1 Gawˇliˬtu 6:2 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Tsawrshawr deuq mirtsaq heu-anr yarkhaq yadar mae laer nawmaf maq siqnya-eu le laq? Nawmaf, mirtsaq heu-anr yarkhaq yadar-eu ngeur nar-aq, nyir duidui-eu garkawv heu-anr nawmaf yarkhaq darnaeq-eu maqgeux-a lor?

Akha

² Miˬyehˇ-euˬ tsawˇ haˬ deuˬ miˇ tsaˬ heu-ahˇ yaˇ kʼaˬ ya daˇ tehꞈ-a lehˇ naw maꞈ maˬ siˬ nya te loˇ. Naw maꞈ miˇ tsaˬ heu-ahˇ yaˇ kʼaˬ ya daˇ-eu jeˬ ngeuˇ naˇ, nyiˇ dui dui-eu gaˇ teu deuˬ-ahˇ maˬ jahˇ jiˇ nya te loˇ.

1 Gawˇliˬtu 6:2 ပူးပေါင်းရင်းမြစ်များ

Jaceuq 49:14

Aqyawfmaf, yawr lof-aer lmqbymr-euq lafkhoer bi baftaq-awr, Shir-eu jeq, aqyawf maf-anr dzaq taef-a; Aqyawfmaf, yawqha-euq jawrduq-anr nae garmanr kaq-eu gar, Yawqha-euq jaqlaq lmqbymr nae bi myeufanr jir-awr, Uqshawq paw-aq, dawrcoeni ghae-eu tsawrhaq, aqyawf maf-anr uvlanr taef-a.

Maꞈtehˬ 19:28

Khoerngae, Yeqsur, aqyawf maf-anr heulof-aer aernaeq-euq mae, “Ngar, nawmaf-anr aqdirma-aer aernaeq nyar, yawqjeq navluf yawshuif parlar-awr, Tsawrhaq-euq Zaqyo, aqyawf-euq yawshaef khanqsaer huiq-eu nuirmanq-anr nuir ngae, ngaq-euq maeqnan cantae-eu nawmaf khawf, nuirmanq 12 manq-anr nuir-awr, Irsaqleqlav tsawrjeuq 12 jeuq-anr yarkhaq yadar taef-a.

Luˇkaꞈ 22:30

Heulof-aer bif-eu-aq, nawmaf, ngar uvlanr-eu mirkhanq-euq lafkhoer, ngaq-euq hawqje-anr jawq-awr, dzaqtaf dawrtaf-awr, dzoeqdzaq-euq nuirmanq-anr nuir-awr, Irsaqleqlav tsawrjeuq 12 jeuq-anr yarkhaq bidar-eu gharduq ma.”

Lormav 6:16

Nawmaf, tsawrhaq tiq ghaq-euq zaqkhav geuf-awr aerdawq narhaqgeuf nar-aq, nawmaf aerdawq narhaq geuf-eu khoerghaq-euq zaqkhav pyeuf-eu mae laer nawmaf maq siqnya-eu le laq? Iqbax-euq zaqkhav geuf nar-aq yashir-awr, Miqyaer-anr narhaqgeuf nar-aq, tsaq-awr dawr-eu tsawrhaq pyeuflar-eu mae.

1 Gawˇliˬtu 1:20

Tsawrganr anr-eu tsawrhaq aqgeugar jawr-eu la? Zanr maeq-eu tsawrhaq aqgeugar jawr-eu la? Heuzir-euq lafkhoer ghawqmya jeq siqnya-awr pyaermawf-eu tsawrhaq aqgeugar jawr-eu la? Miqyaer, mirtsaq-euq zaqsiq tsawrganr-anr, gardanr maqtsoeq-eu jeq bipyeuf-ir-euq maqngeur-a lor?

1 Gawˇliˬtu 1:21

Miqyaer, aqyawf-euq zaqsiq tsawrganr-euq lafkhoer noeqtsaev taq-euq lof-aer nar-aq, mirtsaqzaq, yawqha-euq zaqsiq tsawrganr-anr ghoe-awr nae Miqyaer-anr siqnya larni maqngeur-a. Zaqsiq tsawrganq maqanr-eu gar dur-eu, guiqlanqdawq maeq-eu gar jan-eu tsawrhaq deuq-anr kakhof-eu Miqyaer nuikhanr shir-eu mae.

1 Gawˇliˬtu 6:4

Daefzir-euq lafkhoer garkawv heulof-aer ghae-eu deuq dovlar ngae, Kalizaq armur maq taqhuiq-eu tsawrhaq-anr, yarkhaq dar-eu ghaq bigeuf-awr bidar-eu laer ghae-eu le lor?

2 Gawˇliˬtu 4:18

Khoermirnae, nga’maf-aq, mawrlar-eu jeq-anr hawluf-eu maqngeur. Aerkhawf, maq mawrlar-eu jeq-anr hawluf-eu ma. Aqjeq mirnae aernar-aq, mawrlar-eu jeq-aq, tiqkhaeq larkhaeq taef-aer jav-awr, maq mawrlar-eu jeq-aq, mqmaq maqbyav yarzir gmq-eu mae.

1 Teˇsaˬloˇni 3:13

Khoernar-aq, aqdui-euq Sanqpaq Yeqsur Kali, aqyawf-euq tsawrshawr dawqtawvluf naeq-aer zafkale ngae, aqdui-euq Aqda Miqyaer-euq maeqshi nuima shawrjaevni, aerkhar maqza-aer, aqyawf, nawmaf-euq nuima-anr bi ziflaf taef-a.

Panmaeq 20:4

Khoernar-aq, ngar, nuirmanq tiqdeuq-anr ya’mawr-euq ma. Nuirmanq-anr nuirluf-eu deuq-anr yarkhaq dar-eu baoq biftaq-euq mae. Khoerngae, ngar, Yeqsur-euq garkawv sarkir kamq-euq hawr-eu Miqyaer-euq Dawq-euq baqda’nae, uqduq tov-eu gar yadaq-euq tsawrhaq deuq-euq saflar-anr khawf ya’mawr-euq ma. Aqyawf maf-aq, jeqzaq yawghae khoermawr hawr-eu aqyawf-euq mawrkawr-anr uqduq maqtanq-aer, aqyawf maf-euq narkhawr hawr-eu aqlaf-anr khawf, jeqzaq yawghae khoermawr-euq jmq maq diqtaq-aq. Aqyawfmaf ghofdaef lar-awr, Kali naeq-aer tiqkawv lof-aer 1,000 khof byanni sanqpaq geuf-awr uvlanr-euq mae.

Panmaeq 3:21

Ngar ghaqler-euq mirnae, ngaqDa-euq nuirmanq-anr ngaqDa naeq-aer tiqkawv lof-aer nuirluf-eu lof-aer, ngar khawf ghaqler-eu tsawrhaq-anr ngaq naeq-aer ngaq-euq nuirmanq-anr binuir ma.