1 Gawˇliˬtu 5:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Nawmaf-euq lafkhoer, aqcawq tsawrjeuq tsawrca deuq ngaeq-eu taef-aer khawf maq ngaeqkeuv shaf-eu, banq-awr khaqmiq sheu-eu garkawv javluf-eu mae laer, ngar aqdir yagaq-euq ma. Khoer-aq, tsawrhaq tiq ghaq, aqyawf-euq aqma ma’nyir naeq-aer banq-awr joe-eu garkawv mae.

Akha

¹ Zaˬ miˬ zaˬ hawˇ-eu kʼaˬ dzeˇ zaˬ yuꞈ taꞈ jawˇ taꞈ-eu gaˇ kawˆ-ahˇ taꞈ leˇ-awˇ, lawˇ ciꞈ zaˬ deuˬ maˬ mˇ peuˬ gaˇ keuˆ ni naw maꞈ mˇ keuˆ luꞈ meh lehˇ ngaˇ ya gaˬ duˬ taˬ-euˬ ma. Tsawˇ haˬ tiˬ gʼaˬ yawˬ ha-euˬ aˬ ma ma nyiˇ nehˬ-ehˇ joe-euˬ gaˇ kawˆ ngaˇ ya gaˬ-euˬ ma.

1 Gawˇliˬtu 5:1 ပူးပေါင်းရင်းမြစ်များ

Gʼaˬkʼehˇ 15:20

Aerkhawf, tanqpanq aqma mawrkawr-anr lawrnaeq-euq maqshawr-eu jeq dzaq-eu, banq-awr khaqmiq sheu-eu, shiq hawr-eu pafsaef-euq jeqzaq dzaq-eu, heudeuq-anr byaer-awq laer aqyawf maf-anr sanqbof bofnaeq-eu tsaq taef-a.

Gʼaˬkʼehˇ 15:29

Nawmaf maq mrkhmq-eu jeq-aq heudeuq mae, tanqpanq aqma mawrkawr-anr lawrnaeq-euq dzaqdzaq dawrdawr dzaq-eu, shiq dzaq-eu, pafsaef-euq jeqzaq dzaq-eu hawr-eu banq-awr khaqmiq sheu-eu, heudeuq-anr nawmaf maqmr nar-aq muiq duidui-eu mae. Nawmaf nuisar of luf-ur.”

1 Gawˇliˬtu 1:11

Ngaq-euq aqyuif aqnyir deuq-or! Nawmaf iqdaeq iqcae dovluf-eu mae laer Kaqlawriv nymrkhanq-euq lafkhoer jawr-eu tsawrhaq, ngaq-anr dzawrnaeq laf-euq mae.

1 Gawˇliˬtu 5:11

Aerkhawf, nymq-mr ngar, nawmaf-anr bofanr lef-euq heu-aq, aqyuif aqnyir Kalizaq ma laer aer-eu gar nae, maqtsaq-eu lafkhoer banq-awr joe-eu, aqcawq-euq myawq-anr maerjuir juir-eu, tanqpanq aqma mawrkawr-anr uqduq tanq-eu, jabu jadoer-eu, jirbaq dawryaef-eu hawr-eu, aqcawq-euq myawq-anr khaeqgeuf khavgeuf-eu tsawrhaq naeq-aer cawq taq cawqtaf, aqyawfmaf naeq-aer dzaq khawf taq dzaqtaf laer bofanr lef-euq ma.

1 Gawˇliˬtu 6:13

Dzaqdzaq dawrdawr-aq, uqmav-euq gharduq pyeuf-awr, uqmav-aq, dzaqdzaq dawrdawr-euq gharduq mae. Aerkhawf, Miqyaer heu nyiq jeq luf-anr lavcawv taef-a. Mawrdo-aq, banq-awr khaqmiq sheu-eu gharduq maqngeur-a, Sanqpaq Yeqsur-euq gharduq mae. Sanqpaq Yeqsur khawf mawrdo-euq gharduq mae.

1 Gawˇliˬtu 6:18

Banq-awr khaqmiq sheu-eu jeq-anr caevdzeur-awq. Tsawrhaqzaq nae kharmr-euq iqbax-aq, mawrdo-euq lafnyir paw mr-eu mae. Aerkhawf, maqtsaq-eu lafkhoer banq-awr joe-eu-aq, yawqha-euq mawrdo-anr mrbanq-eu mae.

1 Gawˇliˬtu 6:9

Nawmaf, maqtsaq maqdawr-eu tsawrhaq, Miqyaer uvlanr-eu jeq maqza nya-a laer maq siqnya-eu le lor? Taq noeqlaeq de-eq. Maqtsaq-eu lafkhoer banq-awr joe-eu, tanqpanq aqma mawrkawr-anr uqduq tanq-eu, banq-awr joe-eu, aqli yawkaq aqli maqngeur nar-aq, aqbur yawkaq aqbur banq-awr joe-eu, aqli yawkaq aqli mawrdo anq-eu tsawrhaq deuq,

2 Gawˇliˬtu 12:21

Ngar paroe ngae, ngaq-euq Miqyaer, nawmaf-euq maeqshi ngaq-anr daqga paq-aer janrnaeq laf-eu gar guv mir-a. Dzeurlaf ngae, maqshawr-eu jeq mr-euq, banq-awr muv-euq, jawflafni daef-euq, khoerlof-aer mr-euq tsawrhaq ghawqmya ghaq nymq-mr keuvni maq noeqpov-eu mirnae, ngar tsawrngoer ya’ngoer-eu paq laer guv mir-a.

2 Gawˇliˬtu 2:5

Tsawrhaq tiqghaqnav aqcawq-anr bi noeqshaq nar-aq, ngaq-anr bi noeqshaq-eu maqngeur-a, nawmaf yawqghaq navluf-anr khawf uicuivnav bi noeqshaq-eu mae. Uicuivnav laer aer-eu-aq, ardzaeq dzeurni maq aermawf nya.

2 Gawˇliˬtu 7:12

Khoermirnae, ngar, nawmaf-anr sanqbof bofnaeq-euq-aq, mrbanq-euq tsawrhaq-euq gharduq maqngeur. Aqcawq mrbanq lar-eu gar ya daqluf-eu tsawrhaq-euq gharduq khawf maqngeur. Miqyaer-euq maeqshi nga’maf, nawmaf-anr arnavni khanqlanr-eu garkawv bisiqni bofanr lef-euq ma.

Gaˬlaˬtiˆ 5:19

Shiqshaq-euq nuikhanr-aq, byacaevni heudeuq mrdov laf-eu mae: banq-awr joe-eu, banq-awr muv-eu, maqshawr-eu jeq mr-eu, jawflafni daef-eu lafkhoer khar daefmawf-eu lof-aer daef-eu,

Eˇpeˇsu 5:3

Nawmaf-aq, tsawrshawr pyeuf-eu gar tsaqni, aqcawq-euq myawq-anr maerjuir juir-eu, maqshawr-eu yawqjeq navluf hawr-eu, banq-awr muv-eu garkawv, nawmaf-euq yawkaq ja-eu taef-aer khawf taq jadov.

Gawˇlawˇsehˇ 3:5

Khoermirnae, nawmaf-euq lafkhoer anr-eu mirtsaq-anr taf-eu heudeuq-anr lavsaef-awq: banq-awr muv-eu, maqshawr-eu jeq, nuikhanr, yawdoer jeq mrmawf-eu hawr-eu, tanqpanq aqma mawrkawr-anr uqduq tanq-eu jeq pyeuf-eu maerjuir juir-eu jeq.

1 Teˇsaˬloˇni 4:7

Miqyaer, aqdui-anr kur-euq-aq, jawflafni bidaef-eu laer maqngeur-a, yawshawr shawr-aer bidaef-eu laer kur-euq mae.

Panmaeq 2:21

Aqyawf, banq-awr khaqmiq sheu-eu iqbax noeqpovni, ngar aryamq bif-euq khawf aqyawf maq noeqpov-a.

Panmaeq 21:8

Aerkhawf, guvcoer-eu, maqjan-eu, nuidav davlar paq-aer ghae-eu jeq mr-eu, tsawrhaq saef-eu, banq-awr khaqmiq sheu-eu, nyirpaq shavma geuf-eu, tanqpanq aqma mawrkawr-anr uqduq tanq-eu hawr-eu jaqmyawf myawf-eu tsawrhaq dawqtawvluf, tsawrhaq heudeuq-anr of-eu jawrduq-aq, miqdzar dzarshuir dofluf-eu miqdzaq-euq lan mae. Heu-aq, nyiq pov tiqpov shir-eu jeq pyeuf-eu mae.”