1 Gawˇliˬtu 4:11 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Nymq-mr keuvni, nga’maf hawq maef-awr ircuf maefluf-eu ma. Dmghaq dmlmr maqlof-aer, diqlar khovlar-eu gar daqluf-eu uqtaf, jawrduq maqjav-aer shaqluf-eu ma.

Akha

¹¹ Nymˬ-mˇ keuˆ ni nga maꞈ mehꞈ luꞈ shuꞈ luꞈ-eu ma. Mehˬ tsoeˬ dm-eu maˬ jaˆ-ehˇ, aˬ cawˬ neh bi diˬ bi diˬ-ehˇ, yuꞈ zaˇ jawˇ zaˇ maˬ baw ni shaˬ luꞈ-eu ma.

1 Gawˇliˬtu 4:11 ပူးပေါင်းရင်းမြစ်များ

Maꞈtehˬ 8:20

Khoer-anr Yeqsur aernaeq-eu, “Byaqhir-aq, khaeqbanq baw-awr, mqtav zaw-eu arjir khawf banq jav-eu mae. Aerkhawf, Tsawrhaq-euq Zaqyo-aq, uqduq bafdarduq khawf maqjav.”

Gʼaˬkʼehˇ 14:19

Khoerngae, Yurdav tsawrhaq Aqdirawq hawr-eu Irgawrnir-anr nae khoergar oe-euq mae. Aqyawfmaf, tsawrhaq armaf mafma-anr gheupyawr nya-awr, Pawrluv-anr khaqlo bibiq-euq mae. Aqyawf shir-euq jeq nga laer noeq-awr, meuq-euq lafnyir gheudzae-ir-euq mae.

Gʼaˬkʼehˇ 16:23

Aqyawf nyaf-anr ghawqmya laf diq-awr, kuv-anr nyaefur-euq mae. Aqyawf nyaf-anr yawmuiq-aer lofni kuv-euq aqyuif ghaq-anr dawq bif-euq mae.

Gʼaˬkʼehˇ 23:2

Khoerngae, Aqnaqnir pirma yawhuiq ghaq, aqyawf-euq maeqboeq-anr taevghae-awq laer, Pawrluv-euq dawqpae yawfluf-eu tsawrhaq-anr khaer-euq mae.

Lormav 8:35

Aqsur ghaq, aqdui-anr Kali-euq gaq-eu jeq-anr nae lavghawqlar nya-eu la? Yadaq duidui-eu jeq, shaq-awr zanq-eu jeq, khaeq-awr khav-eu jeq, maef-awr shuf-eu jeq, nermyawvni yashaq-eu jeq, guv-awr gav-eu jeq hawr-eu mizaq micaer, heudeuq-a lor?

1 Gawˇliˬtu 9:4

Nga’maf dzaq-awr dawr-eu maqgeux-a lor?

2 Gawˇliˬtu 11:20

Tsawrhaq tiqghaqnav, nawmaf-anr zaqkhav bigeuf-awr, nawmaf-anr kawfsaef dzaqlar-eu uqtaf, nawmaf-anr myawfdzaq shuirdzaq lar-awr, yawqhar yawqha ciqgor-eu uqtaf, nawmaf-anr naqtaev taevlar-eu khawf, nawmaf daq-awr or-eu nga aerlawq.

2 Gawˇliˬtu 4:8

Nga’maf-anr yawqpaw navluf nyaefsuflar luf-eu khawf, nyaefpyaev lar-eu gar maqkeuv-a. Noeq ngae maqdov-eu khawf, noeqtmqkhar maqza-eu gar maqkeuv-a.

Piˇliˇpiˆ 4:12

Ngar, nym ngae khawf daefnya-awr, javmyaq ngae khawf daefnya ma. Daev ngae khawf, maef ngae khawf, yaw’aw tiv-anr khawf, yawgor tiv-anr khawf, yawqgar navluf hawr-eu yawqjeq navluf-euq lafkhoer, ngar aqjox-aer yadaef-a laer siqnya ma.

2 Tiˆmoˇseˬ 3:11

Khoeruqtaf, khaeq-awr khav-eu jeq hawr-eu shaqzanq nargawr daqgar khawf nawr yawmuiq-aer cantae-euq mae. Aqdirawq, Irgawrnir hawr-eu Lurdaqlar-anr jawr ngae, ngar yadaq duidui-euq ma. Aerkhawf, khaeq-awr khav-eu khoerdeuq dawqtawv luf-euq lafkhoer nae, Sanqpaq Yeqsur, ngaq-anr bibuq-ir naeqlaf-euq mae.