1 Gawˇliˬtu 4:17 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁷ Khoer baqda’nae, Sanqpaq Miqyaer-euq lafkhoer sarjax zif-awr, ngar zawr gaq-eu zaqyo Tivmorseq-anr nawmaf jawr-eu gar bilar-euq ma. Ngar, yawqgar navluf jawr-eu Kalizaq armur dawqtawv luf-anr maeqnaeq tsovnaeq-eu lof-aer, ngar, Kali-anr ghoe-awr mr-eu mrjeq sharkawv aqyawf, nawmaf-anr ja’noeq naeqlaf taef-a.

Akha

¹⁷ Ngaˇ kʼoeˇ loꞈ-ehˇ noeˬ-awˇ, Sahˬpaˬ Miˬyehˇ laꞈ kʼoeˇ ngaˇ gaˬ dui dui-eu saˇ jaˇ ziꞈ-eu aˬ li pyeuꞈ-eu Tiˆmoˇseˬ-ahˇ naw maꞈ jawˇ gaˇ kʼehˇ gʼeh leꞈ-euˬ ma. Ngaˇ caw teh luꞈ-eu gaˇ ma pyeuꞈ-eu Ka li laꞈ kʼoeˇ aˬ joˆ-ehˇ ya dehꞈ ya jawˇ-eu gaˇ kawˆ kʼoeˇ hmˬ-ahˇ naw maꞈ maˬ ya ngehˇ ni aˬ yawꞈ sheuˬ gʼeh nehˬ laꞈ tehꞈ-a. Gaˇ kawˆ kʼoeˇ hmˬ-ahˇ ka li zaˬ aˇ muˇ kʼaˇ jaˆ gaˇ ngaˇ mehˬ-eu ma.

1 Gawˇliˬtu 4:17 ပူးပေါင်းရင်းမြစ်များ

Dawqdaq 13:17

Ghaqzaq ghaqkhaer yawcawv-aq, shaqzanq-anr ga’anrghae taef-a. Aerkhawf, sarjax zif-eu danzar-aq, lavsavtaq nya-eu mae.

Maꞈtehˬ 24:45

“Sarjax zif-awr tsawrganr anr-eu kuirlaf zaqkhav aqgeu ghaq la? Yawsanr ghaq nae nymrkhanq-euq zaqdeuq-anr aryamq tsaq ngae, bidzaq bidawr-awr bi hawlanr-eu gharduq, khaertaq-euq kuirlaf zaqkhav khoerghaq mae.

Maꞈtehˬ 25:21

Yawsanr ghaq, aqyawf-anr aernaeq-eu, ‘Yawmuiq ngar-a, muiq-awr sarjax zif-eu kuirlaf zaqkhav-or! Nawr yawnyir yawcuiv jeq-anr sarjax zif-eu mirnae, ngar, nawq-anr ghawqmya jeq-anr hawlanr-eu ghaq bigeuf ma. Nawq-euq yawsanr-euq laqkhaq caer-eu jeq-euq lafkhoer urlar-awq.’

Maꞈtehˬ 25:23

Yawsanr ghaq, aqyawf-anr aernaeq-eu, ‘Yawmuiq ngar-a, muiq-awr sarjax zif-eu kuirlaf zaqkhav-or! Nawr yawnyir yawcuiv jeq-anr sarjax zif-eu mirnae, ngar, nawq-anr ghawqmya jeq-anr hawlanr-eu ghaq bigeuf ma. Nawq-euq yawsanr-euq laqkhaq caer-eu jeq-euq lafkhoer urlar-awq.’

Gʼaˬkʼehˇ 16:1

Khoerngae, Pawrluv, Deqbeq hawr-eu Lurdaqlar-anr oekeuv-euq mae. Khoergar Tivmorseq laer kur-eu zaqlanr tiq ghaq jawr-eu mae. Aqyawf-aq, janlar-euq Yurdavma tiq ghaq-euq zaqyo mae. Aerkhawf, aqyawf-euq aqda-aq, Heqlaqsar tsawrhaq mae.

1 Gawˇliˬtu 11:16

Tsawrhaq tiqghaqnav heu-euq garkawv tsawrpyaer pyaermawf nar-aq, nga’maf khawf, Miqyaer-euq Kalizaq armur deuq khawf, heu-anr nae beugar-eu zanrsanrkhof yawqjeqyawq maqjav laer siqnya-awq.

1 Gawˇliˬtu 11:2

Yawqjeq navluf-euq lafkhoer, nawmaf, ngaq-anr noeqkeuv-awr, ngaq nae nawmaf-anr bifyaf-euq lof-aer, zanroer khoerdeuq-anr cantae luf-eu mirnae, ngar, nawmaf-anr jaceuq ma.

1 Gawˇliˬtu 11:34

Nawmaf uiqler ngae, yawqha-euq khoertav yarkhaq dar-eu jeq maqya keuvleni, tsawrhaq tiqghaqnav hawq maef nar-aq, irkanr dzaq-eu tsaq mae. Garkawv nuideuq-aq, ngar, nawmaf jawr-eu gar lar ngae ja’maeqnaeq ma.

1 Gawˇliˬtu 14:33

Aqjeq mirnae aernar-aq, Miqyaer-aq, yawbanq yawlanr-aer ghae-eu jeq bi dovlar-eu ghaq maqngeur-aer, tsawrshawr deuq-euq Kalizaq armur dawqtawv luf-euq lafkhoer jav-eu nuisar bif-eu ghaq pyeuf-eu mae.

1 Gawˇliˬtu 16:1

Tsawrshawr deuq-euq gharduq pyurdamq yuruiq-eu garkawv-anr tafler-awr nae ngar heulof-aer aer-eu ma. Ngaq nae Gaqlaqtiv-anr jawr-eu Kalizaq armur deuq-anr khaertaq-euq lof-aer, nawmaf khawf mr-awq.

1 Gawˇliˬtu 16:10

Tivmorseq, nawmaf jawr-eu gar lar nar-aq, aqyawf, nawmaf naeq-aer jawr ngae maqya guvni hawnaeq-awq. Aqjeq mirnae aernar-aq, aqyawf khawf, ngar lof-aer Sanqpaq Miqyaer-euq gar mr-eu mae.

1 Gawˇliˬtu 4:14

Ngar heulof-aer bof-eu-aq, nawmaf bi shafdawr-ir-eu laer maqngeur. Ngar zawr gaq-eu zaq lof-aer sawx-awr bi yanrnya lar-eu laer bof-eu ma.

1 Gawˇliˬtu 4:15

Kali-euq garkawv nawmaf-anr maeqnaeq-eu 10,000 ghaq jawr-eu khawf, aqda ghawqmya ghaq jawr-eu maqngeur-a. Aqjeq mirnae aernar-aq, ngar guiqlanqdawq maeq-awr, Yeqsur Kali-euq lafkhoer nawmaf-anr ngaq-euq zaq bi pyeuflar-euq ma.

1 Gawˇliˬtu 4:2

Khoeruqtaf, hawpir-eu tsawrhaq geuf-eu deuq-aq, sarjax zif-eu tsawrhaq yapyeuf-eu mae.

1 Gawˇliˬtu 7:17

Sanqpaq Miqyaer nae tiqghaq sair tiqghaq-anr birnaeq taq-euq lof-aer daef-awr, Miqyaer nae tiqghaq sair tiqghaq-anr kur ngae, kharpyeuf-eu lof-aer daefghae-awq. Ngar, Kalizaq armur yawqmur navluf-anr khoerlof-aer khaerluf-eu ma.

1 Gawˇliˬtu 7:25

Zaqguq deuq-euq garkawv-anr tafler-awr Sanqpaq Miqyaer nae bif-euq dawq ngar maqza-aq. Aerkhawf, Sanqpaq Miqyaer, ngaq-anr ghawqshaq gaq-eu mirnae, ngaq-anr jancoer paq-aer ghae-eu tsawrhaq bi pyeuflar naeqlaf-euq lof-aer, ngaq-euq nuinoeq nawmaf-anr ja’naeq nyar.

2 Gawˇliˬtu 8:18

Nga’maf, maernmr nuighaq tiqghaq-anr khawf aqyawf naeq-aer bi’oe-euq ma. Kalizaq armur dawqtawvluf, aqyawf guiqlanqdawq maeqnya duidui-eu gar jaceuq-eu mae.

Eˇpeˇsu 6:21

Ngar aqjox-aer pyeufluf-awr, aqjox-aer mrluf sharluf-eu garkawv nawmaf yasiqni, sarjax zif-awr Sanqpaq Miqyaer-euq kuirlaf zaqkhav pyeuf-eu, ngar zawr gaq-eu maernmr Durjir, nawmaf-anr yawqjeq navluf ja’maeq naeqlaf taef-a.

Piˇliˇpiˆ 2:19

Ngar, nawmaf-euq garkawv yasiq-awr nuima ghaq anrlarni, ghawqmyanr maqghae-aer, Tivmorseq, nawmaf jawr-eu gar bi’oe ma laer Sanqpaq Yeqsur-euq lafkhoer noeqtmq luf-eu ma.

Piˇliˇpiˆ 2:22

Aerkhawf, nawmaf, Tivmorseq aqjox-aer ghae-eu tsawrhaq la laer siqnya-eu mae. Zaqyo tiq ghaq, aqda naeq-aer gar mr-eu lof-aer, guiqlanqdawq maeq-eu gar, aqyawf, ngaq naeq-aer mrluf-eu mae.

Gawˇlawˇsehˇ 1:7

Nga’maf naeq-aer tiqkawv lof-aer kuirlaf zaqkhav geufluf-eu, nga’maf zawr gaq-eu Irbaqpaqlar-anr nae, nawmaf garkawv khoer yadzaw-euq mae. Aqyawf-aq, nawmaf-euq gharduq sarjax zif-eu lafkhoer, Kali-euq kuirlaf zaqkhav pyeuf-eu mae.

Gawˇlawˇsehˇ 4:9

Khoeruqtaf, nawmaf jawr-eu gar nae lar-euq aqdui zawr gaq-awr, sarjax zif-eu maernmr Awqneqsiqmur-anr khawf aqyawf naeq-aer bi’oe-euq ma. Aqyawfnyaf heugar khar pyeufluf-eu yawqjeq navluf nawmaf-anr bisiq naeqlaf taef-a.

1 Tiˆmoˇseˬ 1:18

Ngaqli Tivmorseq-or! Dzeurlaf ngae, Miqyaer gharduq ngaeqdan-eu deuq nae, nawq-euq garkawv aertaq-euq lof-aer, ngar, nawq-anr dawq heulof-aer bif-eu ma. Dawq khoerdeuq-euq baqda’nae, guirdeuv yawmuiq-aer deuv-awq.

1 Tiˆmoˇseˬ 1:2

Jan-eu paw aqdir ngaqli pyeuf-eu Tivmorseq-anr sanqbof bofanr lef-euq ma. Aqdui-euq Aqda Miqyaer hawr-eu aqdui-euq Sanqpaq Yeqsur Kali-anr nae oe-euq guiqlanq yawdzanr, ghawqshaq gaq-eu jeq hawr-eu nuisar of-eu jeq, nawq-euq khoertav jav luf-ur.

2 Tiˆmoˇseˬ 1:2

Ngar zawr gaq-eu ngaqli Tivmorseq-anr sanqbof bofanr lef-eu ma. Aqda Miqyaer hawr-eu aqdui-euq Sanqpaq Yeqsur Kali-euq guiqlanq yawdzanr, ghawqshaq gaq-eu jeq hawr-eu nuisar of-eu jeq, nawq-euq khoertav jav luf-ur.

2 Tiˆmoˇseˬ 2:2

Tsawrkaq ghawqmya ghaq-euq maeqshi, ngaq nae maeqnaeq tsovnaeq-euq gar nawr yagaq-euq khoerdeuq, sarjax zif-awr aqcawq-anr maeqnaeq tsovnaeq nya-eu tsawrhaq deuq-anr khawf a’naeq-awq.

2 Tiˆmoˇseˬ 3:10

Aerkhawf, nawr-aq, ngaq-euq dawqmaeq dawqtsov, mr-awr shar-eu, noeqtmq-eu, jan-eu, nuinoeq ghawqmanrni noeq-eu, gaq-eu, or-eu nuima anr-eu, heudeuq-anr yawmuiq-aer cantae-euq mae.

Tiˇtuˆ 1:5

Maq mrluiv-euq gardeuq mrluiv-eu uqtaf, ngaq nae nawq-anr khaertaq yaf-euq lof-aer, yawqmeuq navluf-euq lafkhoer jawr-eu Kalizaq armur-euq aqyuif aqtsu deuq-anr bi tserdov-eu laer, khoerngae, ngar, nawq-anr Gaqlaqdeq irjawlanr-anr bi jawryaf-euq ma.

Panmaeq 2:10

Nawr yadaq-eu laer ghae-eu shaqzanq deuq-anr taqguv. Naef sanqpaq-aq, nawmaf-anr tsermr haw-eu laer nawmaf tiqpavnav deuq-anr kuv-anr nyaefur-awr, tser nan byanni khaeq-awr khav-eu gar yadaq taef-a. Nawr shir ngae keuvni sarjax zif-awq. Zif nar-aq, ngar, nawq-anr daef-eu jeq-euq shuir uqkhov bif ma.

Panmaeq 2:13

“Ngar, nawq nae mr-eu jeq siqnya-awr, nawq-euq jawrduq-aq, naef Saqdaq-euq nuirmanq mae laer khawf siqnya ma. Nawr, ngaq-euq tsawrmyanr-anr zifdanni nyaeftaeq-awr, Aqdirpav daefluf ngae khawf, nawr, ngaq-anr jan-eu jeq-anr maq byaerdzae-aq. Ngaq-anr sarjax zif-awr shirpeuq-eu Aqdirpav-aq, nawmaf-euq ghanrcae, naef Saqdaq-euq jawrduq-anr bisaef-euq mae.