeq maqya mr-aer, Yaerbof-anr boftaq-euq taf-aer maqbi mrdzaeq-eu gharduq, Aqpawrluv hawr-eu ngaq-anr dzawgeufni, nga’nyaf-euq garkawv sheucaev-awr bofanr lef-euq ma.

1 Gawˇliˬtu 5:2

Khoerlof-aer mrluf-eu tsawrhaq-anr nawmaf-euq lafkhoer nae taedov-eu gharduq, dawqkawq kawqkawq-aer tsawrngoer ngoer paq-aer ghae-eu khawf, nawmaf nuima huiqhuiq-aer parjawr nya-eu nga.

1 Gawˇliˬtu 5:6

Nawmaf khanqsaer jaev-eu maqtsaq-a. Daeqtseq uicuiv taef khawf, kaqmur tiq siq siqlanni-anr bi poqlar nya-eu mae laer nawmaf maq siqnya-eu le lor?

1 Gawˇliˬtu 8:2

Tsawrhaq tiq ghaq, yawqha tiqjeqpaq siqnya ma laer noeq nar-aq, aqyawf siqnya paq-aer ghae-eu jeq, tiqjeq-iq maq siqnya-a siq.

1 Gawˇliˬtu 8:4

Tanqpanq aqma mawrkawr-anr lawrnaeq-euq dzaqdzaq dawrdawr dzaq-awr dawr-eu garkawv-aq heulof-aer mae. Mirtsaq-euq khoertav jav-eu tanqpanq aqma mawrkawr-aq, tiqjeq-iq gardanr maqtsoeq-eu mrmyawq mae laer aqdui siqnya-eu ma. Miqyaer tiq ghaq taef-aer jawr-awr, miqyaer nuighaq maqjawr-a laer khawf aqdui siqnya ma.

1 Gawˇliˬtu 8:7

Aerkhawf, tsawrhaq dawqtawvluf khoerlof-aer siqnya-eu tsawrganr anr-eu maqngeur-a. Tsawrhaq tiqpavnav deuq iqnan keuvni, tanqpanq aqma mawrkawr-anr ghoesheuv taq-euq mirnae, dzaqdzaq dawrdawr heu, tanqpanq aqma mawrkawr-anr lawrnaeq-euq ma laer sawx-awr dzaq-eu mae. Aqyawf maf-euq zaqsiq nuisiq ghaq baq-eu mirnae, yawqha-anr maqshawrni bipyeuf-ir nya-eu mae.

Eˇpeˇsu 4:16

Aqyawf-euq lafkhoer, mawrdo dolan-aer yoeqtsuif yawqtsuif navluf nae gheutsaf-awr dzeuftaq-euq mirnae, arsaer yawqsaer navluf, yawqha-euq gar yawqha mrluf ngae, mawrdo dolan-aer gaq-eu lafkhoer huiqlar manrlar luf-eu mae.

Gawˇlawˇsehˇ 2:18

Gardanr maqtsoeq-eu gar shiqshaq nuilov-euq lafkhoer nuima huiq-awr, yawqha nae maq mawrhaw-euq jeq-anr banqgha-eu uqtaf, nuinanq nuiyu jaqmyawf anr-awr, mqtav ghaqkhaer-anr uqduq tanq-eu heudeuq-anr nuikhanr shir-eu tsawrhaq tiqghaq nae-iq, nawmaf-euq mrpoeq lafsawq maqbi shuirdovni yanr-awq.

Panmaeq 2:14

Aerkhawf, ngar, nawq-anr aer paq-aer ghae-eu heumyav jeq jav-eu ma. Nawr jawr-eu gar, Baqlamq-euq dawqmaeq dawqtsov-anr cantae-eu tsawrhaq bijawr-euq mae. Dawqmaeq dawqtsov khoer-aq, Irsaqleqlav-euq zaqdeuq sanqtif bitif-eu laer, tanqpanq aqma mawrkawr-anr lawrnaeq-euq lawrdzar dzaqni hawr-eu, banq-awr khaqmiq sheuni, Baqlamq nae Baqlaer-anr maeqnaeq-euq mae.

Panmaeq 2:20

Aerkhawf, ngar, nawq-anr aer paq-aer ghae-eu heumyav jeq jav-eu ma. Yawqhar yawqha, Miqyaer gharduq ngaeqdan-eu tsawrhaq ma laer aer-eu zaqmiq aqbur Yeqsaqbeqlar-anr nawr bi jawrluf-eu nga siq. Aqyawf, ngaq-euq ghaqzaq ghaqkhaer-anr banq-awr, khaqmiq sheuni hawr-eu tanqpanq aqma mawrkawr-anr lawrnaeq-euq lawrdzar dzaqni, maeqnaeq tsovnaeq-awr murluf-eu mae.