1 Gawˇliˬtu 7:23 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²³ Arpoeq bif-awr nawmaf-anr zeurtsaev taq-euq mirnae, tsawrhaq-euq zaqkhav taqgeuf.

Akha

²³ Miˬyehˇ neh naw maꞈ-ahˇ aˇ poeˬ biꞈ-awˇ zeuˇ tsehˆ gʼaˬ-euˬ meh. Kʼoeˇ miˇ neh, tsawˇ haˬ zaˬ-euˬ zaˬ kʼaˆ taˬ paˇ bi pyeuꞈ.

1 Gawˇliˬtu 7:23 ပူးပေါင်းရင်းမြစ်များ

Maꞈtehˬ 6:24

“Tsawrhaq tiqghaq-iq yawsanr nyiq ghaq-euq zaqkhav maqgeuf nya-ar. Tiq ghaq-anr byae nar-aq, tiq ghaq-anr gaq-eu mae. Maqngeur nar-aq, tiq ghaq-anr yawzeu baw-awr, tiq ghaq-anr yaeqbawq-aer ghae-eu mae. Nawmaf, tiqyamq-euq lafkhoer, Miqyaer-euq hawr-eu pyurshuir myawqganq-euq kuirlaf zaqkhav maq geufnya-a.

Gʼaˬkʼehˇ 20:28

Yawshawr Saflar, nawmaf-anr armaf-euq lafkhoer nae tserdov-awr aqyuif aqtsu bigeuf-euq mirnae, nawmaf yawqhar yawqha yanryanr-aer daef-awr, armaf maflan-euq gharduq khawf yanr-awq. Aqyawf-euq shiq nae zeurkhof taq-euq Sanqpaq Miqyaer-euq Kalizaq armur-anr bosav-awq.

1 Gawˇliˬtu 6:20

Aqjeq mirnae aernar-aq, arpoeq bif-awr nawmaf-anr zeurtsaev taq-euq mae. Khoermirnae, Miqyaer-euq pyeuf-eu nawmaf-euq mawrdo hawr-eu saflar-anr nae, Miqyaer-euq yawshaef khanqsaer bi dovlar-awq.

Gaˬlaˬtiˆ 2:4

Aqjeq mirnae aernar-aq, tsawrhaq tiqpavnav deuq aqyuif aqnyir janrgeuf-awr, nga’maf-euq lafkhoer urkhoeq lar-euq mae. Aqdui-anr zaqkhav bigeuf-ir-eu laer Yeqsur Kali-euq lafkhoer za-euq buq-ir-eu jeq-anr khoeqsho luf-eu mae.

Tiˇtuˆ 2:14

Aqyawf-euq mawrdo lawrnaeq-euq khoer-aq, zanrdawq-anr leur-eu yawqjeq navluf-anr nae aqdui-anr kakhof naeqlaf-awr, aqyawf-euq gharduq aqdui-anr lavmuiq lavshawr-awr, yawmuiq jeq mr-eu gar nuima keuv duidui-eu aqyawf-euq tsawrjeuq bipyeuf-eu gharduq mae.

1 Beˬtuˆluˆ 3:18

Aqjeq mirnae aernar-aq, Kali khawf iqbax-euq gharduq shaqzanq tiq pov daq-euq mae. Maqtsaq maqdawr-eu tsawrhaq-euq gharduq, tsaq-awr dawr-eu ghaq yadaq-euq mae. Aqyawf, aqdui-anr Miqyaer-euq maeqshi sheuqlef nya’ni, shiqshaq paw-aq, bi tafsaef-euq khawf, muiq-eu Saflar nae bi ghofdaef lar-euq mae.

Panmaeq 5:9

Aqyawfmaf cardawq yawshuif heulof-aer car-eu mae: “Nawr-aq, yovtaq-euq sanqbof teuyov yur-awr, Jmq diqtaq-euq gheudzae-eu geux-eu mae. Aqjeq mirnae aernar-aq, nawr saef-euq gar yadaq-awr, Nawq-euq shiq nae yawqjeq navluf-euq arjeuq arca, dawqngaeq dawqbav, tsawrhaq hawr-eu tsawrjeuq tsawrca-anr, kakhof-awr Miqyaer-anr bi gawflar naeqlaf-euq mae.