1 Gawˇliˬtu 3:17 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁷ Tsawrhaq tiqghaqnav Miqyaer-euq uqduq tanqnymr nymrma-anr lavcawv nar-aq, Miqyaer, aqyawf-anr lavcawv taef-a. Aqjeq mirnae aernar-aq, Miqyaer-euq uqduq tanqnymr nymrma-aq yawshawr mae. Nawmaf-aq, uqduq tanqnymr nymrma mae.

Akha

¹⁷ Kʼoeˇ miˇ neh, tsawˇ haˬ tiˬ gʼaˬ na Miˬyehˇ-euˬ uˬ duˬ tahˬ nymˇ-ahˇ laˆ cawˆ naˇ, aˬ yawꞈ-ahˇ Miˬyehˇ laˆ cawˆ tehꞈ-a. Aˬ jeˬ miˇ neh ehˇ naˇ, Miˬyehˇ-euˬ uˬ duˬ tahˬ nymˇ-aˬ, muiˬ-eu shawˇ-eu jeˬ pyeuꞈ-awˇ, naw maꞈ-aˬ, uˬ duˬ tahˬ nymˇ kʼoeˇ meh.

1 Gawˇliˬtu 3:17 ပူးပေါင်းရင်းမြစ်များ

Jaceuq 74:3

Nawq-euq aqkuir ciqdir-awr saq-eu maqbawni cawv-ir-awr jav-eu gar canhaw le-awq. Muir-eu deuq nae shawr-eu jawrduq-euq lafkhoer, yawdoer kharngeur-eu jeq mr-euq mae.

Jaceuq 79:1

Miqyaer-or! Aqcawq tsawrjeuq, nawq-euq jeqbir-anr urle taq-euq mae. Aqyawfmaf, nawq-euq shawr-eu uqduq tanqnymr nymrma-anr, Maqshawrni bipyeuf-ir-awr; Aqyawfmaf, Yeqlursaqlaeq-anr lavpyav lavshavjir yaf-euq mae.

Jaceuq 93:5

Nawq-euq dawqdzawr-aq, aqdir yawduq baw-awr; Ya’we Miqyaer-or! Nawq-euq nymr-anr yawshawr jeq nae, Mqmaq maqbyav yarzir lavmuiq taq-euq mae.

Jaceuq 99:9

Aqdui-euq Miqyaer pyeuf-eu Ya’we Miqyaer-anr ciqpoeq ciqgor-awq. Aqyawf-anr aqyawf-euq shawr-eu gawqjawq-anr uqduq tanqler-awq. Aqjeq mirnae aernar-aq, aqdui-euq Miqyaer pyeuf-eu, Ya’we Miqyaer-aq yawshawr mae.

1 Gawˇliˬtu 3:16

Nawmaf-aq, Miqyaer-euq uqduq tanqnymr nymrma pyeuf-awr, Miqyaer-euq Saflar, nawmaf-euq lafkhoer jawrluf-eu mae laer maq siqnya-eu le lor?

1 Gawˇliˬtu 3:18

Tsawrhaq tiqghaq-iq, yawqhar yawqha jaqmyawf taqmyawf. Nawmaf-euq lafkhoer tiqghaqnav mirtsaq-euq tsawrganr anr-eu ma laer noeq nar-aq, tsawrganr anrlarni aqdzawq argan geuf-awq.