1 Gawˇliˬtu 16:2 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Yawqjaw navluf-euq yawbae ngae nan, nawmaf yawqghaq navluf yawqha nae za-euq gar geuxni pyur yurdov-awr jeqhmq taq-awq. Khoerlof-aer janr nar-aq, ngar larkeuv ngae, pyur tafuiq-eu laer maqya ghae-ar.

Akha

² Tiˬ jaw laꞈ kʼoeˇ aˇ dahˬ beh-eu nah aˬ yawꞈ nah yawꞈ, naw maꞈ yawˬ gʼaˬ na luꞈ yawˬ ha neh kʼaˇ poˆ za-euˬ loꞈ-ehˇ geuˇ ni pyuˇ daˬ ui cuiˆ yuˇ doˆ-awˇ jeˬ hmˬ taˬ-awˬ. Kʼoeˇ loꞈ-ehˇ jahˇ naˇ, ngaˇ oe ngeh naw maꞈ pyuˇ taꞈ uiˬ-eu maˬ loˬ-aˇ.

1 Gawˇliˬtu 16:2 ပူးပေါင်းရင်းမြစ်များ

Maˬkuˆ 14:8

Aqyawf-aq, aqyawf khar ghaenya-eu lof-aer janr-euq mae. Ngaq-anr duqpanq-eu gharduq, maq duqpanq-euq minav-aer, aqyawf, ngaq-euq mawrdo-anr tsir yawsaw shaevdav naeqlaf-euq mae.

Luˇkaꞈ 16:10

Yawnyir jeq-anr sarjax zif-eu tsawrhaq-aq, yawhuiq jeq-anr khawf sarjax zif taef-a. Yawnyir jeq-anr maqdawr-aer maqtsaq-eu tsawrhaq-aq, yawhuiq jeq-anr khawf maqdawr-aer maqtsaq-ar.

Luˇkaꞈ 24:1

Tiqjaw-euq lafkhoer yawbae ngae nan uqbya byataw, zaqmiq aqbur khoerdeuq, aqyawfmaf nae laeqhmq taq-euq yawsaw jeq yur-awr, zaqmiq aqbur nuideuq naeq-aer lmqbymr-anr ir-euq mae.

Yoˇhaˬ 20:19

Khoernar-aq, tiqjaw-euq lafkhoer yawbae ngae nan, uqcif paw zaqlanr deuq, Yurdav tsawrhaq-anr guv-eu mirnae, aqyawfmaf uiqler taq-euq jawrduq-euq larghov piqtaeqjir taq-euq mae. Khoerngae, Yeqsur urlar-awr, aqyawf maf-euq ghanrcae yawf-awr aqyawf maf-anr aernaeq-eu, “Nawmaf, nuisar of luf-ur!”

Yoˇhaˬ 20:26

Khoernar-aq, yaef nan dzeur-ir-awr, aqyawf-euq zaqlanr deuq, nymr-euq lafkhoer par uiqler-awr jawr ngae, Tormav khawf aqyawfmaf naeq-aer jawrluf-eu mae. Aqyawfmaf larghov dawqtawvluf piqtaeqjir taq-awr jawrluf ngae, Yeqsur urlar-awr, aqyawf maf-euq ghanrcae yawf-awr aer-eu, “Nawmaf, nuisar of luf-ur!”

Gʼaˬkʼehˇ 20:7

Tiqjaw-euq lafkhoer yawbae ngae nan, nga’maf kaqmur ngawqpyaeq-eu laer uiqler-euq ma. Pawrluv nishawq ngae nan dov-ir-eu laer ghae-eu mirnae, saerghanr caelar ngae keuvni dawqmaeq maeq-euq mae.

2 Gawˇliˬtu 8:10

Ngar, garkawv heukawv-anr taf-eu, ngaq-euq nuinoeq nawmaf-anr heulof-aer aernaeq-eu ma. Heu-aq, nawmaf-euq gharduq yawmuiq mae. Aqjeq mirnae aernar-aq, nawmaf gar heuhmq mrmawf-awr, mirnuivkhof nae mrdanq baetaq-euq mae.

Panmaeq 1:10

Ngar, Sanqpaq Miqyaer-euq arnan-anr, muiq-eu Saflar-euq lafkhoer jawrluf ngae, darhae tersar lof-aer ngaq-euq narkhan paw, khav duidui-eu tersar-anr yagaq-euq ma.