1 Gawˇliˬtu 5:5 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ khoerlof-aer mrluf-eu tsawrhaq shiqshaq paw cawv-ir ni, naef Saqdaq-euq aqlaf-euq lafkhoer a’naeq-awq. Khoerlof-aer janr-euq nar-aq, Sanqpaq Yeqsur-euq arnan-anr, Miqyaer, aqyawf-euq saflar-anr bibuq-ir taef-a.

Akha

⁵ Sahˬpaˬ Miˬyehˇ yaˇ kʼaˬ daˇ-eu Aˇ nah keuˆ le ngeh, tsawˇ haˬ kʼoeˇ gʼaˬ-euˬ saꞈ laˇ ka kʼoꞈ-eu jeˬ za nya-eu gʼaˇ duˬ, aˬ yawꞈ-euˬ gʼawˇ mawˇ-ahˇ nehꞈ Saˬdaˬ-euˬ aˬ laꞈ laꞈ kʼoeˇ a nehˬ-awˇ bi laˆ cawˆ-awˬ.

1 Gawˇliˬtu 5:5 ပူးပေါင်းရင်းမြစ်များ

Jaceuq 109:6

Aqyawf-euq khoertav zuiv-eu tsawrcawv tiq ghaq bi dovlar-awr; Aqyawf-anr iqbax taq-eu, aqyawf-euq armar paw tiq ghaq bi yawflar-awq.

Dawqdaq 23:14

Nawr, aqyawf-anr darcuir nae diq-eu baqda’nae, Aqyawf-euq saflar shiqbuir lanma-anr nae buq-ir taef-a.

Maꞈtehˬ 4:10

Khoerngae, Yeqsur, aqyawf-anr aernaeq-eu, “Naef Saqdaq-or! Dov-ir-awq. Aqjeq mirnae aernar-aq, Yaerbof-euq lafkhoer boftaq-euq, ‘Nawq-euq Sanqpaq Miqyaer-anr taef-aer uqduq yatanq-awr, aqyawf-euq gar taef-aer ya’mr-eu mae.’ ” (Dm 6:13)

Luˇkaꞈ 22:31

Khoerngae, Yeqsur heulof-aer aer-eu mae, “Sirmoq-or! Sirmoq-or! Hawtaq-awq, caer-anr khaqjeq nae jeq-eu lof-aer naef Saqdaq, nawq-anr jeq-eu laer sharza taq-euq mae.

Gʼaˬkʼehˇ 26:18

Aqyawf maf-euq myavnuiv pannaeq-awr, yawzanr-euq lafkhoer nae yawshaef jav-eu gar bilar-awr, naef Saqdaq-euq baoq-euq uqmov jawr-eu gar nae Miqyaer jawr-eu paw bi ghoflar-eu uqtaf, ngaq-anr jan-eu baqda’nae, Miqyaer, aqyawf maf-euq iqbax pyaeqnaeq-awr, muiqlar shawrlar-euq tsawrhaq naeq-aer jeqbir za’ni, ngar, nawq-anr aqyawfmaf jawr-eu gar bi’ir-eu ma.’ ”

1 Gawˇliˬtu 1:8

Aqdui-euq Sanqpaq Yeqsur Kali-euq arnan ngae nan, nawmaf-anr aerkhar maqbi za’ni, arsaqsaq ngae keuvni aqyawf, nawmaf-anr bizif naeqlaf taef-a.

1 Gawˇliˬtu 11:32

Aqdui, mirtsaqzaq naeq-aer tiqkawv lof-aer yarkhaq dar-eu gar maqya daqni, Sanqpaq Miqyaer, aqdui-anr yarkhaq dar-eu-aq, aqdui-anr diqdiq-aer maeq-eu jeq pyeuf-eu mae.

1 Gawˇliˬtu 5:13

Aerkhawf, lafnyir paw jawr-eu deuq-anr-aq, Miqyaer yarkhaqdar taef-a. Khoermirnae, “Nawmaf-euq lafkhoer nae tsawrdoer-anr taedzae-awq.” (Dm 17:7)

2 Gawˇliˬtu 10:6

Nawmaf tiqbyan tiqlof narhaqgeuf ngae, maq narhaq geuf-eu yawqghaq navluf-anr darnaeq-eu laer nga’maf danlar taq-euq ma.

2 Gawˇliˬtu 12:7

Ngar panmaeq-eu jeq ghawqmya jeq-anr ya’mawr-eu mirnae, ngar nuima ardzaeq-aer maqbi huiqni, ngaq-euq shiqshaq mawrdo-anr aqgan tiqgan tsawvluf-eu mae. Aqgan khoer-aq, naef Saqdaq-euq ghaqkhaer pyeuf-awr, ngar nuima ardzaeq-aer maqbi huiqni ngaq-anr khaeqluf-eu mae.

2 Gawˇliˬtu 13:10

Khoermirnae, ngar, nawmaf jawr-eu gar oekeuv ngae, Sanqpaq Miqyaer nae ngaq-anr aryaq bifnaeq laf-euq lof-aer nawmaf-anr yawkhav-aer maqya janrnaeqni, ngar, nawmaf jawr-eu gar maqjawr ngae, garkawv heudeuq sanqbof bofanr lef-eu ma. Aryaq yawkhav-aer zmq-eu-aq, lavcawv-eu gharduq maqngeur-a, bihuiq bi manrlar-eu gharduq mae.

Piˇliˇpiˆ 1:6

Nawmaf-euq lafkhoer gar yawmuiq jeq mrdanq bae-euq ghaq, Yeqsur Kali-euq arnan-anr keuvni, gar heu mrluivjir taef-a laer ngar yawduq baw-eu ma.

1 Tiˆmoˇseˬ 1:20

Tsawrhaq khoerdeuq-euq lafkhoer, Huqmiqnaer hawr-eu Aqleqsaqdur khawf keuq-eu mae. Miqyaer-anr yaeqbawq saerlu-aer maqya aer-a laer aqyawfnyaf dzawgeufni, ngar, aqyawf nyaf-anr naef Saqdaq-euq aqlaf-euq lafkhoer a’naeq-euq ma.

2 Tiˆmoˇseˬ 1:18

Arnan khoernan keuvle ngae, aqyawf, Sanqpaq Yeqsur-euq ghawqshaq gaq-eu jeq za’ni, Sanqpaq Yeqsur, aqyawf-anr ghawqshaq gaqnaeq luf-ur. Ngar, Erpersu-anr jawr ngae, aqyawf, ngaq-euq gharduq kuirlaf zaqkhav arnavni geufnaeq-euq gar nawr yawmuiq-aer siqnya-eu mae.

2 Beˬtuˆluˆ 3:12

Nawmaf, Miqyaer-euq arnan yawkawr-aer keuvleni noeqtmq-awr dawq-awq. Arnan khoernan keuvle ngae, mq-anr miqdzaq puivluf-eu mirnae, mq guirbyov jir-awr, lanr duidui-eu baqda’nae yawqjeq navluf guirbyovjir taef-a.

1 Yoˇhaˬ 5:16

Nawmaf tiqghaqnav, yawqha-euq maernmr shir-eu gar maqkeuv-eu iqbax mrluf-eu gar ya’mawr nar-aq, khoerghaq-euq gharduq guiqlanq shar-eu tsaq mae. Miqyaer, khoerghaq-euq saflar-anr bi daeflar taef-a. Shir-eu gar maqkeuv-eu iqbax mr-euq deuq-anr ngar aer-eu taef ma. Shir-eu gar keuv-eu iqbax khawf jav-eu mae, khoerdeuq-euq gharduq yashar-a laer ngar aer-eu maqngeur.