1 Gawˇliˬtu 2:8 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Mirtsaq heu-euq khoertav uvlanr-eu deuq, tiqghaq-iq zaqsiq tsawrganr heu-anr maq siqnya-a. Aqyawfmaf siqnya lawnmr-aq, yawshaef khanqsaer huiq-eu Sanqpaq-anr maq tafsaef-ar.

Akha

⁸ Miˇ tsaˬ heu kʼoeˇ taˆ uˆ lahˇ-eu sahˬ paˬ sahˬ ma deuˬ zaˬ siˬ tsawˇ gahˇ kʼoeˇ-ahˇ tiˬ gʼaˬ-iˬ maˬ siˬ nya-aˬ. Siˬ nya law nmˇ-aˬ, yaw shehꞈ kʼahˬ sehˇ huiˬ dui dui-eu Sahˬpaˬ-ahˇ laꞈ yaꞈ kʼoeˇ taˆ maꞈ taꞈ sehꞈ-aˇ.

1 Gawˇliˬtu 2:8 ပူးပေါင်းရင်းမြစ်များ

Maꞈtehˬ 11:25

Khoerngae, Yeqsur heulof-aer aer-eu mae: “Mq hawr-eu mir-euq Yawsanr pyeuf-eu Aqda-or! Ngar, nawq-anr jaceuq ma. Aqjeq mirnae aernar-aq, nawr, zaqsiq tsawrganr anr-eu tsawrhaq hawr-eu noeqdanr doe-eu tsawrhaq-anr nae garkawv heudeuq zaftaq-awr, zaqnanq deuq-anr panmaeq naeq-eu mae.

Maꞈtehˬ 13:22

Aqgan daefmyaq-eu tsanr-anr ga-ir-euq deuq-aq, tsawrhaq tiq ghaq, Miqyaer-euq dawq yagaq-euq khawf, mirtsaq-euq khoertav jawr ngae, khanqlanr-eu jeq hawr-eu pyurshuir myawqganq-euq jaqmyawf maershuir nae, dawq khoerdeuq-anr uvtaeq taq-euq mirnae, arsiq maq siqle nya-eu gar aer-eu mae.

Luˇkaꞈ 23:34

Khoerngae, Yeqsur aer-eu, “Aqda-or! Aqyawf maf-euq iqbax-anr pyaeqnaeq-awq. Aqjeq mirnae aernar-aq, aqyawfmaf aqjeq mrluf-eu le laer aqyawfmaf maq siqnya-a.” Khoerngae, aqyawfmaf shaevtsaq tsaq-awr, Yeqsur-euq maeqtsoeq birgeuf-euq mae.

Yoˇhaˬ 16:3

Aqyawfmaf, Aqda-anr maq siqnya-aer, ngaq-anr khawf maq siqnya-euq mirnae, nawmaf-anr khoerlof-aer janrlar taef-a.

Yoˇhaˬ 7:48

Uvlanr-eu deuq hawr-eu Paqliqsaer deuq, aqyawf-anr janlar-euq tsawrhaq tiqghaqnav jawr mae lor?

Yoˇhaˬ 8:19

Khoerngae, aqyawfmaf, aqyawf-anr aernaeq-eu, “NawqDa aqgeugar jawr-eu la?” Yeqsur aerkhof naeq-eu, “Nawmaf, ngaq-anr maq siqnya-a, ngaqDa-anr khawf maq siqnya-a. Nawmaf, ngaq-anr siqnya lawnmr-aq, ngaqDa-anr khawf siqnya taef-a.”

Gʼaˬkʼehˇ 13:27

Yeqlursaqlaeq-anr jawr-eu tsawrhaq hawr-eu aqyawf maf-euq sanqpaq deuq-aq, aqyawf-anr maq siqnya-eu uqtaf, landaw jawrnan yawqjaw navluf guiluf-eu, Miqyaer gharduq ngaeqdan-eu deuq nae boftaq-euq sanqbof-anr khawf, maq ghovshaw nya-eu mirnae, dawq khoerdeuq byanlarni aqyawf-anr yarkhaq dar-euq mae.

Gʼaˬkʼehˇ 7:2

Khoerngae, Saqteqpaq heulof-aer aerkhof naeq-euq mae: “Aqyuif aqnyir hawr-eu aqda deuq-or! Narhaq sher-eq. Aqdui-euq aqpoeq Aqbyaqhaq, Harlaq meuq-anr maqjawr-ir-euq minav-aer, Meqsoqpoqtaqmir mirkhanq-anr jawr ngae, yawshaef khanqsaer huiq-eu Miqyaer, aqyawf jawr-eu gar dovle-awr,

1 Gawˇliˬtu 1:20

Tsawrganr anr-eu tsawrhaq aqgeugar jawr-eu la? Zanr maeq-eu tsawrhaq aqgeugar jawr-eu la? Heuzir-euq lafkhoer ghawqmya jeq siqnya-awr pyaermawf-eu tsawrhaq aqgeugar jawr-eu la? Miqyaer, mirtsaq-euq zaqsiq tsawrganr-anr, gardanr maqtsoeq-eu jeq bipyeuf-ir-euq maqngeur-a lor?

1 Gawˇliˬtu 2:6

Nga’maf saflar paw tsawrkhav khavlar-euq deuq-euq ghanrcae zaqsiq tsawrganr-euq garkawv ja-eu ma. Aerkhawf, heuzir-anr taf-eu zaqsiq tsawrganr maqngeur-eu, piq-ir byov-ir luf-eu heuzir-euq khoertav uvlanr-eu deuq-euq zaqsiq tsawrganr khawf maqngeur-a.

2 Gawˇliˬtu 3:14

Aqyawf maf-euq nuima-euq myavnuiv-aq, baef-ir taq-euq mae. Iqnan keuvni dawqma sarjax yawoer-anr gui ngae, daeqkaq taq-euq saqpar khoer maq yurdzae-aq siq. Aerkhawf, Kali-euq lafkhoer saqpar khoer yurdzae-euq mae.

Eˇpeˇsu 1:17

Aqdui-euq Sanqpaq Yeqsur Kali-euq Miqyaer pyeuf-eu, yawshaef khanqsaer-euq Aqda, nawmaf-anr zaqsiq tsawrganr hawr-eu panmaeq-eu Saflar bifnaeq-awr, aqyawf-anr siqnya-eu tsawrganr anrlarni, ngar guiqlanq sharluf-eu ma.

Eˇpeˇsu 4:18

Aqyawf maf-euq nuima myavbaef baef-ir-euq mirnae, aqyawfmaf tiqjeq-iq maq siqnya’ni pyeuf-ir-awr, Miqyaer nae biftaq-euq yawdaef daef-eu jeq-anr nae zanrdof kaq-ir-euq uqtaf, ghovshaw nya-eu jeq zanrtsuini pyeuf-ir-euq mae.

1 Tiˆmoˇseˬ 1:13

Dzeurlaf ngae, ngar-aq, aqyawf-anr yaeqbawq saerlu-aer aer-awr, khaeqnaeq khavnaeq-euq uqtaf, khar janrnaeq mawf-eu lof-aer janrnaeq-euq tsawrhaq ma. Aerkhawf, ngar maqjan-eu lafkhoer maq siqnya-aer janr-euq mirnae, aqyawf, ngaq-anr ghawqshaq gaqnaeq laf-euq mae.

Yaˬkoˆ 2:1

Ngaq-euq aqyuif aqnyir deuq-or! Nawmaf myavpyawq huiqnyir tser-eu jeq hawr-eu yawshaef khanqsaer huiq-eu Sanqpaq Yeqsur Kali-anr jan-eu jeq taq nyaefbawv.