1 Gawˇliˬtu 3:12 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Tsawrhaq tiqghaqnav dawqpaeq khoer-anr pyur, shuir, khaqlo saer, darkawq, uqjir, ghovyoeq yur-awr tsovdavlef nar-aq,

Akha

¹² Tiˬ paˆ na deuˬ-aˬ, shuiˇ, pyuˇ, kʼaˬ lo sehˇ, heu deuˬ yuˇ-awˇ dawˬ pehˬ gawˬ taˬ-euˬ kʼoeˇ taˆ gawˬ daˆ gʼeh tehꞈ-a. Tiˬ paˆ na deuˬ-aˬ, daˇ kawˬ, yaˇ moꞈ, gʼo yoeˬ, heu deuˬ yuˇ-awˇ dawˬ pehˬ gawˬ taˬ-euˬ kʼoeˇ taˆ gawˬ daˆ gʼeh tehꞈ-a.

1 Gawˇliˬtu 3:12 ပူးပေါင်းရင်းမြစ်များ

Jaceuq 119:72

Nawq-euq khaqmae-anr nae dovle-euq zanrdawq-aq, Pyur hawr-eu shuir marbyav artanr armyaer byav navmaqtser muiqdzaeq-eu mae.

Jaceuq 19:10

Shuir navmaqtser muiq duidui-eu, shuir navmaqtser geufmawf paq-aer ghae-awr, Byaqyav-anr nae yoerdov lef-eu byaquir navmaqtser coerdzaeq-eu mae.

Dawqdaq 16:16

Shuir za-eu navmaqtser, Zaqsiq tsawrganr za-eu arnavni muiqdzaeq-eu nga. Pyur za-eu navmaqtser, ghovshaw nya-eu jeq za’ni tsergeuf-eu tsaq mae.

Dawqdaq 30:6

Yaerdawq-anr tiqjeq-iq taq dawvlanq. Maqngeur nar-aq, Miqyaer, nawq-anr maeqparlar ngae, Nawr-aq, jaqmyawf nga laer dovlar taef-a.

Dawqdaq 8:10

Pyur-anr navmaqtser, ngaq-euq maeqdawq tsovdawq-anr hageuf-awr, Muiq-eu shuir-anr navmaqtser, siqnya-eu tsawrganr-anr hageuf-awq.

Gʼaˬkʼehˇ 20:30

Khoeruqtaf, nawmaf-euq lafkhoer tsawrhaq tiqpavnav deuq dovlar-awr, zaqlanr deuq, aqyawf maf-euq maeqnan cantae larni, yawtsaq yawdawr-euq dawq-anr yurpyawv taef-a.

Lormav 16:17

Aqyuif aqnyir deuq-or! Nawmaf nae yadzaw-euq dawqmaeq dawqtsov naeq-aer dawrnaq-aer mr-eu lafkhoer, aqcawq-anr bighawq bighaer-ir-awr, sanqtif bitif-eu tsawrhaq deuq-anr garjaw jaw-awq laer ngar, nawmaf-anr tanqshar-eu ma.

1 Gawˇliˬtu 3:11

Aqjeq mirnae aernar-aq, Yeqsur Kali-aq, gawrdanq baetaq-euq dawqpaeq pyeuf-eu mae. Tiqghaq-iq nuijeq nae dawqpaeq maq gawqpar nya-a.

1 Gawˇliˬtu 3:13

yawqghaq navluf, yawqha nae mrtaq-euq lof-aer dovlar taef-a. Aqjeq mirnae aernar-aq, khoerngae nan aqgeu ghaq aqjeq zmq-awr tsov-euq nga laer byacaevni dovlar taef-a. Tsawrhaq yawqghaq navluf nae mr-awr shar-euq jeq-anr miqdzaq nae panmaeq naeqlaf taef-a.

2 Gawˇliˬtu 2:17

Tsawrhaq ghawqmya ghaq, pyur za’ni Miqyaer-euq dawq maeqluf-eu mae. Aerkhawf, nga’maf-aq, khoerlof-aer ghae-eu tsawrhaq maqngeur. Miqyaer-anr nae za-euq lof-aer Miqyaer-euq maeqshi, Kali-euq lafkhoer dawrcoeni maeq-eu ma.

2 Gawˇliˬtu 4:2

Aerkhawf, nga’maf shafdawrlar paq-aer ghae-eu zaftaq-euq jeq byaerdzae jir-awr, jaqmyawf-euq lafkhoer maqdaef-aer, maershuir maqanrni, Miqyaer-euq dawq khawqluf-eu ma. Khoermirnae, Miqyaer-euq maeqshi, tsawrhaq dawqtawv luf-euq zaqsiq nuisiq-anr tsaqni, yawtsaq yawdawr-aq, nga’maf-anr byacaevni ciqpoeq luf-eu mae.

Gawˇlawˇsehˇ 2:8

Tsawrganr siqzaq-euq dawqmaeq hawr-eu gardanr maqtsoeq-eu jaqmyawf maershuir dawqdeuq ngaeqngaeq-aer, nawmaf-anr shuirlar-eu tsawrhaq-anr yanr-awr, tiqghaq nae-iq taqbi shuirtawv. Dawq khoerdeuq-aq, Kali-anr maqtaf-aer, tsawrhaqzaq-euq zanroer-anr taf-eu dawq hawr-eu, mirtsaq-euq zanrsanrkhof-anr taf-eu dawqdeuq mae.

1 Tiˆmoˇseˬ 6:3

Tsawrhaq tiqghaqnav, aqdui-euq Sanqpaq Yeqsur Kali-euq dawq hawr-eu Miqyaer-anr yawzeu baw-eu dawqmaeq dawqtsov-anr maq tsaqler-eu, beugar-eu jeq maeq nar-aq,

2 Tiˆmoˇseˬ 2:20

Nymr nymrma tiq nymr-euq lafkhoer, pyur hawr-eu shuir nae taevtaq-euq keuka taef-aer jav-eu maqngeur-a. Darkawq nae janrtaq-euq hawr-eu mirtsaq nae taevtaq-euq deuq khawf jav-eu mae. Tiqpavnav deuq-aq, yawbuibui ngae zmq-awr, tiqpavnav deuq-aq, kharngeur ngae zmq-eu mae.

2 Tiˆmoˇseˬ 3:13

Aerkhawf, yawdoer jeq mr-eu tsawrhaq hawr-eu jaqmyawf maershuir shuir-eu tsawrhaq deuq-aq, ngaeq-aer nar-aq ngaeq-aer doerdzaeqlar taef-a. Aqyawfmaf, aqcawq-anr maershuir shuir-eu lof-aer, aqcawq khawf aqyawf maf-anr maershuirshuir taef-a.

2 Tiˆmoˇseˬ 3:7

Aqyawf maf-aq, aqmyanluf dzawluf-eu khawf, yawtsaq yawdawr jeq-anr tiqjawr-iq maq siqnya lar-a.

2 Tiˆmoˇseˬ 4:3

Aqjeq mirnae aernar-aq, tsaq-awr tsanr-eu dawqmaeq dawqtsov-anr maq narhaq nanr-eu aryamq keuvle taef-a. Aqyawfmaf narhaq mawf-eu jeq taef-aer narhaq-awr, yawqha-euq nuima-anr tsaqni maeq-awr tsov-eu saqlaq ghawqmya ghaq povuiq taef-a.

HeˬByehˇ 13:9

Nawmaf, beugar-eu dawqmaeq dawqtsov kharngeur-eu jeq-anr taq cantae-ir. Aqjeq mirnae aernar-aq, dzaqdzaq dawrdawr-euq baqda’nae maqngeur-eu, guiqlanq yawdzanr-euq lafkhoer nuima bi zifdzaeq lar-eu-aq, muiqdzaeq-eu mae. Dzaqdzaq dawrdawr-aq, dzaqdzaq dawrdawr nae bi uvlanr taq-eu tsawrhaq khoerghaq-anr tiqjeq-iq gardanr maqtsoeq-a.

1 Beˬtuˆluˆ 1:7

Miqdzaq nae tsermr haw-euq khawf, cawv-ir nya-eu shuir navmaqtser poeq-eu, nawmaf-euq jan-eu jeq yawmar ngar-a laer, Yeqsur Kali-anr byacaevni ya’mawr ngae nan, nawmaf-anr jaceuq naeqlaf-awr, yawshaef khanqsaer bifnaeq laf-eu uqtaf, taqhuiq taqmanr naeqlaf taef-a.

Panmaeq 2:14

Aerkhawf, ngar, nawq-anr aer paq-aer ghae-eu heumyav jeq jav-eu ma. Nawr jawr-eu gar, Baqlamq-euq dawqmaeq dawqtsov-anr cantae-eu tsawrhaq bijawr-euq mae. Dawqmaeq dawqtsov khoer-aq, Irsaqleqlav-euq zaqdeuq sanqtif bitif-eu laer, tanqpanq aqma mawrkawr-anr lawrnaeq-euq lawrdzar dzaqni hawr-eu, banq-awr khaqmiq sheuni, Baqlamq nae Baqlaer-anr maeqnaeq-euq mae.

Panmaeq 21:18

Meuq heumeuq-euq lanr-aq, yawbyaf byaf-aer ghae-eu khaqlo saer nae ciqtaq-euq mae. Meuq-aq, zawr shawr-eu shuir nae tsovtaq-awr, jeq-oq lof-aer shawrjaevni ghae-eu mae.

Panmaeq 3:18

Ngar, nawq-anr maeqbawq bifnaeq nyar. Nawr smrmuiq muiqlarni, ngar jawr-eu gar miqdzaq nae kharshawr taq-euq shuir zeurlar-awq. Nawr nermyawvni shafdawrlar paq-aer jawr-eu gar aqcawq maqya hawmawrni, maeqtsoeq yawpyur zeurdm lar-awq. Khoeruqtaf, nawq-euq myavnuiv mawrnya larni, myavnuiv-anr laef-eu javghaq zeurlar-awq.