1 Gawˇliˬtu 4:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Nga’maf-aq, Kali-euq ghaqzaq ghaqkhaer pyeuf-awr, Miqyaer nae zaftaq-euq deuq-anr hawpir-eu tsawrhaq nga laer tsawrhaqzaq sawxnaeq laf-eu tsaq taef-a.

Akha

¹ Naw maꞈ nga maꞈ-ahˇ heu loꞈ-ehˇ noeˬ-eu tsaˬ meh. Nga maꞈ Ka liˬeuˬ gaˇ mˇ zaˬ deuˬ pyeuꞈ-awˇ, Miˬyehˇ-euˬ zaꞈ taˬ-euˬ yaw tsaˬ yaw dawˇ jeˬ-ahˇ haw piˇ luꞈ-eu tsawˇ haˬ meh lehˇ noeˬ-eu tsaˬ meh.

1 Gawˇliˬtu 4:1 ပူးပေါင်းရင်းမြစ်များ

Maꞈtehˬ 13:11

Yeqsur heulof-aer aerkhof naeq-euq mae, “Aqjeq mirnae aernar-aq, mqtav mirkhanq-euq garkawv zaftaq-euq deuq nawmaf-anr taef-aer bi siqnya-awr, aqyawf maf-anr maqbi siqnya-aq.

Maꞈtehˬ 24:45

“Sarjax zif-awr tsawrganr anr-eu kuirlaf zaqkhav aqgeu ghaq la? Yawsanr ghaq nae nymrkhanq-euq zaqdeuq-anr aryamq tsaq ngae, bidzaq bidawr-awr bi hawlanr-eu gharduq, khaertaq-euq kuirlaf zaqkhav khoerghaq mae.

Maˬkuˆ 4:11

Khoerngae, Yeqsur, aqyawf maf-anr heulof-aer aernaeq-euq mae, “Miqyaer uvlanr-eu garkawv zaftaq-euq jeq, nawmaf-anr taef-aer bi siqnya-eu ma. Aerkhawf, aqcawq-anr-aq, yawqjeq navluf yawjeq majeq dawq-anr nae taef-aer maeqnaeq ma:

Luˇkaꞈ 1:2

Garkawv heudeuq-anr yawbae ngae nae ya’mawr-awr, dawqmaeq maeq-eu tsawrhaq nae nga’maf-anr ja’naeq laf-euq lof-aer bofdov taq-euq ma.

Luˇkaꞈ 12:42

Sanqpaq Yeqsur heulof-aer aernaeq-euq mae, “Zaqsiq tsawrganr anr-awr sarjax zif-eu lafkhoer, myawqganq-anr hawpir nya-eu aqgeu ghaq la? Aqyawf-aq, nymrkhanqzaq-anr hawpir-awr, aryamq tsaq ngae, kuirlaf zaqkhav nuideuq-anr dzaqdzaq dawrdawr shaqbymr tsaqni birnaeq nya-eu, yawsanr ghaq nae khaertaq-euq khoerghaq maqngeur-a lor?

Luˇkaꞈ 8:10

Khoerngae, aqyawf heulof-aer aernaeq-euq mae, “Miqyaer uvlanr-eu garkawv zaftaq-euq deuq nawmaf-anr taef-aer bi siqnya-eu ma. Aerkhawf, nuideuq-anr-aq, ‘Haw khawf maq mawrnya-aer, gaq khawf maq ghovshaw nya’ni, Aqyawf maf-anr-aq, yawjeq majeq dawq-anr nae maeqnaeq-eu ma.’ (Isy 6:9)

Lormav 11:25

Aqyuif aqnyir deuq-or! Nawmaf yawqhar yawqha zaqsiq tsawrganr anr ma laer maqya noeqni, ngar, nawmaf-anr zaftaq-euq garkawv heu-anr maq siqnya-aer maqbi ghaemawf nya. Aqcawq tsawrjeuq tsawrca maq urbyan lar-euq khoerkeuvni, Irsaqleqlav tsawrhaq tiqpavnav deuq myavbaefbaef taef-a.

Lormav 16:25

Mirtsaq bae ngae nae maqbi siq-aer zaftaq-euq jeq-euq garkawv panmaeq naeqlaf-euq mirnae, ngar maeq-eu guiqlanqdawq hawr-eu Yeqsur Kali-euq garkawv dawqmaeq maeq-eu baqda’nae, nawmaf-anr bi ziflar nya-eu ghaq-anr jaceuq ma.

1 Gawˇliˬtu 2:7

Dzeurlaf ngae zaftaq-awr daeqkaq taq-euq Miqyaer-euq zaqsiq tsawrganr-euq garkawv nga’maf jaluf-eu ma. Zaqsiq tsawrganr heu-aq, aqdui khanqsaer za’ni, mirtsaq heu maqbae-euq minav-aer Miqyaer nae noeqtsaev taq-euq mae.

1 Gawˇliˬtu 3:5

Pawrluv aqsur ghaq la? Aqpawrluv khawf aqsur ghaq la? Nga’nyaf-aq, nawmaf janlarni guiqlanq-euq gar mrzaq taef ma. Sanqpaq Miqyaer nae kharbi mrlaf-euq lof-aer yawqha-euq gar yawqha mrluf-eu ma.

1 Gawˇliˬtu 4:13

Aqcawq, nga’maf-anr yaeqbawq-aer jadoer lar-eu gar dawq yawmuiq-aer ngaeqkhof naeq-euq ma. Nymq-mr keuvni, aqcawq, nga’maf-anr mirtsaq-euq yawjawf jeq hawr-eu yavdzae taq-euq yawqjeq navluf-euq javguv javmeuq lof-aer hawluf-eu mae.

1 Gawˇliˬtu 4:2

Khoeruqtaf, hawpir-eu tsawrhaq geuf-eu deuq-aq, sarjax zif-eu tsawrhaq yapyeuf-eu mae.

2 Gawˇliˬtu 11:23

Aqyawfmaf, Kali-euq ghaqzaq ghaqkhaer-a laq? Ngar, aqdzawq argan lof-aer ngaeq ma de-eq. Ngar, aqyawf maf-euq navmaqtser Kali-euq ghaqzaq ghaqkhaer ma. Ngar, aqyawf maf-euq navmaqtser gar mr-eu laejae-awr, maq guijir coerni diqlar khovlaf-eu gar yadaq-euq uqtaf, aqyawf maf-euq myavmaqtser kuv-anr urmyaq dzaeq-awr, shirtaw taeqni khawf ghawqmya pov daqhaw-euq ma.

2 Gawˇliˬtu 12:6

Ngar khanqsaer jaevmawf-eu law-awr khawf, ngar, aqdzawq argan maqgeuf. Aqjeq mirnae aernar-aq, ngar yawtsaq yawdawr taef-aer ngaeq-eu ma. Aerkhawf, ngaq nae mr-euq jeq-anr ya’mawr-awr, ngaq nae ngaeq-euq dawq-anr yagaq-euq taf-aer, tsawrhaq tiqghaq-iq ngaq-anr ardzaeq-aer maqbi noeqhuiqdzeur mawf-eu mirnae, ngar tiqjeq-iq maqpar ngaeq ma.

2 Gawˇliˬtu 4:5

Nga’maf-aq, yawqha-euq garkawv dawqmaeq maeqluf-eu maqngeur. Yeqsur Kali-aq, Sanqpaq Miqyaer mae laer maeq-eu uqtaf, nga’maf-aq, Yeqsur-euq gharduq nawmaf-euq zaqkhav pyeufluf-eu ma.

2 Gawˇliˬtu 6:4

Aerkhawf, nga’maf yawqjeq navluf-euq lafkhoer yawqhar yawqha, Miqyaer-euq guiqlanq-euq gar mrzaq ma laer noeqpoeq-awr, heudeuq-anr yadaq-euq ma: yawkhav-aer ya’or-eu, shaqzanq myaq-eu, mawf-awr nym-eu, noeqshaq-eu,

Eˇpeˇsu 1:9

Miqyaer, aqyawfghaq nae noeqtsaev taq-euq jeq, aqyawf nuikhanr shir-eu mirnae, zaftaq-euq aqyawf nuima tsaq-eu jeq aqdui-anr bi siqnya naeqlaf-euq mae.

Eˇpeˇsu 6:19

Ngar guiqlanq dawq-anr taf-eu zaftaq-euq jeq-euq garkawv bisiqni, khaqmae mrnga-awr ngaeq-eu laer ghae ngae, Miqyaer, ngaq-anr dawq bifnaeq laf-awr, nuima khaqduqni maeqnya’ni, ngaq-euq gharduq khawf guiqlanq sharcaw naeqlaf-awq.

Gawˇlawˇsehˇ 2:2

Aqyawf maf-euq nuima ghaq khavlar-awr, gaq-eu lafkhoer tiqghaq tirghaq gmlar-eu uqtaf, Aqda Miqyaer hawr-eu Kali-anr nae oe-euq, Miqyaer nae zaftaq-eu jeq-anr siqnya-eu tsawrganr hawr-eu, tiqbyan tiqlof yawduq baw-awr ghovshaw nya-eu jeq kharsanr-eu dawqtawv luf-anr bi za’mawf mir-a.

Gawˇlawˇsehˇ 4:3

Nga’maf, Kali-euq garkawv zaftaq-euq jeq ngaeqnaeq nya’ni, Miqyaer, nga’maf-anr dawq khoer-euq gharduq larghov pannaeq lafni guiqlanq shar-awq. Khoermirnae, ngar shmrcav daqluf-eu ma.

1 Tiˆmoˇseˬ 3:16

Aqdui uqduq tanq-eu zanr-euq lafkhoer zaftaq-euq jeq arnavni huiq-eu la laer aqdui siqnya-eu ma: Miqyaer shiqshaq pi-awr daefle-euq gar bimawr naeqlaf-euq mae. Muiq-eu Saflar khawf aqyawf-aq, dawr-awr tsaq-eu mae laer sarkir kamq-eu mae. Mqtav ghaqkhaer, aqyawf-anr ya’mawr-euq mae. Aqyawf-euq garkawv aqcawq tsawrjeuq tsawrca-anr gaqdoe-ir-awr, Mirtsaqzaq, aqyawf-anr jan-eu mae. Aqyawf-aq, yawshaef khanqsaer-euq lafkhoer bi sheuqdav lef-euq mae.

1 Tiˆmoˇseˬ 3:6

Janlar-euq yawshuif tiq ghaq maqya bigeuf-a. Bigeuf nar-aq, nuima huiqlar-awr, naef sanqpaq yarkhaq dar-eu jeq-anr yadaq-eu lof-aer yadaq-eu baw-mr.

1 Tiˆmoˇseˬ 3:9

Shawrjaevni ghae-eu zaqsiq nuisiq anr-awr, jan-eu jeq-anr tafler-eu zaftaq-euq deuq-anr zifdanni tuvtaeq taq-euq tsawrhaq yapyeuf-eu mae.

Tiˇtuˆ 1:7

Kalizaq armur-anr hawlanr-eu tsawrhaq-aq, Miqyaer-euq myawq-anr hawpir-eu tsawrhaq pyeuf-eu mirnae, aerkhar maqza-eu, yawqha-euq nuinoeq nuilov maqgeuf-eu, nuima maqsuq-eu, jirbaq maqyaef-aer, aqcawq-anr maqdiq maqkhov-eu uqtaf, pyur-anr maerjuir maqjuir-eu tsawrhaq yapyeuf-eu mae.

1 Beˬtuˆluˆ 4:10

Nawmaf, Miqyaer-euq guiqlanq yawdzanr ghawqmya jeq-anr hawpir-eu tsawrhaq lof-aer, yawqghaq navluf tiqghaq tirghaq guiqlanq pyeufni, yawqha nae zataq-euq lafsawq zmq-awq.