1 Gawˇliˬtu 4:12 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Nga’maf, yawqha-euq aqlaf nae gar yawkhav-aer mrluf-eu ma. Aqcawq, nga’maf-anr yaqkhaer yaqlar-eu gar dawq ngaeqghae naeq-awr, aqcawq, nga’maf-anr khaeq-awr khavlar-eu gar nga’maf or-awr daqluf-eu ma.

Akha

¹² Nga maꞈ gaˇ mˇ sehꞈ leꞈ miˇ-a. Nga maꞈ-ahˇ yaˬ kʼehˇ yaˬ laˇ gaˇ dawˬ ngehˬ gʼeh nehˬ-awˇ, nga maꞈ-ahˇ kʼehˬ laˇ kʼaˆ laˇ gaˇ oˇ oˇ-ehˇ daˬ-eu ma.

1 Gawˇliˬtu 4:12 ပူးပေါင်းရင်းမြစ်များ

Maꞈtehˬ 5:11

“Ngar baqda’nae aqcawq, nawmaf-anr yaeqbawq-aer aerlar, nawmaf-anr khaeqlar khavlar, maqngeur-eu gar jaqmyawf myawf-eu lafkhoer nawmaf-anr ghawqmya jeq aerdoerlar ngae, nawmaf guiqlanq huiq-eu mae.

Maꞈtehˬ 5:44

Aerkhawf, ngar, nawmaf-anr aernaeq nyar, nawmaf-anr muir-eu tsawrhaq-anr gaq-awr, nawmaf-anr yaqkhaer yaq-eu tsawrhaq-anr dawq ngaeqghae naeq-awq. Nawmaf-anr byae-eu tsawrhaq-anr yawmuiq jeq janrnaeq-awr, nawmaf-anr khaeqlar khavlar-awr, yaeqbawq-aer zmqlar-eu tsawrhaq-euq gharduq guiqlanq shar-awq.

Luˇkaꞈ 23:34

Khoerngae, Yeqsur aer-eu, “Aqda-or! Aqyawf maf-euq iqbax-anr pyaeqnaeq-awq. Aqjeq mirnae aernar-aq, aqyawfmaf aqjeq mrluf-eu le laer aqyawfmaf maq siqnya-a.” Khoerngae, aqyawfmaf shaevtsaq tsaq-awr, Yeqsur-euq maeqtsoeq birgeuf-euq mae.

Luˇkaꞈ 6:28

Nawmaf-anr yaqkhaer yaq-eu deuq-anr dawq ngaeqghae naeq-awr, nawmaf-anr yaeqbawq saerlu-aer janrlar-eu deuq-euq gharduq guiqlanq shar-awq.

Yoˇhaˬ 15:20

‘Zaqkhav-aq, yawqha-euq yawsanr navmaqtser maq huiqdzaeq-a’ laer ngaq nae nawmaf-anr aernaeq-euq dawq-anr taqngaer. Aqyawfmaf, ngaq-anr khaeqlar khavlar nar-aq, nawmaf-anr khawf khaeqlar khavlar taef-a. Aqyawfmaf, ngaq-euq dawq-anr mrcaw nar-aq, nawmaf-euq dawq-anr khawf mrcaw taef-a.

Gʼaˬkʼehˇ 18:3

Aqnyaf dzerzaq-aq, saqpar saeqghawv janranq-eu tsawrhaq mae. Pawrluv khawf aqnyaf dzerzaq lof-aer gar aqyawf tiqjeq mr-eu mirnae, Pawrluv, aqyawfnyaf naeq-aer jawr-awr gar mr-euq mae.

Gʼaˬkʼehˇ 20:34

Ngar hawr-eu ngaq naeq-aer jawr-eu deuq mawf-eu jeq za’ni, ngaq-euq aqlaf heu aqmyanluf mrluf-eu mae laer nawmaf siqnya-eu mae.

Gʼaˬkʼehˇ 7:60

Khoernar-aq, aqyawf pawqtsuif pawqdmq dmq-awr tersar yawkhav-aer aer-eu, “Sanqpaq Miqyaer-or! Iqbax heu aqyawf maf-euq khoertav taqbi jav.” Aqyawf khoerlof-aer aerghaq-awr yufkhav-euq mae.

Lormav 12:14

Nawmaf-anr khaeqlar khavlar-eu deuq-anr dawq ngaeqghae naeq-awr, yaqkhaer maqyaq-aer, dawqmuiq ngaeqnaeq-awq.

Lormav 12:20

Khoermirnae, “Nawq-anr muir-eu tsawrhaq, hawq maef nar-aq bidzaq-awr, ircuf maef nar-aq, bidawr-awq. Aqjeq mirnae aernar-aq, nawr khoerlof-aer janrnaeq-eu-aq, Aqyawf-euq uqduq-euq khoertav miqdzaq miqdziv tawvdav naeq-euq gar dur-eu mae.” (Dd 25:21-22)

Lormav 8:35

Aqsur ghaq, aqdui-anr Kali-euq gaq-eu jeq-anr nae lavghawqlar nya-eu la? Yadaq duidui-eu jeq, shaq-awr zanq-eu jeq, khaeq-awr khav-eu jeq, maef-awr shuf-eu jeq, nermyawvni yashaq-eu jeq, guv-awr gav-eu jeq hawr-eu mizaq micaer, heudeuq-a lor?

1 Gawˇliˬtu 9:6

Maqngeur nar-aq, Baqnaqbar, nga’nyaf taef-aer gar maqmr-aer maq ghaenya-a lor?

2 Gawˇliˬtu 11:8

Ngar, nawmaf-euq gharduq guiqlanq-euq gar mrpoeq Kalizaq armur yawqmur yawq-anr yur-euq khoer-aq, tanrjoe joe-euq lof-aer dur-eu mae.

Eˇpeˇsu 4:28

Dzeurlaf ngae, smrkhoeq khoeq-euq tsawrhaq taqpar khoeq. Mawf-eu tsawrhaq-anr bif-eu tiqjeqnav javlarni khawf, laejae-awr yawqha-euq aqlaf nae gar yawmuiq jeq mr-awq.

1 Teˇsaˬloˇni 2:9

Aqyuif aqnyir deuq-or! Nga’maf, nawmaf naeq-aer jawr ngae, mrdui shar duidui-awr, laejae duidui-euq gar nawmaf noeqdovlar taef-a. Nawmaf-anr Miqyaer-euq guiqlanqdawq maeqnaeqluf ngae, nawmaf tiqghaq-anr-iq khavbaev maqya pyeufni, nga’maf uqcif nan’ghanr maqaer gar mr-euq ma.

2 Teˇsaˬloˇni 3:8

Nga’maf arpoeq maqbif-aer nawmaf-euq tiqjeq-iq maqdzaq-aq. Nawmaf tiqghaq-anr-iq khavbaev maqya pyeufni, nga’maf uqcif nan’ghanr maqaer, gar mr duidui-euq ma.

1 Tiˆmoˇseˬ 4:10

Khoer baqda’nae, arnyaf laejae-eu lafkhoer gar mr-awr dawqdoer daqluf-eu ma. Aqjeq mirnae aernar-aq, aqdui, daefluf-eu Miqyaer-anr noeqtmq luf-eu ma. Aqyawf-aq, tsawrhaq dawqtawv luf-anr Kakhof-eu ghaq pyeuf-awr, aqyawf-anr jan-eu deuq-euq gharduq, ngeurdzaeq Kakhof-eu ghaq pyeuf-eu mae.

1 Beˬtuˆluˆ 2:23

Aqcawq, aqyawf-anr yaeqbawq-aer aer-euq khawf, aqyawf yaeqbawq-aer maq ngaeqkhof haw-aq. Aqyawf shaqzanq yadaq ngae khawf, aqcawq-anr guvtsiq nyaef-eu dawq maqngaeq-aer, aqyawf-euq mawrdo, tsaq-awr dawr-eu lafkhoer yarkhaq dar-eu Miqyaer-euq aqlaf-euq lafkhoer a’naeq-euq mae.

1 Beˬtuˆluˆ 3:14

Aerkhawf, nawmaf tsaq-awr dawr-eu jeq mr-eu baqda’nae shaqzanq-anr yadaq-eu ngeur nar-aq, guiqlanqhuiq taef-a. “Aqyawfmaf guvtsiq nyaeflar-eu gar taq tsawqguv-ir, khanq khawf taqlanr.”

1 Beˬtuˆluˆ 3:9

Aqcawq yawdoer jeq janrlar-eu khawf, yawdoer jeq taq janrkhofnaeq. Aqcawq dawqdoer ngaeqlar khawf, dawqdoer maq ngaeqkhof naeqni, dawq ngaeqghae naeq-awq. Miqyaer-aq, nawmaf-anr guiqlanq-euq jeqbir biza-eu laer kur-euq mae laer siqnya-awq.

1 Beˬtuˆluˆ 4:19

Miqyaer nuima tsaq-eu mirnae shaqzanq daqluf-eu tsawrhaq deuq, sarjax zif-eu mqmir bae-euq Yawsanr ghaq-anr nuima saflar a’naeq-awr, yawmuiq jeq mr-awq.

Yuˇdaˆ 1:9

Mqtav ghaqkhaer-euq lafkhoer aqyuif pyeuf-eu Mirgeqlar-aq, naef sanqpaq naeq-aer dawqja ja-eu lafkhoer, shir-euq Morseq-euq mawrdo-euq garkawv tsawrpyaerpyaer ngae, aqyawf-anr dawqdoer maqngaeq-aer yarkhaq maqdarni aer-eu, “Sanqpaq Miqyaer, nawq-anr daeq luf-ur!”