1 Gawˇliˬtu 4:6 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Aqyuif aqnyir deuq-or! Nawmaf tiqghaq-iq nuima huiq-awr, tiq ghaq-anr muiq-awr tiq ghaq-anr doer-eu jeq maqya mr-aer, Yaerbof-anr boftaq-euq taf-aer maqbi mrdzaeq-eu gharduq, Aqpawrluv hawr-eu ngaq-anr dzawgeufni, nga’nyaf-euq garkawv sheucaev-awr bofanr lef-euq ma.

Akha

⁶ Aˬpawˇluˆ nga nyaꞈ-euˬ gaˇ kawˆ-ahˇ taꞈ leˇ-awˇ, naw maꞈ gʼaˇ duˬ shaˇ noeˬ-eu laꞈ kʼoeˇ ngaˇ heu loꞈ-ehˇ ehˇ-eu jeˬ pyeuꞈ-eu ma. Nga nyaꞈ-ahˇ haw-awˇ, Jaˇliꞈ laꞈ kʼoeˇ kʼaˇ boꞈ taˬ-euˬ loꞈ-ehˇ tehꞈ-ehˇ naw maꞈ caw teh-awˇ dehꞈ nya ni ehˇ-eu jeˬ pyeuꞈ-eu ma. Tiˬ gʼaˬ-ahˇ ja ceuˬ-awˇ tiˬ gʼaˬ-ahˇ ja doeˇ-eu jeˬ naw maꞈ jahˇ-eu maˬ tsaˬ-a.

1 Gawˇliˬtu 4:6 ပူးပေါင်းရင်းမြစ်များ

Jaceuq 146:3

Nawr, dzoeqda deuq-anr taqghoe. Nawr, maq cawba nya-eu tsawrhaqzaq-anr khawf taqghoe.

Jaceuq 8:4

Nawr noeqkeuvnaeq paq-aer, tsawrhaqzaq aqjeq pyeuf-eu la? Nawr oemawr paq-aer tsawrhaq-euq zaqyo aqsur ghaq la?

Gʼaˬkʼehˇ 18:24

Khoerngae, Aqleqsaqdur meuq-anr daefle-euq Aqpawrluv laer kur-eu Yurdav tsawrhaq tiq ghaq, Erpersu-anr oekeuv-euq mae. Aqyawf-aq, dawq zawr ngaeqnya-awr, Yaerbof siqnya duidui-eu mae.

Gʼaˬkʼehˇ 19:1

Aqpawrluv, Gawrliqtu-anr jawr ngae, Pawrluv laftav paw-euq mirkhanq deuq-anr cantsaev-awr, Erpersu-anr irkeuv-euq mae. Khoergar, zaqlanr heumyav ghaq-anr tanqpuq-awr,

Lormav 12:3

Ngaq-anr bifnaeq laf-euq guiqlanq yawdzanr baqda’nae, nawmaf-euq lafkhoer jawr-eu yawqghaq navluf-anr ngar heulof-aer aernaeq-eu ma. Yawqhar yawqha sharnoeq paq-aer ghae-eu taf-aer taqnoeq huiqdzeur. Aerkhawf, Miqyaer nae tiqghaq sair tiqghaq-anr jan-eu jeq bifnaeq taq-euq gar tsaqni taef-aer, yawmuiq-aer sharnoeq sharsawx-awq.

1 Gawˇliˬtu 1:12

Ngar aermawf-eu-aq, nawmaf-euq yawkaq heulof-aer aerluf-eu mae, “Ngar-aq, Pawrluv-euq tsawrhaq ma.” “Ngar-aq, Aqpawrluv-euq tsawrhaq ma.” “Ngar-aq, Geqpar-euq tsawrhaq ma.” “Ngar-aq, Kali-euq tsawrhaq ma.”

1 Gawˇliˬtu 1:19

Aqjeq mirnae aernar-aq, Yaerbof heulof-aer boftaq-euq mae, “Ngar, tsawrganr anr-eu deuq-euq zaqsiq tsawrganr-anr lavcawv-awr, Siqzaq-euq ghovshaw nya-eu jeq-anr yawqngaef-aer bipyeuf-ir ma.” (Isy 29:14)

1 Gawˇliˬtu 1:31

Yaerbof-euq lafkhoer heulof-aer boftaq-euq mae, “Khanqsaer jaevmawf-eu tsawrhaq-aq, Sanqpaq Miqyaer-euq lafkhoer khanqsaer jaev-awq.” (Ylm 9:24)

1 Gawˇliˬtu 13:4

Gaq-eu jeq-aq, nuinoeq ghawqmanrni noeq-awr, ghawqshaq gaqnya-eu mae. Gaq-eu jeq-aq, myav maqnav-aer, maq janrghae-eu uqtaf, nuima maqhuiq-a.

1 Gawˇliˬtu 3:19

Aqjeq mirnae aernar-aq, mirtsaq-euq zaqsiq tsawrganr-aq, Miqyaer-euq maeqshi yawdzawq yawgan mae. Yaerbof aer-eu, “Miqyaer, tsawrganr anr-eu tsawrhaq-anr yawqha-euq tsawrganr lanrju-anr yawqha bi pafler-eu mae.” (Yb 5:13)

1 Gawˇliˬtu 3:21

Khoermirnae, aqgeu ghaq maqkaq, tsawrhaq-anr nuima taqhuiq. Aqjeq mirnae aernar-aq, yawqjeq navluf nawmaf-euq mae.

1 Gawˇliˬtu 5:2

Khoerlof-aer mrluf-eu tsawrhaq-anr nawmaf-euq lafkhoer nae taedov-eu gharduq, dawqkawq kawqkawq-aer tsawrngoer ngoer paq-aer ghae-eu khawf, nawmaf nuima huiqhuiq-aer parjawr nya-eu nga.

1 Gawˇliˬtu 5:6

Nawmaf khanqsaer jaev-eu maqtsaq-a. Daeqtseq uicuiv taef khawf, kaqmur tiq siq siqlanni-anr bi poqlar nya-eu mae laer nawmaf maq siqnya-eu le lor?

1 Gawˇliˬtu 8:1

Tanqpanq aqma mawrkawr-anr lawrnaeq-euq dzaqdzaq dawrdawr-euq garkawv-aq heulof-aer mae. Aqdui yawqghaq navluf siqnya-eu tsawrganr anr-eu ma laer siqnya ma. Aerkhawf, siqnya-eu tsawrganr-aq, tsawrhaq-anr nuima bi huiqlar-awr, gaq-eu jeq-aq, tsawrhaq-anr bihuiq bi manrlar-eu mae.

1 Gawˇliˬtu 9:23

Ngar khawf, aqcawq lof-aer guiqlanq dawq-anr taf-eu guiqlanq za’ni, guiqlanq dawq-euq gharduq heudeuq dawqtawvluf mrluf-eu ma.

2 Gawˇliˬtu 10:12

Nga’maf-aq, yawqhar yawqha ciqpoeq-eu tsawrhaq-anr maq ciqcaev peuq-aer, aqyawf maf-euq armur-anr maq keuqlerpeuq nya. Aqjeq mirnae aernar-aq, aqyawf maf-aq, tsawrganr maqanr-eu lof-aer, yawqha-euq yawkaq daeqdza haw-awr, tiqghaq tirghaq ciqcaev luf-eu mae.

2 Gawˇliˬtu 10:15

Aqcawq nae mrtaq-euq gar, nga’maf nae mrtaq-euq janrgeuf-awr, khanqsaer ardzaeq-aer jaev-eu maqngeur. Aerkhawf, nawmaf jan-eu myaqlar-eu lof-aer, nawmaf-euq baqda’nae, Miqyaer, nga’maf-anr bi mrnaeq laf-euq mirkaq khawf huiqlar jerlarni, nga’maf noeqtmq luf-eu ma.

2 Gawˇliˬtu 10:7

Nawmaf myav-anr mawrlar-eu lafnyir paw taef-aer haw-eu le laq? Tsawrhaq tiqghaqnav yawqhar yawqha, Kali-euq tsawrhaq ma laer yawduqbaw nar-aq, aqyawf, Kali-euq tsawrhaq pyeuf-eu lof-aer, nga’maf khawf Kali-euq tsawrhaq ngar-a laer aqyawf par sharnoeq paq-aer ghae-eu mae.

2 Gawˇliˬtu 11:4

Nga’maf nae dawqmaeq maeq-euq Yeqsur maqngeur-eu, Yeqsur nuighaq-euq garkawv maeqlar-awr, nawmaf nae hageuf-euq Saflar maqngeur-eu, saflar nuijeq-anr hageuf-eu uqtaf, nawmaf nae hageuf-euq guiqlanqdawq maqngeur-eu, guiqlanqdawq nuijeq-anr hageuf-awr nae zawr-aer daqnya-eu nga aerlawq!

2 Gawˇliˬtu 12:19

Nawmaf nymq-mr keuvni, nga’maf, yawqha-euq garkawv jashaw-eu laer ja-eu nga laer taef-aer noeq-eu le siq laq? Nga’maf-aq, Miqyaer-euq maeqshi Kali-euq lafkhoer ngaeqluf-eu ma. Ngar zawr gaq-eu cawqdeuq-or! Heudeuq dawqtawvluf nawmaf bihuiq bi manrlar-eu laer mrluf-eu ma.

2 Gawˇliˬtu 12:20

Ngar, nawmaf jawr-eu gar oekeuv ngae, ngar noeqtmq-eu lof-aer nawmaf maqpyeuf-aer, nawmaf noeqtmq-eu lof-aer ngar khawf maqpyeuf-eu law maqsiq laer guv mir-a. Iqdaeq iqcae dov-eu, myavnav nav-eu, nuima ardzaeq-aer paer-eu, yawqha-euq gharduq taef-aer tov-eu, jabu jadoer-eu, dawqdoer khoeqsav-eu, nuima huiq-eu hawr-eu suqsaq larni janr-eu, heudeuq jav-eu paq laer ngar khanqlanr mir-a.

2 Gawˇliˬtu 12:6

Ngar khanqsaer jaevmawf-eu law-awr khawf, ngar, aqdzawq argan maqgeuf. Aqjeq mirnae aernar-aq, ngar yawtsaq yawdawr taef-aer ngaeq-eu ma. Aerkhawf, ngaq nae mr-euq jeq-anr ya’mawr-awr, ngaq nae ngaeq-euq dawq-anr yagaq-euq taf-aer, tsawrhaq tiqghaq-iq ngaq-anr ardzaeq-aer maqbi noeqhuiqdzeur mawf-eu mirnae, ngar tiqjeq-iq maqpar ngaeq ma.

2 Gawˇliˬtu 4:15

Khoerdeuq dawqtawvluf, nawmaf-euq gharduq mae. Guiqlanq yawdzanr khoer, tsawrhaq ghawqmya ghaq-euq baqda’nae maeqkhawq ghae-eu naeq-aer, Miqyaer-euq guiqlanq-anr jaceuq-eu myaqlar-eu mirnae, Miqyaer-euq yawshaef khanqsaer huiq luf-ur.

Gawˇlawˇsehˇ 2:18

Gardanr maqtsoeq-eu gar shiqshaq nuilov-euq lafkhoer nuima huiq-awr, yawqha nae maq mawrhaw-euq jeq-anr banqgha-eu uqtaf, nuinanq nuiyu jaqmyawf anr-awr, mqtav ghaqkhaer-anr uqduq tanq-eu heudeuq-anr nuikhanr shir-eu tsawrhaq tiqghaq nae-iq, nawmaf-euq mrpoeq lafsawq maqbi shuirdovni yanr-awq.

1 Teˇsaˬloˇni 1:5

Nga’maf nae maeq-euq guiqlanq dawq-aq, nawmaf jawr-eu gar dawq taef-aer keuvle-euq maqngeur-a. Aerkhawf, baoq lafkhoer, Yawshawr Saflar-euq lafkhoer hawr-eu janduq duidui-eu lafkhoer keuvle-euq mae. Aqjeq mirnae aernar-aq, nga’maf, nawmaf naeq-aer jawr ngae, nawmaf-euq gharduq gardanr tsoeqni daef-euq gar nawmaf siqnya-eu mae.

2 Tiˆmoˇseˬ 2:10

Khoermirnae, tserdov taq-euq tsawrhaq deuq khawf, Yeqsur Kali-euq lafkhoer anr-eu kakhof-eu jeq za’ni, ngar yawqjeq navluf-anr orluf-eu ma. Kakhof-eu jeq khoer naeq-aer tiqkawv lof-aer li-eu maqbawni zif-eu yawshaef khanqsaer khawf za taef-a.