1 Gawˇliˬtu 2:6 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Nga’maf saflar paw tsawrkhav khavlar-euq deuq-euq ghanrcae zaqsiq tsawrganr-euq garkawv ja-eu ma. Aerkhawf, heuzir-anr taf-eu zaqsiq tsawrganr maqngeur-eu, piq-ir byov-ir luf-eu heuzir-euq khoertav uvlanr-eu deuq-euq zaqsiq tsawrganr khawf maqngeur-a.

Akha

⁶ Guiˬ lahˬ saꞈ laˇ paw gʼaˬ kʼaˆ loꞈ laˇ-euˬ tsawˇ haˬ deuˬ-ahˇ-aˬ, zaˬ siˬ tsawˇ gahˇ-euˬ dawˬ mehˬ-euˬ ma. Ehˇ kʼawꞈ, zaˬ siˬ tsawˇ gahˇ kʼoeˇ-aˬ, miˇ tsaˬ heu-ahˇ taꞈ-eu zaˬ siˬ tsawˇ gahˇ maˬ ngeuˇ-a. Piˬ-iˇ byoˆ-iˇ luꞈ-eu miˇ tsaˬ heu kʼoeˇ taˆ uˆ lahˇ luꞈ-eu baoˬ kʼoeˇ deuˬ-euˬ zaˬ siˬ tsawˇ gahˇ kʼawꞈ maˬ ngeuˇ-a.

1 Gawˇliˬtu 2:6 ပူးပေါင်းရင်းမြစ်များ

Jaceuq 146:4

Aqyawf maf-euq saf tsaev ngae, mirtsaq-anr parya ghofur-ir-awr; Khoerngae nan, aqyawf-euq bawqtov byovjir-eu mae.

Jaceuq 33:10

Ya’we Miqyaer, mirkhanq tsawrjeuq-euq maeqbawq-anr yawqngaef-aer bipyeuf-ir-awr; Tsawrhaqzaq nae bawqtov tov-euq jeq, gardanq maqbi tsoeqlerni janrnaeq-eu mae.

Jaceuq 37:37

Aerkhar maqza-eu tsawrhaq-anr hawtsov taq-awr, Dawrcoeni ghae-eu tsawrhaq-anr hawtaq-awq; Aqjeq mirnae aernar-aq, tsaqler dzoerlerni mr-eu tsawrhaq-aq, Arsaq yawmuiq-aer saqnya taef-a.

Maꞈtehˬ 13:22

Aqgan daefmyaq-eu tsanr-anr ga-ir-euq deuq-aq, tsawrhaq tiq ghaq, Miqyaer-euq dawq yagaq-euq khawf, mirtsaq-euq khoertav jawr ngae, khanqlanr-eu jeq hawr-eu pyurshuir myawqganq-euq jaqmyawf maershuir nae, dawq khoerdeuq-anr uvtaeq taq-euq mirnae, arsiq maq siqle nya-eu gar aer-eu mae.

Maꞈtehˬ 19:21

Yeqsur, aqyawf-anr aernaeq-eu, “Nawr byan-eu tsawrhaq pyeufmawf nar-aq, ghof-ir-awr, nawr kharjav-eu jeq dawqtawvluf anqdzae-awr nae, shaq-awr zanq-eu deuq-anr birnaeq-ir-awq. Khoerlof-aer janr nar-aq, mq-euq khoertav pyurshuir myawqganq javlar taef-a. Khoernar-aq, ngaq-euq maeqnan cantae lar-awq.”

Maꞈtehˬ 5:48

Khoermirnae, mq-euq khoertav jawr-eu nawmaf-euq Aqda byan-eu lof-aer nawmaf khawf byanlar-awq.

Luˇkaꞈ 16:8

Maqdawr-aer maqtsaq-eu myawqganq hawpir-eu heughaq zaqsiq tsawrganr zmqnya-eu mirnae, yawsanr ghaq, aqyawf-anr jaceuq-euq mae. Mirtsaq-euq zaqdeuq-aq, aqyawf maf-euq heuzir lafkhoer, yawshaef-euq zaqdeuq navmaqtser zaqsiq tsawrganr zmqnya dzaeq-eu mae.

1 Gawˇliˬtu 1:28

Miqyaer jav-eu deuq-anr lavbyov-eu laer, mirtsaqzaq nae taqteq-awr nodzae taq-euq deuq, tiqjeq-iq maqjav-a laer sawxtaq-euq deuq-anr tserdov-euq mae.

1 Gawˇliˬtu 12:8

Muiq-eu Saflar-aq, tiq ghaq-anr zaqsiq tsawrganr-euq dawq bif-awr, muiq-eu Saflar heughaq, tiq ghaq-anr-aq, siqnya-eu tsawrganr-euq dawq bif-eu mae.

1 Gawˇliˬtu 14:20

Aqyuif aqnyir deuq-or! Ghovshaw nya-eu paw-aq, nawmaf, zaq lof-aer taqpyeuf. Aerkhawf, yawdoer jeq mr-eu paw-aq, zaq lof-aer pyeuf-awr, ghovshaw nya-eu paw-aq, tsawrkhav pyeuf-awq.

1 Gawˇliˬtu 2:1

Aqyuif aqnyir deuq-or! Arhu ngar, nawmaf jawr-eu gar oe-awr, Miqyaer-euq sarkir garkawv maeqle ngae, narhaq muiq-eu artiv yawgor-euq dawq hawr-eu zaqsiq tsawrganr anr-eu dawq ngaeqngaeq-aer maeq-euq maqngeur.

1 Gawˇliˬtu 2:13

Khoermirnae, nga’maf guiqlanq heudeuq-euq garkawv ngaeq ngae, tsawrhaq-euq zaqsiq tsawrganr maeq-eu lof-aer ngaeq-eu maqngeur, Yawshawr Saflar maeqnaeq laf-eu lof-aer ngaeq-eu ma. Saflar paw-euq garkawv ngaeq ngae, saflar paw taf-eu deuq-anr ciqcaev-awr ngaeq-eu ma.

1 Gawˇliˬtu 2:8

Mirtsaq heu-euq khoertav uvlanr-eu deuq, tiqghaq-iq zaqsiq tsawrganr heu-anr maq siqnya-a. Aqyawfmaf siqnya lawnmr-aq, yawshaef khanqsaer huiq-eu Sanqpaq-anr maq tafsaef-ar.

1 Gawˇliˬtu 3:1

Aqyuif aqnyir deuq-or! Ngar, nawmaf-anr saflar paw-euq tsawrhaq-anr ngaeqcawq-eu lof-aer maq ngaeqcawq nya-eu mirnae, shiqshaq paw-euq tsawrhaq hawr-eu Kali-euq lafkhoer arner zaqnanq-anr ngaeqcawq-eu lof-aer taef-aer ya ngaeqcawq-eu mir-a.

2 Gawˇliˬtu 1:12

Nga’maf heulof-aer khanqsaer jaev-eu ma. Nga’maf, mirtsaqzaq-euq maeqshi khawf, khoernav maqtser nawmaf-euq maeqshi khawf, Miqyaer-anr yawzeu baw-awr nuima shawrjaevni taq-awr, Miqyaer-euq lafkhoer dawrcoeni daef-euq ma laer, nga’maf-euq zaqsiq nuisiq sarkir kamqluf-eu mae. Nga’maf shiqshaq-euq zaqsiq tsawrganr-anr ghoe-awr nae maqngeur-eu, Miqyaer-euq guiqlanq yawdzanr-anr ghoe-awr khoerlof-aer mr-euq ma.

2 Gawˇliˬtu 13:11

Aqyuif aqnyir deuq-or! Ghawqdawq ngaeq-awr arsaqsaq ma. Nawmaf byanlar-awr, nuima sarlar-awr, nuinoeq tiqjeq taef-aer taq-eu uqtaf, tiqghaq tirghaq tsaqler dzoerler-awq. Khoerlof-aer janr nar-aq, gaq-eu jeq bif-awr nuisar bif-eu Miqyaer, nawmaf naeq-aer jawr taef-a.

2 Gawˇliˬtu 4:3

Nga’maf maeqluf-eu guiqlanq dawq-anr daeqkaq taq-euq jav-eu ngeur nar-aq, cawv-ir luf-eu tsawrhaq-euq gharduq daeqkaq taq-euq mae.

2 Gawˇliˬtu 4:4

Maqjan-eu tsawrhaq-anr Miqyaer-euq shaevdzeuf pyeuf-eu Kali-euq yawshaef khanqsaer byadov lef-eu guiqlanqdawq, maqbi bya’naeq-eu gharduq, heuzir-euq miqyaer, aqyawf maf-euq nuima-euq myavnuiv bibaef-ir taq-euq mae.

Eˇpeˇsu 2:2

Khoerngae, nawmaf-aq, mirtsaq heu-anr taf-eu canjeq cankawv-euq lafkhoer daef-awr, mq-anr aryaq jav-eu mqsanr-euq maeqnan can-euq mae. Nymq-mr uvlanr-eu saflar heu, maq narhaq geuf-eu tsawrhaq-euq lafkhoer gar mrluf-eu mae.

Gawˇlawˇsehˇ 1:28

Nga’maf, aqyawf-euq garkawv dawqmaeq maeq-eu-aq, tsawrhaq yawqghaq navluf, Yeqsur Kali-euq lafkhoer tsawrkhav khavlar-euq tsawrhaq lof-aer a’naeq-eu gharduq, yawqghaq navluf yanryanr-aer daefnya’ni, zaqsiq tsawrganr dawqtawvluf zmq-awr, maeqnaeq tsovnaeq luf-eu ma.

Gawˇlawˇsehˇ 4:12

Nawmaf-euq lafkhoer Kali-euq kuirlaf zaqkhav pyeuf-eu Irbaqpaqlar, nawmaf-anr dawqcawq puqanr lef-euq mae. Nawmaf, Miqyaer nuima tsaq-eu yawqjeq navluf-euq lafkhoer, zifdanni yawfnya lar-awr byanlarni, aqyawf aqmyanluf laejae-awr guiqlanq yawkhav-aer sharluf-eu mae.

HeˬByehˇ 5:14

Dzar yawzae-aq, tsawrkhav khavlar-euq deuq-euq gharduq mae. Aqyawf maf-aq, yawqha-euq nuima-anr maeq-awr, yawmuiq hawr-eu yawdoer tserpav birpav nya’ni, mrdzaw shardzaw dzaw-euq tsawrhaq mae.

HeˬByehˇ 6:1

Khoermirnae, Kali-anr taf-eu dzawdanq bae-eu garkawv taef-aer jaja-aer maqpar jawr-aer, aqdui tsawrkhav khavlarni, garkawv heudeuq-anr dawqpaeq baepar baepar-aer maqpar jawrni maeqhu paw le kar-eur: gar yawshir-anr nae noeqpov noeqpar-eu, Miqyaer-anr jan-eu jeq-euq garkawv,

Yaˬkoˆ 3:15

Khoerlof-aer ghae-eu zaqsiq tsawrganr-aq, mq-anr nae dovle-euq maqngeur-a. Mirtsaq-anr taf-eu, shiqshaq-anr taf-eu hawr-eu naef-anr taf-eu zaqsiq tsawrganr mae.

Yaˬkoˆ 3:2

Aqdui yawqghaq navluf, ghawqmya jeq-anr sanqtif tifnya mir-a. Aerkhawf, dawq maq ngaeqbanq maq ngaeqlaeq-eu tsawrhaq-aq, byan-eu tsawrhaq pyeuf-awr, yawqha-euq mawrdo dawqtawv luf-anr ghaqler nya-eu maeqkawf dawvtaq-euq tsawrhaq mae.

1 Beˬtuˆluˆ 5:10

Nawmaf shaqzanq tiqkhaeq daqghaq-euq nar-aq, Yeqsur Kali-anr ghoe-awr, aqdui-anr mqmaq maqbyav yarzir zif-eu yawshaef khanqsaer jav-eu gar kurlaf-euq guiqlanq yawdzanr dawqtawv luf-euq Miqyaer, nawmaf-anr bi byanlar-awr, bi ziflar-eu uqtaf, ghaq bi khavlar-awr, bi jawrzif naeqlaf taef-a.