1 Gawˇliˬtu 16:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Tsawrshawr deuq-euq gharduq pyurdamq yuruiq-eu garkawv-anr tafler-awr nae ngar heulof-aer aer-eu ma. Ngaq nae Gaqlaqtiv-anr jawr-eu Kalizaq armur deuq-anr khaertaq-euq lof-aer, nawmaf khawf mr-awq.

Akha

¹ Nymˬ-mˇ poˆ jawˇ-aˬ, Yuˇdaˆ miˇ kʼahˬ-ahˇ jawˇ-eu aˬ yuiꞈ aˬ nyiˇ Ka li zaˬ deuˬ-ahˇ caw ba nehˬ-eu gʼaˇ duˬ pyuˇ daˬ gʼoˆ uiˬ-eu gaˇ kawˆ naw maꞈ neh ngaˇ jawˇ gaˇ boꞈ ahˇ laꞈ-euˬ gaˇ kawˆ-ahˇ taꞈ leˇ-awˇ, ngaˇ heu loꞈ-ehˇ ehˇ-eu ma. Gaˬlaˬtiˆ miˇ kʼahˬ-ahˇ jawˇ-eu Ka li zaˬ aˇ muˇ deuˬ-ahˇ ngaˬ neh ehˇ nehˬ-euˬ loꞈ-ehˇ naw maꞈ mˇ-awˬ.

1 Gawˇliˬtu 16:1 ပူးပေါင်းရင်းမြစ်များ

Gʼaˬkʼehˇ 11:28

Aqyawf maf-euq lafkhoer, Aqgaqbar laer kur-eu tiq ghaq turlar-awr, muiq-eu Saflar sheuqghae-eu lafkhoer, mirtsaq doeni maefdui shuf duidui-eu jeq keuvle taef-a laer bimawr-euq mae. Maef-awr shuf-eu khoer-aq, sanqpaq Gaersaq Gaqlawrdir dzoeqdzaq mrluf ngae keuvle-euq mae.

Gʼaˬkʼehˇ 11:30

Aqyawfmaf nae noeqtsaev taq-euq lof-aer mr-awr, Baqnaqbar hawr-eu Sawrluv-euq aqlaf-anr ghoe-awr nae Kalizaq armur-euq aqyuif aqtsu deuq jawr-eu gar bi shaha ler-euq mae.

Gʼaˬkʼehˇ 16:6

Khoerngae, Aqsir mircoer-anr Yaerdawq maqbi maeqni Yawshawr Saflar lavtsoeq-eu mirnae, aqyawfmaf, Puqgir hawr-eu Gaqlaqtiv mirkhanq irpav ghae-euq mae.

Gʼaˬkʼehˇ 18:23

Pawrluv khoergar tiqkhaeq jawr-euq nar-aq dov-ir-awr, Gaqlaqtiv hawr-eu Puqgir mirkhanq tiqgar sair tiqgar ir-awr, zaqlanr dawqtawv luf-anr ghaq bif-euq mae.

Gʼaˬkʼehˇ 24:17

“Heumyav khof dzeur-ir-euq nar-aq, ngar, ngaq-euq tsawrjeuq tsawrca-euq shaqzaq-anr cawba-eu gharduq gamfnaeq-eu jeq hawr-eu lawrnaeq-eu jeq shaha ler-euq ma.

Gʼaˬkʼehˇ 9:13

Khoerngae, Aqnaqnir heulof-aer aerkhof naeq-euq mae: “Sanqpaq-or! Tsawrhaq heughaq-aq, Yeqlursaqlaeq-anr jawr-eu nawq-euq tsawrshawr deuq-anr arnavni lavtanq lavnar naeq-euq garkawv, ngar, ghawqmya ghaq ja-eu gar yagaq-euq ma.

Gʼaˬkʼehˇ 9:41

Khoerngae, Beqtuvluv, aqlaf cawqja-awr, aqyawf-anr gheutur naeq-euq mae. Khoernar-aq, tsawrshawr deuq hawr-eu miqcoeq miqma deuq-anr kurlaf-awr, Dawkar yawdaef-aer aqyawf maf-anr a’naeq-euq mae.

Lormav 12:13

Tsawrshawr mawf-eu jeq-anr cawba naeq-awq. Aqcawq-anr hageuf mawf-eu nuima anr-awq.

1 Gawˇliˬtu 11:34

Nawmaf uiqler ngae, yawqha-euq khoertav yarkhaq dar-eu jeq maqya keuvleni, tsawrhaq tiqghaqnav hawq maef nar-aq, irkanr dzaq-eu tsaq mae. Garkawv nuideuq-aq, ngar, nawmaf jawr-eu gar lar ngae ja’maeqnaeq ma.

1 Gawˇliˬtu 16:15

Aqyuif aqnyir deuq-or! Ngar, nawmaf-anr shar ma. Saqteqpaqna paeqzaq-aq, Aqgaqyar-euq lafkhoer siqbae baele-euq arsiq pyeuf-awr, tsawrshawr deuq-euq guiqlanq-euq gar mr-eu laer, aqyawf maf-euq mawrdo a’naeq taq-euq garkawv nawmaf siqnya mae.

1 Gawˇliˬtu 4:17

Khoer baqda’nae, Sanqpaq Miqyaer-euq lafkhoer sarjax zif-awr, ngar zawr gaq-eu zaqyo Tivmorseq-anr nawmaf jawr-eu gar bilar-euq ma. Ngar, yawqgar navluf jawr-eu Kalizaq armur dawqtawv luf-anr maeqnaeq tsovnaeq-eu lof-aer, ngar, Kali-anr ghoe-awr mr-eu mrjeq sharkawv aqyawf, nawmaf-anr ja’noeq naeqlaf taef-a.

Gaˬlaˬtiˆ 1:2

Ngaq naeq-aer jawr-eu aqyuif aqnyir dawqtawvluf naeq-aer Gaqlaqtiv-anr jawr-eu Kalizaq armur deuq-anr sanqbof bofanr laf-eu ma.

Gaˬlaˬtiˆ 2:10

Aqyawfmaf, nga’maf-anr irshaqzaq-anr noeqkeuv de-eq laer shar-eu mae. Khoerlof-aer janr-eu-aq, ngar khawf nuima keuv-eu tiqjeq pyeuf-eu ma.

Piˇleˇmoˬ 1:5

Aqjeq mirnae aernar-aq, nawr, Sanqpaq Yeqsur-anr hawr-eu tsawrshawr yawqghaq navluf-anr jan-awr gaq-eu mae laer, ngar yagaq-euq ma.

Piˇleˇmoˬ 1:7

Maernmr-or! Nawr gaqnya-eu mirnae nga’nyaf laqkhaqcaer duidui-awr, nuima sarlar-euq mir-a. Aqjeq mirnae aernar-aq, nawq-euq baqda’nae tsawrshawr deuq-euq nuima ghaqnaq biza-euq mae.

HeˬByehˇ 6:10

Miqyaer-euq tsawrmyanr-anr gaq-eu lafkhoer mrdov shardov laf-euq nga laer bi mawrlarni, dzeurlaf ngae nawmaf nae tsawrshawr deuq-anr cawba naeq-awr, nymq-mr khawf cawba naeqluf-eu gar, Miqyaer-aq, ngaernya-awr maqtsaq maqdawr-eu maqngeur-a.

1 Yoˇhaˬ 3:17

Aqsur ghaq maqkaq, mirtsaq-euq myawqganq jav-awr, yawqha-euq maernmr mawf-eu jeq-anr maq hawdov nya-aer, ghawqshaq gaq-eu nuima piqtaeq nar-aq, Miqyaer-euq gaq-eu jeq aqyawf-euq lafkhoer aqjox-aer anrnya nmr-mq?