1 Gawˇliˬtu 3:5 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Pawrluv aqsur ghaq la? Aqpawrluv khawf aqsur ghaq la? Nga’nyaf-aq, nawmaf janlarni guiqlanq-euq gar mrzaq taef ma. Sanqpaq Miqyaer nae kharbi mrlaf-euq lof-aer yawqha-euq gar yawqha mrluf-eu ma.

Akha

⁵ Aˬpawˇluˆ aˬ suˇ gʼaˬ-a. Pawˇluˆ aˬ suˇ gʼaˬ-a. Nga nyaꞈ-aˬ, naw maꞈ jah laˇ ni sheuˬ gʼeh nehˬ-eu Miˬyehˇ-euˬ zaˬ kʼaˆ pyeuꞈ-eu tehꞈ ma. Nyiˬ gʼaˬ luꞈ yawˬ ha-ahˇ Miˬyehˇ neh kʼaˇ bi mˇ laꞈ-euˬ jeˬ mˇ-eu tehꞈ ma.

1 Gawˇliˬtu 3:5 ပူးပေါင်းရင်းမြစ်များ

Maꞈtehˬ 25:15

Aqyawf, aqyawfmaf mrnya-eu gar haw-awr, tiq ghaq-anr-aq, pyur 5,000 byav, tiq ghaq-anr-aq 2,000 byav, tiq ghaq-anr-aq 1,000 byav laer bifnaeq yaf-awr, tiqpov taef-aer garmanr kaq-eu gar ir-euq mae.

Luˇkaꞈ 1:2

Garkawv heudeuq-anr yawbae ngae nae ya’mawr-awr, dawqmaeq maeq-eu tsawrhaq nae nga’maf-anr ja’naeq laf-euq lof-aer bofdov taq-euq ma.

Yoˇhaˬ 3:27

Yorhaq heulof-aer aerkhof naeq-euq mae, “Mq-euq khoertav jawr-eu Miqyaer nae bifnaeq-euq jeq maqngeur nar-aq, tsawrhaqzaq-aq tiqjeq-iq maqza nya-a.

Gʼaˬkʼehˇ 18:24

Khoerngae, Aqleqsaqdur meuq-anr daefle-euq Aqpawrluv laer kur-eu Yurdav tsawrhaq tiq ghaq, Erpersu-anr oekeuv-euq mae. Aqyawf-aq, dawq zawr ngaeqnya-awr, Yaerbof siqnya duidui-eu mae.

Gʼaˬkʼehˇ 19:1

Aqpawrluv, Gawrliqtu-anr jawr ngae, Pawrluv laftav paw-euq mirkhanq deuq-anr cantsaev-awr, Erpersu-anr irkeuv-euq mae. Khoergar, zaqlanr heumyav ghaq-anr tanqpuq-awr,

Lormav 15:16

ngar, aqcawq tsawrjeuq tsawrca-euq gharduq Yeqsur Kali-euq gar mrzaq geuf-awr, Miqyaer-euq guiqlanq dawq-euq gar mrluf-eu ma. Yawshawr Saflar nae aqcawq tsawrjeuq tsawrca-anr lavshawr-euq nar-aq, aqyawf maf-anr yur-awr lawrnaeq-eu jeq lof-aer lawrnaeq ngae, Miqyaer hageuf paq-aer ngar mrluf-eu ma.

1 Gawˇliˬtu 12:28

Miqyaer, tsawrhaq heudeuq-anr Kalizaq armur-euq lafkhoer bijawr-euq mae. Tif, ghaqkhaer deuq, nyif, Miqyaer gharduq ngaeqdan-eu deuq, smr, maeqnaeq tsovnaeq-eu deuq mae. Khoernar-aq, khavjeq-aer ghae-eu jeq mr-eu deuq, nargawr lavtaq-eu lafsawq za-euq deuq, aqcawq-anr cawba-eu deuq, dzoeqdzaq mr-eu deuq hawr-eu dawqbav ghawqmya jeq bav-eu deuq-anr bijawr-euq mae.

1 Gawˇliˬtu 16:12

Aqnyir Aqpawrluv-euq garkawv-aq heulof-aer mae. Ngar, aqyawf-anr aqyuif aqnyir deuq naeq-aer nawmaf jawr-eu gar le-awq laer yawkhav-aer shar-euq ma. Aerkhawf, nymq-mr keuvni-aq, aqyawf, nawmaf jawr-eu gar tiqpawf-iq maq larmawf nga siq. Aqjox-aer law-awr khawf, aryamq tsaqlar nar-aq aqyawf lar taef-a.

1 Gawˇliˬtu 3:10

Ngar, Miqyaer nae ngaq-anr bifnaeq laf-euq guiqlanq yawdzanr-anr ghoe-awr, tsawrganr anr-eu nymr tsov-eu yawsanr lof-aer gawrdanq baetaq-euq ma. Heunar-aq, yawqghaqyawq khoergar nae ya tsovdavlef taef-a. Aerkhawf, yawqghaq navluf aqjox-aer tsovdav lef-eu le laer yawmuiq-aer sharnoeq-awr tsovdav lef-eu tsaq taef-a.

1 Gawˇliˬtu 3:22

Pawrluv khawf, Aqpawrluv khawf, Geqpar khawf, mirtsaq khawf, yawdaef jeq khawf, yawshir jeq khawf, nymq-mr pyeufluf-eu deuq khawf, aqkar pyeuflar-eu deuq khawf, dawqtawvluf nawmaf-euq mae.

1 Gawˇliˬtu 3:7

Khoermirnae, ka-eu ghaq hawr-eu ircuf shaeq-eu ghaq huiq-eu maqngeur-a. Huiq-eu ghaq-aq, bihuiq bi maerlar-euq Miqyaer mae.

1 Gawˇliˬtu 9:17

Ngar nuima keuv-awr guiqlanqdawq maeq nar-aq, mrpoeq lafsawq za taef-a. Ngar maq maeqmawf-eu law-awr khawf, ya’maeq-eu gar heu-anr yawmuiq-aer ya hawpir-eu mae.

2 Gawˇliˬtu 11:23

Aqyawfmaf, Kali-euq ghaqzaq ghaqkhaer-a laq? Ngar, aqdzawq argan lof-aer ngaeq ma de-eq. Ngar, aqyawf maf-euq navmaqtser Kali-euq ghaqzaq ghaqkhaer ma. Ngar, aqyawf maf-euq navmaqtser gar mr-eu laejae-awr, maq guijir coerni diqlar khovlaf-eu gar yadaq-euq uqtaf, aqyawf maf-euq myavmaqtser kuv-anr urmyaq dzaeq-awr, shirtaw taeqni khawf ghawqmya pov daqhaw-euq ma.

2 Gawˇliˬtu 3:3

Nawmaf-aq, Kali nae nga’maf-anr ghoe-awr boftaq-euq sanqbof ngar-a laer byacaevni javluf-eu mae. Sanquir nae boftaq-euq sanqbof maqngeur-a, daefluf-eu Miqyaer-euq Saflar nae boftaq-euq mae. Khaqlo terbyaf-anr boftaq-euq khawf maqngeur-a, shiqshaq-euq terbyaf pyeuf-eu nuima-euq lafkhoer boftaq-euq sanqbof mae.

2 Gawˇliˬtu 3:6

Nga’maf, dawqma sarjax yawshuif-euq guiqlanq-euq gar bi mrnya larni Miqyaer, nga’maf-anr janrnaeq laf-euq mae. Dawqma sarjax heu-aq, sanqbof armawr-anr taf-eu maqngeur-a, muiq-eu Saflar-anr taf-eu mae. Aqjeq mirnae aernar-aq, sanqbof armawr-aq, lavsaef-eu khawf, muiq-eu Saflar-aq, daef-eu jeq bif-eu mae.

2 Gawˇliˬtu 4:1

Miqyaer ghawqshaq gaq-eu baqda’nae, nga’maf guiqlanq-euq gar heu za-euq ma. Khoermirnae, nga’maf nuighaq maqbaq.

2 Gawˇliˬtu 4:5

Nga’maf-aq, yawqha-euq garkawv dawqmaeq maeqluf-eu maqngeur. Yeqsur Kali-aq, Sanqpaq Miqyaer mae laer maeq-eu uqtaf, nga’maf-aq, Yeqsur-euq gharduq nawmaf-euq zaqkhav pyeufluf-eu ma.

2 Gawˇliˬtu 4:7

Huiq-awr muiq-eu baoq heu-aq, nga’maf-anr nae maqngeur-eu, Miqyaer-anr nae dovle-euq ngar-a laer bisiqni, nga’maf poeq-eu myawqganq heu, mirtsaq oeqlanq-euq lafkhoer anrluf-eu ma.

2 Gawˇliˬtu 5:18

Khoerdeuq dawqtawvluf Miqyaer-anr nae pyeufdov le-euq mae. Miqyaer, Kali-anr ghoe-awr aqdui, aqyawf-anr tsaqler dzoerlerni janrnaeq laf-euq mae. Khoeruqtaf, tsaqler dzoerlerni guiqlanq-euq gar heu aqdui-anr bifnaeq laf-euq mae.

2 Gawˇliˬtu 6:1

Nawmaf, Miqyaer-euq guiqlanq yawdzanr hageuf-euq khoer yawqngaef-aer taqbi pyeuf laer Miqyaer-euq gar mrcawq pyeuf-awr mrluf-eu nga’maf, nawmaf-anr tanqshar-eu ma.

2 Gawˇliˬtu 6:4

Aerkhawf, nga’maf yawqjeq navluf-euq lafkhoer yawqhar yawqha, Miqyaer-euq guiqlanq-euq gar mrzaq ma laer noeqpoeq-awr, heudeuq-anr yadaq-euq ma: yawkhav-aer ya’or-eu, shaqzanq myaq-eu, mawf-awr nym-eu, noeqshaq-eu,

Eˇpeˇsu 3:7

Miqyaer-euq baoq gar mr-eu lafkhoer, Miqyaer, ngaq-anr lafsawq lof-aer, aqyawf-euq guiqlanq yawdzanr bifnaeq laf-euq mirnae, ngar kuirlaf zaqkhav geuflar-euq ma.

Gawˇlawˇsehˇ 1:23

Nawmaf nae yagaq-euq guiqlanq dawq-anr taf-eu noeqtmq-eu jeq-anr nae maq jivdov-ir ni, jan-eu lafkhoer dawqpaeq zif-awr, zifdanni nyaeftaeqtaq nya-euq ngeur nar-aq, khoer-aq, mq-euq uqmov baetaq-euq yawqjeq navluf-anr dawqmaeq maeqnaeq-euq mirnae mae. Ngar, Pawrluv khawf khoer-euq gharduq kuirlaf zaqkhav geuflar-euq ma.

Gawˇlawˇsehˇ 1:25

Miqyaer-euq dawq byanlarni, hawpir-eu ghaq pyeufni Miqyaer, ngaq-anr tserdov-awr, nawmaf-euq gharduq, kuirlaf zaqkhav bi geufnaeq laf-euq mae.

1 Tiˆmoˇseˬ 1:12

Ngar, ngaq-anr ghaq bifnaeqlaf luf-eu aqdui-euq Sanqpaq Yeqsur Kali-anr jaceuq ma. Aqjeq mirnae aernar-aq, ngar-aq, sarjax zif-eu nga laer aqyawf sawx-awr, ngaq-anr khaer-awr guiqlanq-euq gar bi mrnaeq laf-euq mae.

1 Beˬtuˆluˆ 4:10

Nawmaf, Miqyaer-euq guiqlanq yawdzanr ghawqmya jeq-anr hawpir-eu tsawrhaq lof-aer, yawqghaq navluf tiqghaq tirghaq guiqlanq pyeufni, yawqha nae zataq-euq lafsawq zmq-awq.