1 Gawˇliˬtu 7:25 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁵ Zaqguq deuq-euq garkawv-anr tafler-awr Sanqpaq Miqyaer nae bif-euq dawq ngar maqza-aq. Aerkhawf, Sanqpaq Miqyaer, ngaq-anr ghawqshaq gaq-eu mirnae, ngaq-anr jancoer paq-aer ghae-eu tsawrhaq bi pyeuflar naeqlaf-euq lof-aer, ngaq-euq nuinoeq nawmaf-anr ja’naeq nyar.

Akha

²⁵ Naw maꞈ neh ngaˬ-ahˇ boꞈ naˇ haˬ laꞈ-euˬ smˇ miˇ maˬ iˇ ni jawˇ-eu zaˬ miˬ zaˬ deuˬ-euˬ gaˇ kawˆ-ahˇ taꞈ leˇ-awˇ, Sahˬpaˬ Miˬyehˇ-euˬ dawˬ ngaˇ maˬ za-aˬ. Ehˇ kʼawꞈ, Miˬyehˇ guiˬ lahˬ baˬ da neh jah coeˇ paˬ-ehˇ gʼeh-eu ngaˬ-euˬ nui noeˬ naw maꞈ-ahˇ biꞈ-eu ma.

1 Gawˇliˬtu 7:25 ပူးပေါင်းရင်းမြစ်များ

Jaceuq 78:63

Aqyawf maf-euq aqli zaqguq deuq, miqdzaq nae bi puivsaef-awr, Aqyawf maf-euq aqbur zaqguq deuq, danqdzaq-ir khar maqbi za-aq.

1 Gawˇliˬtu 15:10

Aerkhawf, Miqyaer-euq guiqlanq yawdzanr baqda’nae ngar heulof-aer pyeufluf-eu ma. Aqyawf nae ngaq-anr bifnaeq laf-euq guiqlanq yawdzanr-aq yawqngaef maqngeur-a. Ngar, ghaqkhaer nuideuq dawqtawv luf-euq navmaqtser gar mr-euq ma. Aqdir aernar-aq, ngaq nae mr-euq maqngeur, ngaq-euq lafkhoer anr-eu Miqyaer-euq guiqlanq yawdzanr nae mr-euq mae.

1 Gawˇliˬtu 4:2

Khoeruqtaf, hawpir-eu tsawrhaq geuf-eu deuq-aq, sarjax zif-eu tsawrhaq yapyeuf-eu mae.

1 Gawˇliˬtu 7:10

Ngar, oermr bar-euq deuq-anr dawq bif-eu ma. Aqdir aernar-aq, ngaq-euq dawq maqngeur, Sanqpaq Miqyaer-euq dawq mae. Miqzaq-aq, yawqha-euq khaqdzerzaq-anr nae taqghawq-ir.

1 Gawˇliˬtu 7:12

Ngar nuideuq-anr heulof-aer aer-eu ma. Sanqpaq Miqyaer-euq dawq maqngeur-a. Kalizaq tiq ghaq, yawqha-euq miqzaq maqjan-eu khawf, aqyawf-euq miqzaq, aqyawf naeq-aer jawrmawf nar-aq maqya khof-a.

1 Gawˇliˬtu 7:28

Nawr, miqzaq sheuq-eu law-awr khawf iqbax mr-eu maqngeur-a. Miqdaf dafshawr danqdzaq-ir-eu khawf iqbax mr-eu maqngeur-a. Aerkhawf, khoerlof-aer mr-eu tsawrhaq-aq, shiqshaq paw yashaq yazanq taef-a. Ngar, nawmaf-anr khoerdeuq maqbi daqmawf nya.

1 Gawˇliˬtu 7:34

Khaqdzerzaq baw-eu zaqmiq aqbur hawr-eu miqdaf dafshawr yawkaq beugar-eu jeq jav-eu mae. Maq danqdzaq-ir-euq zaqmiq aqbur-aq, Sanqpaq Miqyaer-anr taf-eu jeq-anr taef-aer sharnoeq-awr, aqyawf-euq mawrdo hawr-eu saflar yawshawr shawr-aer daefnya-eu mae. Aerkhawf, danqdzaq-ir-euq zaqmiqzaq deuq-aq, aqjox-aer ghae-awr yawqha-euq khaqdzerzaq nuikhanr bishir-eu paq nga laer mirtsaq-anr taf-eu jeq-anr khanqlanr-eu mae.

1 Gawˇliˬtu 7:40

Maq danqdzaq-ir ni jawrnya nar-aq, aqyawf-euq gharduq laqkhaq caerdzaeq taef-a laer ngar noeq mir-a. Ngar heulof-aer aer-eu-aq, Miqyaer-euq Saflar khawf nuima tsaq taef-a laer ngar noeq-eu ma.

1 Gawˇliˬtu 7:6

Aerkhawf, ngar heulof-aer aer-eu-aq, nawmaf-anr dawq bif-eu maqngeur, nawmaf-anr arnmq bif-eu ma.

2 Gawˇliˬtu 11:17

Ngar ngaeq-eu-aq, Sanqpaq Miqyaer bi ngaeqlaf-eu lof-aer ngaeq-eu maqngeur. Aqdzawq argan yawduq baw-eu lof-aer khanqsaer jaev-eu ma.

2 Gawˇliˬtu 2:17

Tsawrhaq ghawqmya ghaq, pyur za’ni Miqyaer-euq dawq maeqluf-eu mae. Aerkhawf, nga’maf-aq, khoerlof-aer ghae-eu tsawrhaq maqngeur. Miqyaer-anr nae za-euq lof-aer Miqyaer-euq maeqshi, Kali-euq lafkhoer dawrcoeni maeq-eu ma.