1 Gawˇliˬtu 6:3 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Aqdui, mqtav ghaqkhaer-anr yarkhaq yadar mae laer nawmaf maq siqnya-eu le laq? Mirtsaq-euq khoertav daefluf ngae, yapuq ya’mawr-eu heudeuq-anr ngeurdzaeq aqjeq aernyaf nyeuv-eu?

Akha

³ Mˬ taˆ gʼaˬ kʼehˇ deuˬ-ahˇ aˬ dui yaˇ kʼaˬ ya daˇ meh lehˇ naw maꞈ maˬ siˬ nya te loˇ. Nymˬ-mˇ ya puˬ ya mawˇ luꞈ-eu gaˇ kawˆ heu deuˬ jahˇ tsaˬ nehˬ-eu-aˬ, aˬ jeˬ ehˇ nyaꞈ nyeuˆ ta.

1 Gawˇliˬtu 6:3 ပူးပေါင်းရင်းမြစ်များ

Jaceuq 17:14

Ya’we Miqyaer-or! Nawq-euq aqlaf nae Heulof-aer ghae-eu tsawrhaqzaq, heuzir-euq lafkhoer shaqbymr za-euq mirtsaqzaq-anr nae bibuq-ir naeqlaf-awq. Nawq nae aqyawf maf-euq uqmav-anr pyurshuir myawqganq tiqbyanni shardawv naeq-awr, Aqyawfmaf, yawqha-euq zaqdeuq-anr nuikhanr shir-eu uqtaf, Aqyawf maf-euq zaq-euq gharduq myawqganq zanqnaeq yaf-euq mae.

Maꞈtehˬ 25:41

“Khoernar-aq, Sanqpaq, arcar paw jawr-eu deuq-anr heulof-aer aernaeq taef-a: ‘Yaqkhaer yaq-eu gar yadaq-eu tsawrhaq deuq-or! Ngar jawr-eu gar nae dov-ir-awr, naef sanqpaq hawr-eu aqyawf-euq ghaqkhaer deuq-euq gharduq laeqhmq taq-euq jawrduq, miv-ir-eu maqbaw-eu miqdzaq-euq lafkhoer ur-ir-awq.

Luˇkaꞈ 21:34

“Nawmaf yawmuiq-aer yanr-awq. Dzaqyaef dawryaef-awr jiryaef tiqjawr-iq maqbeurni, daefzir gharduq khanqlanr-eu baqda’nae, nuima kafduiqni ghae-awr, maqnoeq maqdur-aer jawr ngae, arnan khoernan nawmaf-euq khoertav keuvle taef-a.

Luˇkaꞈ 8:14

Aqgan daefmyaq-eu tsanr-anr ga-ir-euq deuq-aq, Miqyaer-euq dawq yagaq-awr irdov ngae, mirtsaq-euq khoertav jawr ngae khanqlanr-eu jeq, pyurshuir myawqganq hawr-eu lurgha caergha-eu jeq nae bi uvtaeq taq-awr, arsiq siqle khawf maq lovlar nya-eu deuq-anr aermawf-eu mae.

Lormav 6:16

Nawmaf, tsawrhaq tiq ghaq-euq zaqkhav geuf-awr aerdawq narhaqgeuf nar-aq, nawmaf aerdawq narhaq geuf-eu khoerghaq-euq zaqkhav pyeuf-eu mae laer nawmaf maq siqnya-eu le laq? Iqbax-euq zaqkhav geuf nar-aq yashir-awr, Miqyaer-anr narhaqgeuf nar-aq, tsaq-awr dawr-eu tsawrhaq pyeuflar-eu mae.

1 Gawˇliˬtu 6:15

Nawmaf-euq mawrdo-aq, Kali-euq arsaer deuq mae laer nawmaf maq siqnya-eu le lor? Ngar, Kali-euq arsaer yur-awr, mawrdo anq-eu tsawrhaq-euq arsaer bipyeuf-ir-eu tsaq taef-a laq? Tiqpawf-iq maqtsaq-ar!

1 Gawˇliˬtu 6:16

Nawmaf, mawrdo anq-eu tsawrhaq naeq-aer joe-euq tsawrhaq-aq, aqyawf naeq-aer tiqshiq tiqshaq taef-aer pyeuflar-eu mae laer maq siqnya-eu le lor? Aqjeq mirnae aernar-aq, Miqyaer aer-eu, “Aqyawfnyaf tiqshiq tiqshaq taef-aer pyeuflar-euq mae.” (Adb 2:24)

1 Gawˇliˬtu 6:19

Nawmaf-euq mawrdo-aq, Yawshawr Saflar-euq uqduq tanqnymr nymrma mae laer maq siqnya-eu le lor? Yawshawr Saflar-aq, Miqyaer-anr nae oe-awr, nawmaf-euq lafkhoer jawrluf-eu mae. Khoeruqtaf, nawmaf-euq mawrdo-aq, nawmaf-euq maqngeur-a.

1 Gawˇliˬtu 6:4

Daefzir-euq lafkhoer garkawv heulof-aer ghae-eu deuq dovlar ngae, Kalizaq armur maq taqhuiq-eu tsawrhaq-anr, yarkhaq dar-eu ghaq bigeuf-awr bidar-eu laer ghae-eu le lor?

2 Tiˆmoˇseˬ 2:4

Guirzaq geuf-eu aqgeu ghaq maqkaq, guirdzoeq aqyuif ghaq-euq nuikhanr shirni mr-eu gharduq, yawqha-euq gardeuq yawqha-euq daefzir-anr maqbi banqni ya byaerdzae-eu mae.

2 Tiˆmoˇseˬ 4:10

Aqjeq mirnae aernar-aq, Deqmav-aq, heuzir-anr taf-eu mirtsaq-anr gaq-eu mirnae, ngaq-anr byaerdzae-awr, Tersaqlorni-anr ir-euq mae. Gaqleqgeq-aq, Gaqlaqtiv-anr le-euq mae. Tirtuv khawf Daqlaqmaqdir-anr ir-euq mae.

2 Beˬtuˆluˆ 2:4

Iqbax mr-euq mqtav ghaqkhaer deuq-anr khawf Miqyaer maq taqnaeq-aer, aqyawf maf-anr yarkhaq dar-eu gharduq, shiqbuir lanma-anr taeka ghae-awr, zanrtsuini ghae-eu lafkhoer, aqyawf maf-anr shmrcav nae paftaq-euq mae.

Yuˇdaˆ 1:6

Khoeruqtaf, yawqha ya’mr-eu yawbae jeq-anr byaerdzae-awr, yawqha-euq jawrduq jawrzar-anr maqjawr-euq mqtav ghaqkhaer deuq-anr, Miqyaer mqmaq maqbyav yarzir-euq shmrcav nae paf-awr, zanrtsuini ghae-eu jawrduq-euq lafkhoer kalanr taq-awr, yarkhaq dar-eu arnan nanma khoernan-euq gharduq laeqhmq taq-euq mae.