Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Gawˇliˬtu 6:9 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

9 Nawmaf, maqtsaq maqdawr-eu tsawrhaq, Miqyaer uvlanr-eu jeq maqza nya-a laer maq siqnya-eu le lor? Taq noeqlaeq de-eq. Maqtsaq-eu lafkhoer banq-awr joe-eu, tanqpanq aqma mawrkawr-anr uqduq tanq-eu, banq-awr joe-eu, aqli yawkaq aqli maqngeur nar-aq, aqbur yawkaq aqbur banq-awr joe-eu, aqli yawkaq aqli mawrdo anq-eu tsawrhaq deuq,

အခန်းကိုကြည့်ပါ။ ကော်ပီ

Akha

9 Maˬ tsaˬ maˬ dawˇ-eu tsawˇ haˬ Miˬyehˇ Miˇkʼahˬ laꞈ kʼoeˇ maˬ ya uˇ leˇ-a lehˇ naw maꞈ siˬ duˬ luꞈ meh. Naw maꞈ taˬ noeˬ lehˬ. Aˬ cawˬ nehˬ-ehˇ joe-eu tsawˇ haˬ, tahˬ pahˬ aˬ ma mawˇ kawˇ-ahˇ uˬ duˬ tahˬ-eu tsawˇ haˬ, aˬ cawˬ-euˬ miˬ zaˬ yo zaˬ-ahˇ bahˬ-eu tsawˇ haˬ, kʼaˬ dzeˇ zaˬ cawˬ cawˬ kʼaˬ miˬ sheu-eu tsawˇ haˬ,

အခန်းကိုကြည့်ပါ။ ကော်ပီ




1 Gawˇliˬtu 6:9
51 ပူးပေါင်းရင်းမြစ်များ  

Ya’we Miqyaer, maqdawr maqtsaq-eu pavyawq-anr nuidav dav-eu mae. Aerkhawf, aqyawf, dawr-awr tsaq-eu darsav losiq-anr nuikhanr shir-eu mae.


Yawlaeq yawca saeq-eu tsawrhaq-aq, Nuima ghawqshaq-aer ghae-eu jeq yayaeq-awr, Aqyawf-euq nuima paer-eu gawqyoeq-aq, Gardanr maqtsoeq-eu jeq pyeuf-ir taef-a.


Aqyawf-euq nymr-aq, shiqbuir lanma-anr ir-eu garma pyeuf-awr, Shir-euq deuq-euq jawrduq-anr sheuqka-iq-eu garma mae.


Ngaq-euq tsawrmyanr-euq gharduq, yawqha-euq nymr, maqngeur nar-aq, maernmr, dmrma, aqma aqda, zaqmiq zaqyo, daeyar, heudeuq byaerdzae yaf-euq tsawrhaq yawqghaq navluf, khoermyav maqtser 100 bymr za-eu uqtaf, mqmaq maqbyav yarzir daef-eu jeq za taef-a.


Khoernar-aq, Sanqpaq, armar paw jawr-eu deuq-anr heulof-aer aernaeq taef-a: ‘NgaqDa-euq guiqlanq za-euq tsawrhaq deuq-or! Lar-awq. Mqbae mirbae bae ngae nae, nawmaf-anr of-eu jeqbir pyeuf-eu mirkhanq-anr jawrlar-awq.


Yeqsur heulof-aer aernaeq-euq mae, “Aqcawq nae nawmaf-anr maershuir maqya bi shuirtawvni yanr-awq. Aqjeq mirnae aernar-aq, tsawrhaq ghawqmya’ni ngaq-euq tsawrmyanr-anr ghoeghoe-aer, ‘Ngar-aq, Kali ma’ laer aer-awr, ‘Aryamq dawqpae paele-euq mae’ laer aer taef-a. Khoermirnae, aqyawf maf-euq maeqnan taqcan taeghae.


“Aqyuif aqnyir deuq-or! Nymq-mr ngar, nawmaf-anr Miqyaer-euq aqlaf-euq lafkhoer hawr-eu aqyawf-euq guiqlanq yawdzanr-euq dawq-euq lafkhoer a’naeq-awr bi jawryaf ma. Guiqlanq yawdzanr-euq dawq khoer-aq, nawmaf-anr bihuiq bi manrlar nya-awr, lavshawr-euq tsawrhaq dawqtawvluf naeq-aer, nawmaf tiqkawv lof-aer jeqbir za’nya-eu mae.


Khoernar-aq, Pawrluv tsaq-awr dawr-eu garkawv, yawqha-euq nuima-anr ghaqler-eu garkawv hawr-eu, aqkar keuvle-eu yarkhaq dar-eu garkawv ja’maeqnaeq ngae, Peqlir guvlar taq-awr aer-eu, “Nymq-mr pov-aq ghaq-ar. Nawr ghof-ir-awr, aqkar aryamq tsaq ngae, ngar, nawq-anr parkur ma.”


Miqyaer-anr yawzeu maqbaw-aer maqtsaq maqdawr-eu jeq mr-euq tsawrhaq yawqghaq navluf-euq khoertav, mq-anr nae Miqyaer nuima paer-eu jeq panmaeq naeqlaf-euq mae. Tsawrhaq khoerdeuq-aq, maqtsaq maqdawr-eu jeq nae yawtsaq yawdawr jeq-anr nyaefsuf luf-eu mae.


Maershuir-anr taq tawvler de-eq. “Cawq yawdoer-aq, shaevdzeuf yawmuiq-anr lavcawv-eu mae.”


Aqyuif aqnyir deuq-or! Ngar, nawmaf-anr aernaeq nyar. Shiq hawr-eu shaqjir-aq, Miqyaer uvlanr-eu jeq-anr maqza nya-a. Buf-ir shov-ir nya-eu jeq khawf, maqbuf maqshov-ir nya-eu jeq maqza nya-a.


Nawmaf-aq, Miqyaer-euq uqduq tanqnymr nymrma pyeuf-awr, Miqyaer-euq Saflar, nawmaf-euq lafkhoer jawrluf-eu mae laer maq siqnya-eu le lor?


Nawmaf-euq lafkhoer, aqcawq tsawrjeuq tsawrca deuq ngaeq-eu taef-aer khawf maq ngaeqkeuv shaf-eu, banq-awr khaqmiq sheu-eu garkawv javluf-eu mae laer, ngar aqdir yagaq-euq ma. Khoer-aq, tsawrhaq tiq ghaq, aqyawf-euq aqma ma’nyir naeq-aer banq-awr joe-eu garkawv mae.


Ngar khoerlof-aer aer-euq-aq, mirtsaq-anr taf-eu, maqtsaq-eu lafkhoer banq-awr joe-eu deuq, aqcawq-euq myawq-anr maerjuir juir-eu deuq, aqcawq-euq myawq-anr khaeqgeuf khavgeuf-eu deuq hawr-eu, tanqpanq aqma mawrkawr-anr uqduq tanq-eu deuq-anr aermawf-eu maqngeur. Heudeuq naeq-aer cawq taq cawqtaf laer aer-eu ngeur-eu law nar-aq, nawmaf, mirtsaq heu-anr nae yadov-ir-eu mae.


Aerkhawf, nymq-mr ngar, nawmaf-anr bofanr lef-euq heu-aq, aqyuif aqnyir Kalizaq ma laer aer-eu gar nae, maqtsaq-eu lafkhoer banq-awr joe-eu, aqcawq-euq myawq-anr maerjuir juir-eu, tanqpanq aqma mawrkawr-anr uqduq tanq-eu, jabu jadoer-eu, jirbaq dawryaef-eu hawr-eu, aqcawq-euq myawq-anr khaeqgeuf khavgeuf-eu tsawrhaq naeq-aer cawq taq cawqtaf, aqyawfmaf naeq-aer dzaq khawf taq dzaqtaf laer bofanr lef-euq ma.


smrkhoeq khoeq-eu, aqcawq-euq myawq-anr maerjuir juir-eu, jirbaq dawryaef-eu, jabu jadoer-eu hawr-eu, aqcawq-euq myawq-anr khaeqgeuf khavgeuf-eu, heulof-aer ghae-eu tsawrhaq-aq, Miqyaer uvlanr-eu jeq maqza nya-a.


Banq-awr khaqmiq sheu-eu jeq-anr caevdzeur-awq. Tsawrhaqzaq nae kharmr-euq iqbax-aq, mawrdo-euq lafnyir paw mr-eu mae. Aerkhawf, maqtsaq-eu lafkhoer banq-awr joe-eu-aq, yawqha-euq mawrdo-anr mrbanq-eu mae.


Nawmaf-euq mawrdo-aq, Yawshawr Saflar-euq uqduq tanqnymr nymrma mae laer maq siqnya-eu le lor? Yawshawr Saflar-aq, Miqyaer-anr nae oe-awr, nawmaf-euq lafkhoer jawrluf-eu mae. Khoeruqtaf, nawmaf-euq mawrdo-aq, nawmaf-euq maqngeur-a.


Caevcae cae ngae, yawqghaq navluf caev-eu khawf, tiq ghaq taef-aer lafsawq za-eu mae laer nawmaf maq siqnya-eu le lor? Nawmaf khawf, lafsawq khoer-anr za’ni caevcae cae-awq.


Ngar paroe ngae, ngaq-euq Miqyaer, nawmaf-euq maeqshi ngaq-anr daqga paq-aer janrnaeq laf-eu gar guv mir-a. Dzeurlaf ngae, maqshawr-eu jeq mr-euq, banq-awr muv-euq, jawflafni daef-euq, khoerlof-aer mr-euq tsawrhaq ghawqmya ghaq nymq-mr keuvni maq noeqpov-eu mirnae, ngar tsawrngoer ya’ngoer-eu paq laer guv mir-a.


Taq noeqbanq de-eq. Miqyaer-anr jaqmyawf maq myawfnya-a. Yawqha aqjeq ka nar-aq, khoerjeq yayaeq taef-a.


Khoermirnae, nawmaf-euq lafkhoer anr-eu mirtsaq-anr taf-eu heudeuq-anr lavsaef-awq: banq-awr muv-eu, maqshawr-eu jeq, nuikhanr, yawdoer jeq mrmawf-eu hawr-eu, tanqpanq aqma mawrkawr-anr uqduq tanq-eu jeq pyeuf-eu maerjuir juir-eu jeq.


Tsawrhaq yawqghaq navluf naeq-aer tsaqler dzoerlerni laejae-awr, shawrlarni khawf laejae-awq. Aqjeq mirnae aernar-aq, maqshawr nar-aq, tsawrhaq tiqghaq-iq Sanqpaq Miqyaer-anr maq mawrnya-a.


Nawmaf tiqghaq-iq banq-awr joe-eu jeq maqbi dovlarni yanr-awq. Irsawr lof-aer maqshawr-aer maqya ghae-ir ni khawf yanr-awq. Irsawr-aq, dzar tiq dzaq nae huqbaw zaqyo-euq aryaq pardzae-euq mae.


Tsawrhaq yawqghaq navluf oermr bar-eu jeq-anr taqhuiq-awq. Yufzar khawf yawshawr shawr-aer bijav-awq. Aqjeq mirnae aernar-aq, aqcawq-anr khaqmiq sheu-eu hawr-eu banq-awr joe-eu tsawrhaq deuq-anr Miqyaer yarkhaq darnaeq taef-a.


Ngar zawr gaq-eu aqyuif aqnyir deuq-or! Taq noeqbanq de-eq.


Ngar gaq-eu zaqdeuq-or! Tiqghaq nae-iq nawmaf-anr maershuir taqbi shuirtawv. Tsaq-awr dawr-eu jeq mr-eu tsawrhaq-aq, Kali tsaq-awr dawr-eu lof-aer tsaq-awr dawr-eu tsawrhaq mae.


Aerkhawf, guvcoer-eu, maqjan-eu, nuidav davlar paq-aer ghae-eu jeq mr-eu, tsawrhaq saef-eu, banq-awr khaqmiq sheu-eu, nyirpaq shavma geuf-eu, tanqpanq aqma mawrkawr-anr uqduq tanq-eu hawr-eu jaqmyawf myawf-eu tsawrhaq dawqtawvluf, tsawrhaq heudeuq-anr of-eu jawrduq-aq, miqdzar dzarshuir dofluf-eu miqdzaq-euq lan mae. Heu-aq, nyiq pov tiqpov shir-eu jeq pyeuf-eu mae.”


Aerkhawf, meuq-euq lafnyir-aq, aqkuiq lof-aer ghae-eu tsawrhaq, nyirpaq shavma deuq, banq-awr khaqmiq sheu-eu tsawrhaq, tsawrhaq-anr saef-eu tsawrhaq, tanqpanq aqma mawrkawr-anr uqduq tanq-eu tsawrhaq, jaqmyawf myawf-eu gar gaq-eu tsawrhaq hawr-eu jaqmyawf myawfluf-eu tsawrhaq, heulof-aer ghae-eu tsawrhaq jawr-eu mae.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ