1 Gawˇliˬtu 3:16 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ Nawmaf-aq, Miqyaer-euq uqduq tanqnymr nymrma pyeuf-awr, Miqyaer-euq Saflar, nawmaf-euq lafkhoer jawrluf-eu mae laer maq siqnya-eu le lor?

Akha

¹⁶ Naw maꞈ-aˬ, Miˬyehˇ-euˬ uˬ duˬ tahˬ nymˇ pyeuꞈ-awˇ, Miˬyehˇ-euˬ Yaw sahˇ naw maꞈ laꞈ kʼoeˇ jawˇ-eu gaˇ kawˆ naw maꞈ siˬ duˬ luꞈ meh.

1 Gawˇliˬtu 3:16 ပူးပေါင်းရင်းမြစ်များ

Yoˇhaˬ 14:17

Aqyawf-aq, yawtsaq yawdawr-euq Saflar mae. Mirtsaqzaq, aqyawf-anr maq siqnya-aer maq mawrnya-eu mirnae, aqyawf-anr maq hageuf nya-a. Aerkhawf, nawmaf, aqyawf-anr siqnya-eu mae. Aqjeq mirnae aernar-aq, aqyawf, nawmaf naeq-aer jawrluf-awr, nawmaf-euq lafkhoer jawr taef-a.

Lormav 6:16

Nawmaf, tsawrhaq tiq ghaq-euq zaqkhav geuf-awr aerdawq narhaqgeuf nar-aq, nawmaf aerdawq narhaq geuf-eu khoerghaq-euq zaqkhav pyeuf-eu mae laer nawmaf maq siqnya-eu le laq? Iqbax-euq zaqkhav geuf nar-aq yashir-awr, Miqyaer-anr narhaqgeuf nar-aq, tsaq-awr dawr-eu tsawrhaq pyeuflar-eu mae.

Lormav 6:3

Aqdui ghawqmya ghaq bartirsaq hageuf-awr Yeqsur Kali-anr gawfler-euq deuq-aq, bartirsaq hageuf-eu lafkhoer, aqyawf-euq shir-euq jeq-anr khawf gawfler-euq gar nawmaf maq siqnya-eu le lor?

Lormav 8:11

Khoeruqtaf, Yeqsur-anr shir-euq gar nae bi ghofdaef lar-euq ghaq-euq Saflar, nawmaf-euq lafkhoer jawr nar-aq, Yeqsur Kali-anr shir-euq gar nae bi ghofdaef lar-euq ghaq, nawmaf-euq lafkhoer jawr-eu aqyawf-euq Saflar-anr ghoe-awr, nawmaf-euq shirnya-eu mawrdo-anr khawf bi ghofdaeflar taef-a.

Lormav 8:9

Miqyaer-euq Saflar, nawmaf-euq lafkhoer aqdir jawr nar-aq, nawmaf shiqshaq-euq lafkhoer maqpar jawr-aer, muiq-eu Saflar-euq lafkhoer jawr-eu mae. Tsawrhaq tiq ghaq-euq lafkhoer Kali-euq Saflar maqjawr nar-aq, khoerghaq Kali-anr maqtaf-a.

1 Gawˇliˬtu 3:17

Tsawrhaq tiqghaqnav Miqyaer-euq uqduq tanqnymr nymrma-anr lavcawv nar-aq, Miqyaer, aqyawf-anr lavcawv taef-a. Aqjeq mirnae aernar-aq, Miqyaer-euq uqduq tanqnymr nymrma-aq yawshawr mae. Nawmaf-aq, uqduq tanqnymr nymrma mae.

1 Gawˇliˬtu 3:9

Nga’nyaf-aq, Miqyaer-euq gar mrcawq ma. Nawmaf-aq, Miqyaer-euq daeyar mae. Nawmaf-aq, Miqyaer tsovluf-eu nymr mae.

1 Gawˇliˬtu 5:6

Nawmaf khanqsaer jaev-eu maqtsaq-a. Daeqtseq uicuiv taef khawf, kaqmur tiq siq siqlanni-anr bi poqlar nya-eu mae laer nawmaf maq siqnya-eu le lor?

1 Gawˇliˬtu 6:16

Nawmaf, mawrdo anq-eu tsawrhaq naeq-aer joe-euq tsawrhaq-aq, aqyawf naeq-aer tiqshiq tiqshaq taef-aer pyeuflar-eu mae laer maq siqnya-eu le lor? Aqjeq mirnae aernar-aq, Miqyaer aer-eu, “Aqyawfnyaf tiqshiq tiqshaq taef-aer pyeuflar-euq mae.” (Adb 2:24)

1 Gawˇliˬtu 6:19

Nawmaf-euq mawrdo-aq, Yawshawr Saflar-euq uqduq tanqnymr nymrma mae laer maq siqnya-eu le lor? Yawshawr Saflar-aq, Miqyaer-anr nae oe-awr, nawmaf-euq lafkhoer jawrluf-eu mae. Khoeruqtaf, nawmaf-euq mawrdo-aq, nawmaf-euq maqngeur-a.

1 Gawˇliˬtu 6:9

Nawmaf, maqtsaq maqdawr-eu tsawrhaq, Miqyaer uvlanr-eu jeq maqza nya-a laer maq siqnya-eu le lor? Taq noeqlaeq de-eq. Maqtsaq-eu lafkhoer banq-awr joe-eu, tanqpanq aqma mawrkawr-anr uqduq tanq-eu, banq-awr joe-eu, aqli yawkaq aqli maqngeur nar-aq, aqbur yawkaq aqbur banq-awr joe-eu, aqli yawkaq aqli mawrdo anq-eu tsawrhaq deuq,

1 Gawˇliˬtu 9:13

Yawshawr jeq-anr taf-eu gar mr-eu deuq-aq, uqduq tanqnymr nymrma-euq lafkhoer jav-eu dzaqdzaq dawrdawr yadzaq-awr, lawrduq-anr gar mr-eu deuq khawf, lawrnaeq taq-euq jeq ya birdzaq-eu mae laer nawmaf maq siqnya-eu le laq?

1 Gawˇliˬtu 9:24

Caevcae cae ngae, yawqghaq navluf caev-eu khawf, tiq ghaq taef-aer lafsawq za-eu mae laer nawmaf maq siqnya-eu le lor? Nawmaf khawf, lafsawq khoer-anr za’ni caevcae cae-awq.

2 Gawˇliˬtu 6:16

Miqyaer-euq uqduq tanqnymr nymrma hawr-eu tanqpanq aqma mawrkawr aqjox-aer tsaqler dzoerler nya-eu? Aqjeq mirnae aernar-aq, nawmaf-aq, daefluf-eu Miqyaer-euq uqduq tanqnymr nymrma mae. Miqyaer nae aertaq-euq lof-aer, “Ngar, aqyawf maf-euq lafkhoer jawr-awr, aqyawf maf-euq ghanrcae can ma. Ngar, aqyawf maf-euq Miqyaer pyeuf-awr, aqyawfmaf, ngaq-euq tsawrhaq pyeuf taef-a.” (Lb 26:12; Ezk 37:27)

1 Tiˆmoˇseˬ 3:15

Miqyaer-euq nymrkhanq-euq lafkhoer aqjox-aer mr paq-aer ghae-eu deuq nawr yasiqni, garkawv heudeuq ngar, nawq-anr bofanr lef-euq ma. Nymrkhanq khoer-aq, daefluf-eu Miqyaer-euq Kalizaq armur pyeuf-awr, yawtsaq yawdawr jeq-euq zeurma hawr-eu dawqpaeq mae.

2 Tiˆmoˇseˬ 1:14

Aqdui-euq lafkhoer jawr-eu Yawshawr Saflar-anr ghoe-awr, nawq-anr a’naeq taq-euq yawmuiq jeq-anr, nawr yawmuiq-aer jeqhmq taq-awq.

HeˬByehˇ 3:6

Aerkhawf, Kali-aq, Miqyaer-euq nymrkhanq-anr hawlanr-eu Zaqyo mae. Aqdui khawf arsaqsaq ngae keuvni, nuima khaqduqni ghae-eu jeq hawr-eu, nuima huiqkhar za-eu noeqtmq-eu jeq-anr zifdanni tuvtaeqtaq nar-aq, aqdui, aqyawf-euq nymrkhanq-euq lafkhoer yajawr mae.

Yaˬkoˆ 4:4

Banqluf muvluf-eu tsawrhaq deuq-or! Nawmaf, mirtsaq naeq-aer cawq cawq-eu deuq-aq, Miqyaer-anr muir-eu jeq pyeuf-eu mae laer maq siqnya-eu le lor? Khoermirnae, mirtsaq naeq-aer cawq khar cawqmawf-eu tsawrhaq-aq, Miqyaer-anr muir-eu tsawrhaq mae.

1 Beˬtuˆluˆ 2:5

Nawmaf khawf, daefluf-eu khaqlo mae. Miqyaer nae saflar paw-euq nymr tsov-eu gar bizmq-awq. Nawmaf shawr-eu pirma geuf-awr, Yeqsur Kali-anr ghoe-awr nae, Miqyaer nuikhanr shir-eu saflar paw-euq lawrnaeq-eu jeq lawrnaeq-awq.

1 Yoˇhaˬ 4:12

Tsawrhaq tiqghaq-iq Miqyaer-anr maq mawrhaw-aq. Aqdui tiqghaq tirghaq gaq nar-aq, Miqyaer, aqdui-euq lafkhoer jawr-awr, aqyawf-euq gaq-eu jeq aqdui-euq lafkhoer byanlar taef-a.